ديوان الشاعر/ فايز الغدير ((الكوكب))

[فايز الغدير]

السلام عليكم
كل عام وانتم بألف خير جميعا
ومن العايدين الفايزين

امسي على الجميع بدون تخصيص

مصافحه متواضعه موجهه للمنتدى ( بقية من ابداع الشاعر المبدع عياده والمبدعه مزوون )هههه

( مصافحه ) عيدك مبارك يانشاما شمر.. !!!



(عيـدك مبـارك يانشاما شــمــر ) = جيتك مسيًـرعاشقـ(ن) .. لـفنـونك
غنى الجهيلي زيـــن بـدع ومعنى = الشاعــر اللي له سنه .. بـعيــونك
ومـزون صاغـت جــوهراً متناثر = شاشت حروفه ورقصت (دلعونك)
حـبـيـت اصـافـح ودكـم واشــارك = مادمت .. عد(ن) والعرب يردونك
يسلم لنا الوافي .. زبـون الخايف = صـالح ولـد عمي ثنى مــن دونـك
ولاهــانـــوا اللي يحتمون التــالي = (اعضاءك) ..اللي مثبتين ركـونك
(من العايدين) اعياد عيدك عادت = جيتك وله لا ! بل عشقت فنونك
وسلامة الجميع ,,

شعر ((( الــكـــوكــــب )))
7 / 11 / 2011 م

[فايز الغدير]

انتي قمر 14 !!

( الليله 14 والقلوب خضرا !!



شوفي شبيهك بالسماء ساطع(ن) فـوق=اخـفى نجـومـه وانفـرد بالصـداره
انتي قمر له دورت(ن) في فضاء الموق=مثل الكــواكب ثابت(ن) في مـداره
كـامــل حـلا .. ومـكمله زيــن منــطــوق=ياحايز(ن) جـل الوصوف بجداره
فيك اجتمع لــــون اســود الليـل وبــروق=فلقت قمر والمعجزه! في نهاره
أنساك شـوق لشـوفتك .. وأذكـرك شـوق=وعمراَ بلا قربك .. وربي خساره
يامـالــكـه قـلبـــي .. بالاخـــلاق والـذوق=انتي كياني .. فـي صـريح الـعباره








وسلامة الجميع ,,

شعر (( الـكوكـب ))
14 /12 / 1432 هـ

[فايز الغدير]

امسي على الجميع
هذي ابيات متواضعه وهي مساجله بيني وبين ( نواش ) الصديق والشاعر / عقيل دغيم الشمري

( شعر (( الــكــوكـــــب ))
فايز غدير الشمري !!

يــا راكــــب اللي تــــو جــــابــوه تصدير=فـــكـس آر لند كروز لـونه سـمـــــــاوي
تـــــــــوه من الجمــرك طلع بالـفـواتيــر=اخــــــر مـوديـل الجيب ماهـــو عراوي
ســــقت الثمن كاش(ن) ولا به مخـاسير=ماشــــلت هـــم مـدايـنــه والــدعــــاوي
لادســـت لــه كنـه يسمعــــك تـقـريـــــر=كــنـــه بـصــوتــه يطـربـك بالغـنــاوي
تــــوه يـمـرٌن واستعـــد للــمشـاويــــر=منـوة غــريب عـــن ديـاره جـــــلاوي
منـا تـــوجه يـــم ريــــف الـمـنـاعيـــر=قرم(ن) علـــى بدع الصـعيبـات قــاوي
بـيـــطــــار قــيــفــان الـمـثـل والتعابير=شـبـحه بـعـــيــد وبالمثـايل رهـــــــاوي
(نواش) كيـف الـحـــال . مسيـت بالـخـير=وشـــلــون حــــالك يــابعـيــد الهقـاوي
عســى السحاب اللي نشى حـزت عصير=يمــــطرعلى(القطبه) وذيـــك الحراوي
كــــــن الـبـروق بـمقـدمــه لمع تصوير=تسَـتـر بــه عيــن الشفــوق الشقــاوي
يـقـبـل مــــن المنشى مـزونه مـزابيــر=كــن الــرعــد في مـقــدمـه له حـداوي
اســـبـــوع مـايقف مـطـرها تبـــاشيـر=ضـفـــوه عــلى كـل البــلاد مـتــساوي
مــدت كــريــم(ن) مـايــعـد المخــاسير=سبــحــــانـه الـلي مايمـن الـعـــطـاوي
يـازيـن عقب اسبوع صــف المبــاهير=في خــايع(ن) تـــوه مـن الــوبل راوي
مــحلاه حــول النار جـلسـه وتـــــذكير=وسـوالـف(ن) كـلـه قـصيــد وغـطـاوي
تنسى عنـا وقــتــك وبـعـض التفــاكير=مــع خــــوة الـلي يبعــدون الـخـطـاوي
واخــــر كـــلامي لـك تــحيـه وتـقـــدير=يـاشــوق عنــق الــريـم عيــن النداوي


( رد اللاخ (نواش ) عقيل دغيم الشمري !!



حــــــــــي البيوت اللــــي لفابه تقارير=بصـــــــفحة سحاب الخير جابه نداوي
أهــــــــــــلاً هــلابه عــد نبت النواوير=وعـــــــــــداد ماشــــد البيوت الخلاوي
ترحيب مخـــــلص مايقوله تعــــــــابير=ياقال قال الـــــلي لــــــــــه القلب ناوي
ياراكــــــــــب اللــــي جهزوه المداوير=ملزومهم يـــــــــم الحــــفر والصداوي
راعيه تـــــــوه شــــــــد فيه المسامير=يشد لوحـــاته شـــــــــــــــفوقً مهاوي
شاص(ن) مجــــــــهز للدروب المعاسير=اللـــــــي بها ضـــلع ونفود ومـــــلاوي
ياصار جـــــــوه مضلم وبــــــه معاصير=وارضه عفاش وجاء بــــه السيل داوي
يطــــــــري علــــي يادشها سالم الزير=اللــــــي شـــــــحن بالقلب غل وبلاوي
يومه لمح جساس شـــــــــق الطوابير=ويوم اعتزى بكليب نــــــــعم العزاوي
ياسايقه غـــــــــــير لنا وجــهة السير=وادعس علــــى اللي لرهاريه طــاوي
تنــــــحر( العــقله( علـــــــى نية الخير=وانص الرجـــال مبهرين القـــــهاوي
سلم علــــــــــى فايــــز وكل المناعير=ابو غدير اللي علــــى الطيب قــــاوي
هيفاوي(ن) يفرح بشــــوف المسايير=يفرح ليا وصلو بعاد الخـــــــــــطاوي
رجــــــــلً يصالي مكرمـــات المباهير=ويجــــــــدع خيار اللــي تولاه شاوي
ماتابــــــع الاســـــــــهم وعد الدنانير=ولاهـــو علــى حسبة رصيده شفاوي
عســـــــــــى ديارة للمزون البــواكير=غـــــــرن رعدها والبــروق متساوي
وصــــــــلاة ربي عد مارفرف الطير=علـــــــــــى النبي اللي حديثه يداوي

[فايز الغدير]

قصيده ليست بالضروره تكون احداثه واقعيه ههههههههههه
http://www.nshama-shmr.net/up/uploads/images/ns-3cb8bf1856.gif

( شمريه.. بس مدري من اي شمر !!

في مساء الاثنين واحد من نوفمبر=صوبتني يابو حاتم في عيونه
شمريه .. بس مدري من أي شمر=بنت عز(ن) تقصر الآمال دونه
حي فاله يوم ناطحني وصدُر=في وسط (برزان ) زوَد بي طعونه
قبلت الله كنها خشف(ن) مذيَر=خشف ريم(ن) يتعب اللي يطلبونه
جادلاً قامت على قلبي تومَر=واعذاب اللي سوااتي يلتقونه
كل من شافه ذكر ربه وكبَر=تسلب عقول البشر نظرت عيونه
اشهد انه يابو حاتم موتاً احمر=ليت لو حبال حظي يدركونه
لاطرى هاف الحشاء قمت اتعبر=هيضت قلبي وقفت به شجونه
فوق جيب(ن) من (دبي) توه مصدَر=ارتحل واقفى وخلا لي حزونه
التفت يومه نوى الممشى وأشر=بالاصابع .. خايف اهله يكشفونه
ضاعت الفرصه وانا قمت اتفكر=واهني اللي معه ويرافقونه
وعذابي ليت سواقه تأخر=ليتهم لامن مشوا مايفقدونه
ياحسافه .. يابو حاتم حظي اقشر=ماعرفنا له مكان ولا (نمونه)

وسلامة الجميع ,,

شعر
(( الكــــوكــــب ))

[فايز الغدير]

شـــــــــــاعـــــــــــرك !!
كلمة ( اهواك ــ احبك ) !!..

شاعرك تصرخ حروفـه بـدم الوريـد=يحترق لأجل (كلمـه) عيدهـا ..قولهـا
كلمة(ن) من سمعها جاك نشـوة قصيـد=جـاك ترقـص حروفه..فـل مجدولـها
ترهم خيول فكره ..عانيـن مـن بعيـد=ينتخـي بالقوافـي هولهـا ..هولـهـا
يحترق لك قوافـي وانـت كنـك جليـد=اخـر انتـاج فكـره ..دوك معسولهـا
دوك كل القوافي ..جـاك كلـه قصيـد=دوك كل المشاعر عرضهـا .. طولهـا
لأجل عينك حروفي .. لأجل عينك عبيد=انت صوت القصيده .. انـت مفعولهـا
انـت كـل المعانـي بالمشاعـر تسيـد=لا .. بغيرك حروفـي ضـاع مدلولهـا
انت كلي بذاتي .. وش بقى وش تريـد=دوك عمره .. حياتـه شاعـرك نولهـا
فدوتك كل عمري ..دوك عمـراُ جديـد=وكان ودك بروحـي .. فدوتـك طولهـا
اكسر الصمت عدها .. لهفتـي لا تزيـد=كلمة(ن) مـن صداهـا دقـت طبولـها
يمكن اني فضولي .. بـس حبـي اكيـد=صادق احساس قلب(ن) بـاح مجهولهـا
هيه .. تكفـى طلبتـك عيدهـا ياعنيـد=كلمة ( اهوااك / اااحبك ) عيدها .. قولها




وسلامة الجميع ,,,

شـعــــر / فايز غدير الشمري
[ الــكــوكـــب ]

[فايز الغدير]

صوره لمن يهمه الامر !! ... مع التحية

( يالـــــريـــــــــــــم !! !!


البـارحة ( لـج ) الـرعــد والسماء غيـم=وهــلـت عــلى قـلـب الـمشقى نكـدها
لـج الخفــــوق اللي فضح همسة الـديـم=وكبت على بيض (الصحايف) بردها
سبحان من يعلم خفا الناس يـا (ريم )=يـعلـم خـفـايهـا .. ويـحصي عـــددها
دايم وحـرف الـ ( س ) متـبوع بالـ (ج)=ونوبـ(ن).. تموت السالفه في مهدها
لاوالله الا ( غــبَر )الـوقــت يـا ( ريم )=اقـفـت حـلاااة الـوقت واظـلـم سعدها
صـارت خيول الطيـب شـرد(ن) مـهـازيم=من يـوم صار( التيس) ينطح فهدها
كل(ن) يــغـنـي مـــع زمــانــه تـــرانـيــم=عـلـى طـــواريــق المصالــح عمدها
يا( الريم ) صـار( الأمعـه ) ذرب وفـهـيم=وســوالفه مايـنـعــرف وش سنـدها
انـشهــد انـه وقـت عـكــس ( الـمفاهيم )=تـخـالـف بــروق الــزمـان ورعـدها
الله يـعيـن اللـي شـكــى لـوعـة الضــيـــم=وحيــد فــي دنـيـا تــشـابــك عــقـدها
( الناس قوه) .. كلما شكـلـوا ( Team)=وتضعف عـزومه دام تـمشي وحدها
مايـنعــرف (بالـقصر) ضـيـف ومـعـازيـم=كلـ(ن) مـدح نفسه وكلـ(ن) حمـدها
يالـ ( الريم ) يــاكثـــرت عـليــك الـمـلازيم=(( خـله مـع الـديان تمشي وحـدها ))
مـايستــوي مـن يـسهـر الليـل .. والنـيـم=ولا كــل مــن رااد المـراجـل وردها
عسى السحــاب اللي ردم والسـماء غيـم=غـــر الــمـزون اللي تتــابع رعــدها
بأمــر الـولي يــسقـي لنـا مــرتع ( الريم )=يـسقي مـرابـعـها .. ويـسقي بـلـدها



شعر / (( الكــــــوكـــب ))
الخميس 8 / 12 / 2011م

[فايز الغدير]

البارحه بالفرح !

البارحه بالفرح والناس ملتمه !!!

البـارحـه بـالـفــرح والـناس مـلتــمه=صار الفرح فرحتي والعرس عرسيني
قابلت من همن امـره وأمري يهـمه=لاجله حضرت وحضر لاجلي ويرجيني
مــشيـت كـلــي ولــه وارافـق الهمه=يابو مشاري له الاشـــــــــواق تــدعيني
متلهف لشــوفها والـحــــال مـنسمٌه=اذوب فـي وصالها وهـي ذايـبه فـيـنـي
اللي على عرش قلبي حازت القـمـه=تـربـعـت بالحشاء وســـط الشـرايـيــني
جيته اسابق جنـون الشــــوق وألمه=ادافع الشـوق خـفـت الشــوق يـشقيـني
جتني تخطى بنفنوف(ن) ضفى كمه=متلعثمه بـالـحيـاء بـشويش تــدعــينـي
بغيت من فــرحتي احضنه واضمه=لاشـك خــفــت انها تــزعــل وتـجـفيـنــي
يازين كلمة ( هلا / لبيه ) من فمه=تـوقـد شـمــوعي امــل وتـجدد سـنـيـنـي
يابو مشاري برمشه طـاحـه الهمه=ضاعت عـلـومي بـنـظــرة عـيـنه لعـيني
يازيــن هـمسه وحـلـوه خـفته دمه=عــــزالله انه رجـــح بالعــقــل والـــزيـني
رتبت معها حروف الفتح والضمه=خـذيـت مضمونها .. واخـذت مـضـاميني
وأحـلف بـرب الـملا وبـذمتي ذمه=ماخذت غير الـكلام .. ونـظــرتي عـينـي
ياليتني يابــو مـشاري ولـد عـمــه=مـن شان لامـت ! .. تنعـانـي وتــبـكيـني
ودعـتـها ! والفرح والناس ملتمه=هـم عرسهم عرس وانا صـار عـرسينـي

شعر / فايز غدير الشمري
( الكـــوكــــب )
27 / 4 / 1433 هـ

* ابومشاري : الصديق العزيز زامل صحن العمودي

[فايز الغدير]

( عيني تشوفك !! )

وشلون ابنسى ؟ داام عيني تشوفك !!

أنساك .. وانسى غفلتي عنك وأذكرك=حتى عجزت أنساك وانسى وصوفك
صورة خيالك وســط عيـني وأناظرك=وشلـون ابنسى ! دام عـيني تشـوفك
أبـحــر بــروعــة خـلقتـك وأتصـورك=وحتـى بنـومي .. تعترض لي طيوفك
يامـلهــم(ن) قــلبـي بــرقة مشاعــرك=انت ( الغــلا ) وأســم الغـلا فـي حروفك
تمـوت بــاقـي لــوعتي عند حاضرك=وتحيى مـواري فــرحـتي يـوم اشوفك
ودي امــتــع نــاظــري في نـواظـرك=مــشتاق لـك .. ودي الآامس كـفوفك
عطشان شوفك وارتجي غيث ماطرك=مـتـى !؟ يـبدد واقـعـي ظــلـم خـوفـك
اجيـك وارجـع منك .. وابـقى مسافـرك=جسمي بـعيد .. وعيـن شـوقـي تشوفك
العـبره اللي تـحتــرق في محـاجـرك=عند المــوادع .. جـعـله آخـــر ظروفك
خلتني انسى عبــرتـي فـي عبايـرك=صــار الغـلا بيـتك .. ودمــعـي ضيوفك
لا والــذي كــمـل جـمـالـك وصورك=انــي ابـد منساك .. وانـسى وصوفك
انساك لحظه ! وانتبه وارجع اذكـرك=وشـلـون ابـنسى ؟ دام عـينـي تشوفك!




شعر / فايز غدير الشمري
الاثنين 2 / 6 / 1433 هـ