ديوان الشاعرة / الغريبة شوق

[الغريبة شوق]

مساكم شعر ...

نص قديم ..عزيز على قلبي !! يتجدد بمصافحتكم ..

http://www.nshama-shmr.net/up/uploads/images/ns-3cb8bf1856.gif

مــسـاااااااء الخـــيــر !!!




مساء الخير يا أغلـى البشـر .. يـا أقـرب الخـلان!=مساء الخير يـا أعْـذ َب حروفـي واجمـل سنينـي!

مساء الخير..أطـرز بـه علـى وجـه القمـر عنـوان=تحية شوووق !! يااا أول!! ويـا آآآآآخـر عناوينـي!

حبيبي ! في وجـودك .. تبتعـد عـن جـوي الأحـزان=وفـي قربـك حبيبـي ..أجمـل الأفــراح ..تاتيـنـي!

أ نا جيتك مـن ا بعـاد ا لغيـاب ولوعـة الحرمـان!=أبيـك مـن العـذاب ولوعـة الحرمـان .. تحمينـي!

بقربـك تَعـزف أيامي أرق واعْـذب الألحـان!=تنسّيـنـي عذابي..وبمشـاعـرشووق.. تحييـنـي!

ولو كان الزمن..عز الشتا .. وقلبـي رجـف بـردان!=غريـب انـك بلمسـه واحـده مـنـك .. تدفّيـنـي!

(أحبك موووت). أبي اصرخ بها ! أهْدم بها الجدران!=أبي كل العرب تـدري !! عـن اللـي بينـك وبينـي!!

أبـي كـل العـرب تـدري بقلـب ٍ مغـرم ٍ ولهـان!=وبأنك انت – أيوه – إنت ! ! محبوبي ونظـر عينـي!

على رغم المسافه !! أشعـر انـك ساكـن الوجـدان!=على رغـم المسافـه!! إنـت ساكـن فـي شرايينـي!

على رغـم المسافـه !! أشعـر بطيفـك معـاي الآن!=يدللنـي!! يدلعـنـي !! وكــل الـحـب يعطيـنـي!

تخيلتـك !! تمنيـت الفـؤاد يكـون لــه جنـحـان!=عشـان ألغـي مسافاتـي ! و أحـط يديـك بيدينـي!

(أحبك) !! ايش أحبك ؟؟!! هذه الكلمه بـلا عنـوان!=أبي كلمه تعبر حيييـل لـك !! عـن كـل مـا فينـي!

أبي كلمه .. مثل صرخه !! أبي كلمه.. مثـل بركـان!!=أبي كلمـه تعبـر لـك ..عـن اجنونـي ! وبراكينـي!

قريب انته من احساسي ! ومن قلبي ! مـن الوجـدان=ولكن يووه يا بِعْدك !! حسافه ! وينـك ووينـي؟!

[الغريبة شوق]

0

مساكم شعر ...

---------------------


http://www.nshama-shmr.net/up/uploads/images/ns-3cb8bf1856.gif

عــــــتــــااااااب !! !!!

أنا ما عاد اشوف من الدروب الا طريق عتاب=على درب العتب جيتك باعاتبك وتعاتبني
الا ما احلا العتب ما احلا العتب لاصار بين احباب=ويا محلا القصايد يوم اجاوبك وتجاوبني
تعال نشيلها هجيني ونسمر والقمر ما غاب=تعال اسمع باسولف لك عن اللي منك تاعبني
ابا اتكلم واصرح لك وبابدي جملة الاسباب=سوالف حيل عفويه ولا انت ابدن بغاصبني
علامك كلها ايامك جفا وصد وهجر وغياب=وليش نقضي الايام احاسبك وتحاسبني
انا بسبة غيابك مدمعي يجري وقلبي شاب=عسى منته بعد من صفحة الاحباب شاطبني
تعبت اسأل عن اسبابك ولا عندي سوا استغراب=غريبة كيف تتعبني يا ليت انك تجاوبني
وانا والله فلا استاهل تعاملني كما الاغراب=لأنك تملك احساسي وحتى العقل سالبني
أنا حاولت من دون الزعل قفلة جميع ابواب=ولكني فشلت ويظهر التوفيق جانبني
ومن شان الغلا جيتك وفي قلبي قليل عتاب=تعال اجلس هنا يمي باعاتبك وتعاتبني


--

=



=

[الغريبة شوق]

0

0

مساكم ورد ..

-----------------------------
:bvgf :

يـاااااا قاااااطـف الـورد !!

يا قاطف الورد يا سارق عبيـر الزهـور =
=أرواح الأزهـار تنعـي دمهـا المستبـاح

انت استغليـت طيبتهـا بمكـر ٍ وجـور =
=قطفتها ! ثم رميت ابهـا بوجـه الريـاح

صوّرت قلبك لهـا جنـة غـرام وحبـور =
=وما نالها من هـواك الا العنـا والنـواح

اجرمت في حق نفسك0 والهوى0 والعطور =
=لا طاب لك نوم عين ولا الضمير استـراح

يا عبد الاهواء! يا اهوج ! يا عديم الشعور =
=كم طاب لك تشعل النار بقلوب المـلاح !

تـدور الايـام ضـدك والليالـي تــدور =
=يظلم بك الوقت ويفارق سمـاك الصبـاح


والورد يصبر على حزنه وطبعـه صبـور =
=يلقى مع الوقـت بلسـم للعنـا والجـراح








-

[الغريبة شوق]

آآآآخــــر رســـالــــه !!!!

http://www.nshama-shmr.net/up/uploads/images/ns-a5be146618.gif

آآآآخــــر رســـالــــه !!!! !!

آخر رساله إلى حضرة جناب الجـروح=مِدادهـا دمّ عينـي طرسهـا أضلعـي

نزفتها بدم شريانـي بصـدق ووضـوح=وناديت قيفان حرفي قلت هيـا ابدعـي

ارسلتها يـم جـرح ٍ بالضمايـر يلـوح=ضمّنتها حجّة الداعـي علـى المدعـي

يا جرح ما عـاد باقـي بالمعاليـق روح=باقي صحاري جفافي تشرب من ادمعـي

احاول انزح ولالي عن طريقـك نـزوح=من وين ما الدّ يا جرحي لقيتـك معـي

ياجرح هوّن على روحي وخلك سمـوح=والا اذبح القلب وارسل لي رسالة نعـي

ياجرح لا تصير مثلك مثل وقتي شحوح=ياشين ما في ضميرك لو شوية وعي؟!

تعال اعلمك قصة من بنى لـه صـروح=في وسط جاشي وهو سبة جميع وجعي

وصلت في قصتي ويـاه حـد الطمـوح=اقول له سم لامـن قـال هيـه اسمعـي

ما كنت اعرف المخبا يا زمانـي بلـوح=(مكتوب) ما يمنعه كثر الجري والسعي

راح وتركني مع اهمومي اهيجن وانـوح=سفاينـي غارقـه متمزقـه أشرعـي

حدب المحاني على نار التوجـد تفـوح=والهم فارس وسيفه غـارزن باضلعـي

ارجوك يا جرح لا تزيد الجروح بجروح=اتركني انسج مـن الغربـه دوا لوجعـي!!

[الغريبة شوق]

0

0
http://www.nshama-shmr.net/up/uploads/images/ns-3cb8bf1856.gif

ما في يدينا لحكم الله غير القبول !!



ما بين هم الليالي والرجـا والبعـاد=ما بين غربة سنيني والأمل والذبول

روحي من الهم والفرقا بحالـة حـداد=ودموع عيني من احزاني بحالة هطول

ومن العذاب اتشح وقتي بلـون السـواد=الشمس غابت- حزينه والقمر في افول

تلوّن الحـزن بأيامـي / وليلـي سهـاد=ويحاول النور ياصلني ! ولالـه وصـول

يا معانِد الحظ – بالله - وش يفيد العناد؟=ما في يدينـا لحكـم الله غيـر القبـول

يا مضيّع الدرب ! خذ علم ٍ صحيح ٍ وكاد=غير الذي قد قسم لك ربنـا مـا تنـول

والله مهمـا بذلـت الجـد والاجتـهـاد=مهما طلعت الرواسي او نزلت السهـول

ما تاخذ إلا نصيب ٍ قـد كتـب بالمـداد=الصحْف طويَت .. ولا هو نافع اللي تقول

وما باقي الا دُعانـا لوجـه رب العبـاد=يا ربي جعل الدعا يلقى بوجهـك قبـول

[الغريبة شوق]

يسعد مساكم ..

وكل عام وانتم بخير ...

(أميرة الجن الازرق! لقب أطلقه علي الرائع ياسر التويجري قبل فتره طويله)

===================
http://www.nshama-shmr.net/up/uploads/images/ns-3cb8bf1856.gif

أميرة الجـن الأزرق !!.. أنا !!



أنا لو قلت للشمس : انطفي .. يكفى الملا نوري=يحق يحق لي إنـّي بهذا التيه .. اخاطبها

ولو قلت لقمر سود الليال : ايكـَـفـّي ا حْــضوري=ينفذ رغبتي .. من دون ما يعرف سبايبها

يغيب .. ويترك الاجوا .. لموزوني ومنثوري=ويهْـدي لي نجوم الليل اناجيها والا عبها

ولو خاطبت جنّ الأرض فورا ً يمتثـل شوري=يقول امرك يا مولاتي تبين الـشمس ؟؟. نجلبها

ولو قلت لفلول الريح : هيّـااااا زمجري ثوري=تثور وتعصف وتـرثع بهالدنيا .. وتشقلبها

ولو ناديت : زيدي هيجة الأمواج يا بحوري=يجيك الموج متلاطم ..كأن المـس .. صايبها!

واذا تقولون مغروووره .. فانا يعجبني غـْـروري=أنا حتى القصايد .. تفتخـر .. يوم اني اكتبها!

http://www.alqosman.net/vb/images/smilies/wm32.gif

[الغريبة شوق]

0

يسعد مساءاتكم ....

http://www.nshama-shmr.net/up/uploads/images/ns-3cb8bf1856.gif

مـسـامـير الألـــــــمـ ! !!

آآآآه يا قلب العنا ويني ووين الراحه ؟!=ضعت ما بين الدموع وروحي المجروووووحه

مات قلبي من شقاه00وما عرف ذباحه=في وسط بركة دمائه جثـته مطرووووووحه

جاه مع هم السنين السود شي اجتاحه=قدم عيني انتحر صبري وهد صرووووووحه

ما قدر يصمد مع وقت ٍ عصف برياحه=قال او ما قال !! والله ما يفيده بووووووحه ؟

آآآآه وهمومي سكاكين .. وأنا التفاحه=آآآآه من هم ٍ – عذابي – غايته وطمووووحه !

شيب عيني من زمان ٍ جاب كل رماحه=وقام يتفنن بطعني .. ثم يعد جرووووووحه

الفرح ودّع .. وورّثـني العنا واشباحه=والخطاوي ضيعت درب المجي والروووووحه

كنت احسب اني أبا اقطع هالمحيط سباحه=قلت : يا بحر الظلايم جااااك صوتي .. اوووووحه

ما هقيت الموج يب يشهر علي سلاحه=ويلعب بحسبات هقواتي كما الارجووووحه

دنيـتي لوحة عذاب معلـّـقه في ساحه=والحزن ثبّت مسامير الألم باللوووووحه

النهار بنون عيني منطفي مصباحه=والليال دموع تبكي هالعمر وتـنوووووحه

ول يا عـمـر ٍ تـوارى ما جـنيت ارباحـه=راح من قبل اتبيـّـن عـتـمتـه ووضوووووحـه

وآآآآه يا قلب العنا وينك ووين الراحه ؟؟=والسعاده شوف عينك – تـنـتـفض- مذبوووحه !!

سبق نشرها في مجلة المختلف


-

[الغريبة شوق]

0


يسعـــــــد مســاكم ....

(شمس السنين).. لقب أطلقه عليّ شاعر ٍ ما ! في زمن ٍ ما !

فجاءت هذه الابيات



===========

http://www.nshama-shmr.net/up/uploads/images/ns-3cb8bf1856.gif

مـوج الحــــــزن !!



شمس السنين )! وتِهت عن درب الاشراق=جيش العنا جاني سرايا ..... سرايا

تمركز الحزن بخفوقي والاحداق=وحدْب المحاني من همومي ملايا

والهم قاد المعركه وسط الاعماق=لحظاتي الحلوه!! خذاها سبايا

مدري مرض ! والا وله روح واشواق=او هي ضريبة غفلتي والخطايا؟

بس الاكيد من الالم عالمي ضاق=موج الحزن ناوي لقلبي نوايا

والبين يشعم داخل الجوف حراق=أوْدع معاليقي وروحي شظايا

يااا رب انا وش حيلتي ؟ والوجع فاق =كل الحدود – وسد كل الزوايا ؟!

ياارب مالي غير فزعـتـْـك ترياق=رحْـمتك يا اللي ترتجيك البرايا


===


----





=

[الغريبة شوق]

0

مساكم شعر ...

===============
http://www.nshama-shmr.net/up/uploads/images/ns-3cb8bf1856.gif

يااا خـلف جـد الغريبة !!!


تعبت اسأل عليك ولا تجيني منّك الاخبار=
=وقلت اصبر واشوف ان كان انا قد جيت في بالك

نطرتك يوم يومين .. وشهر مرت ثلاث اقمار=
=ولا منّك وصل مرسول يخْـبرني عن احوالك

حبيبي .. يا خلف جد القصايد واعذب الاشعار=
=طلبتك تعزف لشوق الليالي عذب موالك

انا الفجر البعيد اللي قطع لعيونك المشوار=
=وانا الصوت الحزين اللي عزف جرحه وغنى لك

وانا الموج الذي يحمل بطيـّـاته كثير اسرار =
=رجيتك .. غاية اطـْـموحي .. تكسّـرني على جالك

غريبة صرت فـ الدنيا .. رغم هالناس والزوار=
=أنا وش لي بهالعالم مُـناي امووووت واحيا .. لك

طلبتك يا خلف جد الغريبة تترك الاسفار=
=وانا اوْعدك بسعاده عمرها ما جت على بالك

[الغريبة شوق]

0

على هامش الشعر ...

==================

http://www.nshama-shmr.net/up/uploads/images/ns-3cb8bf1856.gif

بنت مجنووووونه!!!


يااللي تقولون هذي البنت مجنونه=بدري !! بعد ما رأيتوا كامل اهبالي

لا شلت قافي وشال الجني لحونه=اتهيجن البيد لأبياتي وموالي

وليا تملكني الطاروق وفنونه=حتى مع الناس اهوبل كني لحالي

يسري بي لوادي العبقر ولجنونه=وادندن الشعر يا دانا ويا لالي

يمطر قصيدي وتنثر خيرها مزونه=وانا بربيع القصيد يزين منزالي

ابنـّي بيوت شِعري واضبط ركونه=وادوزن القاف لين الطرق يحلالي

واكشف خفايا بوسط الروح مدفونه=مطمورة ٍ عن حواسيدي وعذالي

وارسم على الغيم صورة بنت مجنونه=اتلاعب الريح بالقيفان والشالي

[الغريبة شوق]

0

مساكم رضا ...

================
http://www.nshama-shmr.net/up/uploads/images/ns-3cb8bf1856.gif

زعــلااااااااااااااانه !!!


===

=

ان جـيـت للـحـق !! أنا من جـد زعـلانـه !=

=ويـحـق لي مـنـّـك أزعـل وانت تـرضـيـني !


أزعــل من اللي بـوسـط القـلب مـسـكانـه !=

=ومـن حـقـي أزعـل وأعـاتـب نـاس غـاليـنـي !


يـومـين أحـاتـي ! وطـول اللـيـل سـهـرانـه !=

= تـجـيـبـني هـالهـواجـيـس 00 وتــوديـنـي !


مـشـغـول فـكـري عـلـيـك 00 بـجـد حـيـرانـه !=

=وانـتـه ! ولا انـتـه هـنـا !! هـاجـر00ونـاسـيـني !


وانـت الذي بـايـعـه عـمـري عـلـشـانـه !!=

=والحـين بالصــد والهـجـران... تـجـزيـني ؟؟!!



وان قـلـت لـك : انـت قـاسـي ! قـلـت : غـلـطـااااانـه !=

=( أنا أحـبـِـك ! .... كـثـر ما انـتي تـحـبـيـني !)



الحـب – يا روح روحـي – ويـن بـرهـانـه ؟؟!!=

=والا عـلى بـالـك بـهـرجـك اتـهــد ّيـنـي ؟؟!!



أصـبـحـت أنا من وعـودك00حـيـل تـعـبـانـه !=

= يـكـفـيـني اللي وصـلـني مـنك !! يـكـفـيني !!



الحـب ! ما هـو كلام ! ودان دن دانــه !=

=أغـانـي الحـب !! ... ما عـادت تـســلـيـني !!


والحـب ما هـو حـكـي ! ووعــود رنــانــه !!=

=الحـب يـحــتــاج لـه ... صـدق وبـراهـيـني !


الحـب واجـب عـلـيـك تـقـيـس مـيـزانـه !=

= وراك بالحـب طــفـفـت المـوازيـنـي ؟؟!!



سـَــلــّـمـت لـك قــلـبي ! ولانـي بـنـدمـانـه !=

= أبـي مـثـل – يا بـعـدي – ما اعـطـيـك !! تـعـطـيـنـي !!



====
0
0

[الغريبة شوق]

0

مساكم شعر..

-----------------------


http://www.nshama-shmr.net/up/uploads/images/ns-3cb8bf1856.gif

مــسـاااااااء الخـــيــر !!!

يا قلبي انسـاه يمكـن تَرْكتـه خِـيـره=
=حب(ن) على الذل!!ملعونين ابو جـده


لا صار حبه عذاب .. وقسوه .. وغيره =
=وش ترتجي مـن وراه ؟ الله لا يـرده


ما شفت ويـاه غيـر الهـم والحيـره =
=ما عنده حدود في مزحـه وفـي جـده


الافضـل انـك معـاه تفضهـا سيـره =
=ترتـاح مـن ذلـه ونسيانـه وصـده

عذبك يا قلـب فـي كثـرة مشاويـره =
=رجيت رحمه .. و لكن طالـت المـده


يضحك ويمـزح ومنشرحـه اساريـره =
=وانته تعيش بحـزن وهمـوم مشتـده


سويت لـه شـي مـا سويتـه لغيـره =
=غرست له في حشاك اجـذور ممتـده


وعشت بأمل يـوم تقطفهـا نواويـره =
=واللي بنيته .. يجي في لحظـه يهـده

=======

[الغريبة شوق]

صباحكم شعر ومطر ..=


====

http://www.nshama-shmr.net/up/uploads/images/ns-3cb8bf1856.gif

ذكريات الشمال !! جديدي!!!


البرد ! والليل ! وانت ! وذكريات الشمال! =والهاجس اللي على ذكراك اخذني بعيد



!ومدينة احزان ! فيني باقيه لا تزال *=تستوطن الروح وتعكر مزاج الوريد


وهموم عمرن مضى كله جنون وخيال *= تعصف بروحي دمار وتفعل اللي تريد



حاولت ابا انسى ولكن من ضروب الخيال =شلون بنساك ؟ والذكرى تعيد وتزيد؟



يا ويل حالي ليامني ذكرتك وسال =* دمعي ! وضاقت بي ارجاء الفضاء المديد



لا قلت يا قلب كافي! قال هذا محال= *شلون تنسين من يملك زمام القصيد



شلون تنسين من ينسج خيوط الجمال=* وينظم لج الشوق واللهفه بعقدن فريد



الشاعر اللي بعشقج قال ما لا يقال= * واللي حلف لج عن ادروب الغلا ما يحيد



قصايده زادت احساسج بهاء وكمال=*وابيات شعره تشبج ضوّ رغم الجليد



صحيح يا قلب كيف انساه شيخ الرجال=* اللي تمركز على روحي برتبة عقيد





===