ديوان الشاعر / فواز المايق

[فواز المايق]

أتمنى أن تنال اعجابكمـ ؟




على حسب ماسمعته داخل الساحه = ان الحداثه تبي له شاعرٍ واعي
ولا أدري الوعي عند الشاعر صياحه = أو كثرة مهاياطاتٍ مالها داعي
بعض الشواعير ودّك له بمساحه= ماباقي ألاّ يهز الوسط ويعاعي
عز الله أسماعنا ماهي بمرتاحه = كم شاعرٍ في كلامه غث الأسماعي
هو يحْسب انه خذا الشهره بمفتاحه= ومن زايد الكبْر ماياطا على القاعي
لو ان به ناس أهل حكمه ونصاحه= لكن بعضهم عليه أسلوب ميّاعي
وماغير يشكي عذاب الحب وجراحه= ماكنّه يشوف وضع اليوم ويراعي
ياناس قولوا غزل لكنّ بالراحه = اليوم ياربعنا ياصعب الأوضاعي
أوضاعنا ياجماعه يلزم اصلاحه= تاريخنا عقب عز أسلافنا ضاعي
نسهر على (برتقالتنا)و(تفاحه) = والمشكله في كبير السن ياصاعي
والغرب من كل صوب تسنن رماحه= يشّر لهم واحدٍ في روس الأصباعي
ترى سلامٍ يجيب الغرب بسلاحه= أبعد على شرقنا من حب الأكواعي
جتنا بقصد السلام جيوش ذبّاحه= القدس تدمع ألم وعراقنا جاعي
وضّحت انا بعض مما يلزم ايضاحه= أرفع يديني لربي سامع الداعي
ياربي امة محمد عجّل أفراحه= وعجّل بيومٍ به الكفار ترتاعي

وسلامتكم

[فواز المايق]

حسبــــ؟؟ــي على الذكرياتــ ؟ جديدهـ؟

مريت قبل كم يوم على كلمات كتبتها في مكانٍ ما عام 1418ه في يوم لاينسى

وتذكرت ناس فقدتهمـ ولاحظت الفرق بين تلك الايام وهذه الايام ...؟

اترككمـ مع هذهـ المتواضعه


حسبي على ذكريات(ن) كنت كاتبها = مريتها ليتني ماعاد مريته
علمي بها قبل عشر سنين حاسبها = في ساعة(ن) كنت مستانس وخطيته
لوكنت أفكر دموعي من سبايبها = تسهر به العين عز الله تعديته
واللــــــه ماهلّت عيوني سحايبها = ألأّ من اللي نشوفه ماتمنيته
لاحظت الايام وش سوّت عجايبها = ياوقت دور الوناسه وين وديته
ماألوم أنا العين لو تبكي حبايبها = كم غالي(ن) لأجله الدمعات هليته
أقفت بهم سود الايام ومصايبها = ياليت الايام تمشي خَلْف ياليته
وأسال ليال الزمن هذا وأعاتبها = وش الذي يازمن بالناس سويته
اليوم شفت البشر كثرت نشايبها = وتبلاااك في شرها لو ماتبليته
ولاحظت شر الأوادم مع قرايبها = وبعض الرجاجيل يشبه راعية بيته
الله يقطع عن الدنيا شواربها = اللي على شانهم دنياي مليته
ماغثني بالرجال الأ زلايبها = واللـــــــــه من ضيقة(ن) بالصدر عانيته

[فواز المايق]

ياليتني مستشااار بمجلس الشورهـ ؟؟؟ جديدهـ



اتمنى ان تنال اعجابكمـ ؟


ياليتني مستشار بمجلس الشوره = لنّي معايش حياة الفقر بالذاتي
أخاف ربي قبل ما تِكشف العوره = وأصّدح بصوت المواطن عند قاداتي
يمكن ما حد وصّل لراس الملك صوره = عن حال شعبه رديين المعاشاتي
أقول ياسيدي به ناس مقهوره = والحال يعلم بها رب السمواتي
ماباقي ألاّ تغدا الظهر شابوره = من عقب ما ولّعو سعر اليداماتي
كم واحد(ن) راتبه مايكفي بزوره = نتيجة القصد وعقود الاجاراتي
وبه ناس لو تنكسر بالبيت ماسوره = راح يترجى العماله بالمحلاتي
من قلّ مايملكه واليد مقصوره = قام يترجى على حساب الكراماتي
وعيالهم بالوظايف تنتظر دوره = متوسدين(ن) ملفات الشهاداتي
اذا هل المال بالميلان مسروره = وتشيّد الدور بحدود المحيطاتي
وطاروا بسعر البعير ولاعب الكوره = من الّفسق وصلوهم للمجراتي
قولو لهم به خواطر ناس مكسوره = كم شايب(ن) من ردات الحال ماباتي
أنا هنا الشاعر اللي ينقل الصوره = لن المواطن معاناته معاناتي
لا بارك الله بشعر(ن) مايجي ثوره = وخلك على جنب ياشعر الخيالاتي
تكفى يا ابو متعب أفزع وين أخو نوره = من يرتكي غير شخصك للثقيلاتي
ألا أبو خالد له الوقفات مذكوره = وين انت وين انت ياجزل العطياتي
انتم لنا ياضهدنا الوقت بعسوره = وحنا لكم ياملكنا بالصعيباتيفواز بن نداء المايق

[فواز المايق]

((عســــــــــــــــوله ))


ابيات متواضعه اضطريت اني اكتبها وأضعها

بين أيديكم اتمنى ان تعجبكمـ ..؟



اللي على شاني بكت قولو له = انه وصلني بالخبر مرسوله
قالو لي ان البنت تنشد عني = وتحبني محبة(ن) مدبوله
وماباقي ألا من غلاها لاسمي = تكتب حروفي في طرف (مريوله)
قولو لها لا عاد تبكي ثاني = ناتج دموعه والزعل وشوله
السالفه يازين ما تستاهل = ياوردة الشمال واللي حوله
ودموعك اللي فوق خدك سالت = من اليوم ما انتي عنّها مسئوله
قصيدتي رغم التواضع فيها = سويتها لعيونك المكحوله
كتبتا يالغاليه في ساعه = وأرسلتها با أشواقنا محموله
وأبنتظر ردك متى ياصلني = وياطول ليل المنتظر ياطوله
أخيراً انتبهي وشدي حيلك = ولك خالص الدعوات( ياعسوله)

وسلامتكم

[فواز المايق]

الشاامخ ......؟ صدام حسين


هذي أبيات وجهتها للأخ محمد بن عقيل بن عايش وليست طويله كتبتها

في اليوم الذي اعدم فيه الرئيس الشهيد صدام حسين وحبيت اضعها هنا ..




والله ان الوضع مزري يابن عايش = يوم صار العيد عيدين للشيعه
أشهد ان الحكم من واحدٍ طايش = ولعنبو نشرات ألأخبار يا مذيعه
شددو راسه مثل شدّة القايش = وأعلن الشامخ رحيله وتوديعه
حاكمٍ للعز والمرجله حايش = قال حتى الموت بغداد ما أبيعه
حسبي انه عند رب البشر عايش = من تشهد حي لو صار تشييعه
وقلت يوم الرافضي بالخبر شايش = ما يهد الطير من غير تفريعه
وسلامتكمـ

[فواز المايق]

(( الناس بين اعراك ومماسكـ حلوق)) يا زاهــــي ؟


رد متواضع ومتأخر على قصيدة الأخ زاهي الشمري

اتمنى ان تعجبكمـ والعذر عن اي زله ..؟


أبدا بمن تبدا صلاته بتكبير = اللي بذكره تانس النفس وتروق
يرفع ويخفض يرزق الخلق ويدير = وكل أدمي له ساعة الحشر مسيوق
بعد أذكره جبت القلم عقب تشمير = وكتبتها والشمس في حزة شروق
بعض الرجال يطور الشعر تطوير = ملقح أبياته عن الثقل والعوق
ومضمونها ما به تعدي وتزوير = قصايده بالذات تشتاق له شوق
شروا الذي مرسل جزيل التعابير = قصيدته عدت على قمة الذوق
معمر(ن) قافه على الجزل تعمير = من هاجسه ما هي بسلفه ولا بوق
يقول يبغى له جناحين ويطير = يم الفضاء لنّه من الناس مزنوق
شاف بمناهج بعض الاصحاب تغيير = وأقفى الصديق اللي للأسرار صندوق
من صد يازاهي بليا معاذير = لا ترتجي من رجعته غيم وبروق
اليوم به خوه بليا معايير = وثوب الصداقه يا بن الأجواد مشقوق
لا عاد تستغرب من البعض تقصير = كرت الوفاء عند اكثر الناس محروق
لاحظت انا الايام هذي مغابير = حتى انعكس جوره على الضآن والنوق
وأيامنا الحلوه وطتها المعاصير = والخلق بين اعراك ومماسك حلوق
لكن لعل الناس لازال به خير = وتسلك طريق الحق وتقوم وتفوق
أخيراً اقبل ردنا عقب تآخير = وعساه يعجب قاري الشعر ويلوق

[فواز المايق]

الونآآآسه ..؟؟ رآحت مع الشيبآآآن ؟؟



أبيآت على الطرق الهجيني أتمنى انها تعجبكمـ ..؟


ترى الونآسه يا بو سلــمان = رآحت ولا عآد تنعادي
لا هــي برفحاء ولا لبنـــان = اليوم من دوّره غادي
تراه رآحت مع الشيبــان = قبل يموت آخر أجدادي
يوم اننا نسكن الريضان = ما بين دلـــه وبرادي
اليوم هذا به الانســــان = ما بين زعلان ومعادي
وقت(ن) ترزز به الكذبان = بفعايل الناس الاجوادي
والحاقد يشجع الغلطان = ويشبّها مثل الاعوادي
تدري وأنا أخوك يا سلطان ؟ = وناستكـ ؟ طاعة الهادي
وسلامتكمـ

[فواز المايق]

يستآهل(( الكندره ))من سبب الأزمه ؟؟


http://www.azooz.net/data/media/20/bu (1).jpg (http://www.azooz.net)


ابيآت وليست قصيده اتمنى ان تعجبكمـ




اليوم هذي بيوت الشعر من صيدي = خصوصاً الوقت هذا جاء لهن لــزّمه

الله وأكبر ولا شِــلّت يد الزيدي = اللي رمى بوش في بغداد بالجزمه

حتى ولو ربـّطو رجليك بالقيدي = والله يبطون ما فاقو من الصدمه

وأكبر نتيجه لما سويت يالحيدي = الأجنبي طاح سوقه وانحدر عزمه

فرحت به فرحتي في ليلة العيدي = يستاهل الكندره من سبب الأزمه

وسلامتكم

[فواز المايق]

الكرامه في فلسطين تندآس ؟؟


مآ يحدث الأن في غزه ذكرني بمجاراه لي مع إحدى الشاعرات قبل فتره ..؟

اسمحولي اضعها بين أيديكم لو انها متواضعه .. والجديد ان شاء اللله قريب






أبيات شعر (الكاسره) كنّها الماس = أنشهد انه جابت القاف موزون
تسأل عن الشجعان مع ساير الناس؟ = تبي لها عسّاف لجنون شارون
أقول يا بنت الأجاويد لا باس = حتى لو إن أطفال غزه يصيحون
أقفى زمان السيف وركوب الافراس = واللي على حق العروبه يغارون
وجانا زمان ( البرتقاله) و (ناناس) = وناس(ن) على ياليل دانه يهزون
اللي سهر للزير سالم وجساس = واللي على ستار الدعاره يدقون
يوم الكرامه في فلسطين تنداس = وبــ عراقنا تحت المدافع يموتون
يحرم علي وقفاتنا ترفع الراس = لو نجتمع ما هي سوالف يقولون
نلعن ثوا شارون وعيال الانجاس = واللي بدار الرافدين يتمشّون
تدرين!! يابنت الاجاويد لا باس = الله ولا اللي بالمدافع يمنون