فواز الغسلان
11-10-2008, 02:42
(قصيده تاريخيه ثمينه للتبيناوي)
الشاعر حسن التبيناوي والذي سجل احداث مغازي الامير محمد العبدالله الرشيد
بمايقارب عشرين قصيده تاريخيه توثق احداثا مهمه لم تدون سابقا ولاتوجد في المراجع
المعتمده لدى المؤرخين 0
والقصيده التي بين ايدينا هي من هذا النوع الذي يكشف لنا امورا كانت تحتاج للدليل
القوي الواضح الذي لم نجده الا من خلال الاطلاع عليها ودراسة ابياتها بعنايه0
فمن الامور التي تثبتها هذه القصيده مايأتي:
1- من المعلوم لدينا ان الامير محمد العبدالله الرشيد كان السبب الاول في اطلاق سراح
الشيخ راكان بن حثلين من سجن الاتراك حيث ارسل للسلطان خطابا يشفع فيه لراكان
بن حثلين وكنا نفهم ذلك بسبب تقديم راكان لزيارة حائل قبل كل شي في قوله:
يافاطري خبّي طـوارف طميـه=وتنحري برزان زيـن المبانـي
خبي خبيب الذيب في جرهديـه=ليا طالع الزيلان والليـل وانـي
تنحري لطّـام خشـم السريـه=فرز الوغا ليا جا نهار الوحاني
وصله من الغربه لـزوم عليـه=قبل الحبيب وقبل قاصي ودانـي
فليا قضيت اللازم اللـي عليـه=اللازم اللي ماقضـاه الجبانـي
ومن هذه الابيات نستشف المعروف الذي قدمه المهاد له الا ان ذلك لايعتبر
دليلا صارما وقاطعا في ذلك 0 الا اننا نجد الدليل هنا في قول التبيناوي:
أيـــام ياراكـان هـــــدم الـجــنــــاحــــيـن=يوم العـصـاة يوادعـون الحلايـل
صاطه وخاطه لين صارت على وين=وطلّق محابـيـسـك كـريـم الشمـايـل
الليث قــام بـديـنـكـم يـا ابـن حثليـن=مير الـفـخـر باللـي يـرد الجمايـل
وهذا نص واضح لايحتاج الى نقاش ونرى كيف ان التبيناوي يعير راكان بجحوده لذلك
المعروف من خلال عصيان العجمان طاعة المهاد حتى قام بحربهم00
2- نعلم ان الشيخ محمد بن سمير من شيوخ عنزه في الشمال وهو ( مجير على الدوله ) قد تحالف
مع الامير المهاد وغزى معه الا ان ذلك لم نجده الا مؤرخا في بعض الوثائق العثمانيه ولكننا نجده
هنا صريحا واضحا بقوله:
عجاجة تبري عليل المجانين=شبعوا بها الاقراب واولاد وايل
الحضر وابن سمير هو والشمالين=خلف عليهم عنوهم بالقوايل
3- سبق ان دار نقاش عن طول مدة مغازي المهاد التي تستمر عدة شهور وهنا يتضح
لنا جليا عندما ابتدأ بعنزة بشر بالشمال والصخور ومن معهم في القبيسه ثم عاد الى نجد
ليكمل غزوته ضد سبيع والسهول وعتيبه والعجمان ثم يعود الى حائل بعد هذا المشوار
الطويل والمتعب00
4- القصيده تثبت ان الخلاف مع راكان بن حثلين كان على وقت المهاد فعلا وليس على
وقت الجنازه كما كنا نعتقد سابقا 00 واليكم القصيده:
يامن لــك الــدنـيــا ويامن لك الدين=والحمد يامنشي ثقيل المخايل
عقاب الشراف مطالـعـن يـوم الاثنين=ليتي حـضـرتـه يوم شد الرحايل
من العالمات مجرب نادر العين=اجرد حبش يفني جميع القبايل
بكف عطيب مثل نجم الـفـراعين=يفني الياقيل ادهم الريش جايل
بالشبط جره مايـطـيــع الـمـشـيرين=جره مهدي بالوغاء كل عايل
وسندهن الوادي على اليسر واللين=وباردافهن قحص المهار الاصايل
وقاضاك ربك من دليل السلاطين=هو والغبيني والهقيشي نزايل
قربهم الـلــه بالـقــدر والـمـيادين=بأدني مغيراء حول هكالمسايل
هدام رايات العصات القديمين=على النقاء ذيب العياد السلايل
كـتــامة يـقـضــي بـهـا راعي الدين=صارت على قمعان عاف المشايل
واللي هفى به حق الاسلاف عشرين=غير الشراري والجنود الهمايل
واقفوا صخورك يوم جوهم مغيرين=عن وجه ربعي مثل ركض الجمايل
وانكف ورعيانه مع العزل تسعين=وقسم من الاموال ماقال قايل
عـجـاجــة تـبــري علـيـل الـمـجانين=شبعوا بها الاقراب واولاد وايل
الحضر وابن سـمـيــر هـو والشمالين=خلف عليهم عنوهم بالقوايل
ويوم استراح المصـطـفق حول يومين=بخزام وادنى كالنعام الجفايل
على سـبـيــع والسـهــول وحـمــادين=ولفايف من كل سبع القبايل
وقالوا له الـعـجـمــان بالحيل عاصين=واودع على نزل القياضي دبايل
ركت ودكت فوق راس ابن حثلين=وابن مـنـيـخـر طاح قفو الدبايل
يا ابــو فـــلاح اللي كـفــاكـــم وفى الديـن=وافي الوعـيـد محمـد والصمايـل
أيـــام ياراكـان هـــــدم الـجــنــــاحــــيـن=يوم العـصـاة يوادعـون الحلايـل
صاطه وخاطه لين صارت على وين=وطلّق محابـيـسـك كـريـم الشمـايـل
الليث قــام بـديـنـكـم يـا ابـن حثليـن=مير الـفـخـر باللـي يـرد الجمايـل
الشاعر حسن التبيناوي والذي سجل احداث مغازي الامير محمد العبدالله الرشيد
بمايقارب عشرين قصيده تاريخيه توثق احداثا مهمه لم تدون سابقا ولاتوجد في المراجع
المعتمده لدى المؤرخين 0
والقصيده التي بين ايدينا هي من هذا النوع الذي يكشف لنا امورا كانت تحتاج للدليل
القوي الواضح الذي لم نجده الا من خلال الاطلاع عليها ودراسة ابياتها بعنايه0
فمن الامور التي تثبتها هذه القصيده مايأتي:
1- من المعلوم لدينا ان الامير محمد العبدالله الرشيد كان السبب الاول في اطلاق سراح
الشيخ راكان بن حثلين من سجن الاتراك حيث ارسل للسلطان خطابا يشفع فيه لراكان
بن حثلين وكنا نفهم ذلك بسبب تقديم راكان لزيارة حائل قبل كل شي في قوله:
يافاطري خبّي طـوارف طميـه=وتنحري برزان زيـن المبانـي
خبي خبيب الذيب في جرهديـه=ليا طالع الزيلان والليـل وانـي
تنحري لطّـام خشـم السريـه=فرز الوغا ليا جا نهار الوحاني
وصله من الغربه لـزوم عليـه=قبل الحبيب وقبل قاصي ودانـي
فليا قضيت اللازم اللـي عليـه=اللازم اللي ماقضـاه الجبانـي
ومن هذه الابيات نستشف المعروف الذي قدمه المهاد له الا ان ذلك لايعتبر
دليلا صارما وقاطعا في ذلك 0 الا اننا نجد الدليل هنا في قول التبيناوي:
أيـــام ياراكـان هـــــدم الـجــنــــاحــــيـن=يوم العـصـاة يوادعـون الحلايـل
صاطه وخاطه لين صارت على وين=وطلّق محابـيـسـك كـريـم الشمـايـل
الليث قــام بـديـنـكـم يـا ابـن حثليـن=مير الـفـخـر باللـي يـرد الجمايـل
وهذا نص واضح لايحتاج الى نقاش ونرى كيف ان التبيناوي يعير راكان بجحوده لذلك
المعروف من خلال عصيان العجمان طاعة المهاد حتى قام بحربهم00
2- نعلم ان الشيخ محمد بن سمير من شيوخ عنزه في الشمال وهو ( مجير على الدوله ) قد تحالف
مع الامير المهاد وغزى معه الا ان ذلك لم نجده الا مؤرخا في بعض الوثائق العثمانيه ولكننا نجده
هنا صريحا واضحا بقوله:
عجاجة تبري عليل المجانين=شبعوا بها الاقراب واولاد وايل
الحضر وابن سمير هو والشمالين=خلف عليهم عنوهم بالقوايل
3- سبق ان دار نقاش عن طول مدة مغازي المهاد التي تستمر عدة شهور وهنا يتضح
لنا جليا عندما ابتدأ بعنزة بشر بالشمال والصخور ومن معهم في القبيسه ثم عاد الى نجد
ليكمل غزوته ضد سبيع والسهول وعتيبه والعجمان ثم يعود الى حائل بعد هذا المشوار
الطويل والمتعب00
4- القصيده تثبت ان الخلاف مع راكان بن حثلين كان على وقت المهاد فعلا وليس على
وقت الجنازه كما كنا نعتقد سابقا 00 واليكم القصيده:
يامن لــك الــدنـيــا ويامن لك الدين=والحمد يامنشي ثقيل المخايل
عقاب الشراف مطالـعـن يـوم الاثنين=ليتي حـضـرتـه يوم شد الرحايل
من العالمات مجرب نادر العين=اجرد حبش يفني جميع القبايل
بكف عطيب مثل نجم الـفـراعين=يفني الياقيل ادهم الريش جايل
بالشبط جره مايـطـيــع الـمـشـيرين=جره مهدي بالوغاء كل عايل
وسندهن الوادي على اليسر واللين=وباردافهن قحص المهار الاصايل
وقاضاك ربك من دليل السلاطين=هو والغبيني والهقيشي نزايل
قربهم الـلــه بالـقــدر والـمـيادين=بأدني مغيراء حول هكالمسايل
هدام رايات العصات القديمين=على النقاء ذيب العياد السلايل
كـتــامة يـقـضــي بـهـا راعي الدين=صارت على قمعان عاف المشايل
واللي هفى به حق الاسلاف عشرين=غير الشراري والجنود الهمايل
واقفوا صخورك يوم جوهم مغيرين=عن وجه ربعي مثل ركض الجمايل
وانكف ورعيانه مع العزل تسعين=وقسم من الاموال ماقال قايل
عـجـاجــة تـبــري علـيـل الـمـجانين=شبعوا بها الاقراب واولاد وايل
الحضر وابن سـمـيــر هـو والشمالين=خلف عليهم عنوهم بالقوايل
ويوم استراح المصـطـفق حول يومين=بخزام وادنى كالنعام الجفايل
على سـبـيــع والسـهــول وحـمــادين=ولفايف من كل سبع القبايل
وقالوا له الـعـجـمــان بالحيل عاصين=واودع على نزل القياضي دبايل
ركت ودكت فوق راس ابن حثلين=وابن مـنـيـخـر طاح قفو الدبايل
يا ابــو فـــلاح اللي كـفــاكـــم وفى الديـن=وافي الوعـيـد محمـد والصمايـل
أيـــام ياراكـان هـــــدم الـجــنــــاحــــيـن=يوم العـصـاة يوادعـون الحلايـل
صاطه وخاطه لين صارت على وين=وطلّق محابـيـسـك كـريـم الشمـايـل
الليث قــام بـديـنـكـم يـا ابـن حثليـن=مير الـفـخـر باللـي يـرد الجمايـل