محمد عيسى السليطي
28-05-2011, 01:43
إن جا ينادمني وضيع ٍ مـن النـاس=صديّت عنه وقلـت منتـ بنديمـي
ماهوب كبر وكل ناس ٍ لها اجنـاس=وعندي عزيز النفس دايـم حشيمـي
للكبـر والله مـا توشحـت بلبـاس=بكتـب التواضـع ناجـح بتعليمـي
انادم اللـي رفقتـه ترفـع الـراس=وياقف معي دايم بوجـه الخصيمـي
ان كبرت القالـه والاريـاق يبـاس=يظـيـم عـدوانـه ولايستظيـمـي
وعندي ليا شفت المناعيـر جـلاس=انـا لهـم بايـات فكـري كليمـي
ولاقـارب الخايـب وكـل بـلاس=اللـي علـى نقـل النمايـم فهيمـي
نشدتني تقول بالقلـب هوجـاااس=قلت : إي نعم مافيه حـي ٍ سليمـي
يابو محمد كن مـا عنـدي اونـاس=اليا خفق فكـري بشـئ ٍ عظيمـي
اغيب كني وسط ظلمـات الادمـاس=واناجي الـرب العظيـم الكريمـي
اناجـي الخـلاق قطـاف الانفـاس=الواحد اللي فـوق عرشـه مقيمـي
عز الله انـي بالهواجيـس غطـاس=وعزي لمن هو في بحرهن يهيمـي
يا بندر الجبرين يامعـرب السـاس=اخلصت لك حيثـك نديـم حليمـي
العالـم الله ماهرجنـا بـالادنـاس=والله بمـا يخفـى فيهـم حكيـمـي
ولا دّن في جلساتنـا حافـة الكـاس=ولانخـوض بكـل هـرج ذميمـي
واللي نوده قطعت عنـه الارمـاس=ذكـراه مثـل احـلام ليـل بهيمـي
وقت النضـا قفّـا وقفّـن الافـراس=وحتى زهور الورد صارت هشيمـي
والنمر مخلد عقـب ماهـو فـراس=والبوم عقب الـذل أصبـح عديمـي
وديك الدجاج معلق فيـه الاجـراس=والصقر في صكات وقتـه سقيمـي
وابو حقب حصّل بالايـام نومـاس=الحر غاااب وصار عقبـه زعيمـي
وين الرجال مرّويـة كـل عبـاس=اهل المهار اللـي تعـط الرهيمـي
اقفـوا كمـا غيـم تقفّـاه نسنـااس=ولاحدن بهـا الدنيـا مقيـم مديمـي
كم واحد ٍ في لجة العيـب غطـاس=يفوت عمره فـي ضلالـه بهيمـي
شعر /الامير محمد السديري
واعتذر اذا كانت مكرره
ماهوب كبر وكل ناس ٍ لها اجنـاس=وعندي عزيز النفس دايـم حشيمـي
للكبـر والله مـا توشحـت بلبـاس=بكتـب التواضـع ناجـح بتعليمـي
انادم اللـي رفقتـه ترفـع الـراس=وياقف معي دايم بوجـه الخصيمـي
ان كبرت القالـه والاريـاق يبـاس=يظـيـم عـدوانـه ولايستظيـمـي
وعندي ليا شفت المناعيـر جـلاس=انـا لهـم بايـات فكـري كليمـي
ولاقـارب الخايـب وكـل بـلاس=اللـي علـى نقـل النمايـم فهيمـي
نشدتني تقول بالقلـب هوجـاااس=قلت : إي نعم مافيه حـي ٍ سليمـي
يابو محمد كن مـا عنـدي اونـاس=اليا خفق فكـري بشـئ ٍ عظيمـي
اغيب كني وسط ظلمـات الادمـاس=واناجي الـرب العظيـم الكريمـي
اناجـي الخـلاق قطـاف الانفـاس=الواحد اللي فـوق عرشـه مقيمـي
عز الله انـي بالهواجيـس غطـاس=وعزي لمن هو في بحرهن يهيمـي
يا بندر الجبرين يامعـرب السـاس=اخلصت لك حيثـك نديـم حليمـي
العالـم الله ماهرجنـا بـالادنـاس=والله بمـا يخفـى فيهـم حكيـمـي
ولا دّن في جلساتنـا حافـة الكـاس=ولانخـوض بكـل هـرج ذميمـي
واللي نوده قطعت عنـه الارمـاس=ذكـراه مثـل احـلام ليـل بهيمـي
وقت النضـا قفّـا وقفّـن الافـراس=وحتى زهور الورد صارت هشيمـي
والنمر مخلد عقـب ماهـو فـراس=والبوم عقب الـذل أصبـح عديمـي
وديك الدجاج معلق فيـه الاجـراس=والصقر في صكات وقتـه سقيمـي
وابو حقب حصّل بالايـام نومـاس=الحر غاااب وصار عقبـه زعيمـي
وين الرجال مرّويـة كـل عبـاس=اهل المهار اللـي تعـط الرهيمـي
اقفـوا كمـا غيـم تقفّـاه نسنـااس=ولاحدن بهـا الدنيـا مقيـم مديمـي
كم واحد ٍ في لجة العيـب غطـاس=يفوت عمره فـي ضلالـه بهيمـي
شعر /الامير محمد السديري
واعتذر اذا كانت مكرره