آخر 10 مشاركات
صورة فاخرة (الكاتـب : - آخر مشاركة : - )           »          الرحلة اللي طول الله اقلاعه (الكاتـب : - آخر مشاركة : - )           »          ديوان الشاعر / عيد بن قيضي البلوي (الكاتـب : - )           »          ماحب انا كثر الثقه والثقافه (الكاتـب : - آخر مشاركة : - )           »          اضغاث حلم مرني بالليالي (الكاتـب : - آخر مشاركة : - )           »          عبدالكريم اوصيك تكفا يولدي (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ديوان / الشاعر منصورالبخيتان (الكاتـب : - )           »          لنا بالحيات من الشدايد عبر وادروس (الكاتـب : - )           »          مانيب مبســــوط (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
صور كبار وابناء الحسين حسين المجلاء شبكة نشامى شمر
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر والشاعره ومرجع لقصائد الشعراء والشاعرات والقصص التي يروونها


 
قديم 14-02-2012   #1


الصورة الرمزية مقبل الدخيل الزميلي
مقبل الدخيل الزميلي غير متصل

بيانات اضافيه [ + ]
 رقم العضوية : 3124
 تاريخ التسجيل :  11 - 02 - 2012
 أخر زيارة : منذ أسبوع واحد (04:10)
 المشاركات : 1,542 [ + ]
 التقييم :  60
 اوسمتي
درع التميز وسام 
لوني المفضل : Cadetblue
افتراضي ديوان الشاعر / مقبل الدخيل الزميلي






ياماتسمعناجزيلات الاذكار!!!

ياما تسمعنـا جزيـلات الاذكـار=وياما قرينا من حديـث البخـاري
وياما كتبنا من جزيلات الاشعـار=وياماخذينا بكـل قلطـه سمـاري
وياما مشينا مـع عذيـات الاقفـار=وياما طرى بقلوبنـا كـم طـاري
وياما تحملنا الصعايب والاخطـار=شيّن خفا واحيان شيّـن جهـاري
وياما قطفنا من زماليـق الاثمـار=في ليلتن يضيع بـه كـل سـاري
وياما طوينا من مسافـات واديـار=هريف عجلات السباع الضـواري
وكم ديرتن نمشي منه وقت الاسحار=واهل البلد مااحدن عن الحال داري
ويبقـا لنـا فيهـا معالـم وتذكـار=وسوالفـن ماترجمـه كـل قـاري
نبقا على عهد المواثيـق واسـرار=وياما جرا من بيننا مـن جـواري
خوينا نفديه فـي غـال الاعمـار=مانرخصه في سوق بايع وشـاري


مقبل الدخيل الشمري


 

قديم 17-02-2012   #2


الصورة الرمزية مقبل الدخيل الزميلي
مقبل الدخيل الزميلي غير متصل

بيانات اضافيه [ + ]
 رقم العضوية : 3124
 تاريخ التسجيل :  11 - 02 - 2012
 أخر زيارة : منذ أسبوع واحد (04:10)
 المشاركات : 1,542 [ + ]
 التقييم :  60
 اوسمتي
درع التميز وسام 
لوني المفضل : Cadetblue
افتراضي ياذيب يالي ترفع الصوت بعواك



قصيده لشاعرمقبل الدخيل الشمري بعد مشاهدتي ذيب في محطه على طريق حائل مسجون
في قفص تمثلت في هذه الابيات بعد ماشفت معاناته وفي نهاية القصيده لغزين لعلها تسترنا عندكم


ياذيب يالي ترفع الصوت بعواك!!!


ياذيب يااللي ترفع الصـوت بعـواك=ريح وخل عـواك يرفـع بـه الديـك
وش مطربك جريت صوتك من اعشاك=والاتنـادي باالعـوى مـن ينـاديـك
اخفض بعال الصوت ياذيب وش جاك=لايسمعـك عفـن المقانيـص ياتيـك
واحذريشوفـك ديــك ذولا وذولاك=تصبـح ضحيتهـم ولحـدن يواسيـك
هل تدري ان الوقت هانـك وخـلاك=اطوع من النضـوى زمانـك مخليـك
اول يدسـم شاربـك فعـل يمـنـاك=واليـوم ذابـح الهـفـى ماتعشـيـك
مابك ردى لاكن عمى الوقت خـلاك=ولالـك بهادنيـا صديقـن مصافيـك
لك عادتـن ياخيـم الجـوع بشـواك=تقطع جراهيد الوطـا فـي تخطريـك
وكم ليلتـن ضلمـا مشيتـه بمسـراك=وكم ليلتـن غـدرى تجيبـك وتديـك
نوبن عشاك مـن المكاسيـب نجـواك=يانعمـة الله كانـه اخطـاك راميـك
ازبن بعمرك باقـي النـاس ماجـاك=كلـن يقـول انـه عـلا الشرناويـك
حان القدروخلف مسيـرك ومشهـاك=ومن دون مزبانـك تلاشـة هقاويـك
من عقب مانت مخيرن فـي نوايـاك=الليوم صارالعكـس لوقـات ماضيـك
شفتك سجين وباالقفص تقصراخطـاك=وتغضـي ولاتناضرعيونـن تراعيـك
منك الملامـح تختصرلـي محاكـاك=تلعـن وتشتـم كـل منهـم حواليـك
ماهي على ماضي خباريـك دعـواك=تغيـرت دنيـاك وش عـاد يطنـيـك
اللي ازعلك ازعل من الناس شـرواك=واصبح مثل حالك بحزنـك مخاويـك
اشوف لي ناسـن تقدرعلـى امـلاك=ماهـم كفولاكـن مقدرهـم الشـيـك
الليـوم تقديـرك يساويـه مخـبـاك=ليـازاد مالـك كلـن الليـوم يغليـك
وابغـض بغيضـن لوتنصـاه حيـاك=ولوتامـره يقـول لـك سـم لبـيـك
وان قل مالك زاد بغضـك وعـدواك=وتضهرعذاريـبـك وتكثرشنـاويـك
وتجحد حسانيـك وتضهـر خطايـاك=ولك فصلو ثوبـن بالاْجـرام كاسيـك
وتصيربعيـون المـلا بليـس حليـاك=يسعـون لفراقـك ولااحـدن يدانيـك
وابي اسئلك يافاهمـن وضـع دنيـاك=ياالي حبالـك تاصـل المـا وتسقيـك
عن وردتن في بعض الاْحيان تخفـاك=ثمينتـن عـن كـل الاْمـلاك تغنيـك
ن نسمهـا بكـل الاطيـاب ماحـلاك=وان مات شركه مات خضرالمساويك
وابي اسئلك يافاهمـن وضـع دنيـاك=عن سلمـن بعكـس ارقيانـه تعليـك
لياصاربعـلـوه تقـتـل مـطـايـاك=ياليت مـن خيـره عـن الشريكفيـك
وشمسن تعزك لو علا الراس تصلاك=وش عاد لويحـرق لهبهـا مواطيـك
واترك ضلالن فيـه ذلـك وحقـراك=وش عاد لو ضلـه يضلـك ويدفيك




تقبلوا تحياتي


 

قديم 17-02-2012   #3


الصورة الرمزية مقبل الدخيل الزميلي
مقبل الدخيل الزميلي غير متصل

بيانات اضافيه [ + ]
 رقم العضوية : 3124
 تاريخ التسجيل :  11 - 02 - 2012
 أخر زيارة : منذ أسبوع واحد (04:10)
 المشاركات : 1,542 [ + ]
 التقييم :  60
 اوسمتي
درع التميز وسام 
لوني المفضل : Cadetblue
افتراضي اقوله ليه ماقوله وابن سعيد هو المخبور



هذه القصيده للشاعر مقبل الدخيل الشمري/وهي مدح ورد ثنى بالاخ العزيزالمقدم متعب ابن عبدالله
الغازي العلياني الشمري لمواقفه الطيبه والمشرفه


اقوله ليه ماقوله وابن سعيد هو المخبور!!!

انا مبداي بااسم الله الواحد ربي الغفـور=عظيم الشان ماغيره ايلاهن يرتجاء غيره
عظيمن يعلم الخافي كريم لعبده الشكور=ماخاب الي ينادي له يترجا عفوه وخيره
يتهجـد مخلصن لمره قبل فجة شعاع النور=يترجاء رحمته يطلب تسهيل امره وتيسيره
واناء به ابتدي وابدا من بعد اسمه على المقدور=بعد ذكره يهون امرن صعيباتن معابيره
واقول ياالباركرسجل وزمامك باالورق مجرور=مادام الجاش لك يملي احفظ لي منه تعبيره
ابقرى مصطرحروفك لياجالي باالوازم دور=في لحـظة وقت مانطلب على نمـه وتحـضـيـره
يهيـضن نوب للمبدى فعايل طيبين صقور=نوادير الحرار اللي جزيلاتن مسابيره
واناء فيك افتخريااللي جنابك بااللوفا معمور=والطيب مثلكم يفرض علينا غصب تقديره
يامتـعب ابن عبدالله لك بـرد الثنى مـجبـور=وعلى من يجهل المعناء يلزمناشرح تفسيره
ولا اجحد مـن تجمل بي وللساني بالثنا مامور=الحق ان الثنى يظهـرولايخفاعى غيره
اقوله ليه ماقوله ولا نقبل كلام الزور=اعده ليا حضر وقته علي نسـخه وتصويـره
تعيش ودامت ايامك تكامل باالهناء وسرور=كسبت الطيب وفعالك جزيلاتن مصاديره
لكم ياراعي النخوى مواقف من قديم اعصور=مواقفكم تشرفكم على الخوه مع الجيره
تعيش وفزعتك تشفـي وتجبر خاطرالـمكسور=تحل العقود القويه ماتحسب لتاءثـيره
ايوالله كيف ماقوله وبن سعيـد هـو المخبور=اعاش الذيب يوم انه لفى ضيفاًعلى الديره
ذبح له ماتردابه من جزل طيـب الميسور=ومكازي محدن قبله فعل فعله وتبذيره
له التاريخ يشهد له وتاريخه للعرب مذكور=وعلى الي يجهل افعاله يلزمنا حق تذكيره
ياعل يفدى الطيبين عفـون الانفس خايبين الشـور=خماليق الرجال اللي قريبن قوس تفكيره
اللي ماهزت مشاعر وجدهم صيـحة المـقهور=ماينفع الثاوي ردي الحيل شيله وتثويره
امثالهم لايغرك منظره هيكل وديكور=لياحلت اوقات اللوازم تحلحل مـن مساميره
لهم بطهبله مـبـدى ونهايـة هرجهم ثرثور=قوانيصن ورى الغافل على الزله وتدويره
ولهم في جرت السايه امثال ومثلهم جمهور=يتفيخرغربله ربـي عــلـــى دفــنـــه وتـحـفـيــره
ياالله ياعلهم دايم بدبور ودربهم حادور=ياعل يفني معالمهم دناميتن بتفجيره
يـكرم عـن وصفهم رجلن مقامه بالعلى غيور=وجميع الي لنا حاضروالغايب طيب السيـره




 

قديم 16-03-2012   #4


الصورة الرمزية مقبل الدخيل الزميلي
مقبل الدخيل الزميلي غير متصل

بيانات اضافيه [ + ]
 رقم العضوية : 3124
 تاريخ التسجيل :  11 - 02 - 2012
 أخر زيارة : منذ أسبوع واحد (04:10)
 المشاركات : 1,542 [ + ]
 التقييم :  60
 اوسمتي
درع التميز وسام 
لوني المفضل : Cadetblue
افتراضي عرفت قدري عند ناسي والصحاب



هذه القصيده لشاعر مقبل الدخيل الشمري

عرفت قدري عند ناسي والصحاب!!!

عرفت قدري عند ناسي والاصحـاب=ولقيت مالي مع بعض نـاس قيمـه
كشفتهم ياسعودفي بعـض الاسبـاب=يـوم الزمـن اثرعلـي ابجحيـمـه
اول معي دايـم علـى كـل مرقـاب=والـيـوم كلاًمايـفـارق حريـمـه
حطن بهم ياسعـود ضبـه ولـولاب=والكل منهـم متركـن بـه شكيمـه
احتجتهم لاشك ضنـي بهـم خاب=اثـر البهيمـه يسنـافـي بهيـمـه
احسب انا ارداهم من الناس معطـاب=ولقيـت طيبهـم يحـب الهزيـمـه
غرن بهم ياسعود تفتيـل الاشنـاب=وامثالهـم فرقـاه عنـدي غنيـمـه
ياحلو زلات القـدم بعـض الانـواب=لو العواقـب مـن سببهـا وخيمـه
تبين لك اصحابن من الناس الاجناب=وتضهرملامـح كــل نفساًلئيـمـه
وتضهرعداوت ناس قبلاً لك اقـراب=وانـت اولاً تحسـب النواياسليمـه
دخلت مع لي درب مفتوح الابـواب=وسكرعلي غضبان سـوره ضليمـه
كل مانويت اصعد نزل بي بسـرداب=واعوذ بالله من النفـوس الرجيمـه
دربن يخلـي كامـل العقـل يرتـاب=وروابعـن ياسعـود ربـي عليمـه
غدالهـن صـدري مضبـه ودولاب=يوم الخلايق في حلى النـوم نيمـه
لوان جوفي من صليب الصخـر ذاب=والحرمايرضـا الاْهانـه وضيـمـه
الله يجـازي كـل ضالـم وكــذاب=عسى عقايب كـل ضالـم عضيمـه
اثر الجمل ياطاح من عوج الارقـاب=فيه المثل لاهـل العقـول الفهيمـه
كلن معـه سكيـن مبـر ومخـلاب=والكل يركض فـي حبالـه وسيمـه
وعندك خبرسرحان ياصار منصـاب=سبـع الخـلا يبـلاه كنـه غريمـه
يرفع بعال الصـوت يدعـي وقنـاب=مثل الجريم الـي تثـارى بجريمـه
وجنه قطيعن كلهـن كشـر انيـاب=ارداهن الي من الضـواري صريمـه
الكـل ينـوي عيشتـه والقمرغـاب=وطاحن بشيباً فيـه روح وعزيمـه
شجاعهن عود من الخوف مرعـاب=ياقـف يعيـد ولابنفسـه عزيـمـه
وان عشت حي ولاتلحفـت بتـراب=الا الهديـر يبدلـه فــي رزيـمـه
والله مادرى طيف عفنين الاصـلاب=الي المراجل مـن طرفهـم عقيمـه
ولاهمني لو حاولو حرق الاعصـاب=ارد لشـاتـم علـيـه الشتـيـمـه
وش عاد لوصارو جماهير وحـزاب=عزي عليهم معتلـي فـوق غيمـه
يرعد سحابه والبـرد فيـه سكـاب=وان خيلـة يغـرق بردهـا وديمـه
ولاخذيـت لشانهـم قـدر وحسـاب=مال الخسيس ان عاش راسي حشيمه
نجمن علا راس المعاديـن وشهـاب=هالحين وفي ماض السنين القديمـه
والذيخ مرحاعه على بـاب قصـاب=ويعيـف تالـي مكسبـه ولغنيمـه
والحرمايشابـه حديـا ولاغــراب=الفـرق واضـح لرجـال الحكيمـه
ولالي علا الخاين مشاريـه وعتـاب=والله فلالـه مـع حلالـي وسيمـه


 

قديم 19-03-2012   #5


الصورة الرمزية مقبل الدخيل الزميلي
مقبل الدخيل الزميلي غير متصل

بيانات اضافيه [ + ]
 رقم العضوية : 3124
 تاريخ التسجيل :  11 - 02 - 2012
 أخر زيارة : منذ أسبوع واحد (04:10)
 المشاركات : 1,542 [ + ]
 التقييم :  60
 اوسمتي
درع التميز وسام 
لوني المفضل : Cadetblue
افتراضي اللي مثل صفة وجيه العطايا




هذه القصيده للشاعر مقبل الدخيل الشمري وهي اسناد
للشاعر عبدالله ابن سلمان السلماني الشمري


اللي مثل صفة وجيه العطايا !!!


سر ياقلـم سجـل بيوتـاً طرايـا=بدع القوافي رغبتي وتحضيـره
نبـع القريحـه ماخذيتـه حذايـا=مادار في جاشي لسانـي خفيـره
وابااسنـد المعنـا لناسـاً هوايـا=على القوافـي والعلـوم السفيـره
لعبدالله السلمـان زبـن الونايـا=الشاعر اللي يعجبـن بتحضيـره
هاك الهديـه وان قبلـت الهدايـا=اقول لـك مشكور ماريـد غيـره
وانا علـى ردك ورودي ضمايـا=عسى يكون بعاجـل الرد خيـره
واشرح لك المقصود ماهي غطايا=ماثـارت البـنـدق بليا مثـيـره
وش يزعل اللي مازحم له رعايـا=ياعاد ماجبنـا لطاريـه سيـره
ناساً بليا اسبـاب اشوفـه طنايـا=على الخلا والبعد تسمع زحيـره
المشكلـه لو الطراقـي سـرايـا=يمكن تصير لقوم هجرس معيـره
راح الوفا والنصح مالـه بقايـا=وراح الصخا والجود غيّر مسيره
وراح الحياء والصدق ماله تلايـا=وراح النقى والكذب حل بجفيـره
وقل الاْدب والطيبيـن الضحايـا=ياصلك شر الناس من قبل خيـره
وصار الحسد والبغض بين البرايا=والليوم حتا الجار يكره قصيـره
تغيـرة حتـى اللسلـوم بنوايـا=سو الضنون الحقد مهفي ضميره
غطا على الحسنات كثر الخطايـا=عم الحسد واحرق سلوك الضفيره
الخبث خرب صالحيـن السجايـا=اثر على شرب الـزلال الخميـره
ناساً على الخيبه تحـث المطايـا=كلن على ماشـاف ايهـد طيـره
والله ياناسـاً يبحثـون الخفـايـا=تقل بصرفـات الاْوادم خشيـره
اللي مثل صفـه وجيـه العطايـا=من غير قل العرف عمي الأخلاق غيـره
ناساً على ناساً تزيّـف قضايـا=تضحك بوجهك والنواياء خطيره
ياقبلت هلو بـك بزيـن التحايـا=وين انت وشلونك عجيب اتعبيره
وياقفيت عنهم للمسبـة ضرايـا=بعراض خلق الله سنونه شطيـره
تقـل علـى ذريـة ادم ولايــا=واللي صغيره يودعونـه كبيـره
لو انت غافل جاك شر الشضايـا=يامدور الحرفات خف السريـره
وعلى النجاسـة والعانـه روايـا=والكل منهم داشـرن بـه بعيـره
هذي بشر تدخل بوسـط الخلايـا=ناسن تبي فرقـا العشير وعشيـره
مال الوفا ياخوي باقـي سمايـا=قضا الشرف ماعاد باقي ذخيـره
هذى زمانن فيه شيـن الحكايـا=وقتن يحير كامل العقـل حيـره
وقتن علينا بـه شطـط بزوايـا=وخلا الخشاش احرار في كل ديره
وخلا الحصاني ياكلـن الشوايـا=والذيب يطرد ليه هـذي بهيـره
والنيص يترك بين خضر الودايا=والنمر مايخـلا يطـب الجزيـره
امور كـلـه يافهمـتـه دهـايـا=لكن مرد الماء يعـود لمحيـره
والحر مابه مـن الحديـا حلايـا=الفرق واضح يوم عينـك تديـره


 

قديم 22-03-2012   #6


الصورة الرمزية مقبل الدخيل الزميلي
مقبل الدخيل الزميلي غير متصل

بيانات اضافيه [ + ]
 رقم العضوية : 3124
 تاريخ التسجيل :  11 - 02 - 2012
 أخر زيارة : منذ أسبوع واحد (04:10)
 المشاركات : 1,542 [ + ]
 التقييم :  60
 اوسمتي
درع التميز وسام 
لوني المفضل : Cadetblue
افتراضي ياالله ياناصر ضعوفن مهازيل



هذه القصيده لشاعر مقبل الدخيل الشمري



ياالله ياناصر ضعوفن مهازيل !!!

يالله ياناصـر ضعوفـن مهازيـل=وخليتهم مـع القـوي خاشرينـي
ياشافين بشفـاك ناسـن معاليـل=عافيتهـم ياارحـم الراحميـنـي
يامن كفيـت ايـوب شرالغرابيـل=ياكاشف اسرارالمـلا الجاحدينـي
من غيروصلك مالعبدك مواصيـل=انت الرجا والمرتجـى والعوينـي
انادخيلـك مابغـيـرك مداخـيـل=بحماك عن درب الهلاك تحمينـي
من رحمتك تجعل طريقي تساهيـل=ارجيك عفوك رافعـاً لـك يدينـي
ومن بعد ذكرالمعتلـي والتهاليـل=ابي ابـدي المكتـوب لسامعينـي
مرت علي ايام فيها القسـى حيـل=من عرض ماضي قاسياتاًتجينـي
وياشين تعديـل الخطاباالخطاميـل=وش عاد لوبـه مكسبـن لثنينـي
وياشين ليلك وانت في منتصف ليل=لياصرت صاحي والملا هاجعينـي
ولانت امتحري شوف زين التعاليل=رفيقك اللي مـن قديـم السنينـي
بس انت ولحافك مثـل المهابيـل=ومخدتـك ويــاه متجارميـنـي
نوبـن يخيلـك ونوبـن تزاويـل=تناضريسارونـوب تنضريميـنـي
ويشذبـك نوبـن باالفكارتحلـيـل=في حيرتن مابيـن شـك ويقينـي
تصدربه افكارن بعكسـه مقابيـل=بين الوهم وانغام صدقـن تجينـي
غديت مثل الـي تحدربـه السيـل=مع وادين قاعه كما قـاع صينـي
بليلاًضـلام ولاتشوفـه رجاجيـل=وانا شبيهه تلعـب اوهـام فينـي
تواردن مع كل صوبـن هواضيـل=وغدا لهن صدري سوات القطينـي
جون تخالف به حنيـن المخاليـل=وترزمن حدب الضلـوع بحنينـي
روابعن تقضي عـلا جيـد الحيـل=واتلخبط الي مركزن بـه فطينـي
وابشرح المعنا وبعض التفاصيـل=سود الليالـي تكشـف الخايبينـي
غرتني الكشخه ابعض الرجاجيـل=وانـا اولاً حسبتـهـم طيبيـنـي
اثري بـلا بعـض الاْوادم تماثيـل=جسمن مجسم يخـدع الناضرينـي
رجلاً بحزات الرخاء خوش حلحيل=يغريك باالمنضرومنطـق ثمينـي
واليا وصل معقاد حبل المحاحيـل=يصيرفي دلوه خواضـن وطينـي
وش عاد لو تنخاه مامن محاصيل=خله يولـي بغيبتـه كـل زينـي
ورجلاً بحزات الرخا يذكـر خبيـل=مع الملا مـن حسبـة الغايبينـي
ماهوردى ادخل علا الله عن الميـل=لاشـك مالـه موقفـن خابرينـي
ماحالفه حضـه بفتنـه مشيعيـل=صدره وسيع ومن هكا الصابريني
ماثوره بكثـر الـدوادي طهيبيـل=ولاشـال هـم لهرجـة القايلينـي
واليااحتشا ماعاد لصبـر تكميـل=دافع غضب كتمان غيضه لعينـي
مستطرمن ماصاغ ذهنـه لماقيـل=وضيع مخافـة ماجنتـه اليدينـي
لوهوحضروقت المغازي علا الخيل=يضهروعلمه بكل صوبـن يبينـي


 

قديم 24-03-2012   #7


الصورة الرمزية مقبل الدخيل الزميلي
مقبل الدخيل الزميلي غير متصل

بيانات اضافيه [ + ]
 رقم العضوية : 3124
 تاريخ التسجيل :  11 - 02 - 2012
 أخر زيارة : منذ أسبوع واحد (04:10)
 المشاركات : 1,542 [ + ]
 التقييم :  60
 اوسمتي
درع التميز وسام 
لوني المفضل : Cadetblue
افتراضي ابعد وفارق من يناجيك بفراق



قصيده لشاعر/ مقبل الدخيل الشمري

ابعد وفارق من يناجيك بفراق !!!

ياالي تحسب الكون ياخنت بي ضاق=لا تفتكر تضيق بي نجـد ياخنّـت
ولا لا تفكر تحسب اني لك اشتـاق=لو تنعدم كل الملا وابقاء انا وانّـت
والله ماصافـي مخـادع وبــواق=واقسا عليك من الحجر وان بعد لنّت
ابعد وفارق مـن يناجيـك بفـراق=مهما تزيّن عنـدي اليـوم مازنّـت
عندي معزة نفس مع ذوق وخـلاق=والله ماعدك علـى الكـون كونّـت
تلقا على دينك من النـاس عشـاق=بنفس الاسلوب ويفهمك ياتشيطنّت
لاتحسب انك محرقاً قلبـي احـراق=غزلان نجد اكثار كـان ماتفطنّـت
مالك معي ياخايـن العهـد ميثـاق=ويومن عرفتك به لكاء اليوم لعنّـت


 

قديم 25-03-2012   #8


الصورة الرمزية مقبل الدخيل الزميلي
مقبل الدخيل الزميلي غير متصل

بيانات اضافيه [ + ]
 رقم العضوية : 3124
 تاريخ التسجيل :  11 - 02 - 2012
 أخر زيارة : منذ أسبوع واحد (04:10)
 المشاركات : 1,542 [ + ]
 التقييم :  60
 اوسمتي
درع التميز وسام 
لوني المفضل : Cadetblue
افتراضي بعض الاوادم رفقته شرك في شرك



بعض الاوادم رفقته شرك في شرك !!!

بعض الاوادم رفقته شرك في شـرك=يجيـب نوبـاً بالرفيـق المطـمـه
نوباً على بعض المعانـي يدهـورك=يجيب لك مـن كـل صوبـاً مذمـه
لو تعتذر مـاعـاد يقـبـل مـعـاذرك=نوبـه ونوبـه والحـيـا مايهـمـه
على هدف مصلوح نفسـه يعاشـرك=ومن الحيا مسلـوب وجهـه ودمـه
لا تقـدر اللـي باللـزم مايـقـدرك=نصيحتـي ياسامعـن وانـت سمـه
بعض المواجع نوب تسطي وتسهرك=مثل الجريح وريـح الاطيـاب شمـه
مال المعاضب من علاجاً سوا التـرك=جنـب عنـه مـادام راسـه بكمـه
ارحـل وفـارق ديرتـه لا يقاصـرك=يلقـاء علـى طبعـه حليفـاً يضمـه
وراع الردى لوطبت به كـود ينكـرك=مايقدر المعـروف مـثـل الجعـمـه
ساس الردى من عرق الاقصين سامرك=من عند ابوه وعـرق خالـه وعمـه
ياللعجب ناساً على الشيـن تجبـرك=اللي علـى مسمـا اللعانـه تسمـه
لوهي على كيفـه تهينـك وتدمـرك=ناسـاً بريهـاج الـردى مستحـمـه
مابين قيل وقـال والهـذر والكـرك=عروق النجاسه فـي حشاهـم تنمـه
النـاس لو جنبـت شـره تنـحـرك=يلحق على صبـرك خطـات الجلمـه
عليـك بالـلي بالصراحـه يباشـرك=واترك عنّك بعض الهلـوس المرمـه
وعليـك باللي بالصراحـه يباشـرك=لامـن وعـد يافـي وهرجـه يتمـه
وعليـك باللي بالصراحـه يباشـرك=ماجـاب منـه عبيـد وسعيـد نمـه
رجلاً على صعود المعالـي يناصـرك=حكيـم عـرف وبالمواقيـف قمـه
دايم على منهج هل الطيـب يامـرك=لو انت بيبـان الـردى مانـت يمـه
يحافظ على دينـه وبالخير يذكـرك=في طاعـة الرحمـن نفسـه ملمـه
شعر/ مقبل الدخيل الشمري


 

قديم 27-03-2012   #9


الصورة الرمزية مقبل الدخيل الزميلي
مقبل الدخيل الزميلي غير متصل

بيانات اضافيه [ + ]
 رقم العضوية : 3124
 تاريخ التسجيل :  11 - 02 - 2012
 أخر زيارة : منذ أسبوع واحد (04:10)
 المشاركات : 1,542 [ + ]
 التقييم :  60
 اوسمتي
درع التميز وسام 
لوني المفضل : Cadetblue
افتراضي ابيك تمسح من جوالك رقم جوالي



قصيده لشاعر/ مقبل الدخيل الشمري

ابيك تمسح من جوالك رقم جوالي!!!


لاعاد يومن صدفتك بـه علـى فالـي=باالموقع الي جابـك الله فيـه مريتـه
اوليت ربي ماسعى باالخـوه وتبرالـي=اوليت يوم الله جمعنـا دربـي انهيتـه
العصريوم انه طرالي ضبـط فنجالـي=باالطلحة اللي يسلي شعيبه ياتطريتـه
خدرت بـرادي وقبلـه مهيـل دلالـي=بيمناي فنجالي مـن البغـداد صبيتـه
بالارض اللي مابها من الدايج ازوالـي=يطرب له القلـب وتستانـس لياجيتـه
ياكـود زولاً بعينـي شفتـه اومالـي=ياليت ربي حرفني عن طريقه ولاجيتـه
بعـض البشرمعرفتهـم سـم قتـالـي=يغريك منطوقـه وجسمـه لياتحليتـه
لاشك ماله بريـض الصـدق منزالـي=وصدقت منطوقه ومنه الخيانه ماتحريته
ياما انكشف لي وبعيني شفت الافعالـي=امحق فعايـل يـوم باالعيـن راعيتـه
اول لياغاب عـن عينـي علـى بالـي=وياماء ويامـاء كـم شوفـه تمنيتـه
والليوم ماوالله تساوي عنـدي ريالـي=ابعـد وفـرق دونـك البـاب صكيتـه
وابيك تمسح من جوالك رقـم جوالـي=واناء عليك الله وامانه رقمـك الغيتـه
يمكن احلالـك وانـاء كذالـك احلالـي=ومن عادتـي كـل خايـن ماترجيتـه
واللي يغيضه كلام الصراحه ماله ومالي=يزعـل ويرضاوبكيـفـه ماترضيـتـه


 

قديم 29-03-2012   #10


الصورة الرمزية مقبل الدخيل الزميلي
مقبل الدخيل الزميلي غير متصل

بيانات اضافيه [ + ]
 رقم العضوية : 3124
 تاريخ التسجيل :  11 - 02 - 2012
 أخر زيارة : منذ أسبوع واحد (04:10)
 المشاركات : 1,542 [ + ]
 التقييم :  60
 اوسمتي
درع التميز وسام 
لوني المفضل : Cadetblue
افتراضي النفس ماترضاالنفوس الثقيله



قصيده للشاعرمقبل الدخيل الشمري


النفس ماترضاالنفوس الثقيله!!!

النفس ماترضا النفوس الثقيلـه=والله فلاله مع هـذولاك مخـلاط
اشوف ناسـاً مانفوسـه تشيلـه=اللي لهم في ساحة الكبر مقـلاط
غلاض النفوس مولعين الفتيلـه=اضعفهم اللي بعرض الجواد شخاط
كم فرقو بيـن العميـل وعميلـه=وكلاً على الثانـي يـدوّر ولقـاط
يفرح عليك ليالقـا فيـك ميلـه=نباش لسوه على الشيـن ملقـاط
للكيـر نفاخـاً ويطـرق شليلـه=ياتيك من ناره عمى العين وشواط
الهذرمانـي ماعلومـه قليـلـه=يضيع كل الصدق بلسان خـراط
فرسان ليـل مضيعيـن الدليلـه=يصبح ويمسي والمهايط على هياط
هاب البخه سحابتـه مستخيلـه=تبرق وترعد والبرد ضرب مخباط
الجبخانـي دوم نفسـه ذليـلـه=والمغلطاني ياخذ حسـاب لغـلاط
والهيلمـه والهلمـه والحليـلـه=ياخذ به الهيما تصاريـح خطـاط
ان مارسم بـه كذبتـاً مستحيلـه=يصير عند الغيربه نقص وحبـاط
تعويض وتعويـض وشينتميلـه=كم المسافه بين باريس والغـاط
منبينها فـج الـدروب الطويلـه=والفرق واضح مايبي شرح ونقاط
ياللي تحسبنـك ملكـت الكحيلـه=بينك وبينه من التضاريس مهباط
منغير شذرات السيوف الصقيلـه=رمحاً مجـرب للمعاليـق مـواط
ولاكـل خيـالاً تعلـى الاصيلـه=قالو عنه بوقت المهمـات قـلاط
ولاكل رجـالاً يجيـب الجزيلـه=وش عاد لوهو للمجاهيم سـواط
ولاكل حملاً فوق حملـه يشيلـه=وش عاد لو هو من قويين ونشاط
بعـض الاوادم فزعتـه مانبيلـه=لياصار نـذل وللمشاليـت قـراط


 

 

مواقع النشر (المفضلة)


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:23


Powered by vBulletin® Version 3.8.9
Copyright ©2000 - 2018, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام