[منقول] ابو مزهاف الجباري الشمري

قصة ابو مزهاف حميدان الجباري يوم يسجن

يقول ابو مزهاف كنت اداوم في مركز الطريفاوي بالعراق
حنا ثلاثة شمامره و عريف المركز جبوري و ربعه 13 ,
تخاوينا مع عنزي من عنزه سوريا يروح لسوريا و يجي يجيب بضاعه
( شمغ قحفيه و دشاديش ) و وصيناه حنا و مامور المركز يجيب معه لنا دشاديش .
جا العنزي و معاه البضاعه
و شافه عريف المركز وقال حنا وصيناك بـ 4 او 5 دشاديش
و انت محمل جملك بالبضاعه هذه كلها 0
وهو يصوت لـربعه يطرحونه و هو يقوم ابو مزهاف بوجه العريف
وقال ابو مزهاف العنزي خوينا
و عيب عليك اللي تسويه
قال العريف على الطلاق يدش الحبس و اكسر الخيزران على راسه .
قال ابو مزهاف علي الطلاق اللى موهو طلاقك
قال العريف وشي طلاقك
قال ابومزهاف طلاقك على حرمه و انا طلاقي سلاحي
و انتفازع انا و الشمامره على العريف و ربعه
و انصوب منهم اربعه و نفك العنزي و خليناه يروح .
و يشتكي العريف علينا عند المامور و يدزون برقيه للقياده
و يامرون القياده بحبسي 14 يوم و يحول للمحاكمه .
و يجي زاير لحدى ربعي بالسجن معه ولده يعرف يكتب
و اطلب منه يكتبلي رساله لـ عقاب العجيل
وصلت الرساله لعقاب العجيل و قراها له ماجد العقاب ولده
قال ماجد يبا الرساله من ابو مزهاف بها قصيده لك و هو مسجون
قال عقاب لولده عد القصيده :

قال ابو مزهاف ماحولي ارجالي = و العريف ولابته هدوا عليه
وانتخي بالضيج مصطور العيالي = الشميلي شوق مجلي الثنيه
وابن غافر شوق من لبس الدلالي= بالملاقا عادته يرمي الشفيه
حطموهم من يمين ومن شمالي =. ظاقت الدنيا عليهم و الفضيه
كسروا جنطات بكتوف انذالي = وديروا اللقف و لا صدوا خويه
لاكن اشتكوا عند المفوض يحلالي = وقدم الكربون و القرطاس ليه
دزوا المكتوب حالاً بعتجالي .= و امروا بالسجن بالقرفه عليه
من بنا يومه على قبره يشالي = يالنشامه لا تهابون المنيه
و المراجل مثل رقاي العوالي = ما يهون لا جاد من جيده قويه
قبل يوم شيوخ شمر له ظلالي = ما يطب السجن ولد الشمريه
من راح الحيزان شانن الليالي = راح ابو صفقان حماي الونيه
و حسايف لولا بالحكام شالي = و الله الولي كل(ن) بلشان بخويه
ليت ابو عافت يشوف اشلون حالي = وابن مصيول يفك بطال الونيه
اه وا ويلاه من شين جرالي = تكل شاربن مرارن من سم حيه

( ابو صفقان المقصود هو عجيل الياور )
قال عقاب لولده هاتو دخينه ( دخينه وانيت هديه من آل سعود لعقاب العجيل )
و افزعوا لـ ابو مزهاف و طلعوه من الحبس
و تحمد وله بالسلامه قال ابو مزهاف السلامه يوم فكينا العنزي
و طلعنا قدامه بوجه ابيض .

هذه السالفة من سوالف ابو مزهاف حميدان الجباري تنم عن المرجله و الشجاعه .
-
-
-
ملاحظه اخواني انا ناقل فقط ونقلتها حرفيا
ومادري يوم يقول عقاب العجيل هو يقصد عقاب العجل او فعلا يقصد عقاب العجيل
ياليت من يعرف القصه ان ينورنا

تسلم يمناك يالنشمي
مثل هالقصص لها ثمره وتونس الله ايونسك بالعافيه

ربي يعطيك العافية

ودي

يسلم والله ابو مزهاف
بيض الله وجهه
الشاعر عويد المغيليث
يسلموا الايادي يابعد حيي

اقتباس المشاركة الأصلية كتبت بواسطة الشيخ منحاش تسلم يمناك يالنشمي مثل هالقصص لها ثمره وتونس الله ايونسك بالعافيه

حي الله شيخنا الحاضر
الله يسلمك من كل شر يالغالي
ونتمنى اللي يعرف يجاوب على تسائلي حول الاسم

اقتباس المشاركة الأصلية كتبت بواسطة قمرا سماه ربي يعطيك العافية ودي

الله يعافيك وشاكر لك مرورك

اقتباس المشاركة الأصلية كتبت بواسطة ابو ركبه يسلم والله ابو مزهاف بيض الله وجهه الشاعر عويد المغيليث يسلموا الايادي يابعد حيي

ابو ركبه
الله يسلمك من كل شر يالغالي
ووجهك ابيض عزيزي
تحياتي

الاخوه الكرام بعد السؤال
اتضح لي ان المقصود في قوله عقاب العجيل
يقصد عقاب العجل وليس العجيل
وربما الكاتب عنده اخطاء املائيه كما يلاحظ من خلال كتابته
هذا اردت التنويه عنه
تحياتي للجميع

اقتباس المشاركة الأصلية كتبت بواسطة ابو طارق الشمري شاعرنا عويد تسلم وبيض الله وجهك على نقل القصة...تحياتي لك وأنتظر منك الجديد.

ووجهك ابيض يالغالي
شاكر ومقدر لك مرورك الجميل

تم رفعها من قبلي
المشرف العام

السلام عليكم

أبو مزهاف الجباري الأسلمي الشمري رحمه الله

حسب ماسمعنا وختلفت الروايات على الاسم يقولون

انه عجيل الياور والله اعلم