آخر 10 مشاركات
الرحلة اللي طول الله اقلاعه (الكاتـب : - )           »          مانيب مبســــوط (الكاتـب : - آخر مشاركة : - )           »          لنا بالحيات من الشدايد عبر وادروس (الكاتـب : - آخر مشاركة : - )           »          لـ شبابِ أُمَّتنا ) بقلمي✍🏻 (الكاتـب : - آخر مشاركة : - )           »          صـــوت ,,,,,, وصــــدا (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          مشاركه (الكاتـب : - )           »          لولا الموده والغلا ما نشدنا (الكاتـب : - آخر مشاركة : - )           »          سؤال لمن لديه علم مع الشكر مقدماً (الكاتـب : - )           »          ديوان الشاعر / مشعل عسام التريباني (الكاتـب : - )

يوتيوب  نشامى  شبكة شمر
إعلانات شهرية
صور كبار وابناء الحسين حسين المجلاء شبكة نشامى شمر
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر والشاعره ومرجع لقصائد الشعراء والشاعرات والقصص التي يروونها


 
قديم 02-06-2016   #1


الصورة الرمزية محمد العواد ابن رخيص
محمد العواد ابن رخيص غير متصل

بيانات اضافيه [ + ]
 رقم العضوية : 4319
 تاريخ التسجيل :  04 - 05 - 2016
 أخر زيارة : منذ أسبوع واحد (03:56)
 المشاركات : 160 [ + ]
 التقييم :  10
 اوسمتي
درع التميز شاعر متميز 
لوني المفضل : Cadetblue
افتراضي ديوان الشاعر / محمد العواد ابن رخيص





بسم الله الرحمن الرحيم

السلام عليكم ورحمة الله وبركاته

تشرّفت وسعدت بالانضمام والتواجد مع أبناء العمومة نشامى شمّر

وكل من هو عزيز على شمّر

وأضع بين أيديكم هذه المتواضعة كمصافحة أولى لهذا الصرح الكريم
مصافحة أولى
يا ماجد اقدار الاوادم يديره = الخالق الرازق وليّ المقادير
مافات مات وكل ماصار خيره = الحمدلله يوم عدّت على خير
الادمي لازم يواجه مصيره = وربك يبدّل عسر الاحوال تيسير
لولا الخطا مافيه نفسٍ خبيره = خطاك درس وفي تجاربْك تبصير
وان صار لك عقب التجارب بصيره = ترا البلا تقصير من بعد تقصير
خطاك ما تعذَر اليا اخطيت غيره = مافيه طب ولايداويه تبرير
هذا ولك عندي مكانه كبيره = عندي وودّي عند غيري مع الغير
أوضاعنا ياطير شلوى خطيره = اخطر من المسرا بعجَ ومعاصير
لا تعاشر اللي فيه سوّ لعشيره = خلك عزيز عن الردى والمحاقير
وان كان لاصناف الدواجن حضيره = للحر ماكر فوق روس المواكير
اتعب على خوّة وجيهٍ سفيره = تر للخوي في مبدا الاخلاق تاثير
واصبر على مُرّ الصدوف المريره = دنياك هذي بين يسر ومعاسير
اعمارنا مهما حيينا قصيره = وعزّي لمن صفّت ذنوبه طوابير
في يوم ماهو يوم ربع وعشيره = يومٍ يجازى فيه بالشر والخير


محمد العواد


 

قديم 04-06-2016   #2


الصورة الرمزية محمد العواد ابن رخيص
محمد العواد ابن رخيص غير متصل

بيانات اضافيه [ + ]
 رقم العضوية : 4319
 تاريخ التسجيل :  04 - 05 - 2016
 أخر زيارة : منذ أسبوع واحد (03:56)
 المشاركات : 160 [ + ]
 التقييم :  10
 اوسمتي
درع التميز شاعر متميز 
لوني المفضل : Cadetblue
افتراضي الشعر من غزل المشاعر يخيطه ... من كان في تفصيل الابيات خيّاط




(( الـــشِـــعـــر ))


الشعر من غزل المشاعر يخيطه ... من كان في تفصيل الابيات خيّاط


الشعر من غــزْل الـمـشــاعـر يخـيـطــه = مـن كـان فـي تـفصـيـل الابـيـات خـيّــاط
مـا يـقـطـع بـحـور الـقـصـيـد و مـحـيطــه = كـــود الــذي فــي قــوّة بـيـوتـه افــراط
شــعـرٍ شــروكــه بـالـمـعـاني غــويـطـه = ما مات لو عصـره قـبـل عــصـــر الانـبـاط
مـن ضـاق و ضغـوط المـشاعر تحيــطـه = يـــرتـاح يـا عــدّا كـبـر طلعــة الـــــغــاط
في مرقــبٍ يـبـعـد شـقـاه و يـمـيـطـــه = يشتــاق لـه من شاف بـايـامـه احبــاط
سجتْك مــع جِـرد السـهــال البسيـطـه = اخير من جلستْــــك بـازعـاج و غــــلاط
نــزّه جنـابـك عــن جـنـاب السقــيـطــه = واتـعـب على اللـي بخوته دوم تحتـاط
يا احتجت يصـفـط لـك بـروحه صفـيطـه = مسطـــور طيب وبالمواجيب يشتـــاط
دنياك مــــع سمـح السـجايا عبـيـطــه = ما هاط شي من اخبث الناس يـنهـاط
بصدوفها يا عــــونــــة الله سلــيــطــه = توجع وهي ما تضرب الخلق باســواط
منها فطين القـلب يحـتــاط حــيـطـــه = مــــن يدرك ان ايـام دنـيـاه شـعـــواط
بين الشتاء و الصيف تطوي شـريـطـه = تفـرنـا و تـبــدّل اشــــواط بـــاشــواط
و الـيـوم مـا مـعــنـا نــفــوسٍ نشيطه = لا بـــدّ للــقرنــاس مـــن ربـط و ربـاط
مـا عـاد بـاقـي غـيـر طـيّ الـخـريـطـه = الــيــوم عـقب ايام نيسـان و شـبـاط
يـمـا طـلــوع سـهـيـل يـعـتـق ربـيطـه = ونصبح بعـد راحه مشافـيـق ونـشـاط



محمد العواد








 
 توقيع : محمد العواد ابن رخيص



قديم 07-06-2016   #3


الصورة الرمزية محمد العواد ابن رخيص
محمد العواد ابن رخيص غير متصل

بيانات اضافيه [ + ]
 رقم العضوية : 4319
 تاريخ التسجيل :  04 - 05 - 2016
 أخر زيارة : منذ أسبوع واحد (03:56)
 المشاركات : 160 [ + ]
 التقييم :  10
 اوسمتي
درع التميز شاعر متميز 
لوني المفضل : Cadetblue
افتراضي يـــا غـــايــــبــه




(( يا غـايـبـه ))

يـــا غـــايــــبــه
يا غايبه لو غاب زولك عن الشوف = ما غاب طيفك عن خيالي دقيقه
كتبت لك من صادق احساسي حروف = وبخاطري من ضيقة الخِلْق ضيقه
الكل منا يالغلا مر بظروف = ذقنا من الصدمات مُرّ الحقيقه
وواقع مآسي غدر الايام معروف = ماللحزن غير التناسي طريقه
تعال انا وياك نروي ضما الجوف = ونزرع من الورد المعتّق حديقه
تعال انا لشوفك ولقياك ملهوف = تعال بُعدك ياحبيبي ما اطيقه
بين الامل والشوق والياس والخوف = النفس في بحر المشاعر غريقه
يا مرهفه نفسي ترا مالها شفوف = في غيرك وغيرك عساه بحريقه



محمد العواد





 
 توقيع : محمد العواد ابن رخيص



قديم 13-07-2016   #4


الصورة الرمزية محمد العواد ابن رخيص
محمد العواد ابن رخيص غير متصل

بيانات اضافيه [ + ]
 رقم العضوية : 4319
 تاريخ التسجيل :  04 - 05 - 2016
 أخر زيارة : منذ أسبوع واحد (03:56)
 المشاركات : 160 [ + ]
 التقييم :  10
 اوسمتي
درع التميز شاعر متميز 
لوني المفضل : Cadetblue
افتراضي ودّك على فرقاه تذبح ذبيحه




ودّك على فرقاه تذبح ذبيحه
لا تبخل بيمناك يا شفت محتاج=وانصح اليا شفته بحاجة نصيحه
والنصـح قـدام الاوادم بــه احـراج= اعلان مضمون النصيحه فضيحه
مـن غير رب الكـون لاترجي افـراج= واللي حَسَدْك اطلب من الله يبيحه
ثنتين ما ينفع بهن طـب وعــلاج=دبرة قليل العرف ويمنىً شحيحه
بعض البشر في جيتّه فلّة حجاج=وجـهٍ مثـل شروا الوجيـه الفليحه
وبعض البشر ياجاك سببّ لك ازعاج= ودّك على فرقاه تذبح ذبيحه
ماتلام لو بدّلت رفـحـا بالافـلاج=وغيرت عنوانك ورقم الشريحه



(محمد العواد)
"نديم القوافي"







 
 توقيع : محمد العواد ابن رخيص



قديم 15-07-2016   #5


الصورة الرمزية محمد العواد ابن رخيص
محمد العواد ابن رخيص غير متصل

بيانات اضافيه [ + ]
 رقم العضوية : 4319
 تاريخ التسجيل :  04 - 05 - 2016
 أخر زيارة : منذ أسبوع واحد (03:56)
 المشاركات : 160 [ + ]
 التقييم :  10
 اوسمتي
درع التميز شاعر متميز 
لوني المفضل : Cadetblue
افتراضي طال المقيض وضاق خلق الصقاقير (من الارشيف اهداء خاص للصقاقير)




(( طال المقيض ))

طال المقيض وضاق خلق الصقاقير (من الارشيف اهداء خاص للصقاقير)
الجيب عن قطع الخلا والمشاوير=ابطى يابو نوره بظل الكراجي
طال المقيض وضاق خلق الصقاقير=والجوّ بالديره يعكر مزاجي
كان الهوا يومي بروس النواوير=واليوم يا هبّت سموم و عجاجي
وامر الحكيم مدبّر الكون تدبير=استغفر الله ماعليه احتجاجي
متى يويق سهيل ويصفّي الطير=ويجي لنا عقب الرباط انفراجي
والبرق لاح وتٓبَّع الخير للخير=العشب من لوقه لعقرب دماجي
على الوعد ياهل الوجيه المسافير=نبي لنا جوله وفلّة حجاجي
ربعن لها من طيب مبداه تقدير=بالبرّ جمعتهم تزيد ابتهاجي
للصيد نجهم بالصحاري مداوير=الصبح يا جا للصباح انبلاجي
يا فِــرِّع الطلاع من بعد تدوير=وضاع القصص والكل بالطلع راجي
وقام يتطلّع يقلب الشوف ويدير=حاديه مع شفحة هداد احتياجي
على خطاة الخرب يا اعطيته السير=يسطي مثل سطوة عقاب العواجي
ياشافها بالروض ماعينت خير=فعله لمن يعشق هداده علاجي
ياقام يلقف له هبوب المعاصير=تعوج وهو ياخذ معاها انعواجي
صدّت وردّت لين حول به الطير=والاجهزه كنّك بوسط الحراجي
وجيته بالارض يمزّر الخرب تمزير=متوتّر ومفتن بحالة اهياجي
هذا غرام مقزّر القيض تقزير=تواكل بصدره فتيل السراجي


نديم القوافي
محمدالعواد








 
 توقيع : محمد العواد ابن رخيص



قديم 16-08-2016   #6


الصورة الرمزية محمد العواد ابن رخيص
محمد العواد ابن رخيص غير متصل

بيانات اضافيه [ + ]
 رقم العضوية : 4319
 تاريخ التسجيل :  04 - 05 - 2016
 أخر زيارة : منذ أسبوع واحد (03:56)
 المشاركات : 160 [ + ]
 التقييم :  10
 اوسمتي
درع التميز شاعر متميز 
لوني المفضل : Cadetblue
افتراضي (( جور المودّه ))



(( جور المودّه ))
(( جور المودّه ))
قدّمت باثبات وبراهين وشهود=معروض شكوى حال جور المودّه
من باب حفظ عهود وخيانة عهود=والوجد مع حرمان نوم المخدّه
اقيم دعوى إنكار للحب وجحود=ضدّ الذي في يوم ما صرت ضدّه
الصاحب اللي لشوفة عيونه السود=يجوض قلبٍ بيّح الشوق سدّه
شوفه مثل شوفة هل الذود للذود=يرفض بمنزال الحيا عقب شدّه
في خايعٍ تومي بنوّاره النود=يشوق من حاضى النداوي وهدّه
عزي لحيٍّ ماهو انسان مقرود=لا شك حظه عن مراده يردّه
يقول ليت الوقت للماضي يعود=قولة ابوه اول من اول وجدّه


نديم القوافي
محمد العواد


 
 توقيع : محمد العواد ابن رخيص



قديم 21-08-2016   #7


الصورة الرمزية محمد العواد ابن رخيص
محمد العواد ابن رخيص غير متصل

بيانات اضافيه [ + ]
 رقم العضوية : 4319
 تاريخ التسجيل :  04 - 05 - 2016
 أخر زيارة : منذ أسبوع واحد (03:56)
 المشاركات : 160 [ + ]
 التقييم :  10
 اوسمتي
درع التميز شاعر متميز 
لوني المفضل : Cadetblue
افتراضي قرّب طلوع سهيل وملاعب الطير (من الإرشيف)




(( طلوع سهيل ))
قرّب طلوع سهيل وملاعب الطير (من الإرشيف)
مليت من وقتي وطول انتظاري=إلى متى والجوّ عجّ ومعاصير
أبطيت ما شبيت بالبر ناري=وابطيت عن قطع الخلا والمشاوير
القيض مع يمناي قيّد يساري=واليوم من قيده على وشْك تحرير
ياهل الولع عِدّو لوقت الحباري=قرّب طلوع سهيل وملاعب الطير
يامحلا بالجيب قطع الصحاري=بالبر مع عشّاق بر وصقاقير
النفس ولهانه لشوف البراري=وشوف المطر يا تبّع الخير للخير
السيل من ربدا للوقه خباري=وطاحت محاديره على غربي الشّيِر
والنبت ياجانا لذكره محاري=القاع بالنوّار صارت نواوير
عزّمت ثم شدّيت عزم السفاري=يحنّ ماطوره على نمرة القير
و سريت مع ناسٍ تدلّ المساري=مع الصحاري عارفين المعابير
ما حرصهم حرص الحريص المداري=الكل منهم ما يهاب المخاسير
يا عيّنو للصيد مدهل واثاري=ومع الاثر قفّو قصوص و مداوير
وتنهّض اللي للمطاليع ضاري=على الحباري عادته تلّة السير
خطوا افحجٍ جثلٍ من الريش عاري=اشقر شقار رودع صدره دواوير
نادر حرار بشد ريشه مواري=عن ماكرن ما وكّر براسه الجير
صلفٍ عديم وبالهداد انتحاري=عوق الخريش يصخّر الخرب تصخير
يا قام يلقف له هبوب الذواري=و علّق بكفٍّ فيه مثل الشناكير
هذا هواي و رغبتي واختياري=يا حسّب الدينار عبد الدنانير
لو كنّت متحضّر ووقتي حضاري=هوايتي نقل الحرار النوادير




نديم القوافي
محمد العواد


 
 توقيع : محمد العواد ابن رخيص



قديم 24-08-2016   #8


الصورة الرمزية محمد العواد ابن رخيص
محمد العواد ابن رخيص غير متصل

بيانات اضافيه [ + ]
 رقم العضوية : 4319
 تاريخ التسجيل :  04 - 05 - 2016
 أخر زيارة : منذ أسبوع واحد (03:56)
 المشاركات : 160 [ + ]
 التقييم :  10
 اوسمتي
درع التميز شاعر متميز 
لوني المفضل : Cadetblue
افتراضي يا شوق حتى لو حصل مني غياب == انـتـي مـعـاي (( 24 )) سـاعـه



(( يـا شــوق ))
يا شوق حتى لو حصل مني غياب == انـتـي مـعـاي (( 24 )) سـاعـه
لي ديرةٍ دونه مسافات و اتـعــاب=ودّعــت قــلــبــي عــنــد اهـلـهــا وداعــه
فـي غـربـتـي عـانـيـت مـن بـعد الاحـبـاب=مــع غــيــرهــم قــانــع بــغـيـر القـناعــه
كـنّــي غــريــب الـــدار بـديــار الاجــنــاب=جـالـي و هـو مـطـلـوب عـنـد الـجـماعـه
يـاللـي غـيـابـي عنْـك لـظـروف و اسـبـاب=لا تـعـتـبـرهــا قل وصل وقــطـــاعـــه
يـا شــوق حـتــى لــو حصل منّـي غـيـاب=أنـــتـــي مــــعــــاي (((24))) ســـاعـــه
عـلـيــك لــو صــكّـت لـعــدوانــي احــزاب=عــاركـتـهـم عـركــة ضــواري سـبـاعــه
روحــي تــروح فــداك يــا ضــاف الاهــداب=اسـوقـهـا لـشـوفـتْـك ســوق البضاعـه

نديم القوافي

محمد العواد


 
 توقيع : محمد العواد ابن رخيص



قديم 25-08-2016   #9


الصورة الرمزية محمد العواد ابن رخيص
محمد العواد ابن رخيص غير متصل

بيانات اضافيه [ + ]
 رقم العضوية : 4319
 تاريخ التسجيل :  04 - 05 - 2016
 أخر زيارة : منذ أسبوع واحد (03:56)
 المشاركات : 160 [ + ]
 التقييم :  10
 اوسمتي
درع التميز شاعر متميز 
لوني المفضل : Cadetblue
افتراضي مد النظر خلك بعيد الهقاوي



((( مد النظر )))
مد النظر خلك بعيد الهقاوي
مد النظر خلّك بعيد الهقاوي=كل البشر فيها عذاريب وعيوب
ترا الشفاوه هي عذاب الشفاوي=عِزّي لمن دوّر بالاجواد عذروب
لا تزعلك غيبة كثير الحكاوي=ياخذ من ذنوبك على ذنوبه ذنوب
ولا تصير في كل المواقف قصاوي=ترا التجاهل بعض الاحيان مطلوب
ما يداوي الدلخ المغفّل مداوي=حتى لو الدكتور يصرفه له حبوب
والسيل يا شفته مع القاع داوي=يعطي مثال لهزربة كل زاروب
تجنّب عيار الكلام السماوي=خلك حليم وحاور الناس باسلوب
وان شفت طيبك مع رداك متساوي=ووصلت لقضب الحلق مع مقرن الثوب
خلك عديمٍ صلف مثل النداوي=وحساب عمرك عند مولاك محسوب
عن كل خوّة ما تحشم المخاوي=اجعل غيابك غيبة الشمس بغروب
اجهم على نيّتـْك يا امرحت ناوي=والرزق عند مدّبر الرزق مكتوب
العبد يا صكّت عليه البلاوي=يفرج له اللي فرّج احزان يعقوب


محمد العواد
نديم القوافي








 
 توقيع : محمد العواد ابن رخيص



قديم 31-08-2016   #10


الصورة الرمزية محمد العواد ابن رخيص
محمد العواد ابن رخيص غير متصل

بيانات اضافيه [ + ]
 رقم العضوية : 4319
 تاريخ التسجيل :  04 - 05 - 2016
 أخر زيارة : منذ أسبوع واحد (03:56)
 المشاركات : 160 [ + ]
 التقييم :  10
 اوسمتي
درع التميز شاعر متميز 
لوني المفضل : Cadetblue
افتراضي (مشفي الجرواني / محمد العواد) صوت وصدى




( صوت وصدى )
جتني أبيات من الشاعر الكبير
مشفي الجرواني
يقول فيها :
تبي الوناسه والطرب والسعاده=ابعد عن الواتساب والمول والسوق
ولا ترتبط بالمختبر والعياده=إعنز على اللي تشدق الخلق له فوق
يالعبد عالج غفلتك بالعباده=لا تغضب الخالق على شان مخلوق
وسق القدم بأرضٍ يذعذع براده=مابين ربدا والحدق وإم زرنوق
في فيضةٍ يازين ريحة رشاده=متخالفٍ باطرافها كل زملوق
مدهال من تزهى رقبتها القلاده=وضحاء خيار الذود مع شمّخ النوق
مع خوة اللي ما بطبعه نكاده=صميدعٍ مايقبل الهون والبوق
لوهو بوقت الخوف يوم العقاده=له منزلٍ بين المخاليق مرموق
لا فيه لا خفه ولا به قراده=به من دها اللي بأول العيد مشنوق
مشفي الجرواني
----------------------
----------------------

و ردي عليها
جتني قصيده تستحقّ الاشاده=ابيات للي منبع ابياته الذوق
شاعر خذا لجزل القصيد السياده=له منزلٍ عندي مهو لـ اي مخلوق
ومن معنى كلامه اخذت الافاده=وين انت ياللي بكثر الاشغال مخنوق
ترا الوناسة والطرب والسعاده=فرقا الديار وزحمة الناس بالسوق
مع درب راع المعرفه والركاده=صميدعٍ ما جلعد بشور مطفوق
في خايعٍ قفرٍ يذعذع براده=يا زين مع شمس الضحى مرتع النوق
ما لوم من شفّه وغاية مراده=وضحٍ هواها ساق راع الهوا سوق
يا شافهن يرمي علاج العياده=لو كان دايم بابرة دواه مدقوق
ويدله بهن عن كل هم ونكاده=بارضن كساه النبت من كل زملوق
هذا ومن دافع هوايه وعاده=الطير له عندي مواجيب وحقوق
يعطي على دخل انبساطي زياده=فرخٍ وحش ما قيّض العام بسبوق
ان وفق المولى بفرصة هداده=ورّد على برقا الجناحين من فوق
يا ادّيت للخالق فروض العباده=سق القدم يا صار ما بالقدم عوق



محمد العواد


 
 توقيع : محمد العواد ابن رخيص



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:52


Powered by vBulletin® Version 3.8.9
Copyright ©2000 - 2018, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام