هل صحيح أنه تم إعدام صدام !! مجرد تساؤل !!

[متعب الشوق]

أدخل إلى هذا الرابط

إضغط هنا (http://12mu.com/19/)

و قل لي هل هذا صحيح ؟؟؟

[سقراط]

ياعيد..لاذابح ولاني بعزام = حرمت مذبح فيك لوهي حمامه
ياعيد..مولازم ضحيات وانعام = يكفي ذبحنا المرجله والكرامه
ياعيد بدلنا صباحاتك اظلام = واقفت صباحاتك تجر الندامه
لالبس يزهانا..ولاحلو هندام = ولاكل عام وفيك خير وسلامه
تباًلنا..لوبالعرب عين وتنام = وتبت يدينٍ ماتعاف السلامه
وتبت يدين لباشة الشرك خدام = وتبت يدين الصعلكه والرخامه
صداااام.. وينك عننا؟غبت صدام = عقبك فلا احدٍ يستحق الزعامه
عقبك فلاطيرٍ على صيدهم حام= وعقبك خذينا من طبوع النعامه
عقبك سواد غيومهم غزت اعلام = وعقبك فقد وجه السلام احترامه
وعقبك غدى لاعمام الازلام..اعمام = وعقبك نبح ***ٍ براسه عمامه
وعقبك بروج المرجله صارت احطام = وعقبك بدت حرب البلس والنمامه
وعقبك سواد احلامهم صارت احلام = وعقبك بياض احلامنا كالجهامه
وعقبك يدار الكاس في وسط الاعلام = وعقبك غدى للكيوليه علامه
وعقبك رفض رافض عقب دوس الاقدام = وعقبك "تأمرك" بالطبوع الهلامه
وعقبك "تهود" نازف الشرك باقلام = وعقبك "تنصر" مدعين الفهامه
وعقبك بدت هليود في بث الافلام = وعقبك "تهلودنا" بليا حشامه
وعقبك عرب..لكن بلادم وعظام = وعقبك رمينا "شجبنا" بالقمامه
وعقبك سكوتٍ يبكم افواهنا بكام = وعقبك يحاسب كل شخص بكلامه
وعقبك ولو "حايل" بكت!!كيف تنلام = ولوضاق صدر الشمري بالغمامه
ولوجت "بني وايل" زعالات وخصام = ومطير والهيلا وكل النشامه
وعقبك حزن يطغى..على مر الايام = وعقبك بقى في وجه الاصباح شامه
يالصارم..البتار..يارافع الهام = ياهامةٍ غطت على كل هامه
يالساطي اللي لادبر الوقت ضرغام = ياقامةٍطاااالت على كل قامه
ياذيب..انا اشهد مابقى مثلك غلام = ذيبٍ جمع قوة فؤاد وشهامه
اعدام!!!وش يعني اذا تعدم اعدام = خابرك حيدٍ ماتزلزل عظامه
قدام!!للموت الحمر قلت قدام!!= وخليت دنيا الذل يلفح خطامه
ياحي قلبك حي..ياذيب الازلام = ياحي قلبك يازعيم الشهامه
وان مت ياصدام به 1000صدام = لابد من شخص يروم الزعامه
كل عام وانت بخير ياشيخ صدام = شيخ المراجل والسطر والكرامه

صح السان شاعرها والله writting_masseje

[رضا الزميلي]

العلم عند الله

والله صراحة رابط يدوّخ

شاكر لك أخوي متعب


المجهول

[أجــا]

رحمك الله ياصدام


متعب الشوق

الرابط مايشتغل عندي ..

[المشرف العام]

صدام ، واجه ربه بكل مايحمل معه من خير وشر
والعلم عند الله سبحانه والله رؤوف رحيم بعباده ونرجو له المغفره ولكل مسلم

الرابط ياجأ (http://12mu.com/19/)

[مدلول]

مرحبا

الرابط مايشتغل عندي !!!

على العموم مثل ماقال مشرفنا العام