ديوان الشاعر / سراب الراحل

[سراب الراحل]

ارجو تقبل هذه المتواضعه وهي عباره عن مشاركه اوليه لي معكم

شمر وشمر شمر النار بالريح لسراب الراحل





انا ليا قالـوا مـن أي العـرب انـت = وتلفتـت حولـي وجـيـه مفالـيـح
شهرت انا من بينهم وبالفخـر بنـت = من روس قوماً من كبـار الزحازيـح
وساع الطعون و جدعهم روس له زنّت = بسيوفهـم روس العـدا لـه زنانيـح
ارداهـم بوقـت اللقـاء يـا تمعنـت = مضراب كفه تشّرح الجـوف تشرّيـح
وعقيدهـم يـا مـن لفعلـه تباينـت = كن الجموع الحايمه به عصـف ريـح
والطيـب ياعـدوه للبخـت ماخنـت = غطـى كرمهـم صـادره والمراويـح
تقصر يدين تجـاري أيديهـم بسنـت = كبار الصحـون مقلطيـن المفاطيـح
منزالهم عالـي وعالـي ليـا امنـت = عنه تعجـز كـل الوجيـه المشافيـح
من روس شمر وخذ لكانـي تماكنـت = بعطيك نبـذه عـن فعـول الزحازيـح
شمر لمنهو قـال حيـل(ن) تشيطنـت = شمر و شمـر شمـر النـار بالريـح
طنـا طنايـا و الطنايـا ليـا شنـت = طنا..طنـا يطنـون مابـه تمـازيـح
يا زغردن البيض ياموت ويـش انـت = يا قضضـن شقـر الجدايـل ملافيـح
الحي حسبت ميت به قال انـا آمنـت = يبيـع عمـره ياسمـع بالصوايـيـح
شمـر لمنهـو قـال فيهـم تهاونـت = سعـوط جنـه والليـالـي مدابـيـح
هييلن(ن) عطشان رمله إليا امعنـت = بالقيظ واللي هايله مـا هـو امريـح
من جاء لهم بالسلـم قالـوا تطمنـت = فاقـوا حـلا در(ن) يقـدم مصابيـح
ومن جاء لهم بالسيف قالـوا تليعنـت = يرجـع معيـف وغايتـه بالمساريـح
كانه نجـاء يقسـم بهونـت هونـت = عن حربهم من هـول فعـل الذوابيـح
شمر دخيل البيت يا قـال انـا انهـت = وبهم تعـزوا جـوك شمـر مطافيـح
شمر نهر جاري وانـا بـه تريزنـت = يجـري ولا تقـدر علـى رده الريـح
شمر بحر عاتـي يلـي بـه تماهنـت = ياهاج تسمع من الظـرم لـه منافيـح
شمر جبال(ن) راسيـه يـا تهيمنـت = عنه يعجز غير الولي من نوى يزيـح
شمرغيوم وكـان مـا لوبلـه ايقنـت = برق ورعد عقبـه تسيـل الجوابيـح
شمـر نجـوم نجـوم مالـه تمكنـت = تقصر توصّل له يديـن(ن) مشاويـح
والله لولا الخوف مـن منبـه آمنـت = عديـت شمـر للسمـاء بالتمـاديـح
زهيد فيهم مّـر(ن) اقشـر لياغبنـت = يزوم فـوق الكبـد يطفـح طوافيـح
ذولا ربوعي وافتخـر ويـن ماكنـت = واعتز فيهم وارفـع الـراس ماطيـح
حرار عقب احـرار بالوصـف لحنـت = مخالـبٍ مـن مرتـه لـه ترنـيـح
وباقي القبايل يوم في قافـي اذعنـت = مابه قصـور ولا لنـا قصـد تجريـح
كل(ن) وله فعله اقولـه اليـا امنـت = حظي بـري ولا ادفنـه بالصحاصيـح
سـؤال عابـر ولجوابـه تـوازنـت = فهقت به مركاي و أوضحت توضيـح
انا ابو زويـد رخيصـي وبـه بنـت = ابن الزميل الشمـري بـدون تلميـح





اخوكم
سراب الراحل

[سراب الراحل]

تحيه طيبه الى كل من في هذا الصرح
وبين ايديكم اضع هذه المتواضعه





ليلة(ن) مـرت عساهـا ماتعـوّد تذهلـي=ليلة(ن) ياشين ليلـه ليلـة(ن) فيهـا بـلا
من هموم(ن) سامرتني اشهد انـه تهولـي=ساهر(ن) والكوع مركا لين ما النور اعتـلا
من هواجـس لعنبوهـا زلزلتنـي زلزلـي=هاجس(ن) صادر وهاجس وارد(ن) بالمشكلا
قلت ياقافي نخيتـك خابـر انـك دوم إلـي=سامرن يالعنبوك وهات شي(ن) بـه سـلا
خابر انـك ماتخيّـب شاعـرك ولا تخذلـي=عارف اللي لي يلـوق وفاهمـه ماتجهـلا
دام انا وانتا وبـس بهالفـراش المخملـي=سامرن تكفى نخيتك وسلنـي انـت السـلا
قال يا مدوّر سلاك اشفيـك كنـك تجهلـي=مابقى فيها سعاده بعد مـن امـس ارحـلا
عنق ريم القفـر الاتلـع بالجمـال مكملـي=عرف واخلاق وموده ذوق مغمـوس بحـلا
ناعس الطرف الكحيل ليا نظر لك يخجلـي=يغظي بنظرات عينه من هـلا بـك ياهـلا
ابو خديـن(ن) نواعـم والجبيـن يهوّلـي=والشفايف كان بانت مثل جمـر(ن) يشعـلا
ويل حالك يابو ضاري من فراقـه وعزلـي=خاف تجبرني لغيره حالـف(ن) مـا امثـلا
قلت انا اشهد ويل حالي من فراقه ول ولـي=كيف ابصبر واتصبر وكيف للزيـن اصـلا
دام انا مدري رحيله هو جنوب او اشملـي=سار غصب بلا طواعه سيره مـن لـه ولا
طالبـك يالله طلبـه لا تطـول بـه علـي=رد من روحي وروحه ثنين في واحد مثـلا


اخوكم/ ســـراب الـراحـــل