آخر 10 مشاركات
ياهـل الضماير .. وينكم عن هل الشام (الكاتـب : - آخر مشاركة : - )           »          ثلاثة أرباع المرض ضيقة البال (الكاتـب : - آخر مشاركة : - )           »          ديوان الشاعر / بهلول الزميلي (الكاتـب : - )           »          ديوان / الشاعر محمد سوعان الربيع (الكاتـب : - )           »          هقوات نفسي فوق (الكاتـب : - )           »          قصــه وعبــــــــره (الكاتـب : - )           »          من هو خير الناس ؟ (الكاتـب : - آخر مشاركة : - )           »          لاهنت ياظاهـــــر حصان الاطاليب (الكاتـب : - )           »          حائل قبل قرن . (الكاتـب : - آخر مشاركة : - )           »          بصفر ابن نفجان وبشمر يشوش (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
صور كبار وابناء الحسين حسين المجلاء شبكة نشامى شمر
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر والشاعره ومرجع لقصائد الشعراء والشاعرات والقصص التي يروونها


 
قديم منذ 2 أسابيع   #11


الصورة الرمزية ابو جمال المنيس
ابو جمال المنيس غير متصل

بيانات اضافيه [ + ]
 رقم العضوية : 940
 تاريخ التسجيل :  11 - 03 - 2008
 أخر زيارة : منذ 6 يوم (01:29)
 المشاركات : 96 [ + ]
 التقييم :  10
لوني المفضل : Cadetblue
افتراضي نخوة لشيوخ العرب بجزيرة سوريا (حريم العقيدات )



نخوة حريم العقيدات

ورد لي بالواتساب مقطع لشخص ينخى شيوخ العرب بالفزعة لحريم العقيدات واطفالهم من ضيم داش بدير الزور وما حولها وخص بالذكر الشيخ الحميدي الدهام الجربا والمهيد وبعض الشيوخ وقلت هذه القصيدة وجاراها الشيخ سليمان اللوفان الحدب .
نخوة لشيوخ العرب بجزيرة سوريا (حريم العقيدات )
دققت بالمقطع يجي عشر مرات=وحسيت بإحساس الثكالا والأطفال
وعرفت بأن إحساسنا يالعرب مات =من واحد وتسعين تشريد وإذلال
والعز ماهو في جميل الخطابات =ولا ينشري ياضاع بجنيه وريال
رجل ن ماعرفه يشتكي يرفع أصوات =ينخى ويستنجد وصبر الرجل طال
ينخا الشيوخ أهل الكرم والمروات =اللي لهم تاريخ في ماض الأجيال
يستنهض الجربان رمز الزعامات =نعم بهل الحرشا لكان الدهر مال
معهم سريعين الفرج فوق طوعات =شمر آليا صار التفاخر بالأفعال
شمر آليا ثار الدخن والمثارات =وتلاقت أبطال المواقف بالابطال
صاحوا سناعيس الطنايا جماعات=وأهل اللحيسه متعبة كل مشوال
تاريخ شمر في جميع السجلات=سجل ن قديم وحاضر الفعل لازال
إمجدده شيخ ن آليا صار قالات=يبين مثل الجدي في كل الاحوال
زعيمنا شيخ الصناديد بالذات=الشيخ أبو فارس نخيناه بالحال
اسمع يابو فارس حريم العقيدات =ينخن ودمع إعيونهن دم شلال
وين الحميدي ياعريب السلالات=ينخن وانا ابانخاك ياطيب الخال
انت الزعيم اللي كفو للزعامات=وقفت يوم أن اختفوا بعض الازوال
وقفت مثل دهام في ماضي ن فات=آليا قصر شبر الردي شيخنا طال
تكفى ترى تكفى تهز السراوات=أنت النجم تخضع لك سهول وجبال
وأرجع على اللي ينتخي يجلد الذات=ينخا ويشرح للعرب واقع الحال
ينخا ال ملحم مشبعين المجيعات=وينخا الشرابيين رجال رجال
وينخا مصوت بالعشا يوم الأصوات=يشبع بها الجايع ويمّن بها الذال
وينخى جميع أهل الشرف والشكالات =بالدير واللي حولها صارت أهوال
ندري بأن الحمل ماهو سهالات =تخالطت كل الطوائف والانذال
الغرب وأمريكا وبعض العصابات=والفرس والروس وغريبين الأشكال
لكن نبي فزعه ... بّليا مراوات=لعيال الأبرز بعد شيل الدهر مال


عقيل سعود المنيس الشمري


 

قديم منذ 2 أسابيع   #12


الصورة الرمزية ابو جمال المنيس
ابو جمال المنيس غير متصل

بيانات اضافيه [ + ]
 رقم العضوية : 940
 تاريخ التسجيل :  11 - 03 - 2008
 أخر زيارة : منذ 6 يوم (01:29)
 المشاركات : 96 [ + ]
 التقييم :  10
لوني المفضل : Cadetblue
افتراضي رد: نخوة لشيوخ العرب بجزيرة سوريا (حريم العقيدات )



رد من الشيخ سليمان الحدب
عقيل يابن منيس لا تتعب الذات =لا تتعب احساسك ولا تشده البال
بعض الشيوخ اليوم عايش ملذات =وقبيلته ضاعت من سوء الأحوال
شيوخ الفنادق همهم بس سهرات =تركوا قبايلهم مع ماضي الأفعال

وهذا رد من عقيل المنيس
انا هجوسي دايما مستمرات = وشيوخنا في مامضى مضرب أمثال
واليوم بالصوره زعيم المهمات =شبيه الامسح بالمسمى والاعمال
دام الحميدي حي للشيخ وقفات =نفتح به الاقفال ونقفل اقفال
وحتا انت لك تاريخ كله بطولات =لو لك وسيله كان ياصلك مرسال
مار الظروف معاضبه والمطبات=تعوق سير اللي لبس بشت وعقال
يابن الحدب لوهي سيوفٍ محنات =طريق بعض الناس خيال خيال
انتم هل الجدعا بوقت القوامات =لباسه الجوخ الحمر وادهم الشال
واليوم صار الوضع ختم وجوازات=واثبات شخصيه مع رقم جوال

عقيل سعود المنيس


ثم رد الحدب مرة أخرى

الله يستر ياسليل البطولات=يالضيغمي مابك من الشك مثقال
انا أقول ونعم بشيخ المهمات=شيخ الطنايا للصعيبات حلال
حميدي أبو فارس مافيه شبهات=شهمٍ شجاعٍ صامدٍ مثل الأجبال
وانا ما اعم الناس بس لي شرهات=على الشيوخ اللي نسو ماض الأفعال
اللي هدفهم مال وجمع الجنيهات=يمشون لصالحهم على كل منوال
انا اختصرت الهرج يكفي إشارات=حشوت مسدس كولد غثى البال
إنشر ولا تبالي ياطيب الذات=والله مثل شرواك نبراس الأجيال
واجل نببن راعي الأبل والشات=وندزن الأفعال مثقال مثقال
هذا الزمان اللي ذكر شاعرٍ مات=ابو زويدفصله بكل الأمثال
أبو زويد قال في ماضيٍ فات=راع الجحش يشره على جدع خيال
يالله عسى روحة تسكن بجنات=في جنة الفردوس في ظل وظلال

سليمان الحدب


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:32


Powered by vBulletin® Version 3.8.7
Copyright ©2000 - 2018, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام