آخر 10 مشاركات
لو سمحتي كان تعطيني مجال (الكاتـب : - آخر مشاركة : - )           »          دنياك (الكاتـب : - آخر مشاركة : - )           »          ايوالله انه يستحق القصيده (الكاتـب : - )           »          عمر التبع ماينفرد بالرياسه (الكاتـب : - آخر مشاركة : - )           »          ديوان الشاعر / مشعل عسام التريباني (الكاتـب : - )           »          الهمّـه .. الهمّـه .. 🌺🌸🌺 (الكاتـب : - آخر مشاركة : - )           »          ديوان الشاعر / ضاري الزوبعي (الكاتـب : - )           »          العيد فرحه (الكاتـب : - )           »          قصيدة رد ثناء بالأخ العزيز /صاطي بن شافي البريكي الشمري (الكاتـب : - آخر مشاركة : - )           »          شاقني قافنه مثل نفح العبير (الكاتـب : - )

يوتيوب  نشامى  شبكة شمر
إعلانات شهرية
صور كبار وابناء الحسين حسين المجلاء شبكة نشامى شمر
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 22-06-2010   #1


الصورة الرمزية مشاعر شاعره
مشاعر شاعره غير متصل

بيانات اضافيه [ + ]
 رقم العضوية : 2226
 تاريخ التسجيل :  22 - 06 - 2010
 أخر زيارة : 26-04-2011 (08:47)
 المشاركات : 13 [ + ]
 التقييم :  11
لوني المفضل : Cadetblue
افتراضي ديوان الشاعره / مشاعر شاعره





هذي قصة
مشاعر شااعره

حضرت قبل فتره مناسبة زواج إحدى صديقاتي (وكانت من غير قبيلة شمر) وعندما حان دوري طلبت أغنية (بشمر) ويبدو انها آثارت حفيظة بعض نفوس الحاضرات وعندما هممت بالنزول من المنصه قالت أحداهن بطريقه مستفزه جدااا (وش زودك علينا لاصرتي شمريه عاااد) فألتزمت الصمت أحتراما لأصحاب الحفل لكني تنفست القصيد
وش زودك علينا لاصرتي شمريه عاااد .. ..


إيه ضــيغميه من سنـــاعيس حايـــل =أرفع بها راســي ووطــي بها رووس
انا الفــــخر والصيت وعـــز القبايـــل=اللي تسطــــر به تواريــــخ ودروس
انا الشـــرف والستر وبنت الحمايـــل=اللي لهم بالطـــيب فخر(ن)وناموس
بنت االحسيــــن مزبنـــين الدخايـــل=تضرب على الكايد بلا خيــــل وتروس
حسينـــات يوم الحـرب والدم سايـــل= ترمي الحـياة وتجعـل الموت ملبوس
دغيـــراات سم اللي بكبـــده غلايـــل=تدوس راس اللي تعرض لهم دوس
صيحاتهم من فوق ظهــور الاصايـــل=تزيغ عقل اللي من الخوف ملحوس
تشهد لنا الايــــام بفعــــل ..الهوايـــل=لا زاح دخـــان المعــارك عن الروس
وتشهد لنا الآنــام ببيــــض العمايـــل=يوم الردي بزنزانة الظـــيم محبوس
مجد(ن)مسطر بين قــــول وفعايـــل=يكفيك عن حكين به الكذب مدسوس
برق"لمــــع والناس قامـــت تخايـــل=وبل انهماره شي واضح وملـــموس
حنا الشجاعه..والكـــرم..والفضايـــل=وحنا النفوس اللي بها الخير مغروس
وحنا المعارك..والـــرمك..والفتايـــل=نقدح طنا..ونشوش والبال معموس
وحنا المراجل..واافيــــين..الخصايـــل=لا ماكسبنا الطيب بحب خشم"وبوس
وانتي من انتــي؟ ياعظيمة سلايـــل= هل أصلكم بكتاب الأنساب مدروس
وش موقعك مــن بين كل القبايـــل = وشو نسبكم لاغدى العرق مدسوس
مدام عندك علـــم أن مامن صمايـــل=وان ذكركم بالكون ماشرقله شموس
انتم كذا بالارض ناس(ن) همايـــل =ذكرن غدى بالناس مخفي ومطموس
وحنا شمـــوس(ن)ماحجبتها النثايـــل=نارآ تلــــظى ماهي بضي فــانوس
يميل عقـــال الشـــمري..ماتمايـــل=ثابت مثل سلمى واجا لعتلى الروس
هذا كــــلام الصدق وعندي دلايـــل=يلي بريت القوس وانت تجهل القوس
إيه شمــريه من سناعــيس حايـــل=وبه يعتلي راسي على جملة الروس

شعر : مشاعر شاعره


 

قديم 10-08-2010   #2


الصورة الرمزية مشاعر شاعره
مشاعر شاعره غير متصل

بيانات اضافيه [ + ]
 رقم العضوية : 2226
 تاريخ التسجيل :  22 - 06 - 2010
 أخر زيارة : 26-04-2011 (08:47)
 المشاركات : 13 [ + ]
 التقييم :  11
لوني المفضل : Cadetblue
افتراضي نصيحة" لأهل العقول الفهيــــمه




نصيحة" لأهل العقول الفهيــــمه ..

ودي أقدمهــــا على مسمع الناس=نصيحة" لأهل العقول الفهيــــمه
الدين بالاسلام تاج"على الراس=يحمل معاني ساميات"عظيــــمه
لاخير في نفس الفتى طيب الساس=لاصار مايخاف الولي من صميــــمه
حافظ على فرض"به الدين ينساس=ترا الصلاه ساس الحياة الكريــــمه
وحافظ على صومك وتبعدعن البأس=يصح جسمك من الامور السقيــــمه
وزكاة مالــــك لاتصير فيه بــــلاس=فالرزق ينفذ والصحايف مقيــــمه
حج وتصدق راقب الله بحســــاس=وابعد عن اللي فايداته عديــــمه
من حج بيت الله ملزوم بلبــــاس=ومن خاف ربه خاف منه خصيــــمه
والطيب له بالمرجله قمة الراس=فعل النشامى ..شاعمين الضريــــمه
اللي لو ان الوقت لخشومهم داس=يلقى بهم قوه وصبر وشكيــــمه
اللي يمدون العطــــايا بلا قـــياس= ماحسبوا لوقت الليالي الظليــــمه
الطيب فعله عالي الحوم قرناس=والا الردى يرث امورآ وخيــــمه
الفرق فرق غالي ذهبها عن النحاس=الطيب من الله مايحاش بغنــــيمه
المرجله ماحاشها شــــارب الكاس=تخسى يمينه عن اليمين الكريمــــه
والصدق ميزه وراعي الكذب محتاس =يــــبين زيفــــه لو حباله صريمــــه
الرفق هو واللين والحلــــم بالناس=اشياء توحدهــــا النوايا السليــــمه
أرفق بحال النــــاس ترفق بك الناس = فالله يرأف بالقــــلوب الرحيــــمه
اضحك تبسم واحسن الظن بالناس=يصير لك عزآ وقــــدرن وقيــــمه
الناس تكره وجه من كان عباس=أحشم جناب الناس تلقى حشيــــمه
خلك بشوش" لايجي وجهك عماس=قوي علاقــــاتك بروابط حميمــــه
ايضآ ولاتصحب من الناس هلباس=تصير انت ويــــاه بنفس الجريــــمه
ولاجاك جاهل هرجته دون مقياس=اصبر على الجاهــل بروح"حليمــــه
جنب عن العالم ولاتصــــير عساس=الناس بالله وخل عنك الظليــــمه
ابعد عن اللي هرجهم زور ودناس=بعض المجالس في كلامه سميــمه
الزم حــــدود الله قبل دق الأجراس = قبل تودعهــــا لحفــــره ظلــــيمه
لو زان عشب الارض تاليه دراس=مــــات النبي راع الفعول العظيمه
ابصر وناظر وين سالــم ودواس= خذتــــهم الدنــــيا مواخذ ألــــيمه
من شط نهر النيل لحدود مكــــناس=كل تجرع من نكــــدها وضيــــمه
حاول تزود من قبل وقت الافلاس=يوم الغريم ياقف يحاسب غريــــمه
هذي نصيحه يعقله فاهم الناس= ماهي لراعيــــن العقول الغشيــــمه



% شــــ مشاعــر ــــاعره%


 

قديم 04-11-2010   #3


الصورة الرمزية مشاعر شاعره
مشاعر شاعره غير متصل

بيانات اضافيه [ + ]
 رقم العضوية : 2226
 تاريخ التسجيل :  22 - 06 - 2010
 أخر زيارة : 26-04-2011 (08:47)
 المشاركات : 13 [ + ]
 التقييم :  11
لوني المفضل : Cadetblue
افتراضي قصيده



البنت تلقى عزهــا عند أبوهــــا
ولامات ابوهـــا عزهــا وين تلقااااه؟
قصيده .. ..

مرت سنين ودموع عيني كمالسيل=ماذكر نسيتك يايــــبه لو ثوانــــي
ذكراك عندي حاضره تالي الليــــل=أعيشها لحظات عطف وحنانــــي
يبــــه انا تعبــت تعبــت.. بالحيــــل=ماتت على شفاهي حروف الاماني
تعبت أشيل الحزن والهم والويــــل=أشياء كثيره ماقواها كيانــــي
صارت حياتي غارقه بالبهاذيــــل=صوت الفرح يابوي حسه نسانــــي
ماجت لي يابوي يسر وتساهيــــل=بالعكس حظي في همومي رماني
وشلون اعدلها وهي ترجع تميــــل=وشلون أطفي نار جمره كوانــــي
أظلم مكانك وانطفت به قناديــــل=ياوحشة ايامي وغربــــة مكانــــي
بعدك شربت الهم بكل الفناجيــــل=تقول حزن الــــناس كله حوانــــي
صدري كما ميدان تركض به الخــــيل=وهواجسه تســــرح بليا..عنانــــي
تفرق بعيني عن جموع الرجاجــــيل=جمع البشر في غيبتك ماكفانــــي
ليتك مسافر والرجاء بالمقابيــــل=واقول باكر في صباحه لفانــــي
لكن طريق الموت مافيه تبديــــل=ومافيه رجعه والجسد صار فانــــي
يابوي لو تعطى المنايا بكم كيــــل=لارخصت لك عمري وباقي زمانــــي
بس القدر سهم عن الشخص مايميل=ولايترك المقصود لم شخص ثانــــي
حكمة حكيم"نزل الحق تنزيــــل=قران متنــــزل بسبع المثانــــي
يبه عليك أغرقت بيض المناديــــل=من غيبتك والحزن ضيف المحانـــي



شعر/ مشاعر شاعره


 

قديم 10-01-2011   #4


الصورة الرمزية مشاعر شاعره
مشاعر شاعره غير متصل

بيانات اضافيه [ + ]
 رقم العضوية : 2226
 تاريخ التسجيل :  22 - 06 - 2010
 أخر زيارة : 26-04-2011 (08:47)
 المشاركات : 13 [ + ]
 التقييم :  11
لوني المفضل : Cadetblue
افتراضي إهداااااء اااالى نـــــوره...





إهداااااء اااالى نـــــوره... .. ..


نوره توصيني تقول الصبر زيـــــن=وانا ادري انه زين لكن زهقتـــــه
نوره لاشفتي دمعة العين بالعـــــين =لا تســـــأليني ليه دمعي عشقتـــــه
خليه ينزل حارق(ن)فوق خديـــــن=مثل مانار الظلم جوفي حرقتـــــه
نوره هذا انا صابره عدة سنيـــــن=واليوم عن باكـــــر انا مافرقتـــــه
كله سوى بالظلم والغبن والبـــــين= ذقت المـــــرار إلين فعلآ شرقتـــــه
اليوم في عيني مثل قبله الشـــــين=لا..جف رمش العين فورآ أغرقتـــــه
كن الشقـــا والدمع بالعمر نصفـــين =متقاسمـــــينه غصب وانا سرقـــته
وانا ادري ان الصبر حول المساكين=لاشك انا مليــــت منه....زهقتـــــه
مشـــــاااعر شـــــاااعره


 

قديم 09-02-2011   #5


الصورة الرمزية مشاعر شاعره
مشاعر شاعره غير متصل

بيانات اضافيه [ + ]
 رقم العضوية : 2226
 تاريخ التسجيل :  22 - 06 - 2010
 أخر زيارة : 26-04-2011 (08:47)
 المشاركات : 13 [ + ]
 التقييم :  11
لوني المفضل : Cadetblue
افتراضي أحلامنــًـا..مثل سراب (ن) بقيعــًـه





في حياة كل منا..أشياء واشياء اخرى
أحلامنــًـا..مثل سراب (ن) بقيعــًـه .. ..

أحلامنــًـا..مثل سراب (ن) بقيعــًـه=مايروي العطشان لو جاه عــًـاني
وهمومنــًـا..دايم كبيره فضــًـيعه=أسهومها تطعن بوسط المحــًـاني
وعقولنــًـا..للخير ماهي مطيــًـعه =بالعكس دايم سارحه بشي فــًـاني
وأيامنــًـا.. تمشي وخطآها سريــًـعه=وسود الليالي مثل وثب الحصانــًـي
وأهدافنــًـا..تثــًـمر نتايج شنيعــًـه=إجرام لكن فاعلــًـه غير جانــًـي
وآمالنــًـا..تعطي خطــًـطنا ذريــًـعه= ونجلس نحددهــًـا بزمان ومكــًـاني
وأشجاننــًـا..بالغــًدر تنزف صريعــًـه =مجروحة (ن) بيدين قاصي ودانــًـي
ودروبنــًـا.. تضيق لو هــًـي وسيعــًـه= ونكــًـذب ولو حنا نحفظ المثانــًـي
وأوقاتنــًـا..ملزوم غصب (ن) نطــًـيعه=بس المهم ناخذ مــًـكانه وشــًـاني
وصدورنــًـا ..تاسع لمكـر وخديعــًـه= وتاضق بفعل الطيب وزين المعاني
وأمجادنــًـا..نجلس نلمــًـع صنيعــًـه=نعــًـيد تنميــًـق الجمل والامانــًـي
يالــًـلأسف...حنــًـا نسينــًـا الشريعــًـه= وصار الهدف آصل قبل شخص ثاني


مشــً شاااعــًـره ــًـاااعر



 

قديم 14-03-2011   #6


الصورة الرمزية مشاعر شاعره
مشاعر شاعره غير متصل

بيانات اضافيه [ + ]
 رقم العضوية : 2226
 تاريخ التسجيل :  22 - 06 - 2010
 أخر زيارة : 26-04-2011 (08:47)
 المشاركات : 13 [ + ]
 التقييم :  11
لوني المفضل : Cadetblue
افتراضي شــكرآ زمــاني




شــكرآ زمــاني.. ..

شــكرآ زمــاني..وكثر الله خيرك=شكرآ على كل المتاعب والأحزان
شــكرآ زمــاني..والجَرح مايضيرك=لاصار في قلبي انا ماني إنســان
شــكرآ زمــاني..لاعلى حوم طيرك=وغنا على راسي عبارات وألحــان
شــكرآ زمــاني..والبشر صح غيرك=جرحك صغير وجرحهم دوم مليــان؟
شــكرآ زمــاني..مات بدري ضميرك=ربي عسى يجزيه صفح"وغفــران
شــكرآ زمــاني..مالحق درب سيرك=سوى رفات الهم ودموع الأعيــان
شــكرآ زمــاني..فاح باقي عبيرك=وعطرت به باقي هدومي والأكــفان
شـكرآ زمـاني..الخوف غطى مصيرك=واصبح طريقي فيك تايه وحيــران
شــكرآ زمــاني..دام قلبي خبيرك =وانتَ خبير القلب هو ليه تعــبان
شــكرآ زمــاني..الهم صاير سفيرك=صدرلي افراحي واستورد أحــزان


"مشاااعر شااااعره"


 

قديم 26-04-2011   #7


الصورة الرمزية مشاعر شاعره
مشاعر شاعره غير متصل

بيانات اضافيه [ + ]
 رقم العضوية : 2226
 تاريخ التسجيل :  22 - 06 - 2010
 أخر زيارة : 26-04-2011 (08:47)
 المشاركات : 13 [ + ]
 التقييم :  11
لوني المفضل : Cadetblue
افتراضي دمعتي



((دمعتي))


دمعتي .. ..


عزاي أشتت دمعتي بروس الاصباع=أخاف بعض الناس تبصر عـــيونه
مابي خبر حزني على الناس ينذاع=أخشى العواذل لادروا..يعـــلنونه
وحفرت لسري خندق"بين الأضلاع=ماظنــهم قدروا علي ..يحفـــرونه
يوم أبصروا وجهي من الحزن ملتاع=تسألوا من هو السبب في..طعـــونه
عزالله أخطوا دربــهم درب الأسناع=يوم أنهــم هقيــوا علي..يصعـــدونه
ياليتهم بقــيوا على.. طامــن القــاع=ولا ترقــوا..خافــقي...يجرحـــونه
يوم اسألوا سؤالهم بالمدى ضــاع=وش ينطرون السيل..مايوقفــونه
ماهمهم قلبي على الشر .. ينصاع=وإلا على درب الهدى..يرشـــدونه
قالوا تبــدل طبــعكم زين الأطــباع=حلو النبــا وشلــون غيرت...لـــونــه
وين الكــلام اللي يجر لب الأسماع=يسحر عقول ناسن لكم يســمعونه
أستدرجوا بالحكي عن سر الأوضاع=كم حاولــوا يلــقون شيٍ..يـــبونــه
ورديت صاعينٍ على صاحب الصاع=قهرتهم بالصمت وهم..يكرهــونه
وبقيت (حزني) نايمن بين الأضلاع=وهددتهم بالموت..لو..يزعـــجونه


مشـ شــاااعره ــااعر


 

 

مواقع النشر (المفضلة)

الكلمات الدلالية (Tags)
مشاعر, شاعره


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:31


Powered by vBulletin® Version 3.8.9
Copyright ©2000 - 2019, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام