ديوان الشاعر / حمود جارالله المزيني

[حمود جارالله المزيني]

ســــــلام ..!!! ..

سلام لو ان السّهـَرْ يشطِف الكيف = ويقلّبَ الالفاظ هي والمعاني

لكنْ لزُومٍ لا لقى المكْرِمةْ ضيف= يشكر هلَ المعروف لو هو يعاني

في صفحة الترحيب هي والتعاريف= لقيت نفسي ساحةٍ للتهاني

والطّيب منسف أو على شذرة السيف= والاّ بصلاح القلب هو واللساني

والهرج لا من زان هو حمضِ او ريف= والا خَضَارٍ خالطه قحوياني ؟

وان شان بين الكذبْ والزور والزيف=انا اشهد انّه سمةَ الافعواني

راح السهـَرْ واستروحَ القلب له طيف= صداه صوت مساهرينَ السواني

الناس باكِر مقبلينٍ على الخيف= مِن كل فجٍ ضجّ بالصوت عاني

وانا مع القيفان لاامشي ولا اقيف= لا قلتْ يكفي جرني بيت ثاني

شفت القصيد وخاطري به على جريف=وعند النشامى قلت طاب المكاني

مبطي عصا الترحال هي والتكاليف= تقرع بها يمناي واطرد زماني

وسلام يا جعْلَه قلوبٍ مواليف= على صلاح الشان لفظ ومعاني



مع أطيب تحية لقلوبكم
أخوكم / حمود المزيني


:qwe :

.