ويش بنت فوق عمه

[سطم فهد الخليل]

السلام عليكم

لغز لهواة الألغاز


ويش بنتٍ راكبه من فوق عمـه=ما عرفنا عمها أو هـو أخوهـا
ناقصة بحسابنا وهيـه مهمـه=يحسبون أخونها وهي ماحسبوها
دام عمـه سالمـاً عمـه يزمـه=وان حصل للعم كسرٍ حولوهـا
ان حصل للعم كسرٍ هي تزمـه=يركبونه فوقها وهـي نزلوهـا
وكان صار الكسر بعظامه ودمه=صلحو للبنت كرسـي اركبوهـا
غالباً مـا تاجـده مـع ألأئمـه=وسط حائل فوق كرسي شاهدوها

سطم فهد الخليل
ابو فهد

[الغريبة شوق]

صح قلبك شاعرنا سطم الشمري



اللغز سبق مر علي وعرفت حله

بس راح اتركه للتفكير

والحقيقه انه لغز دسم ويبدو انك معلم لغه عربيه :)

لا هنت

وصح قلبك

[أبو عارف]

هلا وغلى أبو فهد
صح الله لسانك على هاللغز الجامد لاهنت

والله أول مرة أسمعه وإعتقد بأن حله في الهمزة التي على الكرسي في إسم حائل والأئمه ولا تحسب مع الأحرف الألفية . قل تم اليس كذلك نقطة نظام.

تقبل فائق التحية والتقدير

[نهير النمش]

صح لسانك ابو فهد

لغز رائع وبلا شك انه دسم لأنك ماتجيب الا الدسم

تسجيل حضور وجاري التفكير بالغز ورمعة ابو عارف

تقبل كل التحايا

[فكاك زمل المخيفات]

صح لسانك على اللغز المليان

وانا مع رمعة العميد ابو عارف هي الهمزه
تحياتي

[هايدي اليتيمه]

ماعرف احل http://im15.gulfup.com/2011-12-30/1325271109971.gif (http://www.gulfup.com/show/Xh3muurrlvgk) ههههههه


يعطيكـ العافيه ابو فهد

[سطم فهد الخليل]

احترامي لكل من كان له مرور وحضور

وماقصر العميد ابو عارف صاده مشكور


وللمعلوميه هو من ارشيف أخيكم الآ انه انتشر كثيراً

نعم هي الهمزة ليس لها عدد مع الحروف

( أ , إ , ئـ )

[نهير النمش]

لاهنت يابو فهد
وسلم ابو عارف والجميع