الدمع من عيني على حاجري فاض

[طلاع الزميلي الشمري]

أخواني واخواتي السلام عليكم ورحمة لله وبركاته
أنقل لكم هذه القصايد حفضتها قديمه أعجبني
لشاعرين مرشد البذال/ والشاعرمحسن/ لاعرف مين محسن
ولكن ذكره مرشد بالقصيده محسن

القصيده ألآولى لمحسن

الدمع من عيني على حاجري فاض = فيضة شععيباَفايضله علــــــــى روض
واقلبي الي ينفضه كل نفـــــــــــاض =أمسا سليماًوالصبح اليوم ممـــــروض
أسباب غرون له تعرض تــــعراض = راع الشقراً من فوق ألأمتان منقوض
عين الشقراًيطلع وطلعه تنـــــهاض = شاف الحباري دارجاتاً مع الــــــروض
خده كما برقاً سراله تويمـــــــــــاض =في مدلهم الليل يكشف وله نــــــوض
بنت الذي ياخذ على الخيل مركـاض = يوم القبايل بين غارات وحضــــــوض
أمانت ساعدني على بعض ألآغراض = وألانت أنصحني عن الغي والغوض
وصلات ربي عد مابارقاًنـــــــــــاض = وماهمل وبلاًمن المزن منــــــفوض
//////////////////////////////////////////=/////////////////////////////////////
رد مرشد =البذال
///////////////////////////////////////////=////////////////////////////////////////
يامن هوز فكره بعسر المثل فاــــض = صفا معان القيل ما خاضها خــــوض
سند يبي لمطور القيل نـــــــــــــقاض = واليا طلب نقضه ترى الفتل منقوض
والفكر يومنه على عارته هــــــاض = مافيه شكاًأنه بالأقوال مــــــــــفرض
محسن يحرضني بقيله تـــــــــحراض = وهذا دليل أنه من الخل مغمــــوض
أسباب غرواًله تعرض تــــــــــعراض = راعي فليلاًفوق ألأمتان مــــنقوض
مثل المهات الياوجست حس نضناض = ترفع نظرها والمها رتع وربـــوض
راع المحبه لو تحفظ تحفــــــــــــــاض = مثل الضميه ماتسند عن الــحوض
وكانك على لاما الريش العين حضاض= أخذه ولو نص الصداقات بــقروض
وخا العدو الي تبين بالأبغاــــــــــــــض = اليادرا كنه على الخشم مرضوض
والكام قصدك بس تصعبيالأفـــــــــاض = هذا وفاك أبدون توقيع وبـــــيوض

وسلامتكم والمعذره عن النقص والزود
ومن عنده أضا فات معلو مات يزودنا بها وله الف شكر

[عبدالله المفضلي]

الاخ طلاع الزميلي

اشكرك على النقل الممتاز ولكن اسمح لي بالمداخله 0

محسن ارتكب خطا كبير حيث سرق بيت كامل للشاعر فهيد المجماج راعي الاثله وهو القائل 0

يامل قلباً من شديد العرب جاض = كما يجوض ليا اوجس الكي ممروض

( والدمع من عيني على حا جري فاض = فيضة شعيباً فايضاً له على روض

لا والله الا صار للبدو نضناض = دونك حجير مغيزل العين مقضوض

طوّو وروّو وانتوو عقب مقياض = ولا نيب راجيهم ليا جرّت الحوض

طمّنت راسي للمنازل ولا راض = ولا شفت بيتً بأيسر البدع منهوض

يبون براقاً على دارهم ناض = مختلطةً به عشبة الصيف وحموض

يامن يبشرني عسى شيخهم راض = وين انت ياللي لك مع البدو ملحوض

وامسيت كني هاوياً حبس الارفاض = وصبرت يوم انه مقاسيم وحظوظ

عفت المسير وبتّ لشفاي عضاض = مثل الهجين اللي من الشيل مبهوض

هذي قصيدة فهيد المجماج والبيت الثاني المنسوب للشاعر محسن غير صحيح وفوق هذا كان يعسف القافيه

ولم يجيد سبك القصيده بشكل جميل 0 اما مرشد البذالي فهو شاعر علم وانا شخصياً ليس لي علم بالقصائد اللي

ذكرتهن انت 0

تقبل تقديري وتحياتي

[طلاع الزميلي الشمري]

انا سمعتها القصائد من قبل ثلاثين سنه او اكثر بصوت الشاعر عبدالله السريحي رحمة الله عليه
في برنامج الباديه بالذ اعه السعوديه او الكويت لاتذكرها جيد
وسمعت بيت المجماج في القصيد الى انت ذكرت
نفس البين الا مطلاع بيت يختلف واحد منهم البارحه دمعي على حاجري فاض
والثاني يقول الدمعي من عيني على جاجري فاض ولاعلم هو لمحسن ام للمجماج

ولااتهم محسن بالسرق ولاتهم المجماج بالسرقه فالدعو لهم بالرحمه
ونا محسن لاعرف منهو غير مجرد ذكره مرشد بالقصيده لاني لم انتبه لاسمه كامل حين قال السمه
وانا في ذالك الوقت صغير والكن حفضتها
اما من ناحيت انتقادك لقصيده محسن محسن شبع موت وحتى الميت ماسلم من نقدكم الدعله بالرحمه
حيث المسلم الميت لايجوز ذكره الا بالرحمة والثنأ عليه