رابح الجربا
20-12-2011, 05:05
بسم الله الرحمن الرحيم
السلام عليكم
صبّحكم / مساكم الله بالخير يالربع
هذه قصيدة لوالدي حفظة الله تعالى حبيت أنقلها لكم يالنشامى
بعنوان :
((الشمّــريـــة))
قال الذي ينظم حسينات الأشعار=أبيات شعر ٍ ساقها من حصيله
أطعم من التمرة على در الأبكار=وألذ من طرقوع وبل المخيلـه
وأطيب من الريحان مع ورد الأزهار=وأحلا من السكر على زنجبيلـه
حقا يقٍ بأفعال وافين الأشبار=مثل الأديرع يا تجارى مسيلـه
تطرب مزاج اللي تذوّق للأذكار=الفعل بن وشاهد البن هيلـه
دنيا تدور وتأكل أذكار وأعمار=الفعل خيمه وطنبها قول قيلـه
الله على جلسات والربع حضّار=في مجلس ٍ كلّه علومٍ ٍ نبيلـه
في مجلس ٍ ماطبها كل ثرثار=ولاقام به يشتم عميل ٍ عميلـه
مجلس مشاكيل النشا ما هل الكار=اللي تعطّر بالنواميس خيلـه
اللي بذراهم يشبع الجار والمار=يرغى من الرغوة ويملى صميلـه
دخيلها يمشي عزيز ٍ اليا سار=بديارها يمشي بيان ٍ دخيلـه
قبيلة ٍمعروفة ٍ بين الأمصار=عز الله انه ما تجيب الفشيلـه
اسم ٍ عريق ٍ سطّر المجد بأسطار=ترفض قواميس النشا ما تزيله
اللآبة اللي أسست بالشرف دار=دار الطنا تزهى مقام القبيلـه
قبايل وبطون وفخوذ ونحار=وار قاب وخشومٍ وروسٍ صعيله
مفخزينه فخز لولو ومحار=وان حار محتار المحيّر نحيله
للعرف وأهل العرف وافين الأخبار=اللي تعدل شيل هذا وتشيله
زوبع وعبده واسلم الخير مسمار=هذي اصولٍ بالقبيله اصيله
قبايل ٍ تزهى المفاخر والأشعار=شهده مصفّى وحنظـله حـنظليلـه
تحالفوا متكاتفين ٍ على الدار=اللآبة اللي شمّرت عن شليله
يشهد لها التاريخ من ماض الأدوار=شمّر ليا شح الزمان بحصيله
حرشا وابن مشعل إليا صار معصار=تجنح خيول الضد ياوحت صهيله
فوق الكحيله بالمعارات مغوار=ولجل المكارم باع بنت الكحيلـه
عصاة الجبل يوم المخاوف والأخطار=الخوف حنا وغيرنا مايجيلـه
واصل وصلنا السيف والسيف بتار=نوط ٍ تعلّق فوق صدر الجـليلـه
صلنا وجلنا واجتمعنا على صغار=على معالي قمة ٍ مستحـيلـه
غشوم ٍ تشوم وتردع الضد لأغار=زهيّد ما ترضى مهونة عميله
هضبة جبل تفجرت منها الأنهار=شربت فروع الغيد من سلسبيلـه
سودان روس مروضة كل جبّار=بيض الكفوف مخضبينه فضيلـه
شــمّر هل الحيسه مثل ضلع سنار=طالوبها بين القبايل طويله
شـمّر عميرة يا نثنى عود عمّار=ياقضقضن البيض وبان تهليله
شـمّر خويه ما تخـليه بالعــــار=شلقا خويّة للمعالي تشيله
شمّر سناعيس ٍ مشاكيل الأخيار=على العدو تمشي نهاره وليله
شــمّر على سعدا بهم تفخر الدار=عدوهم حطّو بكبده مليله
شـمّر هل الملحـا لنا سور وجدار=عزاز النفوس اللي تهيّب قبيله
شمّر معشية ذيبها بغلو الأسعار=يوم ان بعض الناس يدرك فشيله
من قبل سيف الله وزحول الأنصار=وحنّا سليل ٍ يفتخر في سليلـه
حنّا الطنا من شط دجلة ليا الأصرار=ومأتاه من عي ٍ علينا دليلـه
أبين من القطب الشمالي وسنجـار=عز ٍ بعز وكل جيل ٍ بجيلـه
من شام نجد إلى الجزيرة والأنبا ر=ترفع لنا البيضاء براس الطويلـه
يشهد لنا وقت ٍ مضى فيه ما صار=الحاضر الماضي شرب برد سيلـه
اليا نزلنا ديـرةٍ صارت أعمار=وإن شحّـت الدير ه خـذينا بديلـه
يا قسّموا حق القبايل بمقدار=حنّا سنام المجد وأهل الفضيلـه
من دور ابن صلاّل ومطلق وخطّار=وهيشان صدّاد الجموع الثقيله
ربعي بني ياس ٍ على كل الأدوار=عياهر ٍ ضده تجيه وتهيله
منها خريصات ٍ أهل زوم وسطار=ربع العصام اللي تحوش النفيله
ومنها هل العصلا على جمع الأشرار=عمود حرب والعدو ما قويله
ومنها ضنا صبحي على الحرب صبٍّار=اهل الدروع المبهمات الثقيله
ومنها الفلاح اللي على شاط الآبحار=ياكبرت القالات تاخذ بحيله
وربعي سنجاره سم خصمه والأمرار=وقربه شفا تشفي الجروح العليله
منها غفيلات ٍ صليبين الاشوار=عدوها تسمع جضايض عويله
ومنها زميلات ٍ مشاعيل الأنوار=هل الدبوس اللي سيوفه صقيله
ومنها ثوابت ثابتين ٍ وغـوّار=الضد يقفي يا تبيّن ضويله
ومنها زوامل هم مقابيس الأخطار=تفدغ كبود الضد ياجا نزيله
ومنها فخذ زوبع مصابيح الأفنار=مثلوثة ٍ عند الملاقا هبيله
وربعي ضياغم من على عمير وعرار=أهل المكارم محـتمين الدبيلـه
منها آل يحيا بالقبيلة لهم كار=دون الجبل عذّو جناب الرعيله
ومنها الربيعيّة ذرى كل محتار=على مصانيع المهار الاصيله
ومنها آل جعفر ياركبوا الخيل عبار=عقب عرار اللي فعوله جميله
ومنها دغيرات ٍ اذا صار ماصار=حبوس الجبل مثل الرواسي ثقيله
وربعي أهل اللحيسة لهم فعل جبّار=يا صارت القالات ماهي ذليله
منها الصلوت اللي على الضد دندار=أخوة عدي اللي عدوه تجيله
ومنها ضنا عيسى أهل فعل وجوار=ياطار ستر معورجات الجديله
شمّر هم آخر ما يخونون الأسوار=وآخر من يعاهد وعندي دليله
قبايل ٍ فيها مشاكيل وأمار=بينتها وأنته عليك تحليلـه
صالو وجالو فوق.. حدر السماء نار=وطالو ديارٍ ماخذوها نحيله
ابن محمد قالها من هل الدار=الفريّسي راع العلوم الجزيله
سجل تواريخ ٍ على مر الأدوار=والهرج يكفي عن كثيره قليله
وصلات ربي عد ماهلّت أمطار=على الرسول عداد نبت الخميله
للشاعر الراوية
عرّاك بن صالح الفريّسي الجربا
السلام عليكم
صبّحكم / مساكم الله بالخير يالربع
هذه قصيدة لوالدي حفظة الله تعالى حبيت أنقلها لكم يالنشامى
بعنوان :
((الشمّــريـــة))
قال الذي ينظم حسينات الأشعار=أبيات شعر ٍ ساقها من حصيله
أطعم من التمرة على در الأبكار=وألذ من طرقوع وبل المخيلـه
وأطيب من الريحان مع ورد الأزهار=وأحلا من السكر على زنجبيلـه
حقا يقٍ بأفعال وافين الأشبار=مثل الأديرع يا تجارى مسيلـه
تطرب مزاج اللي تذوّق للأذكار=الفعل بن وشاهد البن هيلـه
دنيا تدور وتأكل أذكار وأعمار=الفعل خيمه وطنبها قول قيلـه
الله على جلسات والربع حضّار=في مجلس ٍ كلّه علومٍ ٍ نبيلـه
في مجلس ٍ ماطبها كل ثرثار=ولاقام به يشتم عميل ٍ عميلـه
مجلس مشاكيل النشا ما هل الكار=اللي تعطّر بالنواميس خيلـه
اللي بذراهم يشبع الجار والمار=يرغى من الرغوة ويملى صميلـه
دخيلها يمشي عزيز ٍ اليا سار=بديارها يمشي بيان ٍ دخيلـه
قبيلة ٍمعروفة ٍ بين الأمصار=عز الله انه ما تجيب الفشيلـه
اسم ٍ عريق ٍ سطّر المجد بأسطار=ترفض قواميس النشا ما تزيله
اللآبة اللي أسست بالشرف دار=دار الطنا تزهى مقام القبيلـه
قبايل وبطون وفخوذ ونحار=وار قاب وخشومٍ وروسٍ صعيله
مفخزينه فخز لولو ومحار=وان حار محتار المحيّر نحيله
للعرف وأهل العرف وافين الأخبار=اللي تعدل شيل هذا وتشيله
زوبع وعبده واسلم الخير مسمار=هذي اصولٍ بالقبيله اصيله
قبايل ٍ تزهى المفاخر والأشعار=شهده مصفّى وحنظـله حـنظليلـه
تحالفوا متكاتفين ٍ على الدار=اللآبة اللي شمّرت عن شليله
يشهد لها التاريخ من ماض الأدوار=شمّر ليا شح الزمان بحصيله
حرشا وابن مشعل إليا صار معصار=تجنح خيول الضد ياوحت صهيله
فوق الكحيله بالمعارات مغوار=ولجل المكارم باع بنت الكحيلـه
عصاة الجبل يوم المخاوف والأخطار=الخوف حنا وغيرنا مايجيلـه
واصل وصلنا السيف والسيف بتار=نوط ٍ تعلّق فوق صدر الجـليلـه
صلنا وجلنا واجتمعنا على صغار=على معالي قمة ٍ مستحـيلـه
غشوم ٍ تشوم وتردع الضد لأغار=زهيّد ما ترضى مهونة عميله
هضبة جبل تفجرت منها الأنهار=شربت فروع الغيد من سلسبيلـه
سودان روس مروضة كل جبّار=بيض الكفوف مخضبينه فضيلـه
شــمّر هل الحيسه مثل ضلع سنار=طالوبها بين القبايل طويله
شـمّر عميرة يا نثنى عود عمّار=ياقضقضن البيض وبان تهليله
شـمّر خويه ما تخـليه بالعــــار=شلقا خويّة للمعالي تشيله
شمّر سناعيس ٍ مشاكيل الأخيار=على العدو تمشي نهاره وليله
شــمّر على سعدا بهم تفخر الدار=عدوهم حطّو بكبده مليله
شـمّر هل الملحـا لنا سور وجدار=عزاز النفوس اللي تهيّب قبيله
شمّر معشية ذيبها بغلو الأسعار=يوم ان بعض الناس يدرك فشيله
من قبل سيف الله وزحول الأنصار=وحنّا سليل ٍ يفتخر في سليلـه
حنّا الطنا من شط دجلة ليا الأصرار=ومأتاه من عي ٍ علينا دليلـه
أبين من القطب الشمالي وسنجـار=عز ٍ بعز وكل جيل ٍ بجيلـه
من شام نجد إلى الجزيرة والأنبا ر=ترفع لنا البيضاء براس الطويلـه
يشهد لنا وقت ٍ مضى فيه ما صار=الحاضر الماضي شرب برد سيلـه
اليا نزلنا ديـرةٍ صارت أعمار=وإن شحّـت الدير ه خـذينا بديلـه
يا قسّموا حق القبايل بمقدار=حنّا سنام المجد وأهل الفضيلـه
من دور ابن صلاّل ومطلق وخطّار=وهيشان صدّاد الجموع الثقيله
ربعي بني ياس ٍ على كل الأدوار=عياهر ٍ ضده تجيه وتهيله
منها خريصات ٍ أهل زوم وسطار=ربع العصام اللي تحوش النفيله
ومنها هل العصلا على جمع الأشرار=عمود حرب والعدو ما قويله
ومنها ضنا صبحي على الحرب صبٍّار=اهل الدروع المبهمات الثقيله
ومنها الفلاح اللي على شاط الآبحار=ياكبرت القالات تاخذ بحيله
وربعي سنجاره سم خصمه والأمرار=وقربه شفا تشفي الجروح العليله
منها غفيلات ٍ صليبين الاشوار=عدوها تسمع جضايض عويله
ومنها زميلات ٍ مشاعيل الأنوار=هل الدبوس اللي سيوفه صقيله
ومنها ثوابت ثابتين ٍ وغـوّار=الضد يقفي يا تبيّن ضويله
ومنها زوامل هم مقابيس الأخطار=تفدغ كبود الضد ياجا نزيله
ومنها فخذ زوبع مصابيح الأفنار=مثلوثة ٍ عند الملاقا هبيله
وربعي ضياغم من على عمير وعرار=أهل المكارم محـتمين الدبيلـه
منها آل يحيا بالقبيلة لهم كار=دون الجبل عذّو جناب الرعيله
ومنها الربيعيّة ذرى كل محتار=على مصانيع المهار الاصيله
ومنها آل جعفر ياركبوا الخيل عبار=عقب عرار اللي فعوله جميله
ومنها دغيرات ٍ اذا صار ماصار=حبوس الجبل مثل الرواسي ثقيله
وربعي أهل اللحيسة لهم فعل جبّار=يا صارت القالات ماهي ذليله
منها الصلوت اللي على الضد دندار=أخوة عدي اللي عدوه تجيله
ومنها ضنا عيسى أهل فعل وجوار=ياطار ستر معورجات الجديله
شمّر هم آخر ما يخونون الأسوار=وآخر من يعاهد وعندي دليله
قبايل ٍ فيها مشاكيل وأمار=بينتها وأنته عليك تحليلـه
صالو وجالو فوق.. حدر السماء نار=وطالو ديارٍ ماخذوها نحيله
ابن محمد قالها من هل الدار=الفريّسي راع العلوم الجزيله
سجل تواريخ ٍ على مر الأدوار=والهرج يكفي عن كثيره قليله
وصلات ربي عد ماهلّت أمطار=على الرسول عداد نبت الخميله
للشاعر الراوية
عرّاك بن صالح الفريّسي الجربا