الوضع طيب / بقلم نجم حرب

هدية للشاعر/ محمد بن عبدالله السليمي / ابو زايد

يامحمد لاذكرت زحول الرجاجيل=انااشهد انك صرت ضمن الاوايل
ماكنك الا ثالث الجدي وسهيل=والا القمر نقول هو البدايل
يابو زايد الطيب ماهو ورى النيل=الطيب طيبك ياعريب السلايل
الوضع طيب والدعاوي تساهيل=بظل السعود مطوعت كل عايل
ياالله بغيثٍ فوق داري هماليل=وادي الرمه يصبح من الوسم سايل
والكل ياخذ مع رفيقه تعاليل=في خايعٍ والعشب فوق النثايل
دن الدلال وكثر البن والهيل=فل الحجاج وهات بدع الجزايل
نبعد عن اللي ماوراهم محاصيل=اهل القلوب المغرضه والعلايل
اسبر طريق الليل ياساري الليل=حتى تشوف اللي عن الدرب مايل
وتم الكلام اللي على خاطري قيل=وكل الامور سهود والشك زايل

مع تحيات / نجم حرب

صح السانك يالغالي ولا هنت نجم حرب

قصيدة رائعه كروعتك يابو فهد

تسلم يمينك ويسلم على هالاحساس المرهف

بإنتظار الجديد و الرائع من عذب مشاعرك

حفظك الله

صح لسانك ودام عطاك المميز