ديوان الشاعر / ابن الضياغم

[ابن الضياغم]

اهدا الى الاخ الشاعر فواز المايق الذي دلني على منتدى نشامى شمر
اســم الـقصيـده (( الضحك على الدقون )) .. ..



الحدث يخرج الرجال عن طوره = كل من شاهده يحس بالضيقه


شوهت صورة البرواز طبشوره = و بيضكم يعرفون الكل تسليقه


تنقلون الحدث بالصوت والصوره = ويكتفي صاحب الفكره بتحديقه


يدري انه تحدى لجنة الدوره = والمهمة على البركان تسويقه


بالحقيقة جميع الناس معذوره = صدقوا فكرته واليوم تلفيقه


يقبل الشك والتزييف بشعوره = والتحدي على الاول نشف ريقه


من ركز رايته في محفل الكوره = يدري ان الحدث قصه وتلزيقه


من يصدق غيابه يشبه حضوره = باهت اللون لو حاولت تغميقه


كنت اصدق كلام الناس والثوره = والطموح الذي يسعى لتحقيقه


بعد ماشفت كل الناس مبهوره = في حضوره وترتيبه وتنسيقه


اكتشفت الحقيقه والزمن عوره =يخسر الطير من وزنه بتحليقه

الشاعر

ابن الضياغم

منتديات الاجفر

[ابن الضياغم]

((( حلم السعادة )))




كنت اعاني متاهات الطريق الطويل


واكتشفت الحقيقة يوم غاب القمر


كل ما قلت غصن الموز يمي يميل


كل ماقلت طاب النوم بعد السهر


زاد طول المسافة بين خل وخليل


والمشاعر توهج حرها كالجمر


وين حلم السعادة نشربه سلسبيل


ياطموح التلاقي ياشبيه المطر


قلت يالله عسى روضي بوصلك يسيل


يسقي عروق قلبي عطفك المنهمر


كل ما شعشع بعيني جبين الاصيل


قلت يالله عساي اللي بحقه ظفر


انت ياللي تمنيتك ولامن حصيل


ارحم الحال من ظلمك وغض البصر


تقبس ضلوع صدري مثل قبس الفتيل


يوم اشوفك تصيرالخمس عندي عشر


انت بالوصل والاحساس طبعك بخيل


تدري افعل على كيفك وكلك نظر


بعض الاحيان شوفك يشبه المستحيل


مثل ماقيل لاعلمٍ ولامن خبر









اخوكم ابن الضياغم..............

[ابن الضياغم]

!!! الــــــمـــــحـــــبـــــة ؟؟؟


المحبة لها شـرحٍ يطـول ويطـول

والهوى لهله العشاق نبض الحيـاه

اه يا واحـدأ حبـه بقلبـي يجـول

كامل الزين والاوصاف ربي عطـاه

كنها عنق بالتشبيـه ريـم جفـول

اه ياجرح قلبي يوم يسحـب خطـاه

يوم سلهم بعينه كن رمشـه كسـول

كل من سار قدامـه برمشـه رمـاه

قمة الحسن والابهـار شـيٍ يهـول

يذهل العقل من حسنه وليـلٍ كسـاه

والله اني مصدق فيك هرج العـذول

والله انه بيبطي محصل مبتغاه

من نظر لي يحس اني مصاب بخمول

قال الحق علـى عمـرك ودور دواه

قلت انا علتي ودواي طفـلٍ خجـول

هو سبب علتي وهو سبايـب شفـاه


حالتي يا حبيبي دايـمً فـي نـزول

اسهر الليـل كلـه واتأمـل سمـاه

[ابن الضياغم]

؟؟؟ كـــل الـــــزوايـــــا !!!



في زمان العولمه والعالميه=في زمان الذل في كل الزوايا
في زمان المطعجه والعنجهيه=في زمانٍ تختلف فيه النوايا
كل يوم يموت مسلم في شظيه=والنساء واطفالها جل الضحايا
رددي الاهات يالحره الابيه=كلنا من العز والنخوه عرايا
اننا بالمختصر امه غبيه=نتبع امريكا وهي ام البلايا
ودولة الارهاب وام العنصريه=عمت امريكا ومن نفس الخلايا
ياعرب يامسلمين الهاشميه=رددت اهاتها بين البرايا
من قبل ستين عامٍ والقضيه=كبروها لين حطوها قضايا
الحلول الواضحه ماهي خفيه=حلها باللي يقودون السرايا
اقودوا بالنار دام النار حيه=اشعلوها من قبل يوم المنايا
بيعوا الارواح واشتروا المنيه=وابشروا بالنصر من جزل العطايا
والشهيد يعيش والعيشه هنيه=عند ربه لاذنوب ولاخطايا
والعمل لابد له من حسن نيه=ويعلم اللي ماعلى علمه خفايا
كان قصدك نصرة الدين ونبيه=ادرس الموضوع من كل النحايا
لاتصير اللي كسب ذنب وخطيه=متجه للقدس واصبح في بتايا


ابن الضياغم.............=

[ابن الضياغم]

?????? لنا الطنايا!!!!






قولوا لناصر ياهل العرف والشـور=ان الخليفـة مالـهـم بالطنـايـا

حكـام للبحـريـن دورآ ورى دور=وبعض المدايح من كبـار الرزايـا

الناس تدري واترك المدح بالـزور=الزيف هوراس الخـزي والخطايـا

كان انت ياناصر معـذب ومقهـور=حنا الطنايا صـدق ماهـي حكايـا

وغلبا لنا من ماضي الوقت وعصور=وحنا ترى الزهيـد يـوم المنايـا

وحنا سناعيس الجبل والفعل نـور=عاداتنـا نعطـي جـزال العطايـا

يشهد على ماقول حكـام وقصـور=ان الطنايـا مـالـه الا الطنـايـا

[ابن الضياغم]

!!علموني!!







علموني كان انا يانـاس غـادي= من يحرض مانشوفـه بالمعـارك

هيه ياللي تبتسم وتقـول عـادي = كان عـادي ننتظرمنـك تشـارك

اومثل من ينتظروقـت البـرادي= ولاتقـول بعيدوالسفـاح جـارك

نسمـع التهديدخوفـت الاعـادي = انت في نفسك تقول العار عـارك

بالحقيقة من سمع صوتك تنـادي = ينتظرواعـداك تستقبـل دمـارك

انت لاحاطب ولاجامـع هـوادي = كيـف تقنعنـي اذاشبيـت نـارك

والحقيـقـة العددكثرالـجـرادي = والولاللمذهـبـيـة لالـــدارك

الغريب اني اعرف مـن اي وادي = اعرفك بالصوت واعرف مستشارك

انت خونـت السعوديـة بـلادي = والعرب والغرب مع حسني مبارك

علموني كـان انايانـاس غـادي = من يحرض مانشوفـه بالمعـارك







ابـن الضيـاغـم...............

[ابن الضياغم]

!! حــــــــــــائــــــــــل !!





سلام يادرآ لها بالكرم شان=من دور حاتم والعصور القديمه

تاريخها من قبل يافث وكنعان=بها الرجال اهل النفوس الكريمه

ومع الكرم فيهم شجاعة وفرسان=اهل وفا واهل حميا وشيمه

شمر ليامنه غشا الجو دخان= افعالهم تشهد ويشهد خصيمه

الشمري يفرح لياجاه ضيفان= الضيف يلقى حشمته والوليمه

هذي عوايدهم على مر الازمان=متوارثين الطيب قدر وحشيمه

حايل لها في مهجة الروح مسكان=هي امنا وام الكفوف الرحيمه

حايل فلا يوجد شبيهه بالاوطان= من بعد مكة والمدينة زعيمه

حايل اجاء وخشوم سلمى ورمان=ونفودها يشدى البريسم نعيمه

حايل لها في صفحة المجد عنوان=وكل ديرة بعيون اهلها عظيمه


ابن الضياغم=

[ابن الضياغم]

!!! شاطي بن مجول الجعفري !!!









الشعر له ناس تعرف اوزانه=والمجتهد يتعب على قيفانه
مثلك يابن مجول واقوله صادق=راع ا لهدف يرمي على نيشانه
عفيه بابن عمي وشعره حكمة=غصبٍ على الزعلان صح لسانه
يعجبك في شعره وفي طاروقه=وبيوت شعره بالحكم مليانه
انا اشهد انه شاعر متمكن=يعرف قوانين الشعر واركانه
ماهو مثل شعر الكذوب المسرد=اللي يمجد بالحكي جدانه
يقول قول والله انه كاذب=كاذب وكاذب لعن ابو وتنانه
المدح مايرفع خسيس وداني=يالعن ابوها شلة تعبانه
الحمد لله كل شي مدون=مايختلف لو اختلف عنوانه
واقبل تحية شاعرً ويباري=من صلب ضيغم عزوته واخوانه


ابن الضياغم............=

[ابن الضياغم]

!!!!!!!!!!!! الـــــحــــقــــــيـــــــقـــــــة !!!!!!!!!!!!!!!






الحقيقـة يخـون الحـرف تعبـيـره=كيف ابكتب وانا دمعـي علـى خـدي

يوم حل الظلام ومـرت السيـره=ياصدى الحزن لاجده ولاجـدي

افتقدنـا كـرم بـره وتوقيـره=لكن الخيـر بـأذن الله ممتـدي

كل فرقى تصيب القلب في حيره=حزة الضيق كن المعركة ضـدي

كل طرقي مصيره ياصل الديـر=ه ماقصر سنين العمر لاعـدي

اتلفـت يمينـي اذكـر الجيـره=اتجه لليسار وينفضـح سـدي

انه الوقـت مشتـده معاصيـره=كنه يقول لك طرقـي ومتعـدي

كل نفس تحث الرجل في سيـره=لبة لصوت من نادى لهـا ردي

المسافـر يزفنـه مشـاويـره=يم بيت الحصاد ومكمن الجـدي

هيه ياللي يدق الطيش في زيره=انتبه لاتقول انـا ومـن قـدي

المنايـا يزورنـك مـداويـره=كل نفس وضع لنهايتـه حـدي

المصايـب تحدثنـا تقـاريـره=ان من راح في مرمـاه مـاردي

العطايب بلاهـا مـن مناشيـره=غصب ماهـي بـلاوده ولا ودي

ادري الوقت تذهبنـا طوابيـره=وان صرح العمر له يوم ينهدي

يالله ارحم ضعيف بان تقصيـره=الخطايا زبدهـا للجسـم هـدي

كل مذنب طمع في عفوه وخيره=واحدآ لاشريـك لـه ولا نـدي

[ابن الضياغم]

شمـر اليـا عـد الكـرم اكـرام=تاريخهـم يغنـي عـن الـكـلام
سورالجبل عز الجبل هيبـة الجبـل=شمـر عزيزيـن النفـوس حشـام
شمر هل الطولات كسابـة الفخـر=كسايـة العيـدان ريـش نـعـام
من ضمن قـول للشريـف محمـد=اللـي يعـد الـحـق للاخـصـام
شمر مقر الجـود مـن دور حاتـم=رمز الكرم علـى الصـدور وسـام
وكـل القبايـل وقفـة دون حقهـا=النـور بيـن والـظـلام ظــلام
سلامٍ احلا مـن حليـب العطايـف=لجميـع شمـر نهـدي الـسـلام
يالابتـي كـلٍ يـقـدر مكانـتـه=الـراس راس والسنـام سـنـام
الاسم له حق على حامـل الاسـم=ابـوك مـات وورثــك مـقـام
لاتهـدم الصـرح القديـم العالـي=حافظ علـى برجـك مـن الهـدام
اليوم ياسهل المراجل علـى الفتـى=ماهي مثل وقـت الفشـق وحسـام
الدين ساس المرجلـة والمكسـب=الديـن يعطـي هيبـة المـقـدام
يازيـن جمعتهـن برجـلٍ واحـد=مع خف نفس ونظـرة الضرغـام
ياشيوخ شمر وش سبايب غيابكـم=غبتوا مع اللي غاب نفـس العـام
وانتم لكم تاريـخ وامجـاد سالفـة=ومكانكـم محـفـوظ بالاخـتـام
رواتب وشرهـات والخيـر وافـر=ومناصـبٍ مـع خيـرة الحـكـام
شمر تبـي منكـم فعـولٍ تسرهـا=عاشـت المجـد القديـم اعــوام
وحائل لها حقٍ على كـل شمـري=هي ملهمـة شمـر علـى الـدوام
ياشمر الحجـلان هـم راس مالنـا=تاريخهـم يغنـي عـن الـكـلام
ابن الضياغم........................=

[ابن الضياغم]

!!!!!!! نـــفـــس الــــعــــطـــر !!!!!!!




نفس العطرنفس الملامح والاوصاف=عشريـن عـام كيـف ماغيرتـهـا
علمي بها ترسم طموحات واهـداف=جـدران غرفتهـا عبـق شخبطتهـا
ترفض معاني العنصرية والاسفـاف=مـخـدة احــلام العمرطرزتـهـا
ايامهـا كانـت تقاليـد واعــراف=ومعالـم بعـض الصـور شوهتهـا
ناديتها عليا وقالـت لـي اوصـاف=الصـوت نفسـه والدليـل بححتهـا
قالت انا بنته وهـي مابـه خـلاف=غيرالـحـزن ودموعهاغرقـتـهـا
غصـب عليهـا زوجوهـا بـ (000)=راح العمـر ماحقـقـت امنيتـهـا
تقدمـت بعـد التخـرج للاشـراف=وادارة التعـلـيـم ماوضفـتـهـا
ملت وعدعرقوب يوم الوعـد طـاف=تخرجـت بنتـه علـى مدرستـهـا
حسبي على التنظيم ودعاة الانصـاف=ومراحـل التعليـم مـع جامعتـهـا
كن القوائم عندنـا حكـر واوقـاف=عـدالـة التعيـيـن مافعلـتـهـا
كـم واحدمهارتـه هـز الاكـتـاف=ومكـاتـب يـدالـردى سمرتـهـا
وظيفة الدولة تبي عـدل وانصـاف=وليـاحـصـل حواجزكسـرتـهـا
الشعب واحد والوطـن سترولحـاف=بس البـلا مـن هيمنـة واسطتهـا
ليت التواصـل بينناعبـر الاليـاف=ياصاربيبـان الـوصـل سكرتـهـا
الرزق عند منـزل ايـات الاعـراف=يدينـه ارزاق البـشـر قسمتـهـا
تكسـر القـارب وباليـد مـجـداف=المـوج وانيـاب الغضـب كشرتهـا
من تلتجي لـه غيـر جبـار رواف=الكـون كلـه قـدرتـه صرفتـهـا
المشكلـة اهـل المظاهروالاسـراف=الناقصـة مـن ربعـنـا كملتـهـا
من خلقة الدنيـا نزاعـات واحـلاف=العمـر صفحـة والليالـي طوتهـا
من يعتمد على التخـاذل والارجـاف=اهدافـهـا شـابـة ولاحققـتـهـا
بعـض الاوادم يستحقـون الاتـلاف=كـل النوايـا الطيـبـة دمرتـهـا
من يعتبر باللي حصل لاهل الاحقـاف=شـواهـده مسـاكـن شيـدتـهـا
لابد مـن يـوم تحمـل بالاسعـاف=تصيـر جثـة واليـديـن دفنتـهـا
وصلواعلى المبعوث من بين الاشراف=رسالـتـه كــل البشرحررتـهـا


ابــن الضـيـاغـم............... =

[ابن الضياغم]

صــقــرالـــعـــروبــة





سلام ياقائد الامه ونبراسه=سلام ياغيمةٍ هلة سحايبها
سلام ياقائد الحكام والساسه=سلام يازاكي الانساب واطيبها
سلام يامن سلوبه علم ودراسه=سلام يامقدر الشيبه وشايبها
مشاعرك يارفيع الشان حساسه=ودموع عينك على الايتام ساكبها
الكل يشهد عديم وقلة اجناسه=العادل اللي جميع الناس معجبها
حكيم رايٍ وعنده علم وفراسه=كل المراجل عزيز النفس شاربها
صقر العروبه جميع الشعب حراسه=رمز الوفاء لجله الارواح نجلبها
الله يخليه للامه سلم راسه=عينه على عزوته ماصك حاجبها
شخصٍ يعاديه هذا معلن افلاسه=نفسه حقوده ولا تخفى مأربها
عسى عدوه يذوق المر في كاسه=يموت في علةٍ تخفى سبايبها
كرامة النذل مهيونه ومنداسه=مرارة الذل والخسران يشربها
الملك تاجٍ ويزهى التاج لباسه=صقر العروبه على العدوان يقلبها

ابن الضياغم............=

[ابن الضياغم]

!!!!!! حـسـب ايـامـي !!!!!!




هاجوس فكري مجاديفه تومي به=والمعركة من زمان وشوطها حامي
همٍ يصبٌح على فكري ويمسي به=من ثقل حمله تحطم سلم ارقامي
كيف اتحمل معاناته وتعذيبه=يوم البداية تكسر مركب احلامي
لو كنت اجامل مع اسلوبه واهلي به=لكن على من تشره حربة اقلامي
لو كل قلبٍ عروقه تنبض الطيبه=ماصار مابيننا جايع ولا ضامي
مهما تكون الحواجز تحمل الريبه=دام الهدف تستبيحه دقة الرامي
ياهيه ياللي صفا خدك تماري به=ماترحم الحال يومك تعلن اعدامي
صبري على ماتسوي خاليٍ جيبه=وشلون ابا اصبر وانا اللي جرحي الدامي
ليل السهر كيف جفن العين يمسي به=حسبي على من جحوده نكس اعلامي
ما كل طالب تحقق له مطاليبه=ولا كل من يعترف لك بالهدف سامي
عرفت غيرك حراميه ولعيبه=ليتك تركد وتحذر سلة الغامي
من حط حيله بحيلي يحصد الخيبه=يموت في حرته ويحسب ايامي

ابن الضياغم................


هاجوس فكري مجاديفه تومي به=والمعركة من زمان وشوطها حامي
همٍ يصبٌح على فكري ويمسي به=من ثقل حمله تحطم سلم ارقامي
كيف اتحمل معاناته وتعذيبه=يوم البداية تكسر مركب احلامي
لو كنت اجامل مع اسلوبه واهلي به=لكن على من تشره حربة اقلامي
لو كل قلبٍ عروقه تنبض الطيبه=ماصار مابيننا جايع ولا ضامي
مهما تكون الحواجز تحمل الريبه=دام الهدف تستبيحه دقة الرامي
ياهيه ياللي صفا خدك تماري به=ماترحم الحال يومك تعلن اعدامي
صبري على ماتسوي خاليٍ جيبه=وشلون ابا اصبر وانا اللي جرحي الدامي
ليل السهر كيف جفن العين يمسي به=حسبي على من جحوده نكس اعلامي
ما كل طالب تحقق له مطاليبه=ولا كل من يعترف لك بالهدف سامي
عرفت غيرك حراميه ولعيبه=ليتك تركد وتحذر سلة الغامي
من حط حيله بحيلي يحصد الخيبه=يموت في حرته ويحسب ايامي

[ابن الضياغم]

فالح بن دهمة

ذالك الشاعر الذي حلق بنا في سماء الابداع

كيف لا وهو من داعب الفضا داخل كبينة طائرته الحربيه

وردد بصوت الوطن قصيدته المشهوره سنام الفيصلية

اهديه واهديكم وداع العنصريه


!!!!!! وداع الـعـنـصـريـه !!!!! !




قال الذي روحه جبل طي=وجيناة دمه ضيغميه
عمره رهن دولة معزي=ونبضات قلبه شمريه
حايل ربيع القلب والفي=ماكر حرارآصيرميه
من قبل زيد الخيل وعدي=ايام عصر الجاهليه
حاتم بها للضيف يقري=شهادته خير البريه
دارالكرم هي منبعه هي=لن الجبل كفه نديه
يو العزاوي نركب الغي=بارواحنا نشري المنيه
منا لابن دهمة بعدحي=فنجال بن الشاذليه
الشاعر اللي ينجح الكي=وبيوت شعره عالميه
من لابة بالفعل ترسي=مثل الجبال الساحليه
كلن يقول ان الفخرلي=يشوش راسه غايريه
راكان ابن حثلين ياوي=من فارس روحه ابيه
فعله ينومس كل عجمي=له فاطرخمت طميه
ماعاش منه يحجب الضي=افعال ابومتعب جليه
اللي حضوره كنه المي=تحيا به كفوف خليه
عسى به الايام تبطي= يالله عسى سنينه مديه
ابوه خلا الشرد ترغي=بعدالصعب صارت هديه
يمشي الضحى وبالليل يسري=اسس وطن مافيه زيه
عبدالعزيزالخير يبني=وحدوطنا والرعيه
واصبح لنا رايه ومجدي=واعلن وداع العنصريه


ابن الضياغم..........=

[ابن الضياغم]

!!!!!!!!!! حلو بن نهير !!!!!!!!!!



سلام ياشيخ تعنـى لـه الـروس=له عندنا قـدر ومكـان ومهابـه
شيخ لنا حبه بالاعماق مغـروس=صدره مـلاذ لعزوتـه بالرحابـه
حلو ابن عبدالله خذا العز ملبـوس=عوض غياب ابوه من اول شبابه
شيخ ليا دكك ثمانيـن هاجـوس=اترك قليل العرف واقصد جنابـه
من ماكر يعطي تقاريـر ودروس=على الشجاعة والكرم والحبابـه
ماهو من اللي شيخته شلقة فلوس=موارث اللـي مايعالـج صوابـه
راع المليحاء يوم فارس ومفروس=يوم الحرايب والمعيشـة نهابـه
ارث لنا شيخه وديـره ونامـوس=وخيره تعدى عزوتـه والقرابـه
عساه في جنات خلـد وفـردوس=مع الرسول المصطفى والصحابـه
ابن الضياغم.............. =

[ابن الضياغم]

!!!!!! ابوالمكارم !!!!!!






عرفته انسان متواضع وطبعه حليـم=فيه الكرم والرجولة والشجاعة وسام
كلٍ يعزه وعند الناس رجـلٍ حشيـم=يحمل صفاتٍ حميده من وصل واحترام
ابر والطف وهمساته عبيـر النسيـم=وليا شكينا حرم نفسه لذيـذ المنـام
ابوالمكارم علينا مـن جديـد وقديـم=الليث والغيث والهتان وبـل وغمـام
ياكيف اوفيه حقه يوم حقـه عظيـم=اشوف حقه يزود بكـل يـومٍ وعـام
مايجحد الحق والمعروف غير اللئيـم=او ان عقله من الشيطان فيه انفصـام
سورًِ علينا وفي ظله نعيـش بنعيـم=واليوم يوم اتذكرها سـوات الحـلام
ايامها كان عقله مثل جسمـه سليـم=قبل تهيمن على جسمه كثير السقـام
كم كنت اعاني من الغربه وقتي عتيم=وتبدد الصبح بالغربه وحـل الكتـام
يوم العزاء ماعلى الدنيا نعيـمٍ مقيـم=مهما تجوب الاماكن لايطيب المقـام
كل الاوادم على درب المسافر تهيـم=لوكان ماله على طاريه شف ومـرام
امرٍ مقـدره سبحانـه سميـع عليـم=الخلق يفنـى ولله البقـاء والـدوام
يعلم بما تخفي الاعين بليـل البهيـم=ولايحجب رويته مهما يكون الظـلام
جزل العطايا ومن فضله يجود الكريم=وهايبه ما يعددهـا فصيـح الكـلام
يالله ترحم وهن عظمه وجسمٍ سقيـم=الاجر والعافيه والفـوز دار السـلام

ابـــن الـضـيـاغـم............ =

[ابن الضياغم]

الـبـارحـة دمـعــي تـحــدر مـــن الـمــوق=ذكـــرت ضـيــف مـــا تـبـيــه الـمـعـازيـب
لا بــد مــا يـدخـل عـلـى كـــل مـخـلـوق=بـأمـر الــذي مـــا فـيــه شـــك ولا ريـــب
صـحـيــح قــالــوا كــــل مطـرودمـلـحـوق=لابـــــد مـــــا تـاتــيــك يـــــوم الـمـنـاديــب
احدأيجيـه الضـيـف فــي لـيـن ورفــوق=ولا بـــنـــزع مـــثــــل نـــــــزع الـكــلالــيــب
ايــامــهــا تـســوقــنــا لــلــقـــدر ســـــــوق=وحــنــا نــــدور صـافـيــات الـمـشـاريــب
احدأبـهـاعـايـش عــلــى الـمـكـروالـبـوق=والـبـعـض الاخـرحــارم نـفـسـه الـطـيــب
واحدأ على الشاشـات ويتابـع السـوق=واحــدأيــعــدد صــافــيـــات الـمـكـاســيــب
وبعـض البشريـشـوش لمـزايـن الـنـوق=ولالـــوم انـــا مـــلاك حـــرش الـعـراقـيـب
لومي على اللي صاح في فوزمرزوق=مدري وش اللي نومسه خالي الجيـب
حــلال غـيـرك لــو رعـــى كـــل زمـلــوق=ماينفـعـك واحـفـظ حـلالـك مــن الـذيـب
مــن يـامـن الدنـيـا بـعـد مـلــك فـــاروق=او حكم اخو هدلا عطيـب المضاريـب
اللـي صـبـاح العـيـد بالحـبـل مشـنـوق=فـي مـوقـف راس الـولـد يلحـقـه شـيـب


. ابن الضياغم...................=

[ابن الضياغم]

((عادة هل العليا)) .. ..

عادة هل العليا بعيدين الاذكار=مايكسبون الا العلوم السمينه
افعالهم فيها تواريخ واشعار= ماتحصيه اهل العقول الفطينه
ياكبرت القالة وعميّن الابصار=وقفاتهم طب النفوس الحزينه
كم راح بارقاب المناعير من ثار=عدوهم يذوق كاس الغبينه
يتلون شيخ عادته دوس الاخطار=الليث ابن شعلان حامي عرينه
واليوم عم الامن في كل الاقطار=من جاه ابوتركي غشتها السكينه
عبدالعزيز اللي كما السور للدار=حبل التواصل وثقه في يمينه
شوره غلب كل النصايح والاشوار=ارسى على كل المواني سفينه
واستوطنت كل القبايل بالامصار=تجمعوا بعد الهجر بالمدينه
بيضا لحامد نرفعه سر وجهار=اللي سبق عفوه وحرر سجينه
من طيب راسه حافظٍ قيمة الجار=والجار الاخر يطلب يسد دينه
الله يحرم وجه حامد على النار=اوزوجته وعياله والدينه
امين وانتم رددوها يالاخيار=يالله على كبر المصايب تعينه
من قبلنا راحوا سواليف واسرار=كل يحصل ماتقدم يمينه
لابد ماتبقى للاجواد تذكار=تبقى العلوم الطيبه والثمينه
بعد اذنكم تحية اجلال واكبار=لعبدالرحمن الله يطول سنينه
من غير ابوفواز يالطيب تختار=رجل على الواجب يفك الخزينه
لله دره مااختفى خلف الاعذار=يشكر عسى رب الملا مايهينه
بأسم الامير ابن نهير وويبار=واللي حضر الله يبيض جبينه
تم الصحيح ونار في عين عمار=انشد وياتيك الخبر من جهينه
ابن الضياغم

[ابن الضياغم]

!!!!!! كــــريــــم الـــســـجـــــايــــا !!!!!! .. ..




سلم على امريكا وقل تلعب الروك=حيث ان بربوعه كريم السجايا
شيخ لنا حبه بالاعماق مسكوك=عديم مامثله شبيه وحلايا
مالوم شعبك لوعلى النفس بدوك=شعبك على شوفك كبوده ظمايا
وش عاد باقي حتى الاطفال حبوك=حبك مسوي يابومتعب سوايا
بريت بالشعب السعودي وبروك=وقلوب شعبك يابومتعب مرايا
وعيال ابوتركي سلاطين وملوك=بهم من عزوم المؤسس بقايا
ان جيتهم عن واقع الظلم عزوك=بعيونهم تصغر جميع القضايا
ياخادم البيتين عهدآ مع ابوك=خذاه منا يوم قاد السرايا
وحد بنا طيبه ومكه وتبوك=وجاوز بنا جنوب سبت العلايا
سرنا معه ناطا على الصم والشوك=وايماننا تقطع بروس الحيايا
صحيح ماقلته ولابيننا شكوك=شمر معه قبل يسن العطايا
مبروك فوزك يابن جدعان مبروك=فوزك تباشر به جميع الطنايا
يابن لغيصم عزوتك كلهم جوك=اما كذا ولا بلاش الحمايا
مالومهم يوم احتمى العرض شالوك=من الزوم في روس الطنايا شظايا
شمر حزامك يابيض الوجه هنوك=تفرح بهم يوم اختلاف النوايا
امجادهم فيها تواريخ وصكوك=وبهم على كل القبايل مزايا
يالذيب من غير السناعيس عشوك=خلوك تفرس بالشحم والشوايا
وقل للخوي وان كان الانذال خلوك=جابوك من فوق المتون وحفايا
ويالجار وان جار الزمن فيك واذوك=تلقى بشمر حشمتك والتحايا
وعبدالكريم وحاتم الجود يكفوك=يفرح بهم ضيف ضلوعه طوايا
وكون الشريف اللي به الدم مسفوك=عينت بيص اللي خذته المنايا
وعبدالعزيز وباقي العلم متروك=وكم راح من خطلان الأيدي ضحايا
مثل الذهب ياجاك صافي ومسبوك=اهل كرم لو المخابي خوايا
ماجمعوا حمر الدنانير ببنوك=العود الأزرق يذهبه والعنايا
فازوا بها يوم اغلب الناس مملوك=واليوم كلن مالك به رعايا
عندي خبر انه بعارين وشبوك=وشلون لو طاحت رجال وسبايا
الله يرحم من على الطيب ربوك=امين وانتم رددوها ورايا
ابيات ابن جانب على صفحة البوك=وانت اعتبرها يابن عمي هدايا

ابن الضياغم.............

[ابن الضياغم]

!!!!!! قائـــد الــثـــوره !!!!!!.. ..



الاشاعات بالبرهـان مدحـوره=ومن يروج لها في وجهه الخيبه
ياغبي مملكتنا الشرع دستـوره=خل عنك كلام الشـك والريبـه
مملكتنا بعون الـرب منصـوره=الله اللي عطاه العـز والهيبـه
وحده ابوتركـي قائـد الثـوره=بعدماهي شتات اعـاد ترتيبـه
واصبحت دولته بالامن مشهوره=والمواطن تهيـت لـه مطاليبـه
عيال عبدالعزيز اللي خذوا دوره=حافظينٍِ وصاة له موصـي بـه
خادم البيت ابو متعب واخو نوره=حاكم الدار جعل الوقت يبطي به
عادل بين شعب شورهم شـوره=الوفا منهجه والجـود والطيبـه
وابوخالد عضيد الليث مامـوره=هو يمينه ليا صكـت مخاليبـه
قايد الجيش لاعطى العاز طابوره=ولعت نارها والكل يـدري بـه
كلنا للوطن بالصوت والصـوره=خل عنك كلام الـزور والغيبـه

ابــن الضيـاغـم........... =

[ابن الضياغم]

!!!!!! !!!!! مرزوق ابن لهيلم السويدي !!!!! ..

ابن سند مرزوق والفعل محمود=عزالله انه تنفرج يانصيته
من ماكر يرث مشاكيل وفهود=ومن الصطر يشوش لامن نخيته
ياقلت الحيلات والباب مسدود=ابو وعد تلقاه يامن بغيته
يشفي غليل اللي من الهم ملهود=يرضيك في قوله لزومك قضيته
يوم انها بالسيف والفعل مشهود=ابن سند مشهور بالفعل صيته
يلوذ به من ضكه الضيم والسود=خاب الطليب ليا تزبنت بيته
الروح له ديان والجسم للدود=ولا كل نفس تدخل القبر ميته




ابن الضياغم

[ابن الضياغم]

برغش بن زويمل ليث الطنايا !!!!!!

غصب على الزعلان والنذل والهيس=وبعض الوجيه المظلمه والنوايا
انه تفاخر بك جميع السناعيس=ومن حقنا نفخر بليث الطنايا
فعل اليمين اللي تحوش النواميس=متضريه من صغرها للعطايا
من مثل ابوتركي بعيد المراميس=من مثل ابوتركي حميد السجايا
من مثل ابوتركي عذاب الهواجيس=من مثل ابوتركي نضيف الحنايا
ياشفت من وقتك هموم وعواكيس=انصه وكنك جالب له هدايا
برغش ليا منه غشتك الوساويس=برغش ليا منه بلتك القضايا
ابن زويمل مرخص الروح والكيس=بالطيب علمه سار بين البرايا
من روس ربعي محرقين المحاميس=اللي بهم بين القبايل مزايا
كل شهد لك يازبون المحابيس=البدو واللي يسكنون القرايا


ابن الضياغم