آخر 10 مشاركات
عــاصــوف الأشبـــــاح (الكاتـب : - آخر مشاركة : - )           »          مساجله بيني وبين الشاعر الكبير/ ممدوح الركاد السلماني الشمري (الكاتـب : - آخر مشاركة : - )           »          من مساجلاتي مع إبن العم الشاعرالكبير/ ممدوح الركاد السلماني الشمري / أبونايف (الكاتـب : - آخر مشاركة : - )           »          عبـــادت الدينار 000 خـدامت شيــوك (الكاتـب : - )           »          خبــل العـــــــــــرب (الكاتـب : - )           »          جرح الزمن (الكاتـب : - آخر مشاركة : - )           »          ممكن ؟؟؟ (الكاتـب : - آخر مشاركة : - )           »          ياروح ملي يابعد حيي (الكاتـب : - )           »          بالقلم والسيف (الكاتـب : - )           »          خــط الشماااال (الكاتـب : - )

يوتيوب  نشامى  شبكة شمر
إعلانات شهرية
صور كبار وابناء الحسين حسين المجلاء شبكة نشامى شمر
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 18-11-2011   #1


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : منذ يوم مضى (01:58)
 المشاركات : 121 [ + ]
 التقييم :  10
لوني المفضل : Cadetblue
افتراضي ديوان الشاعر / مبارك طناء





بسم الله الرحمن الرحيم
لايهمني اللقب قدر ماتهمني مناسبته ألا وهي زيارة مولاي خادم الحرمين الشريفين
الملك / عبدالله بن عبدالعزيز لمنطقة حائل حيث تم ترشيح قصيدتي من قبل معالي
الدكاتره أعضاء اللجنة المكلفه في نادي حائل الأدبي لإختيار قصيده تواكب تلك المناسبه
وبفضل من الله وتوفيقه تم تكليفي بإلقاءها أمام مولاي خادم الحرمين الشرفين حفظه الله ورعاه
ملاحظه / الجهاز الخاص بي لايكتب فوق حرف الدال نقطه


قصيدة في مولاي خادم الحرمين الشريفين حفظه الله ورعاه ..!!!


قال التبيناوي حسينات الأشعار = أجمل زهر نبت الفياض المعاشيب
هلا يابو متعب هلا فيك مليار = هلا بوجه الخير شرق(ن) وتغريب
حييت ياصقر العرب حامي الدار = هلا بأخو نوره رفيع المجا>يب
هلا هلا يالنادر الوالد البار = هلا بستر المحصنات الرعابيب
هلا بضرغام (ن) على الحق مغوار = هلا بحلال الأمور المعاضيب
هلا بمصقول (ن) للأرقاب بتار = إعداد ماركبو على الفطر الشيب
يامرحبابك عد ماطاير(ن) طار = وإعداد ماهلت مزون(ن) سواكيب
هلا يابو متعب هلا فيك تكرار = هلا بعبدالله تحيه وترحيب
إستبشرت حائل بمن جاه زوار = دار الكرم وأهل القيَم والمواجيب
له حق تفرح فيك ياصلب الأشوار = عم الجبال السود نور المعازيب
أجاء وسلمى فوقه المزن مدرار = حتى النفود أخفت سموم اللواهيب
طول السنه والمنطقه غيم وأمطار= أسقت مفالي مرتع الشمخ النيب
بادرت شعبك خير خفظت الأسعار = يدوم عزك ياحصان الأطاليب
خيرك ضهر للشعب قدام الأنضار = لك مدت(ن) تضرب على الفقر تشطيب
ولك هيبة(ن) داست على روس الأشرار= شر>مة الطغيان كيد(ن) وتخريب
يالله ياعالم خفيات الأسرار = يالمعتلي عالم خفى خافي الغيب
ترحم ضحايانا البريين الأبرار = وتجبر عزانا ياشديد المقاضيب
وطالبك ثلث الليل ياوال الأقدار = تحمي ملكنا من عيون (ن) مغاضيب
حلال حالات(ن) به الفكر يحتار = مشاكل(ن) فيها تحير المناديب
الجوهره لبست جواهر ومحار = لبست إعقود إحليها لبس ترتيب
إعشوشبت هبت نسانيس الأزهار = أجمل روايح فاخر الورد والطيب
عم الفرح سكانه إكباروصغار = شوفت عيونك دون شك(ن) ولاريب
سلام ياملجأ طويلين الأشبار = سلام ياحلال صعب المناشيب
سلام ياحر(ن) على كف صقار= في كفك الطاهر عطيب المضاريب
رحمه من الرحمان وأقطع من النار = من حاربك حارب ل>ي> المشاريب
شهم (ن) بشوش(ن) شايش الراس جبار= محاسنك ماحسبوها الحواسيب
سلام ياغيث(ن) من الخير تيار = ماقل دل وكلمتي حق وإمصيب




والسلام
أخوكم شاعر جبل شمر/ مبارك طناء مبيريك التبيناوي الشمري


 

قديم 22-11-2011   #2


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : منذ يوم مضى (01:58)
 المشاركات : 121 [ + ]
 التقييم :  10
لوني المفضل : Cadetblue
افتراضي قصيده مهداة لإبن العم الشيخ/ حمود بن نايل بن طوعان السويدي الشمري



بسم الله الرحمن الرحيم
قصيده مهداة لإبن العم الشيخ/ حمود بن نايل بن طوعان السويدي الشمري

قصيده مهداة لإبن العم الشيخ/ حمود بن نايل بن طوعان السويدي الشمري ..!!!


خير البدايه في ذكر حلال صعبات الأمور = الواحد الفرد الصمد حي(ن) على خلقه بصير
يقول جلّت قدرته أحببكم العبد الشكور = والـمبتلاء والمحتسب للعفو بالوضع الخطير
أبشر بخـير وفي رضا الرحمن يالعبد الصبور = جل جـلاله جابر العثرات والعظم الكسير
كرم وعلم بالقلم خير الملاء والعلم نور = من بعد ذكرك ياإلهي هاض مكنون الضمير
زاد الفخربأهل الشرف تشريف وأفراح وسرور = تشريفكم للحفل وأهل الحفل مقداره كبير
بدع المثايل شاقني قدر ومعزه للحضور = لو حيّرت غيري بعون اللـه فكري مايحـير
شـعـار شمر يوم قمعه بيد شيخ (ن) مايبور = يوم الفطاير نار كود أبكار ياشتب المثير
ماهي بشيخة من على من شيخه شر وثبور = عجل(ن) على قطع النفس والخير والرزق اليسير
أسلم وسنجاره هلي والناس مافيهم قصور = وعبده سناعيس الجبل ربعي لياصاح الن>ير
من دون قاصر في زحول الناس والك>ب معثور = طيور الفلاح مقسمه والمرجله دربه عسير
نقش(ن) على صم الصخر يبقى على مر العصور = أفخر وأفاخر وأفتخر بك يازبون الـمستجـير
أبفتخر بحمود إبن نايل وكم غيري فخور = إبن السويدي موقفه هذا فلا عمره يـصـير
كامل تفاصـيـله فخر من لا أفتخرفيه إمحرور = وشمر لهم تاج الفخر بالعهد الأول والأخير
قدر آل سويد للابة إبن ه>يل وآفين ال شبور = وإبن هذيل أكبر دليل العلم بشداد البعير
عصلاء عمودي روس شمر والطناياء بالصدور = ماهي غريبه ياهل الطولات والفعل الشهير
تقول سجن الجار ماهو لك ولو دمك يفور = ولا تسولف به عباد الله كبير ولا صغير
نرفع لك البيـضـا يابن طوعان والفعل مخبور = نبع المكارم من جبل شمر مسيله والمـحـير
عفوك لوجه المعتلي ماهو على شأن الضهور = اللـه يعفو عنك يابن العم ويجازيك خير
من شفت باب الجار مجفا قلت سبب لك فتور = من قو بأسك ياعريب الساس ياريف القصير
تأمر وتبشر لو يشال الباب من حد الجسور = خير الملاء وصى بسابع جـار يالوجه السفير
يالآدمي دنياك لو زانت تواليها دبور = العمر يفنى والعمل يبقى ولو طال المصير
ننسى وطبع الناس تنسـى إنه على نقطة عبور =إلى الصراط المستقيم الخلد وإلا زمهرير
الله عطانا نعمة النسيان والدنياء مرور = تفجع ولا تجمع ولا ترحم غني ولافقير
يارب تجعل بيت راع الجود باالعز إمعمور = شرفت هامات الشرف إخوان نوره والوزير
وفيت يوم أعفيت يعفو عنك تواب (ن) غفور = اللـه قدر ثم قدر مـايشـاء والله قدير
الله يمدك مثل عمر شعيب ياالشهم الغيـور =ياشعب أبومتعب تواصو خير بإخلاص وضمير
الـمعـذره يالسـامعين إذا حصل مني قصور = صلو على خير العباد المصطفى الهادي البشير



وتقبلو تحياتي وتقديري
أخوكم الشاعر/ مبارك طناء مبيريك التبيناوي


 

قديم 24-11-2011   #3


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : منذ يوم مضى (01:58)
 المشاركات : 121 [ + ]
 التقييم :  10
لوني المفضل : Cadetblue
افتراضي قصيدة بعنوان ( الصيحة التاليه ) مساجله بيني وبين الشاعر الكبير / رجاء عوض الشمري



بسم الله الرحمن الرحيم
قصيده بعنوان (الصيحةالتاليّه)
تحول عملي لمنطقة الجوف وأول مره أطب الجوف فكانت بداية معرفه بيني وبين الشاعر/رجاء عوض السنجاري الشمري(أبومسند)عندما تحول عملي إلى سكاكاء قمت بزيارة له أستجابةً لدعوته قلت عطني علوم الربيع والمطر والخير قال سنة خير والربيع والفقع واجد وطلع له خويشة عنده مليانه كما وصف لي محاري قوله وكنت مشغول في وضع العيال ودراستهم بالجبيل وفعلا القلب اللي يشوف وأنا متأكد ماكان حولي قيلات خلاوي ولحضه وابلناس والناس بيني وبين سيارتي وطيحن الله بلي آدمي أمي ودايم عنود الصيد ياتأكدة من أنها إصابتها لك قاتله تسأل عن حالك كما قال الأمير دايم السيف (تسأل عن الحال حالي كيف ماشفته ) ولم أفهم من كلامها إلا كيف الحال رديت أطمأنها عن حالي بإختصار ،


مساجله بيني وبين الشاعر الكبير / رجاء عوض الشمري!!! ..

حـالتي باإختصار الجملة الـتـاليه = حللي كل حرف بدون خوف وقلق
مثل عيني غـلاك وكلمتي غـاليـه = مثل روحي قضت روحي ورب الفلق
كان للقلب وآلي فـأنتي الواليـه = إحفظيـه إربطيـه بسلك وإلا حلق
أو يعـله يضيع ولحظتك سـاليـه = ماهو ذنبي لعـله باالجحيم إ يـعلق
لوعت الـمـبتلاء ذنب اللذي باليه = مالي شف(ن) بغيرك لو عرضلي دلق
لأجل عينك ولأجل الصيحـة التاليه = الوفاءعـادتي والصدق لي مـنطـلق
اللي تبينه يـصـير وقيمـتك عـاليه = جل من هو خلق هذا الجمـال وخلق
الليالي بدونك من الفـرح خـاليـه = لـيـه صـوبتي القلب الجريح بطلق
حـالتي شوف عينك ممحـله باليـه = وإنتهى الصبرعندي والطريق إنـغـلق
وإنجلت فرحت الدنياء مع الجـاليـه = موعدك ياحـيـاتي وش بلاه إنزلق
ذقت مـر الليالي مابه الحـالـيـه = مثل شمس الضحى بانت ورب الفلق
يابو مسـند هموم القلب مـتواليـه = والعلاقـة بناسـه مـالقيت إمعلق
يوم كانت بريضـان النفل فـالـيه = فرصت العمرجت لي والحجاج إنطلق
بعد ما كان كفي بالوفـاء مـالـيـه = صـاده الحـر وأبعدها نبيح السلق
ذيروها وراحت قبل لإسـتـالـيـه = خوفوها وصـدّت والجديل إندلق
عنق ريم (ن) تقود الصيد متـعـاليـه = ظنتي من يزاعمها بعد مـا إنخـلق
يابو مسند هموم الحزن مـتـتـالـيـه = قدرة اللي خلق كل البشـر من علق
واحد (ن) يعلم اللي صار والـتالـيـه = رب موسى ضرب موج البحر وإنفلق



((( الشاعر/ مبارك طناء مبيريك التبيناوي)))

بسم الله الرحمن الرحيم
رد الشاعر / رجاء عوض السنجاري أبو مسند
ولحقت بفوارس وشيوخ وأبطال إستاثرتهم أصوات تهز الجبال قبل ومع خيال الصوت التالي
( وكان ذلك في بداية التعارف فيما بيننا وكل منا لايعرف الآخر المعرفة التامه )

رد الشاعر / رجاء عوض السنجاري أبو مسند!!! ..



من قريحن تهيض هاض باأمثـاليه = دارت أفكار فكري والطريق إنبلق
حافظن بالهدف رصاص شـعاليه = مخلب الحر دامي ماضربه إنشلق
كن بحر العرب يزوم من عـاليه = بين جزره ومدّه من حشاي إنصلق
دشيت جم إجمام وصفوّة إزلاليه = نرغم القاف الألوى من عدم وإنخلق
نبع هداج تيماء مانقص داليه = ماهو رسـن تلاشـاء لو غرفته يلق
لو تشيب القوافي بس من جـاليه = هيهات أناماتوقف والخفوق إصطلق
مرحبا يارفيق ٍ رفقته غـاليــه = والله إني فرحت ويشهد اللي خلق
سـرني مـاقريته وإنشرح باليـه = فرحتي فرحت المسجون يوم إنطلق
لك معّزه وحشمه فوق متعـاليه = ماهي زيف وسوالف مهلق ٍ به هلق
يابو عبدالله إسمع نبذة أقـواليـه = باالمعـاني نبات(ن) في زيازي ملق
لو تبرج طريق إقفاي وإقبالـيـه = كان أسوق المطاياء والرجاء منطلق
ليه خفيت مابيّنت مـدخالـيـه = وأنت تدري فلاني ظمن حشوالزلق
لأجل عينك وصوت ٍ بأول التاليه = يوم جينا جميع ٍ باالحـدب والطلق
والهوى وإن رجعنا للهوى صـاليه = إبن عمار يلبس له خـياش وخلق
حب نجل العيون السود غرباليـه = عكش رمش ٍحدود السيف يوم إنذلق
ماجحدنا الغرام المر مع حـاليه = والسعد والسـعاده والسهر والقلق
وضح القصد لي با الجمله التـاليه = دلني في طريقك وإتركـه لو غلق
والختام التحيه والوفاء مـاليـه = كاالذهب من معادن مصدره ياإنسلق

((( الشاعر/ رجاء عوض الشمري)))
وللحوار بقيه عندما عرفني تمام المعرفه سأوردها لاحقاً وهي قصيدة له في نضري من شيخات القصيد


 

قديم 13-07-2012   #4


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : منذ يوم مضى (01:58)
 المشاركات : 121 [ + ]
 التقييم :  10
لوني المفضل : Cadetblue
افتراضي تابع مساجلة الشاعر/رجاء عوض أبومسند و الشاعر/مبارك طناء



بسم الله الرحمن الرحيم
الأخوة الأعزاء أخواتي الفاضلات
أخوي الغالي / المشرف العام
= = / المراقب العام ـ أبوكادي
= = نائب المشرف العام/ نهير النمش
= = عميد الشعراء/ مشعل التريباني
= = الشاعر/ دعفس
= = الشاعر/ الكيبورد
= = الشاعرالكبير/ محمد الذرفي
= = الشاعرالقدير/ عويد أبومحمد
= = الشاعر/ عبدالعزيز بن بليهد
= = الشاعر/ عمر عبدالمحسن
= = الشاعر/طواري
= = الشاعر/هوجاس
= = مستشار الشعر/ أحمد الجريفاني
= = الشاعر/ سطم الخليل / أبو فهد
= = الشاعر الأديب / مفوز التبيناوي
= = الشاعر القدير/ يحيي العبودي
الأخت الكريمه الشاعره / خفايا الروح
الأخ الغالي المهندس / سنافي نشمي
= = الشاعر/ شسمه نسيت
= = إسطورة الشعر/ عبدالله المفضلي
= = الشاعر/ أسير الوفاء
= = الشاعر/ أبوعوض
السلام عليكم ورحمة الله وبركاته
أنني عاجز عن الشكر والتقدير والعرفان ومهما قلت لا أستطيع أن أعبر لكم عما في داخلي من الحب والإعتزاز والتقدير سرتني تعليقاتكم وكلماتكم العطره شرفني مروركم دمتم بخير وموده وتميز والسلام

دعوني إكمل مساجلتي مع الشاعر الكبير / رجاء عوض السنجاري الشمري بعد قصيدتي التي
بعنوان ( الصيحة التاليه ) وقصيدته التي بعنوان (صوت ٍ بأول التاليه ) بعد بضع شهور عندما
تواصل معي وشرفني بزيارته لي وبادلته الزياره وعرفني تمام المعرفه بعث لي شاعرنا / أبومسند
بهذه القصيده عذراً إن نسيت شي منها
تابع مساجلة الشاعر/رجاء عوض أبومسند و الشاعر/مبارك طناء !!! ..

ياالله يياللي يسألك كل محتـــاج =ياواصل المقطوع والوصل مقطوع
عفوّك ولطفك بالقضى وقت الإحراج = إجعل لنا حظ ٍ عظيمٍ ومرفــوع
وخلافها خطيت مــزج ٍ من الزاج = والصح أقوله والخطاء ذاك مرجوع
هاض القريح وهاج مثل البحر هاج = عوم ٍ يعوم بعـاتي الريح مدفـوع
هاض الغرام وصار للرجل منهـاج= وأول بداياته بعـبرات وإدموع
ودخلت مع لي باب مـامنه مخراج = وغديت مثل اللي القلم عنه مرفوع
البارحه ياليل مسـراء ومـعـراج = ماغمضت عيني ونومي على الكوع
ولالاج بعيوني حلاء النوم مـالاج = ليت السهرلو طال مكسب ومنفوع
ياويل من مثلي شكى حب وخلاج = والوقت طال ولا جنى منه مزروع
وياراكب اللي مع هل الصنف له تاج=تاج ٍ يتوّج باالولايات مصـنوع
صنف ٍ تميز حي منشاء ومدراج = راعيه مايهديه والبيع ممنــوع
يسبق هبوب الريح وإعجال الأمواج= ويدوّي مثل سيل ٍتحدر على فروع
وإن إعترض ويلات خط ٍ وبطناج= ماهزّن الجبرين ومثومن الكوع
عاج الطيور الطايره عاج مايعاج = إسهام ذيب ٍ والغنم غـر وإرتوع
عجل الندب وقت السفرعجل الإدلاج = يجري مع البيداءعلى صوب وقطوع
راعيه يسري ليل والصبح ما أنباج= يلمع قـزازه باالقمر برق لاموع
منا مشاء عجل ٍعلى عجل الإسراج = ماينهزع ممشـاه لأزوال ونجوع
يلفي على بيت ٍ ماهو بيت مسهاج= ساس ٍ على ساسٍ محصن وموضوع
بيت الزكاء وأوفاء الوفاء عز وأبهاج = من شجرة ٍ خضراء لها فّي وفروع
ماحط باالبـيـبـان قفل ٍومزلاج = مدهل جحافل من هل الكاروجموع
يدعيك بيته عـاصف العود فوّاج= ونجر ٍصداءصوته على البعد مسموع
وإقلط على عذابن زهى وسوطهن تاج= ومزعفرن ٍ توّه على الجمر مصنوع
عقب المهيّـل والقـراء عند هداج = عطه جوابٍ داخل الظرف مشموع
منا سلام ٍ عـد ماطاف حـجاج = يابو طناء حبل الرجاء اليوم مقطوع
إلا إن عـاد إمعيد لأرضه بدعاج = محيي رميم ٍ هامـد الراس وجذوع
يابو طناء حبل الهوى حبك وإدماج = قفل ٍ على الأعنـاق مثني ومربوع
غروّن ملك ماكنها نطفـة أزواج= أنشـهد إنه لاعني باالهوى لوع
خده كما الأنيون من فوق الأبراج = وشقر الذوايب فوق ردفه يجن بوع
وعيونه الموت الحمر عنده أفواج= وشـفـاه ورد الشام مامثلها نوع
صف(ن) ثـمانه حب رمان وثلاج= والكف ديـبـاج ٍ وماهود مجموع
ونهودها بـيـضات وز(ن) بملواج= هافي حشاء ظامر تقل طاويه جوع
والساق غض ولونه أبيض من العاج = هذي وصايف كامل الخلق وطبوع
وجدي عليها وجد غرقان الأمواج = يبي الحيـات و لاتهياء له إطلوع
أو وجد عطشان الفيافي والأزراج= وجدي كماوجده على برد قرطوع
وأربع سـنوات ٍ وأنا بهم وإزعاج= لا وآصلنٍ واصل ولاني بمقطوع
مابين يـأس ٍ والرجاء وآل الأفراج= جزل الوهايب والرجاءمنه مشروع
يابو طناء راع الهوى مـاله علاج = تر ساعتي يوم ٍويومي غداء إسبوع
تمت وصلى الله عدد نشر وإخراج= على رسول ٍ سـاد الإسلام متبوع

(الشاعر / رجاء عوض الشمري ـ أبو مسند )

رداً على قصيدة الشاعر الكبير/ رجاء عوض الشمري / أبو مسند
!!! ..

يا الله يامدير الكواكب والأبراج= تعطي ولا جزل العطاء منك ممنوع
عالم خفيات الحنـاياء والأدراج=لولا وصالك ماوصل خير وإفزوع
رجواك يارب الفرج منك الإفراج = يالمعتلي لا تجعل الخير مـنزوع
عليك ستر اللي بداء فيه لجـلاج= ياملتجـاء صوت ٍيناديك بخشوع
ومن بعد ذكر الله كما البدر وهاج = قلب ٍ يحـده للتمـاثيل موضوع
قال التبيـناوي بداء بدع وإنتـاج = في قدرة الله يارسـنها معي طوع
يأخذني الهوجاس لإعداد وإخـراج = إهتضت واللي هيضن صافي النوع
ياراكب اللي ياشلع قلت مـيراج= جديد عام ألفين وإثنين مـصنوع
عليه من حدّه على طلعت الفـاج= من قبلي الخطه مشاء جدي وقطوع
لوكان في دربه براخيص وهـبـاج = ينحـاه ناحي صاحي الفكرقاطوع
ذيب الغداري للبعيـدات بوّاج= الفاكس آر وسـايقه قبل مليوع
يضحك حجاجه ياأنعمس كل هلباج = عليه من صدام توصيف وطبوع
فرخ النداوي لأبرق الريش رعـاج = طلعه بعيد ولأبرق الريش نازوع
مع كل فج وحقنتن شاف مـنفـاج= وحيفته من سمعها صد مفجوع
خطط براسه نبك أبوقصر وأنـبـاج = جنب طريق الربع رفحاء وميقوع
يشداء لذيب ٍصادفه راعي إنـعـاج= ليل الشتاءقبل العشاء فـز برجوع
مثل السهم يلعج سناء نوره إلعـاج = وقت الغضب باأربع قوايمه مدفوع
ماطبه الخامس وإذا الخط مـنـعاج= عطاه ثالث خوف بطناج وهزوع
غيّر طريق أهل الدداسن والأدواج= حدد بماجـلان نزلات وطلوع
ولا حـافه الهندي ولابات بكراج = ولاشيف كبوته بمسراه مرفوع
ولا هزّه الرايح ولاإهـتـز بسيـاج = يدلي كما النادر بتوعن وطالوع
شاف الحباري شوحت ٍتدرج إدراج=وأدلاء بها مثل السهم لاحقه جوع
ونوبن تهنفل طامحنٍ شافت إفراج= عنده خبر متحّريه شيخ وفزوع
يلفي على بيت(ن) ماهو بيت مدهاج= بيت الشرف مدهل مشاكيل وإربوع
أخوان ميثاء يالفى النـزل الإرهاج = وتناخوا الفريس والجمع متبوع
كم غـارتن يشبع به الطير ياراج = واللي عتق كنّـه على الوجه ملفوع
بمصقلات الهند تلعج له إلـعاج = كم فارس ٍ باإيمانهم طاح مصروع
يلفي لبو مسند عوض كل محـتـاج = بيته ليا جيته لك القدر مرفوع
المجلس اللي يرفع الراس وحجاج = بأطراف بيته تالي الهيل مجدوع
قول ٍ على فعل ٍ ماهو حكي هراج = ماقّل دّل وصادق الهرج مسموع
لابأس ياقرم(ن) شكاء بعض الإزعاج= يشكي غرام معّزل الوسط مربوع
غروّن حسب وصفه مع الخلق ماداج =غروّن سحر هاروت بشفاه مجموع
ماعرضّت زوله على كل حـوّاج = خمرن كلامه يشلع القلب شـالوع
والعود غصن الموز يامـال وإنعاج =حلون نمـّاه بشاطئ النيل مزروع
زينه طبيعي مـاتـزين بمكـيـاج = يبقى غرامه داخل القلب مطبوع
قلي مكانه لو مكانه باالأفـلاج = ماإرتاح دامك تشرب المر منقوع
حقك علي إلا مـنّـه تأخذ الباج = وأبشر بعز وراعي الحسد ملقوع
لولا رجاء الغفران وش مطلب الحاج= والناس له قانون والسلم مشروع
هذا وعد ومعيد لأرضه بـثـجاج= رب العباد إمـعيد للقاع برجوع
منـزل تبارك والتكاثر والأبراج = على الرسول المصطفى خير متبوع

(أخوكم ومحبكم الشاعر/ مبارك طناء مبيريك التبيناوي )


 

قديم 12-06-2015   #5


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : منذ يوم مضى (01:58)
 المشاركات : 121 [ + ]
 التقييم :  10
لوني المفضل : Cadetblue
افتراضي مساجله بيني وبين ابو فهد رقم 1



من الراوي فواز الغسلان إسنادا على الشاعر/ مبارك طناء التبيناوي
شمسنا غابت وقلبي طول ليله لاعـه = وهاضت همومي توارد والقريحـه تملي
ليت من يشمت بحالي ذاق همي سـاعه = أو يشيل حمول نصف اللي ظهرمن حملي
لأجل يفهم ضيقت العاشق وقل أسناعه = وش سبب سـهره وسبت دمعه المنهملي
يامبارك كان جاشك والقوافي طـاعـه = شوف جسمي في وصوفه مثل بيت النملي
هقوتك نترك غزال ٍ مايشوف أوجـاعه = وعن طريق الناس حدن للطريق الرمـلي
أونراجي لين يرحم أو تزين أطـبـاعه = شـيـرلي بااللي تشوفه يا العشيرأرحم لي
الراوي/ فواز الغسلان



ردي على الراوي / فواز الغسلان
دايمٍ للي نخاني باأول الفـزاعـه = دام قلبك حب شخص(ن) باالحلى مكتملي
لكن إصبرقالوا إن الصبرخيربضاعه = لين يفرجهاالولي وتصيرضمن الفملي
ولاتلام بحب من عوده كماالنعناعه = لونخيت اللي ببقعاءلياحدودالشملي
والمحبه تخلف اللي على مركاعه = لو فزعنا لك مثل فزعة سعود الصملي
إلا في توفيق علام الخفى والساعه = يعلم الله ماقسم لك والذي يقسم لي
الفرج عنده يسابق رفعة السماعه = وأدري يافوازقلبك باالهواجس مملي
الشاعر/ مبارك طناء التبيناوي


 

قديم 12-06-2015   #6


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : منذ يوم مضى (01:58)
 المشاركات : 121 [ + ]
 التقييم :  10
لوني المفضل : Cadetblue
افتراضي ردا على الراوي / ابوفهد المساجله رقم 2



إسنادا على الشاعر/ مباك طناء التبيناوي
يوم شدالزين مالي باالقوافي داعي = من يبي يقراءهمومي عقبهم وأوجاعه
كيف قلبي يامبارك في دروبه ضاعي = عقب عرفي صارقلبي جاهلن مطلاعه
دمعتي دمعة يتيم(ن)جاه صوت الناعي= راح أبوه وهو صغيرن مايعرف أسناعه
إن طلب ذاق المهونه وإن تشيم جاعي =ولأجل عيشه باالكرامه عفش بيته باعه
مثل دمعي لانهيته يستحي ماطاعي = ولاتلوم اللي بوسط الموج طاح شراعه
ليت مابيني وبينه يامبارك ساعي = كان أموري في هواها باالعرب ماشاعه
مامضى وقت طويل وشف خبرنا شاعي =ويل قلبي من قلوب(ن)ضايعن مرماعه
الراوي/ فواز الغسلان



ردا على الراوي / فواز الغسلان
والله إنه حارفكري والقلم باأصباعي = وصرت أعيد قرايت المكتوب حول الساعه
ضاق يافوازصدري طحت ماني وآعي = سبة الفرقاء قلوب(ن) حاقده قطاعه
ماوعيت إلاالدكاتروأكسجين صناعي = قلت يادكتورإبن غسلان كيف أوضاعه
والغليبه والقهرطوّلت وأنت تراعي = فرصتك باالعمرياراحت صعيب إرجاعه
علمن باإسمه ورسمه والبلد والراعي = لأجل عينك والله إني با أول الفزاعه
لأجل موضوعك حرام إني نسيت أوضاعي= وصاحبك مالاع قلبك باالمحبه لاعه
والله إن القاف ياطوّل تزين أطباعي = من إرجال(ن)ماتغيرمذهبه وأطباعه
الشاعر/ مبارك طناء التبيناوي


 

قديم 12-06-2015   #7


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : منذ يوم مضى (01:58)
 المشاركات : 121 [ + ]
 التقييم :  10
لوني المفضل : Cadetblue
افتراضي المساجله مع الراوي / أبو فهد رقم 3



إسنادا على الشاعر/ مبارك طناء التبيناوي
يامبارك وش اللي لاقريته يـعـــيـذ = من هجوسٍ نتاجه بالضماير رضوض
حظي اللي مشالي في حياتي لـــذيـذ = داربي وأغرقتني موجعـات الحضوض
دمع عيني ليانام الخوالي رذيـــــذ = والسهر صار عندي من عديد الفروض
عقب حكم صدربي صارجسمي جذيـذ = وأولٍ كان زاهي كالخـزامَى بروض
قلت نطلب قرابة من جنابه يـليـذ = عقب ريحٍ عجزنا من هبوبه نجوض
قالت الناس هذا شذ رآيه شـذيـــذ = وعقب عقله نشوفه با الهذاري يخوض
قولهم بَـذْ هَمِّي باالضماير بـذيـذ = قلت نرضخ وربي قادر إنه يعوض

ردي على الراوي /فواز الغسلان
ياإبن غسلان كنّي شاربن لي نـبـيـذ = من غرابيلي اللي في حلوله غموض
لو نفذ كل هم الناس ماله نـفـيـذ = راسيٍ باالحـنايا لعنبوه إمعروض
وكل مـافـذ من همي توالي فـذيـذ = كمله حظي اللي مــاقوى للنهوض
ياعشيري وربي مؤخـذن بي وخـيـذ = والغلى والشـماته مـالقيـله نقوض
سبة اللي ليا قـذّت بعينه قـذيـذ = وشفت خدٍ كما البارق بليلٍ ينوض
قمت أصلي وأعيد القلقله وأستـعيـذ = من بلاوي حبايل ميـبسات اللحوض
وأتكالي على ربٍ عليه الـنـقيـذ = أنزل الذكر للمسلم جعله إمـحفوظ
الشاعر/ مبارك طناء التبيناوي


 

قديم 17-06-2015   #8


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : منذ يوم مضى (01:58)
 المشاركات : 121 [ + ]
 التقييم :  10
لوني المفضل : Cadetblue
افتراضي يامرحباء بأربع مكاتيب بإسبوع



بالتأكيد الذيب لا يهرول عبث، وصلني من الراوي / فواز الغسلان القصيده الرابعه وكلاهما خلال إسبوع إن لم تخني الذاكره في عام 1425هــ وتذكرت قول الشيبان يرحمهما الله ( كن على حذر من الراوي الشاعر وليس من الشاعر الراوي لذا يلزمني توثيق مايحضرني من مايتجاوز أربعين قصيده إرسلها لي ورديت عليها في حينه
المساجله رقم(4)إسناداً على الشاعر / مبارك طناء مبيريك التبيناوي
صك (ن) صدر للجفن بالنوم ممنوع = رجواي بالله كان ماجاه تمييز
لي صاحب(ن) من حبه القلب مشلوع = ونواضري برموش عينه مغاريز
فواز ضاع بلاهب العين مدفوع = ويحرق ورى فواز عشرة فواويز
يابو طناء مافادني جمع وفزوع = باللي جعل عيني دموعه مناقيز
صارالخطاء من صاحبي دوم مرفوع = ونوافذي عن شوف جرحه مقازيز
ردا على الراوي والشاعر/ فواز الغسلان البقعاوي
يامرحبا بأربع مكاتيب بإسبوع = وأطرب مادام السالفه نوع تعجيز
إعطيك من صافي نهر كل ينبوع = ولاني مدوّر له مع الربع تعويز
أبشر وأنا رتبت لك خوش مشروع = كأنك فهمت الحرفنه والبراويز
عذبات عسرات القوافي تجي طوع = هتلر لياركزت بالقاف تركيز
لاشك مشغلني من العام موضوع = إمجهز(ن) جيشه على القلب تجهيز
يابو فهد ماشفت له حل وسنوع = شفتك تعزز لي ولا شفت تعزيز
أنا بلى قلبي من البيض مربوع = يرسل على قلبي هموم (ن) مجاويز
لا لا تقول الصبر خيره ومنفوع = وباب الرجاء دونه قفول ومجاليز
والهَيِنّه صارت مثل حبة الكوع = لاتشكي أبكي لك وأفك المحاجيز
ولاتبدي أسرارك على كل مصقوع = ياكثر هرج مدورين المهاميز
أخوكم الشاعرالراوي/ مبارك طناء مبيريك التبيناوي


 

قديم 17-06-2015   #9


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : منذ يوم مضى (01:58)
 المشاركات : 121 [ + ]
 التقييم :  10
لوني المفضل : Cadetblue
افتراضي يامرحباء بأربع مكاتيب بإسبوع



بالتأكيد الذيب لا يهرول عبث، وصلني من الراوي / فواز الغسلان القصيده الرابعه وكلاهما خلال إسبوع إن لم تخني الذاكره في عام 1425هــ وتذكرت قول الشيبان يرحمهما الله ( كن على حذر من الراوي الشاعر وليس من الشاعر الراوي لذا يلزمني توثيق مايحضرني من مايتجاوز أربعين قصيده إرسلها لي ورديت عليها في حينه المساجله رقم(4)إسناداً على الشاعر / مبارك طناء مبيريك التبيناوي
صك (ن) صدر للجفن بالنوم ممنوع = رجواي بالله كان ماجاه تمييز
لي صاحب(ن) من حبه القلب مشلوع = ونواضري برموش عينه مغاريز
فواز ضاع بلاهب العين مدفوع = ويحرق ورى فواز عشرة فواويز
يابو طناء مافادني جمع وفزوع = باللي جعل عيني دموعه مناقيز
صارالخطاء من صاحبي دوم مرفوع = ونوافذي عن شوف جرحه مقازيز
فواز الغسلان

ردا على الراوي والشاعر/ فواز الغسلان البقعاوي
يامرحبا بأربع مكاتيب بإسبوع = وأطرب مادام السالفه نوع تعجيز
إعطيك من صافي نهر كل ينبوع = ولاني مدوّر له مع الربع تعويز
أبشر وأنا رتبت لك خوش مشروع = كأنك فهمت الحرفنه والبراويز
عذبات عسرات القوافي تجي طوع = هتلر لياركزت بالقاف تركيز
لاشك مشغلني من العام موضوع = إمجهز(ن) جيشه على القلب تجهيز
يابو فهد ماشفت له حل وسنوع = شفتك تعزز لي ولا شفت تعزيز
أنا بلى قلبي من البيض مربوع = يرسل على قلبي هموم (ن) مجاويز
لا لا تقول الصبر خيره ومنفوع = وباب الرجاء دونه قفول ومجاليز
والهَيِنّه صارت مثل حبة الكوع = لاتشكي أبكي لك وأفك المحاجيز
ولاتبدي أسرارك على كل مصقوع = ياكثر هرج مدورين المهاميز
أخوكم الشاعرالراوي/ مبارك طناء مبيريك التبيناوي


 

قديم 17-06-2015   #10


الصورة الرمزية مبارك طناء
مبارك طناء غير متصل

بيانات اضافيه [ + ]
 رقم العضوية : 2997
 تاريخ التسجيل :  14 - 11 - 2011
 أخر زيارة : منذ يوم مضى (01:58)
 المشاركات : 121 [ + ]
 التقييم :  10
لوني المفضل : Cadetblue
افتراضي من ضمن مساجلات الراوي الشهير/ ابو فهد



إسنادا على الشاعر / مبارك طناء التبيناوي
1ـ يقولون من ينـزل بـقـاع البحـر غـواص = لزومن يجـيـب من الجواهر درر وفصوص
2 ـ وأنا يامبارك في بحور الهوى رقـــــاص = غريقن بموجــاته طريحن تقل مقروص
3 ـ إذا ضقت من فرقاء عشيري ركبت الشاص = رفيقن لطرد هموم من يركبه مـخـصـوص
4 ـ يعزك ولا عمره خذل سـايقـــه أو حاص = جديدن من الجمرك وفيه الدبل مـفحـوص
5 ـ ويشفين من همن لضلع الحـشـاء قـصـاص = غثيث ٍ يحط الضلع من ضيقته مـفصوص
6ـ من اللي جذبني بالهوى مثل جذب الـمـاص = وجر حه تقل يضرب عروقي شـطير الخوص
7ـ إذا قلت أبي شـوفك تـململ تقل خـراص = تململ تـقل قلبه على شـوفتي مرصوص
8ـ وانا عشت من صغري على المرجله مـفـراص = ولا أرضى الهوى دامه يجي قيمتي بـنقوص
9ـ أعــاف الشـراكه لو على ركبتي باالبـاص = أبي موتري وحدي لو إني عديم شـنـوص
10ـ حياتي على العزه ورى صـيـدتي قـنـاص = ولا خفرتن نركض وراها ركيض الصوص
ردا على الرآوي / فواز العسلان
1ـ تـمنيت قبلك لو لـحـزن الحشـاء نقاص = ولا شفت قلبي مع صخيف الحشاء مقلوص
2 ـ وأنا اليوم يافـواز مـالي منه مـخـلاص = وأبعطيك عن مـاحّل في حالتي ملخـوص
3 ـ ترى حال من يشرب من الحنضليل قـلاص = مثل من فقد شـيهانـتـه وخوياه قنوص
4 ـ وجودي عليها وجد من رصّـه الرصـاص = كلاه اللهب في يوم يثني خلاف العـوص
5 ـ ملكني جمـاله والحيـاء فيه والإخـلاص = لاشك البلاء دونه عيونن عليه إحروص
6 ـ يافواز من شـأنه تـهل الدموع إرخاص = وبحر الهوى صعـبن على يجـيـد الغوص
7 ـ بشرع الـهوى مافيه قول الجروح قـصاص = مكان الخطاء من صاحبي ساعته مبحـوص
8 ـ غرامـه تقل مع دم قلبي يـحـط أقراص = مشاء مع شراييني خلط دمي الـممصوص
9 ـ حبيبي تكفي شـوفتـه عن كثير أ شـخاص = ليامن تشخّص عـاضني عن كثير إشخوص
10ـ حقيقه ملّص قلبي ولالي مـنـه مـملا ص = هو اللي على تعذيب قلب الشقاء مرخوص
الشاعر / مبارك طناء التبيناوي


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:56


Powered by vBulletin® Version 3.8.9
Copyright ©2000 - 2019, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام