سفيرجبه
15-10-2011, 12:50
الشاعرمنصوربن سعدي بن رجاء السنجاري الرمالي الشمري رحمه الله
-------------------------------------------------------------------------
((ياهم))
ياهم ياللي فـي خفـا خافقـي طلــــــــت = ارحل ترا منصـور قـرب رحيلــــه
ياهـم جانـي ماكفانـي وحصلـــــــــت = جسمي قضاء وعظام جسمي نحيله
ياهم انا اخفيتك بصـدري ولا زلـــــت = اخفيك خوف اهل النفـوس العليلــــــه
اخاف قول اللي يقولـون لـو قلــــــت= اللـي سوالفهـم عـراض وطويلـــــــــه
لو حملـوا سلمـى مثـل ماتحملـــــــت = صاحت ل أجا من جور حمل تشيلـــــه
ولو ان سنجار الجبل شـال ماشلـــت =مبطي شكا ضيـم الحمـول الثقيلــــــه
اصبر ولو شفت الزمن مال ماملـت = واقول يمكـن يعتـدل عقـب ميلـــــــــه
((جليس الشمـس))
ارحم جليس الشمـس ياجالـس الفـي= يرجي لقاك ولا حصل منـك لقيـــــــــــــــــــاء
ان صرت ماسوى في حياتك ولا شــــــــي = انت الحياة وغيرهـا شـي واشيـــــــاء
يا أقفيت ياقف نبض قلبـي وانـا حــــــــــي = ومع رجعتك ترجع حياتـه ويحيـــــــاء
ارفق بحال اللـي كـواه الجفـا كـــــــــــــي = واسق العرق اللي لهـا وقـت ضميـــــاء
العيـن دمعـه دم ماعـاد بـه مـــــــــــــي = وان طال هجرك صارت العين عميـاء
واعرف ترى مبداي في دنيتـــــــــــــــي ذي = الفاء والاول واو والثالـث اليــاء
((في مركبي))
هذا انـا وابقـا انـا ماتغيـــــــــرت =مبـداي ثابـت ماتغيـر طبـوعـــــــــي
لا . لاتحسب انك على قلبي اثــــــرت= أو تحسب اني من فراقك جزوعـــي
لاتحاول اخضاعي ترانـي تجبــــــــرت = وأبعد عليك مـن الثريـا خضوعــــــي
البادي اظلم وانـت بالظلـم كــــــــدرت= صفو المحبه بيننـا رغـم طوعــــــي
واليـوم يالغـدار لفراقـك اختـــــــــرت= ولاعاد تذرف لـو توفـى دموعـــــــي
عن عالمك ياخاين العهـد هاجــــرت = واعطيتك الايضاح عن ذات نوعـي
في مركبي عن جاير امواجك ابحرت=خلاص مابعـد ارتحالـي رجوعــــــي
((صرختــــــي))
انولدت ابكي وانا مـادري واصيــــــح = صرختي كانت ليـوم ادري نـدا
صرختي كانت وانا مـدري صحيـــــــح = ترفض اول يوم مـن عمـري بــدى
صرختي قبل انجرح صرخة جريــــــح = وانجرحت وصرت للصرخه صـدى
يحسدونـي يحسبـونـي مستـريــــــــــح = مادروا بي مـن ردا رحـت لــــردى
ان جلست احترت !! وان وقفت اطيح = والامـل دونـه مسافـات ومــــــدى
((قصتي قــصه))
قصتـي قصـه بدايتهـا العــــــــــذاب = واخرتها الموت فـي دنيـا عنـــــــاي
الشقا لي بيـت والحرمـان بــــــــاب= والخيال فراش واحزانـي غطــــــاي
اصبح الدخان لـي زاد وشــــــراب = والسهـر بالليـل والونّـه جـــــــــداي
حاضري لاشيء والماضي سراب =وكل من ناديـت مايسمـع نــــــــداي
في شبابي من عناي الراس شـاب= والله اعلم كيف ؟؟ انا عشت بصباي
((سيناريو حبـي))
سيناريو حبي معك فلم كرتون= تجي النهايه ماعرفـت البدايــه
قصة غرام بين فاتـن ومفـتـون = صارت ودارت بينهم دون غايه
قصه غريبه بين عاقل ومجنـون = وصاروا مجانين سـوا بالنهايـه
تفرقوا صدفه وماكـان يــــدرون = وتقابلو صدفه !! بدار الرعايـه
قصة غرام كلهـا الام وحـــزون= احسن لها تنشر ونعمـل دعايـه
((عسى وليف الروح))
ياناس هذا هو بـلا القلـــــــــب ودواي = وهذا هو اللي لجله الدمـع سايـــل
هذا هو اللي عشت لجلـه بدنيــــــــاي =وهذا الذي ماريـد غيـره بدايـــــــل
قريب اقرب من يسـاري ليمنـــــــــاي = وابعد من الدوحه عن جبال حايـــل
ابو ه وامـه مايطيقـون طريــــــــــاي = حالوا عليـه ولا تجيـه الرسايــــــل
ابغى لقاه وهو يبي قـرب لقيــــــــاي= واصبر وانا تصلا الضمير الملايل
ويامن يساعدني على حـل بلــــــواي = عيت معي تجدي جميـع الوسايــــل
وعسى وليف الروح يسمع بشكواي = وليته باريج الشرق يقـرا الدلايـــل
((حلفت انا مااشكي))
حلفت انا ما اشكي على الناس همي = الا على رب البشر جالي الهـــــم
عناي انا ماشكيه حتى علـى امـــــي = لو كان مابه حي ارحم من الام
وعندي خبر صفو الزمن مايتمـــــي = لو يستمـر سنيـن وشهـور ماتــــــم
دنيـا تفـرق ياسـعـد ماتلـمـــــــــــــي= شره يعم !! وخيرها خـص ماعـــــم
ياخوك انا منها ارتفع ضغط دمــــى = حتى نحلت وصرت عظم بــــــلا دم
((أمر مٌر مَر))
امّـر مٌـرٍ مَـر فـي دنيتـــــي لـي=وامَر مٌـرٍ مَـرلـي فـي حياتـــــي
لياجاني العاني وانا مامعـي شـــــــي=ودي تجينـي قبـل ياتـي وفاتــــــــي
ان اعتذرته ضن ضـن الـردا فــــــــي=وانا الردا ماهو صفه مـن صفاتـي
اضحك واهليبه وانا منكـوي كـــــــي=من خوفي التقصير فـي واجباتــي
ومن لااشتهر بالجود صيته وهو حي=ماطالعٍ له صيـت عقـب المماتــــي
((ان مارحمت الحال))
لاتترك المجروح يشكي .. ويشقــــا= واعرف ترى كثر الجفا منك جراح
وان مارحمت الحال وش عاد يبقـا = غير الرحيل لعالم فيـه .. نرتــــــاح
كـل يـدور عـن حبيـب ويلقـــــــــــــا = شخص بلقياه الهواجيـس تنـــزاح
ومي البحر لو منه الزرع .. يسقا = يموت حتى لو يحاضيه .. فـــــلاح
((كيف ابا انسى !؟))
قالوا انسه قلـت ثامـن مستحيـــــــــل = يصبـح النسيـان للعاشـق عـــزا
قالوا تلقا غيـر محبوبـك بديـــــــــــل = قلت حبه في لجـا جوفـي لـــــزا
حالف مانساه الى يـوم الرحيــــــــل = ولا تناسا الزين لو عشـت بــوزا
كيف ابنسا ؟؟؟ من معي سوا جميل = والـردا للطيـب مايصبـح جـــــــزا
بالوليف الحلـم ياتـي كـل ليــــــــــــل = وكل مارقد في منامي لـي غــــزا
((هي وحدهــا))
لاتسألونـي عـن عنـاي اسئلـوهـــا = ولاتسألونـي ياهلـي ليـه مكســــــــــوف
هي وحدها تعـرف بـلاي انشدوهـا = وهي وحدها اللي عندها السر مكشوف
والياعرفـتـوا علـتـي عالجـوهـــــا = وعلاج خافـي علتـي ياهلـي نـــــــــــوف
والكـان ماتقـوون بـس اخبـروهــا = في حالتي قولوا تجي ! يمي تشـــــــوف!!
((لو جو صــدري))
لو جو صدري صار للمملكـه جــــــو= ماتوا ضمـا سكانهـا فـي ثوانــــي
ولو كان صدري للبشر مصدر الضو = باشعاعه احـرق ساكنيـن المبانـي
ياناس مهما الناس صاحـوا وعانــو = مافيه ابـد مخلـوق مثلـي يعانــــي
((محتار فيك اليوم))
محتار فيك اليوم واحتـرت مبطــــــــي = وش قصتك بالضبط ؟؟ حيرتني فيـك
تخطي تجيني تعتـذر ثـم تخطـــــــــــي = وتزعل وترضا قبل اجيلك واراضـيـك
اطلبك ماتعطـي وتبغانـي اعطــــــــي = وياما عطيتك بس ماعـدي اعطيـــــك
واحكي معك باسلوب للصوت اوطـي = وانت بكلامك تزعج اللي حواليـــــك
لاشك رايح نكشـف اللـي تغطــــــــي = وافهم حقيقة حاضرك قبل ماضيـــــك
بقلبي سطيت ورايح بقلبـك اسطــــي = واخذ بثار جـروح قلبـي واخليـــــــــك
((مالي جـــدى))
ارجوك خل البـاب يازيـن مفتـــــــــوح = لاتقفله في وجه مـن جـاك عانـــــــي
ألطف بروحي يابعـد كـل مملــــــــوح = جفيتنـي والنـوم بعـدك جفـانــــــــــي
مالك وزين وبالغلا اغلى من الـروح =لك خافقي من دون غيـرك دعانــــي
مالي جدى غير السهر منك والنــوح=من يوم ربـي فـي غلاكـم بلانـــــــــي
حيران فيك ولا اقدرامشي ولا اروح= واسري مع الهاجس وانا في مكانـي
شفني جريح وضمّدو جرح مجــروح=والا اتركن لاتجرحن جـرح ثانــــــي
((سألت بالهاتف))
ما الوم صدري لو تضايق وانا ضقت = دام الفضا رغم اتساعه علي ضـــاق
ياناصر من رحت اتصـل ماتوقفـــــت = حظ السعاده ما سعى لـي بالاوفــــــاق
سألت بالهاتف عن اللي لـه اشتقــت= من زود ما بالقلب من ود واشـــواق
قالوا حبيبك من وفاته مضى وقـــت =عنّا وعنّـك بـدل القـرب بافـــــــــــراق
كذبـت ماقالـوا ورديـت صدقـــــــــــت = وعند الكبينه طحت انا وسط الاسواق
بغيبوبتي مضيـت يوميـن مافقــــــت = واللي فقد نصفه معذب ولـو فـــــــاق
للموت من شي جرالـي ؟؟ تشفقـــت = عفت الحياة وصرت للقبـر مشتـــــــاق
وياخوك عقب صويحبي للكدر ذقـت = وياليته العايش وانـا ذقـت مــــــاذاق
((تصيح من وضعك))
وافق معي وارفق بشخص لكم طــــاع = والطف بذات ينتظـر لطـف ذاتـــــــك
الحق غريق في بحر حبكـم ضـــــــاع = وانقـذ حيـاة اللـي تهمـه حياتـــــــــك
تصيح من وضعك وانا اعيش باوجاع = اخفهـن لوجـاك سبـب وفـاتــــــــــك
عطني شقى عمرك وهمك والاوجاع = خوذ السعـاده واعطنـي مشكلاتـــــك
واحرق بقلبي واترك القلـب يلتـــــاع = ولا تترك (...) يحـرق شفاتـــــــك
الله خلقك وبك خلـق سـر الابــــــــداع = ملاك ماحد به صفـه مـن صفاتــــــك
ياا عز واغلى خلق ربي على القــاع =وشلون انا اسهر منك وانت بمباتـك ؟؟
انا وفي ويوم الوفا يالوفـي ضــــاع = وابغى وفا واعطيـك كـل امنياتــــك
اموت منك ولك ترى القلـب مابـــاع = وابعث بعد موتـي معـي ذكرياتــــــك
((يابو قاسي))
يابو قاسي شفت ماشفتـه وعفــت =عفت من ماشفت انـا حتـى النظــــــر
ان ظحكنا يـوم عشـر ايـام زفـــــــت= وان رقدنـا ليـل مانمنـا شهـــــــــر
يابو قاسي من زمـان اليـوم خفـــت =وصرت اخاف .. من ايتسامات البشر
لاتلومن لـو عقـب قـوه ضعفــــــت =ولاتلـوم القلـب ماقلبـي صـخـــــــــــــر
يابـو قاسـي فـي بـلاد الله طفـــــــت = واغتربت وشبت في سـن الصغـــــــر
راس مالي مـن ورا الدنيـا عرفـت =اننـي مخلـوق لجـل اشبـع قهـــــــــــــر
((يانفس صبـــرك))
ياقلـب مـادام الزمـان متحـديــــــــك =اصبر على ميلات وقتـك وجـــــــــوره
ويانفس صبرك والفرج عند واليــك= كونـي علـى ماقـدر الله صبـــــــــــوره
هـذي هـي الايـام لابـد تسقيـــــــــك =عقب الحلا كاس الكدر والمـــــــروره
وهذي هي الاقـدار لابـد ترميـــــك =من بـره الامـن لمظلـم بحــــــــــــوره
لاتجزعـي دام الممـات متقفـيــــــك =وكوني على صعب المواقف جســوره
ولاتيئسي مـن رحمـة الله يخليــــك =الله هو القادر علـى حـل امـــــــــــوره
الله يرحم الشاعر منصور بن سعدي الرمالي
-------------------------------------------------------------------------
((ياهم))
ياهم ياللي فـي خفـا خافقـي طلــــــــت = ارحل ترا منصـور قـرب رحيلــــه
ياهـم جانـي ماكفانـي وحصلـــــــــت = جسمي قضاء وعظام جسمي نحيله
ياهم انا اخفيتك بصـدري ولا زلـــــت = اخفيك خوف اهل النفـوس العليلــــــه
اخاف قول اللي يقولـون لـو قلــــــت= اللـي سوالفهـم عـراض وطويلـــــــــه
لو حملـوا سلمـى مثـل ماتحملـــــــت = صاحت ل أجا من جور حمل تشيلـــــه
ولو ان سنجار الجبل شـال ماشلـــت =مبطي شكا ضيـم الحمـول الثقيلــــــه
اصبر ولو شفت الزمن مال ماملـت = واقول يمكـن يعتـدل عقـب ميلـــــــــه
((جليس الشمـس))
ارحم جليس الشمـس ياجالـس الفـي= يرجي لقاك ولا حصل منـك لقيـــــــــــــــــــاء
ان صرت ماسوى في حياتك ولا شــــــــي = انت الحياة وغيرهـا شـي واشيـــــــاء
يا أقفيت ياقف نبض قلبـي وانـا حــــــــــي = ومع رجعتك ترجع حياتـه ويحيـــــــاء
ارفق بحال اللـي كـواه الجفـا كـــــــــــــي = واسق العرق اللي لهـا وقـت ضميـــــاء
العيـن دمعـه دم ماعـاد بـه مـــــــــــــي = وان طال هجرك صارت العين عميـاء
واعرف ترى مبداي في دنيتـــــــــــــــي ذي = الفاء والاول واو والثالـث اليــاء
((في مركبي))
هذا انـا وابقـا انـا ماتغيـــــــــرت =مبـداي ثابـت ماتغيـر طبـوعـــــــــي
لا . لاتحسب انك على قلبي اثــــــرت= أو تحسب اني من فراقك جزوعـــي
لاتحاول اخضاعي ترانـي تجبــــــــرت = وأبعد عليك مـن الثريـا خضوعــــــي
البادي اظلم وانـت بالظلـم كــــــــدرت= صفو المحبه بيننـا رغـم طوعــــــي
واليـوم يالغـدار لفراقـك اختـــــــــرت= ولاعاد تذرف لـو توفـى دموعـــــــي
عن عالمك ياخاين العهـد هاجــــرت = واعطيتك الايضاح عن ذات نوعـي
في مركبي عن جاير امواجك ابحرت=خلاص مابعـد ارتحالـي رجوعــــــي
((صرختــــــي))
انولدت ابكي وانا مـادري واصيــــــح = صرختي كانت ليـوم ادري نـدا
صرختي كانت وانا مـدري صحيـــــــح = ترفض اول يوم مـن عمـري بــدى
صرختي قبل انجرح صرخة جريــــــح = وانجرحت وصرت للصرخه صـدى
يحسدونـي يحسبـونـي مستـريــــــــــح = مادروا بي مـن ردا رحـت لــــردى
ان جلست احترت !! وان وقفت اطيح = والامـل دونـه مسافـات ومــــــدى
((قصتي قــصه))
قصتـي قصـه بدايتهـا العــــــــــذاب = واخرتها الموت فـي دنيـا عنـــــــاي
الشقا لي بيـت والحرمـان بــــــــاب= والخيال فراش واحزانـي غطــــــاي
اصبح الدخان لـي زاد وشــــــراب = والسهـر بالليـل والونّـه جـــــــــداي
حاضري لاشيء والماضي سراب =وكل من ناديـت مايسمـع نــــــــداي
في شبابي من عناي الراس شـاب= والله اعلم كيف ؟؟ انا عشت بصباي
((سيناريو حبـي))
سيناريو حبي معك فلم كرتون= تجي النهايه ماعرفـت البدايــه
قصة غرام بين فاتـن ومفـتـون = صارت ودارت بينهم دون غايه
قصه غريبه بين عاقل ومجنـون = وصاروا مجانين سـوا بالنهايـه
تفرقوا صدفه وماكـان يــــدرون = وتقابلو صدفه !! بدار الرعايـه
قصة غرام كلهـا الام وحـــزون= احسن لها تنشر ونعمـل دعايـه
((عسى وليف الروح))
ياناس هذا هو بـلا القلـــــــــب ودواي = وهذا هو اللي لجله الدمـع سايـــل
هذا هو اللي عشت لجلـه بدنيــــــــاي =وهذا الذي ماريـد غيـره بدايـــــــل
قريب اقرب من يسـاري ليمنـــــــــاي = وابعد من الدوحه عن جبال حايـــل
ابو ه وامـه مايطيقـون طريــــــــــاي = حالوا عليـه ولا تجيـه الرسايــــــل
ابغى لقاه وهو يبي قـرب لقيــــــــاي= واصبر وانا تصلا الضمير الملايل
ويامن يساعدني على حـل بلــــــواي = عيت معي تجدي جميـع الوسايــــل
وعسى وليف الروح يسمع بشكواي = وليته باريج الشرق يقـرا الدلايـــل
((حلفت انا مااشكي))
حلفت انا ما اشكي على الناس همي = الا على رب البشر جالي الهـــــم
عناي انا ماشكيه حتى علـى امـــــي = لو كان مابه حي ارحم من الام
وعندي خبر صفو الزمن مايتمـــــي = لو يستمـر سنيـن وشهـور ماتــــــم
دنيـا تفـرق ياسـعـد ماتلـمـــــــــــــي= شره يعم !! وخيرها خـص ماعـــــم
ياخوك انا منها ارتفع ضغط دمــــى = حتى نحلت وصرت عظم بــــــلا دم
((أمر مٌر مَر))
امّـر مٌـرٍ مَـر فـي دنيتـــــي لـي=وامَر مٌـرٍ مَـرلـي فـي حياتـــــي
لياجاني العاني وانا مامعـي شـــــــي=ودي تجينـي قبـل ياتـي وفاتــــــــي
ان اعتذرته ضن ضـن الـردا فــــــــي=وانا الردا ماهو صفه مـن صفاتـي
اضحك واهليبه وانا منكـوي كـــــــي=من خوفي التقصير فـي واجباتــي
ومن لااشتهر بالجود صيته وهو حي=ماطالعٍ له صيـت عقـب المماتــــي
((ان مارحمت الحال))
لاتترك المجروح يشكي .. ويشقــــا= واعرف ترى كثر الجفا منك جراح
وان مارحمت الحال وش عاد يبقـا = غير الرحيل لعالم فيـه .. نرتــــــاح
كـل يـدور عـن حبيـب ويلقـــــــــــــا = شخص بلقياه الهواجيـس تنـــزاح
ومي البحر لو منه الزرع .. يسقا = يموت حتى لو يحاضيه .. فـــــلاح
((كيف ابا انسى !؟))
قالوا انسه قلـت ثامـن مستحيـــــــــل = يصبـح النسيـان للعاشـق عـــزا
قالوا تلقا غيـر محبوبـك بديـــــــــــل = قلت حبه في لجـا جوفـي لـــــزا
حالف مانساه الى يـوم الرحيــــــــل = ولا تناسا الزين لو عشـت بــوزا
كيف ابنسا ؟؟؟ من معي سوا جميل = والـردا للطيـب مايصبـح جـــــــزا
بالوليف الحلـم ياتـي كـل ليــــــــــــل = وكل مارقد في منامي لـي غــــزا
((هي وحدهــا))
لاتسألونـي عـن عنـاي اسئلـوهـــا = ولاتسألونـي ياهلـي ليـه مكســــــــــوف
هي وحدها تعـرف بـلاي انشدوهـا = وهي وحدها اللي عندها السر مكشوف
والياعرفـتـوا علـتـي عالجـوهـــــا = وعلاج خافـي علتـي ياهلـي نـــــــــــوف
والكـان ماتقـوون بـس اخبـروهــا = في حالتي قولوا تجي ! يمي تشـــــــوف!!
((لو جو صــدري))
لو جو صدري صار للمملكـه جــــــو= ماتوا ضمـا سكانهـا فـي ثوانــــي
ولو كان صدري للبشر مصدر الضو = باشعاعه احـرق ساكنيـن المبانـي
ياناس مهما الناس صاحـوا وعانــو = مافيه ابـد مخلـوق مثلـي يعانــــي
((محتار فيك اليوم))
محتار فيك اليوم واحتـرت مبطــــــــي = وش قصتك بالضبط ؟؟ حيرتني فيـك
تخطي تجيني تعتـذر ثـم تخطـــــــــــي = وتزعل وترضا قبل اجيلك واراضـيـك
اطلبك ماتعطـي وتبغانـي اعطــــــــي = وياما عطيتك بس ماعـدي اعطيـــــك
واحكي معك باسلوب للصوت اوطـي = وانت بكلامك تزعج اللي حواليـــــك
لاشك رايح نكشـف اللـي تغطــــــــي = وافهم حقيقة حاضرك قبل ماضيـــــك
بقلبي سطيت ورايح بقلبـك اسطــــي = واخذ بثار جـروح قلبـي واخليـــــــــك
((مالي جـــدى))
ارجوك خل البـاب يازيـن مفتـــــــــوح = لاتقفله في وجه مـن جـاك عانـــــــي
ألطف بروحي يابعـد كـل مملــــــــوح = جفيتنـي والنـوم بعـدك جفـانــــــــــي
مالك وزين وبالغلا اغلى من الـروح =لك خافقي من دون غيـرك دعانــــي
مالي جدى غير السهر منك والنــوح=من يوم ربـي فـي غلاكـم بلانـــــــــي
حيران فيك ولا اقدرامشي ولا اروح= واسري مع الهاجس وانا في مكانـي
شفني جريح وضمّدو جرح مجــروح=والا اتركن لاتجرحن جـرح ثانــــــي
((سألت بالهاتف))
ما الوم صدري لو تضايق وانا ضقت = دام الفضا رغم اتساعه علي ضـــاق
ياناصر من رحت اتصـل ماتوقفـــــت = حظ السعاده ما سعى لـي بالاوفــــــاق
سألت بالهاتف عن اللي لـه اشتقــت= من زود ما بالقلب من ود واشـــواق
قالوا حبيبك من وفاته مضى وقـــت =عنّا وعنّـك بـدل القـرب بافـــــــــــراق
كذبـت ماقالـوا ورديـت صدقـــــــــــت = وعند الكبينه طحت انا وسط الاسواق
بغيبوبتي مضيـت يوميـن مافقــــــت = واللي فقد نصفه معذب ولـو فـــــــاق
للموت من شي جرالـي ؟؟ تشفقـــت = عفت الحياة وصرت للقبـر مشتـــــــاق
وياخوك عقب صويحبي للكدر ذقـت = وياليته العايش وانـا ذقـت مــــــاذاق
((تصيح من وضعك))
وافق معي وارفق بشخص لكم طــــاع = والطف بذات ينتظـر لطـف ذاتـــــــك
الحق غريق في بحر حبكـم ضـــــــاع = وانقـذ حيـاة اللـي تهمـه حياتـــــــــك
تصيح من وضعك وانا اعيش باوجاع = اخفهـن لوجـاك سبـب وفـاتــــــــــك
عطني شقى عمرك وهمك والاوجاع = خوذ السعـاده واعطنـي مشكلاتـــــك
واحرق بقلبي واترك القلـب يلتـــــاع = ولا تترك (...) يحـرق شفاتـــــــك
الله خلقك وبك خلـق سـر الابــــــــداع = ملاك ماحد به صفـه مـن صفاتــــــك
ياا عز واغلى خلق ربي على القــاع =وشلون انا اسهر منك وانت بمباتـك ؟؟
انا وفي ويوم الوفا يالوفـي ضــــاع = وابغى وفا واعطيـك كـل امنياتــــك
اموت منك ولك ترى القلـب مابـــاع = وابعث بعد موتـي معـي ذكرياتــــــك
((يابو قاسي))
يابو قاسي شفت ماشفتـه وعفــت =عفت من ماشفت انـا حتـى النظــــــر
ان ظحكنا يـوم عشـر ايـام زفـــــــت= وان رقدنـا ليـل مانمنـا شهـــــــــر
يابو قاسي من زمـان اليـوم خفـــت =وصرت اخاف .. من ايتسامات البشر
لاتلومن لـو عقـب قـوه ضعفــــــت =ولاتلـوم القلـب ماقلبـي صـخـــــــــــــر
يابـو قاسـي فـي بـلاد الله طفـــــــت = واغتربت وشبت في سـن الصغـــــــر
راس مالي مـن ورا الدنيـا عرفـت =اننـي مخلـوق لجـل اشبـع قهـــــــــــــر
((يانفس صبـــرك))
ياقلـب مـادام الزمـان متحـديــــــــك =اصبر على ميلات وقتـك وجـــــــــوره
ويانفس صبرك والفرج عند واليــك= كونـي علـى ماقـدر الله صبـــــــــــوره
هـذي هـي الايـام لابـد تسقيـــــــــك =عقب الحلا كاس الكدر والمـــــــروره
وهذي هي الاقـدار لابـد ترميـــــك =من بـره الامـن لمظلـم بحــــــــــــوره
لاتجزعـي دام الممـات متقفـيــــــك =وكوني على صعب المواقف جســوره
ولاتيئسي مـن رحمـة الله يخليــــك =الله هو القادر علـى حـل امـــــــــــوره
الله يرحم الشاعر منصور بن سعدي الرمالي