آخر 10 مشاركات
مداعبة شعرية لاخوي عبد العزيز بن حشيان (الكاتـب : - آخر مشاركة : - )           »          حنا لنا حصري لقبنا طنايا (الكاتـب : - آخر مشاركة : - )           »          مسكين ياللي تحمل الكبر مهبلك =مايدري ان الكبرساس الضعافه (الكاتـب : - آخر مشاركة : - )           »          عيني على برقا وقلبي مع روق (الكاتـب : - آخر مشاركة : - )           »          ارض الطهاره (الكاتـب : - آخر مشاركة : - )           »          ديوان الشاعر / ضاري الزوبعي (الكاتـب : - )           »          ديوان / الشاعر محمد سوعان الربيع (الكاتـب : - )           »          تهنئه بمناسبة قدوم الشهر الكريم (الكاتـب : - )           »          نسل الفهود الطنايا (الكاتـب : - )           »          ((ليت الرجال يكافحون العقارب)) (الكاتـب : - )

يوتيوب  نشامى  شبكة شمر
إعلانات شهرية
صور كبار وابناء الحسين حسين المجلاء شبكة نشامى شمر
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 27-03-2014   #1


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : منذ 7 ساعات (10:16)
 المشاركات : 2,765 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي ديوان الشاعر / نجم الشعر





الحاتميَّة / بقلمي
يالله ياللي فارضٍ خمس الأركان=أول ركن مبداه لفظ الجلاله
إنك توفقنا على صدق الإيمان=يالواحد اللي معتلي في كماله
ثم ابتدي بالقاف والبال طربان=طاب الشعر ياهل الوفاء والشكاله
أحدد المعنى على راس برزان=حيث الكرم والجود في ظل جاله
سر ياقلم واكتب على صفحة اعلان=هاجوس فكري متجه في شماله
وهداج تيماء يارده كل عطشان=يسقيه ربي من نواشي خياله
أنا الذي لاصار بالقلب وجدان=عبرت عن صدق الخبر في عجاله
الشمري ينومسك في كل الأحيان=يمضي عليك الوقت من طول باله
للشمري عادات والفعل برهان=منها على الترجيح ميلة عقاله
وقولت بعد حيي ترى شانها شان=ولاقال وش نوحك تسلَّق سقاله
أبعد عنه لاصار بالحيل زعلان=وقرِّب منه لاصار بالحيل داله
للسِّلم سلمٍ للمعادين شيطان=وللعلم علمٍ للجهاله جهاله
وللجار جارٍ للمعاسير مزبان=وللجود جودٍ والفخر في دلاله
والليل مايمسي على الضيف جوعان=يقلط على كل الذبيحه لحاله
شمر هلا الطولات والعز والشان=مايذمهم ياكود راع النذاله
أنصحك ياللي تحسب الزود نقصان=وماتفرِّق بين السعوده والعماله
إذهب الى حايل وشاهد بالأعيان=تلقى الكرم والجود مع الأصاله
والحاتميَّه تشعل الجود نيران=ماتنطفي دام الفلك في مجاله
وباق القبايل مالهم أي جحدان=كلٍ على مبداه والطيب فاله
أقولها والصدق للحق ميزان=أحب امدح بس انتبه للعداله
حربي وكلي للوفيين عنوان=أبدع جزيل القاف واترك هزاله
أشوش واطرب لابدا القاف مليان=مافيه مهايط لا لا يالالا لاله
أصون قافي واعتني به بالأوزان=حسب معرفتي والجزاله جزاله
ومن بعدها لغزٍ يزومع بالأذهان=تحتار فيه وتنزعج من هواله
ياويش بنتٍ تجعل الفكر حيران=في نومها تقدر تدور المحاله
تلقى خبرها يعرفه كل إنسان=والسر عند الرب جلَّ جلاله
وصلاة ربي عد ماكاينٍ كان=على نبي الخير راع الرساله


 

قديم 29-03-2014   #2


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : منذ 7 ساعات (10:16)
 المشاركات : 2,765 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي صقرٍ تعلا / بقلمي



صقرٍ تعلا / بقلمي

بديت باسم منزل التين والطور=الواحد المعبود مجري بحرها
الغافر اللي بعفوه الذنب مغفور=كم زلةٍ للعبد ربي غفرها
الرازق اللي عنده الخير موفور=والناس ماتعطي لين الله أمرها
ومن بعدها قافٍ على البوك مسطور=أبوفهد نظم القوافي سطرها
من خاطري جت المعاني على الفور=ودي تظهر للناس بغالي دررها
حتى تليق بعالي الفكر والشور=صقرٍ تعلا لانواها قدرها
خلف بن هذال بالطيب مذكور=مواقفه بالطيب كلٍ ذكرها
لاجاه من يشكي معاناةٍ عسور=قام وتنهض والطويله نحرها
حيث الكرم الجود والطيب له دور=وبن هذال زبونها مقتدرها
له مجلسٍ مفتوح للضيف مخبور=وقولت هلا يامرحبا ماضمرها
والعود الأزرق بين الأحباب مديور=وصينيةٍ فيها السمينه حكرها
ماحط دون الباب قفلٍ وخابور=يوم الردي دون النشامى قصرها
أنت الذي لاصار للعز جمهور=كل النشامى عزكم من فخرها
ولاصار لأوباما ولبلير دستور=دستورك القرآن ترتل سورها
ولاصار للعله عيادات دكتور=طيبك يداوي والكسيره جبرها
شاعر وطن بين الجماهير مشهور=أخذتها بيمناك مااحدٍ نكرها
فوق المنصه ترتجف شعر وشعور=وجزل المعاني فوقها تبتكرها
أمام ملوك العز والدين والنور=آل السعود حماتها عن ضررها
تستاهل البيضاء على خير منظور=ومن عانق الطولات يقطف زهرها
وانت الشجيع ومن شجيعينٍ صقور=ربعك عتيبه لاتبين خطرها
عدوهم في كل الأحوال معثور=عقب الهناء يشوف العناء مع كدرها
وقصيرهم مايشكي الضيم والجور=عاداتهم بالطيب كلٍ خبرها
تاريخهم يذكر على ماضي عصور=من خلقت الدنيا وطلعت قمرها
والطيب ماهو دون الأجواد مقصور=حظي بري والناس مااحدٍ حقرها
هذا الأكيد وغامط الناس مثبور=وكلٍ على ماقيل يجني ثمرها
أقولها والصدق راعيه مشكور =والرابح اللي نعمة الله شكرها
يابو فيصل أمور وأمور وأمور=سود الليالي تتعب اللي سبرها
الوقت قاسي كنه الذيب مسعور =والسمسري كل الأراضي شبرها
كم واحدٍ من ضيم الأيام مقهور=يخفي همومه والليالي سهرها
ماكل من يضحك مع الناس مسرور=وماكل من يبغى المراجل ظفرها
ويشهد على ماقلت غيَّابٍ حضور=والكلمه اللي قلتها مختصرها
ماني على سرد المواضيع مجبور=وقصيدتي عنوانها في نحرها
والحاجه اللي داخل القلب والزور=مااظن غيرك بالجمايل نظرها
عساك تسلم من صواديفٍ شرور=وهذي علومي كلها مع خبرها
وصلوا على من كان بالحق مأمور=نبينا اللي كلمة الله نشرها
إعداد ماغرَّد على الغصن عصفور=واعداد ماترعد ويمطر مطرها


 
 توقيع : نجم الشعر



قديم 31-03-2014   #3


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : منذ 7 ساعات (10:16)
 المشاركات : 2,765 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي مرت سنة / بقلمي



مرت سنة / بقلمي

مرت سنه والعين ماشافتك قط=وانا اتحرى شوفتك بالدقيقه
والهم والهوجاس فيني تسلط=لاجيت ارقد حسيت بالصدر ضيقه
وبديت بالأشعار وحروف ونقط=من هاجسي كل المعاني عميقه
عايش على الآمال واشيل واحط=سألت نفسي حلم والا حقيقه
قال الأمل يابوفهد لاتقنَّط=خلك صبورٍ لو دموعك غريقه
ترى وليفك لو على حالتك شط=وده بشوفك بس ضروفه تعيقه
ياما على شانك حسابه تلخبط=وياما على ذكراك ضيع طريقه
قلت الذي قلته على الوصف بالضبط=عندي وعند الزين نفس الطريقه
وسارت بي الأقدام في جانب الشط=وقمت اتخيَّل صورةٍ للعشيقه
لاشفتها من حبها اقوم وانط=مثل لعب الأطفال وسط الحديقه
مرت سنه والعين ماشافتك قط=وانا اتحرى شوفتك بالدقيقه


 
 توقيع : نجم الشعر



قديم 02-04-2014   #4


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : منذ 7 ساعات (10:16)
 المشاركات : 2,765 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي نسمة النود / بقلمي



نسمة النود / بقلمي

يابنت حبك داخل القلب معهود=وتجددت بين الضماير عهوده
والحب له معنى وملفات وبنود=وانتي معنى حبي وجملة بنوده
يكفيني احساسك على نسمة النود=وريح المطر عقب سحايب رعوده
ويكفيني احساسك على نغمة العود=أنتي قصيدي وانتي الحان عوده
ونور القمر لو نزهمه قال موجود=بين النحر والخد كثف وجوده
الله عطاك الزين والملح والزود=زود الحلا والزين زادك بزوده
كنه على شانك من الشام محدود=يوم استحلك صار يرسم حدوده
لا يابعد كل المزايين والسود=جعل العذارى فدوتك يالعنوده
لاصار حبل الحب والود ممدود=والكل منا وافين في وعوده
أكيد يحصل بيننا كل مقصود=وصيف المحبه تقتفيه البروده
يا الله عساني فيك بالحظ مسعود=أنتي آمال الحظ وانتي سعوده


 
 توقيع : نجم الشعر



قديم 04-04-2014   #5


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : منذ 7 ساعات (10:16)
 المشاركات : 2,765 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي حبــي شـــرف / بقـــــلمي



حبــي شـــرف / بقـــــلمي

يـابـنــت يـالـلــي تـلـبـسـيـن الـنـقـابــي=كـن القـمـر فــي طلـتـه عـنـك مـاغـاب
أنـتــي صوبـتـيـنـي وخــطــرٍ صــوابــي=برموشـك اللـي كنهـا سيـوفٍ حراب
لاواعـــذابـــي مـــنــــك لاواعـــذابــــي=وجـرح الهـوى ماينفعـه طـب الأطبـاب
حــبــك مـنـعـنـي مــرقــدي واسـفـابــي=خـلانــي اعـــدي عـلــى كـــل مـرقــاب
أسـهـر طــوال اللـيـل مــن حــر مـابـي=الله يـعـيـن الـلــي لـــك الـيــوم طـــلاب
الـزيــن كـلــه والـحــلا فــيــك رابــــي=بنـت القصيـم اللـي لـك الديـن محـراب
فيك الحلا والزين وسـتـر الحجـابـي=وفيك الحياء مع حسن الأخلاق وآداب
مــســتـــورةٍ مـاتـقـبـلـيــن الـعــيــابــي=لايـابـعــد نــــوره وتـغـريــد ورحـــــاب
إن قـــام حـظــي يــامــلاء واعـتـنـابـي=بـنـالـي قـصــرٍ مـوَّلــه بـنــك يـانـسـاب
ومــر الحبـيـب الـلـي هويـتـه وجـابــي=الصـاحـب الـلـي ظـنـنـا فـيــه مـاخــاب
وان كـان حـظـي مـثـل ظــل السـرابـي=مـابــاع لـــي ولا اشـتـرالـي ولاجـــاب
يـابـنـت يـالـلـي تنـقـشـيـن الـخـضـابـي=لاتتـركـيـنـي بــيـــن ســهَّـــاب نــهَّـــاب
شيـبـت قـبــل الـشـيـب بـــأول شـبـابـي=ولو عارضي شيب ترى القلب ماشاب
حبـي شـرف واسـلـوب حـبـي إيجـابـي=عـنـدي رومانسـيـة وتوجـيـه وعـتــاب
حــبــي وفــــاء مـافـيــه أي ارتـيـابــي=طـبـعـي كـــذا يـاسـيـدة كـــل الأحـبــاب
طيـفـك لبسـتـه مـثـل مـاالـبـس ثـيـابـي=وطـاريــك مـدوِّخـنـي وللـفـكـر جـــذاب
كــم ليـلـةٍ يـمـك خفـوقـي ســـرى بـــي=سـرى بـي الهوجـاس مـع خـط ديـراب
وتـاهـت عـلـى درب المـحـبـه ركـابــي=كـنـي غـريـبٍ تــاه فــي ديــرة اجـنــاب
والـحـب يـصـنـع مـعـجـزاتٍ اعـجـابـي=وبحر الهوى ماينقصه غرف الأكـواب
مـيـر اسمـعـي يـابـنـت مـنــي جـوابــي=قلـبـي تـصـوَّر لـــك عـنـاويـن وكـتــاب
لــو تسمحـيـن اقــراي معـانـي كتـابـي=وتلقين معنى الحب فـي جملـة اعـراب
ولـيـا عرفـتـي موقـعـي مــن اعـرابـي=كـود الدمـع مـن جفـن عينيـك ينـسـاب
تـــذكــــري رســايــلـــي وانـســيــابــي=وكلـمـة احـبـك تجـعـل طـويـق يـنــذاب
وانتـي قلبـك يـا لـلأسـف مــادرى بــي=وانا احسبني صرت مـن بيـن الأهـداب
يابـنـت لــو طـــال الـجـفـاء والغـيـابـي=أبطـي عليـك وخـاطـري مـنـك مـاطـاب
لـوكـان مــن دونــك تـحـول الصعـابـي=مالـك عنـي وانـا مالـي عـنـك مجـنـاب
عطيـتـك ارقـامـي وكـشـف الحـسـابـي=وبدل مااشرب من اللبن صـرت حـلاب
ماشـفـت زولــك فــي ذهـابـي وآيـابــي=واصبحـت بيـن النـار والـغـار والــداب
يابـنـت لـــو بـقـتـي بـحـضـرت جـنـابـي=ماابوق عهدك دام لـي شـف واعجـاب
ماانـسـاك لـيـن يصـيـر فـوقـي تـرابـي=والشـاهـد المعـبـود هــو رب الأربــاب
نفـسـي مـعـك لــو تسكنـيـن الـروابــي=تجري معك بالدم ومن بيـن الأعصـاب
وانتـي معـي لـو كنـت فـوق السحـابـي=أحـرســك بالعـيـنـيـن والـقـلــب دولاب
إن كـان مـنـك الــود ورايــك صـوابـي=رايــك تمشيـنـه عـلــى كـــل الأقـــراب
وان كـان مـنـك الـصـد جــاك العتـابـي=عـنـدك خـبـر حـبـي وتحلـيـل الأسـبـاب
بــس اطـلـبـك يـابـنـت بـآخــر خـطـابـي=لا تقتليـنـي حــي مـــن صـكــت الـبــاب


 
 توقيع : نجم الشعر



قديم 07-04-2014   #6


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : منذ 7 ساعات (10:16)
 المشاركات : 2,765 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي طي السواني / بقلمي



طي السواني / بقلمي

ياطي قلبي طي طيٍ على طي=طي السواني للرشاء والمحالي
على هنوفٍ زانها العقل والزي=سبحان من صوَّر حسين الدلالي
لامن مشت ياهل الهوى كنها ظبي=إحترت مدري ظبيٍّ والا غزالي
والخد مثل اشراقٍ يتابع الفي=والقد يحكي عن عظيم الجمالي
وجدي عليها وجد من يطلب المي=بارضٍ خلا والحر بالحيل عالي
والا وجود اللي فقد شوفت الحي=وطت على غاليه سود الليالي
ياهل الهوى خلي كوى حالتي كي=لامن ذكرت الزين جاني هبالي
خلي ذبحني بالمحبه وانا حي=يا الله دخيلك ياعزيز الجلالي
ودي بشوفه بس انا ويش بيدي=لاجيت اشوف الزين مابه مجالي
وعيني قزت من نومها والسبب ضي=من بعدها ياناس عزي لحالي
ياليت حظي ياعرب يصحي شوي=واسعد بشوف الزين ويروق بالي


 
 توقيع : نجم الشعر



قديم 08-04-2014   #7


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : منذ 7 ساعات (10:16)
 المشاركات : 2,765 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي عطوني رايكم / بقلمي



عطوني رايكم / بقلمي

عطوني رايكم ياجماعه وعندالله الخيره=عجّلوا علي تراي اليوم محتار في أمري
محتار مدري آخذ الموجهه والا المديره=وقلبي يقول خذ الموجهه وانا مدري
عطوني رايكم والا تراي أباخذ الصغيره=لوكان دمعي على شان الكبيره يجري
لأني سمعتهن قالن لي كلمه شهيره=كل وحده قالت لي احبك يابعد عمري
الموجهه رموش عيونها سيوفٍ شطيره=والا الشفايف اللي كنها لون جمري
والمديره شبت بين ضلوعي سعيره=ماشفت انا مثلها من البيض والسمري
بين الموجهه والمديره حياتي خطيره=لو اتصبَّر مانفعني ياهل الحب صبري
ليتني ماشفتهن بسوق حجاب والديره=من شفتهن والحال ياهل الحب مندمري
وهذي علومي اختصرت الطويله بقصيره=والخير عند اللي بيديه النهي والأمري
عطوني رايكم ياجماعه وعندالله الخيره=عجّلوا علي تراي اليوم محتار في أمري


 
 توقيع : نجم الشعر



قديم 10-04-2014   #8


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : منذ 7 ساعات (10:16)
 المشاركات : 2,765 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي خلوها تحكي / بقلمي



خلوها تحكي / بقلمي

يالله ياللي عندك الغيب معلوم=ياللي تحل عقودها مع كربها
ياواحدٍ من فوق الأكوان قيوم=تفرج همومٍ بالضماير نحبها
ومن بعدها قافٍ على البوك مرسوم=سر ياقلم وابيات شعري اكتبها
أشوفني من بعض الأحوال مهموم=ماهمني فن الفنون وطربها
وماني على فرقى المواليف مهيوم=الله يوفق من تلامع ذهبها
أحوالنا في ماضي الأمس واليوم=خلوها تحكي عن عجايب عجبها
بالأمس بين الناس عاداتٍ سلوم=وبنت السنافي عزها من عربها
واليوم كثر الهرج والمرج واللوم=وبنت السنافي شوف مااحدٍ خطبها
بالأمس بعض الرجال أبطالٍ قروم=كم فارسٍ عوص الأصائل ركبها
واليوم بعض الرجال أنذالٍ رخوم=كم واحدٍ بعض الحقايق قلبها
أقولها وراع الوفاء ذاك محشوم=فكاكها لامن تداعى نشبها
بالأمس يقضي لازمك كل شغموم=النار حيه والكرم هو حطبها
واليوم بعض الناس علومه علوم=يغلط عليك وغلطته ماعتبها
بالأمس بين الناس الطيب ملزوم=كم واحدٍ طيب الفعايل كسبها
والطيب بين الناس بالأمس ملزوم =ومن شانك حياض المنيه شربها
واليوم شف شبابنا كله هموم=حيث البطاله من دواعي سببها
بالأمس رزق الناس في شبه معدوم=لكن غناة النفس تلقى طلبها
واليوم راحت كلها بأول السوم=والسمسري كل الأراضي نهبها
هواميرٍ لو أدت الخمس والصوم=الكل منهم حزمته محتطبها
كم واحدٍ بأسبابهم صار محروم=يدعي ونفسه تحتدم من غضبها
هم الإيجار أبعد عن عيونه النوم=والموزع فاتورة كهربها كتبها
سلام ياصقورٍ على العالي تحوم=جول الحباري ينعثر من عطبها
وصلاة ربي عد ماراجت غيوم=على نبيٍ قادها واحتسبها


 
 توقيع : نجم الشعر



قديم 12-04-2014   #9


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : منذ 7 ساعات (10:16)
 المشاركات : 2,765 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي يابو ياسر / بقلمي



يابو ياسر / بقلمي

أوصيك ياللي تفعل الطيب يمناك=روُّح على شمًّر وبلِّغ سلامي
لاجيت شمَّر قل لَّهم لاعدمناك=قل أبو فهد ينتخيكم شمامي
ياسر سجينٍ حالته كلها ادراك=وامه سهيره عينها ماتنامي
تبكي عليه وحالها كلها ارباك=عزاه ياللي تلبسين اللثامي
ويابو ياسر الله يحقق رجاياك=عزالله اللي مثلكم مايلامي
يابو ياسر أبشر بفزعة طناياك=فزعة شمَّر تروي كبودٍ ظوامي
بإذن الذي تسير بأمره الأفلاك=عقب الشَّدايد تنتهي بالسلامي


 
 توقيع : نجم الشعر



قديم 14-04-2014   #10


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : منذ 7 ساعات (10:16)
 المشاركات : 2,765 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي بين الرجاء واليأس / بقلمي



بين الرجاء واليأس / بقلمي

قضيةٍ هزت مجاميع شمَّر=وتحركوا مثل الجيوش الزواحيف
صوب السجين اللي بقيده مسمَّر=من دونه الحراس والموعد السيف
هذاك ياسر في حياته مدمَّر=بين الرجاء واليأس ماهي سواليف
لكن ذي شمَّر والأحرار ضمَّر=من فوقها كل الطنايا مراديف
مافيهم اللي عن مقامه تأخر=شمَّر هل الفزعات واهل المواقيف
صحيح رقمٍ للمطليب ذمَّر=ولسان شمَّر قال مامن تخاويف
طز بلاثين الملايين واكثر=من شان ياسر ماتهم التكاليف
لو الزمن في وجه الأحوال كشَّر=أفعالهم ماتقبل الشَّك والزيف
ولعيون ياسر كلهم قالوا أبشر=حنا لها يعني لها والفعل شيف
وقضيةٍ هزت مجاميع شمَّر=وتحركوامثل الجيوش الزواحيف


 
 توقيع : نجم الشعر



 

مواقع النشر (المفضلة)


الذين يشاهدون محتوى الموضوع الآن : 8 ( الأعضاء 0 والزوار 8)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:40


Powered by vBulletin® Version 3.8.9
Copyright ©2000 - 2019, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام