المساعد الشخصي الرقمي

مشاهدة النسخة كاملة : مرثية الشاعر مهنا العصيمي وشيله باصوتي

صالح الخشرم
24-12-2011, 05:37
السلام عليكم

أسعد الله أوقاتكم بكل خير

أقدم لكم مرثية الشيخ مهنا بن فهد بن مهنا العصيمي في والده الله يرحمه

أشتركة في تسجيلها مع الشيخ منها في الألقاء وانا في الشيلة والحن

أتمنى تنال أعجابكم وأحصل عليها بتمييز

http://almzayan.com/files/3726.mp3



يوم جيتينا من الله مرحبابك يالمنية =ماسلم منك الرسول ولا سلم منك الصحابه

اقلطي دام الكرم بابه مشرع يالخفيه =وش تبين من الحبايب وش تبين من القرابه

قالت الليله عشانا عند ابو كف نديه =الله الى رايده والله يهون في مصابه

وانت والله يامهنا لو تدن الهاشميه =مالك الا ماكتب ربي وترضى في كتابه

قلت شيخ ما فقده الا الكرم والمقدريه =والعطا والطيب والى ناقل يمه صوابه

والسخا والمرجله والشجاعه والحميه =والظعيف اللي يدور من يكمل له زهابه

ولا انا مؤمن وصابر واعرف الدنيا دنيه =واعرف انك راجعه يمي بلا شك وغرابه

والحضيض الى تحرالك صباحه والعشيه =وان رقد مايذكر احد يطلبه ثقل الذبابه

كل يوم قبل يرقد يكتب لنفسه وصيه =قايم في واجب الله مبعد عن ما تشابه

مير يالله يالمنيه جهزي ضهر المطيه =يرحمه من يرزق الداب العمى في جوف غابه

يالله انك ترحمه رحمة محمد للبريه =ياعسا يوم الحساب انك تيسرله حسابه
حــــمود الشــــمــــري
25-12-2011, 12:33
صح لسانك أخي صالح ولسان الشاعر الشيخ مهنا .
قصيدة مؤثرة وقوية بمعانيها ومفرداتها.
ونطلب الله العلي الكريم بالرحمة والغفران للشيخ فهد العصيمي . اللهم آمين .

دمت كما تحب .
تحياتي ،،
قمرا سماه
25-12-2011, 01:47
يعطيك الف عافية

راااااائع

ودي
عويد المغيليث
25-12-2011, 02:31
صح لسان الشاعر
ولاهنت على هالصوت
ورحم الله الفقيد
تحياتي لك
احمد الجريفاني
25-12-2011, 08:51
جزلة من راس جزل
اطال الله بعمرك يا الغالي
تقبل اعجابي ودعائي
سلم راسك يا القرم
فرحان الظفيري
25-12-2011, 10:14
صح لسان الجميع على المرثيه الجزله
نهير النمش
25-12-2011, 05:14
صح لسان الشاعر مهنا العصيمي

ورحم الله والده وغفر له اللهم امين

ولاهنت يالبناخي على الصوت الجميل

تقبل تحياتي
صالح الخشرم
13-05-2012, 07:01
صح لسانك أخي صالح ولسان الشاعر الشيخ مهنا .
قصيدة مؤثرة وقوية بمعانيها ومفرداتها.
ونطلب الله العلي الكريم بالرحمة والغفران للشيخ فهد العصيمي . اللهم آمين .

دمت كما تحب .
تحياتي ،،

ياهلا أخوي حمود الشمري

صح بدنك ولاهنت

الله يرحم ابو مهنا ويغفرله
صالح الخشرم
13-05-2012, 07:02
يعطيك الف عافية

راااااائع

ودي

هلاأختي الشاعره قمرا سماه

لاهنتي

الف شكر
صالح الخشرم
13-05-2012, 07:05
صح لسان الشاعر
ولاهنت على هالصوت
ورحم الله الفقيد
تحياتي لك

ياهلا بخوي عويد المغيليث

صح بدنك

لاهنت أخوي والف شكر