المساعد الشخصي الرقمي

مشاهدة النسخة كاملة : لغز جديد هالحين سويته لعله يفلح

مشعل التريباني
25-07-2011, 05:48
سم الله الرحمن الرحيم

الشاعر\ مشعل عسام التريباني الشمري
24\8\1432هـ

لغز رقم 12




اساْلك عن رجلٍ سكن مسكن الخوف=متعلـّين عن مسكن القاع مره
متغيّر الالوان والجسم ملهـــــــــــوف=متمكنن ماتقدره لو تجـــره
بالبرد والا الحـــــــر بارز ومكشــــــوف=مايغسله مي المطر لو يمره
ابو يوسف
25-07-2011, 07:55
اهلين ابو عبدالرحمن الله يسعدك

بالحقيقه ادمنا على الغازك توسع الصدر ونفرك فروة الراس شوي
حفظك الباري اينــمــا كنـــــــــت

لسانك حصانك ان صنته صانك


ما يكـــون اللســـــــــــــــــــــان ؟؟
مشعل التريباني
25-07-2011, 08:29
هلا اخوي ابو يوسف مالك لوى اللسان مهو مكشوف
فكاك زمل المخيفات
25-07-2011, 08:52
صح الله لسانك على اللغز

( قوس قزح )
القعقاع
25-07-2011, 09:14
لاهنت شاعرنا العزيز ابو عبدالرحمن

تسجيل حضور سيدي

تقديري لجنابك فاضلي
مشعل التريباني
26-07-2011, 01:14
الاخ فكاك زمل المخيفات مالك لوى
مشعل التريباني
26-07-2011, 01:15
الاخ القعقاع شكرا لحضورك الله لايهينك فاضلي
هايدي اليتيمه
26-07-2011, 04:28
يعطيكـ العافيه العميد مشعل
مشعل التريباني
26-07-2011, 06:45
هايدي الله يعافيكي اختي
فكاك زمل المخيفات
26-07-2011, 11:11
طرت لي رمعة يابوعبدالرحمن بس البيت الاخير مايركب عليها

لكن ابي ارمعه ( المخيول )
مشعل التريباني
27-07-2011, 05:40
فكاك زمل المخيفات

مالك لوى
المخيول لو تصب عليه كاسة ماء ابتل
فكاك زمل المخيفات
27-07-2011, 11:01
فكاك زمل المخيفات

مالك لوى
المخيول لو تصب عليه كاسة ماء ابتل

انا قلت لك يابوعبدالرحمن ان البيت الاخير ماهو وارد

على رمعتي لكن مجرد جس نبض مثلك عارف


تحياتي
مشعل التريباني
27-07-2011, 11:22
شكرا لك اخوي الغالي فكاك زمل المخيفات
فكاك زمل المخيفات
27-07-2011, 11:24
السراب
مشعل التريباني
27-07-2011, 12:22
اخي فكاك زمل المخيفات
مالك لوى
اخي خلنا نبينه شوي اولا لايسكن الارض ولايسكن السماء
ثانيا لايبله الماء
ثالثا لا يختبئ عن المطرولا عن الشمس
على شانك بس هذا التوضيح ههههههههههه
فكاك زمل المخيفات
27-07-2011, 12:45
اخي فكاك زمل المخيفات
مالك لوى
اخي خلنا نبينه شوي اولا لايسكن الارض ولايسكن السماء
ثانيا لايبله الماء
ثالثا لا يختبئ عن المطرولا عن الشمس
على شانك بس هذا التوضيح ههههههههههه

يعطيك العافية لكن هذا ماهو توضيح هذا مذكور في

اللغز الله يجزاك خير ابو عبدالرحمن

تقديري
مشعل التريباني
28-07-2011, 12:49
شكرالك اخوي فكاك زمل المخيفات انا وضحته شوي على شان ماتدور بالالرض ولابالسماء لانك تقول المخيول والسراب وهذه كلها بالارض اكثر من كذا ماينوضح والله اسمحلي شكرالك اخوي الغالي
فكاك زمل المخيفات
28-07-2011, 01:21
اللغز لاتوضح خرب لاتوضحه يابوعبدالرحمن

لك تحياتي
مشعل التريباني
28-07-2011, 12:14
طيب حاضر ولا يمك
فكاك زمل المخيفات
28-07-2011, 12:42
طيب حاضر ولا يمك


الله لايهينك يابوعبدالرحمن ويرفع مقدارك
مشعل التريباني
28-07-2011, 07:34
وانت ماتهون ان شالله
أبـــــــو ريــــــــان
29-07-2011, 10:22
لاهنت شاعرنا العزيز ابو عبدالرحمن

عندي رمعتين الأول ( القلم ) والثانية ( القلب )

وتقبل تحياتي وحترامي ،،،
ابو يوسف
30-07-2011, 01:25
ابو عبدالحمن

ما يكون ( الضلال ) ؟؟
مشعل التريباني
30-07-2011, 05:59
ابو ريان
ابو يوسف

مالكم لوى جميعا
فكاك زمل المخيفات
31-07-2011, 02:39
عندي رمعة ياتصيب ياتخيب لكن طرت لي

الغلاف الجوي ( الاوزون )
مشعل التريباني
31-07-2011, 07:24
فكاك زمل المخيفات مالك لوى
فكاك زمل المخيفات
04-08-2011, 04:00
اولاً وقبل كل شي مبارك عليكم الشهر شهر الصيام والقيام
اللهم أجعلنا واياكم من المقبولين . . . )

ثانياً انا اشوف اللغز توقفت الرمعات عليه الظاهر من الصيام اللهم
اكتب لنا الآجر .

لذلك اسمح لي ابو عبدالرحمن احرك اللغز في هذا الاستفسار تقول في
اللغز انه مايختبي في الحر والمطر يعني ظاهر والبرد هل يكون موجود .

هذا فقط لتحريك اللغز ولك فائق الاحترام اخوي القدير

ابو عبدالرحمن
بنت السلاطين
04-08-2011, 10:00
الشهر عليك مبارك شاعرنا ابوعبدالرحمن

يعطيك العافيه وبيض الله وجهك

اشوف الاخوان احتاروا في هالغز وشكله صعبن بالحيل بس مو ممكن يكون حرف في الكلام يعني مو شي محسوس(يعنني ذكيه) والله يسهل حله
مشعل التريباني
05-08-2011, 06:10
الاخ فكاك زمل المخيفات نعم موجود وشي مشاهد هذا رد على سؤالك شكرا لك
مشعل التريباني
05-08-2011, 06:12
اختي بنت السلاطين شكرالمرورك ومالك لوى اختي اللغز شي محسوس مشاهد
ابو يوسف
05-08-2011, 06:57
مساك الله بالخير يابو عبدالرحمن ومبروك عليكم الشهر الفضيل

انت ومن يشاهد ويقراء وعساكم على القوه اليوم ودوم


لي رمعه يمكــــــــــــــن يكــــون البـــــــــــــرق
مشعل التريباني
07-08-2011, 06:38
اخوي ابو يوسف هلا وغلا ونقول بارك الله لك بالمال والاعمال والعيال انت من يسمع ومن يقرا اما اللغز مالك لوى
فكاك زمل المخيفات
09-08-2011, 02:19
ابو عبدالرحمن اللغز هذا عجزة احصل له مدخال والسبب الشطر اللي
يقول ( بالبرد واللي الحر بارز ومكشوف ) هل المقصود بالبرد مخفي
هذا اللي فهمت من شطر البيت وانت تقول في التوضيح انه ظاهر في
البرد هذا سوي لي لخبطه التوضيح غير الموجود في البيت .

تحياتي
مشعل التريباني
10-08-2011, 03:00
الاخ فكاك زمل المخيفات القصد انه باين بالبرد والحر يعني مكشوف دايم في جميع الاوقات شكرالك
عمر الفضلي
10-08-2011, 07:26
يا خالي ياخوالي ياشمر

مبارك عليكم الشهر وكل عام وانتم بخير وبعافيه

صح لسانك ياجدي أبو عسام

اللغز مليان و وارد 100%

لكن مادام اللغز أخذ الوقت الكافي وشرايك نريحكم و نستريح ههههه

هذا إن كاني ماني واهم إنه /

( إستكر الفحص الدوري للسياره )

ويعلم الله إني و أنا أقراء اللغز كني أشوف الإستكر على الجامه هههه
كنديشن
10-08-2011, 08:02
قشعوه هالنشمي ياعم ولالا

http://www.nshama-shmr.net/vb/image.php?u=2700&dateline=1300465002 (http://www.nshama-shmr.net/vb/member.php?u=2700) ماداني طريا الفحص الدوري منتهيه استمارة ام هنقلين : kkk :
مشعل التريباني
10-08-2011, 06:32
شكرالك ياخوي الغالي عمر المفضلي ماشالله تبارك الله نعم الحل صحيح بيض الله وجهك اشوى ريحتنا منه فعلا الله يطول عمرك
مشعل التريباني
10-08-2011, 06:35
كنديشن شكراللمرور الله لايهينك لاتنسا الفحص والتامين وتجديد الاستماره هههههههههههههههههههه انتبه لايطرحك ساهر
عمر الفضلي
10-08-2011, 09:50
شكرالك ياخوي الغالي عمر المفضلي ماشالله تبارك الله نعم الحل صحيح بيض الله وجهك اشوى ريحتنا منه فعلا الله يطول عمرك


صح بدنك ياجدي وو وجهك ابيض الغالي وعسى عمرك يطول

ولكن ملاحظه أنا / ( الفضلي ) وليس ( المفضلي )

الفضلي من قبيلة الفضول من بني لام من طي

إحترامي و تقديري
فكاك زمل المخيفات
11-08-2011, 12:58
صح لسانك ابو عبدالرحمن على اللغز وصح لسانك اخوي الفضلي على

الرمعة ولكن عندي وجهة نظر على اللغز بعد اذنك ابو عبدالرحمن

تقول في اللغز ( متمكنن ماتقدره لو تجره ) واستكر الفحص هلحين كل

واحد يروح لسيارته ويجره ورايح ينجر ويطلع معه على كل حال صحت

السنتكم جميعاً ونحن في انتظار جديدكم

والسلام