رحلتي مع الشاعر الكبيرضيدان ابن قضعان..

[بنت السلاطين]

.. الـشـاعــر ضـيـدان بـن قـضـعـان ..

الذى كثيرا ما رددنا قصائده ورددها الكثير من متابعى الساحه الشعريه.

شاعر السهل الممتنع وأحد عمالقة الساحه الشعريه ,فرض نفسه بشعره وأسلوبه ولقاءاته المتميزه بالطرافه,

كوّن مدرسه بإسمه (المدرسه القضعانيه) , وتبعه الكثير من الشعراء..
وشهد له شاعر المملكه العربيه السعوديه الشاعر الكبير( خلف بن هذال )
حين سئل عنه فإمتدحه قائلا


هيّضتنى يا مصوّغ الغيـد ضيـدان=شعرالنبـط متربـعٍ فـى فحولـه

يا زين شىٍ تكتبه يا ابن قضعان=تقـول شـىٍ صفّتـك مـا تقولــه


فـدعـونـا نـبـحـر مـعــا فـي بـحـر الـشـعـر والأحـسـاس

مـع بـعـض الـقـصـائـد

[ .. لـبـى عـيـونـكـ .. ]



لبّـى عيونـك كيـف مـا جيـك وآصلـك=وانـت الهـوى اللـي ساكـنٍ بالمحـانـي


برحـل علـى شـانـك وبسـكـن منـازلـك=واصـيـر جــارك وانـــت بـيـتـك وزانـــي


وحـدك تربعـت بحيـاتـي عـلـى المـلـك=العـرش عرشـك وانـت سيـد المكـانـي


بعيش تحت امرك مـن اخـرك لأولـك=فــي وســط قلـبـي مــا تـضـام وتعـانـي


تـتــوه نـظــرات الـعــرب مـــا تـحـصّـلـك=بعـيـد عــن عـيــن الـحـسـد والـهـوانـي


يا مصعبك ياصاحبي وانـت مسهلـك=يـــا مـطــول بـعــادك وشـوفــك ثــوانــي


مـرات مــن حـبـك ابــي كـيـف ابطّـلـك=ومــرات مــن حـبـك انــا اكـبــر انـانــي


والناس تنصحني تقول اش مبهذلك=ولا كــأنــه يـشـبـهـه شــخــص ثــانــي؟


واقول انا من دون ما جيـك واسألـك=يسـلـم حبـيـب الــروح سـاكــن كـيـانـي


اعشق مسافاتـك ولـو درت فـي فلـك=مـاهـمـنـي لــــو بــعــد زولــــك عـيـانــي


دامـي عرفتـك كيـف ياصـاح بجهـلـك=والـجـهــل بـالـمـعـروف هـــــدّم مـبــانــي


لبّـى عيـونـك قلتـهـا قـبـل مــا آصـلـك=ويـقـولـهـا قـلــبــي بــوســـط الـمـحـانــي..


[...بـنـت الـشـيـوخـ .. ]



بنـت الشـيـوخ الـلـي يسـمـون العـنـود=مــــن كـثـرهــا يــــا زيــــن حــتــى قـلـهــا


وان ذعذعت لي بالهوى مع كل نود=يـــا مـــل عـيـنــي بـالـهــوى يــــا مـلـهــا


البـارحـه هـبـت عـلـى صــوت الـرقــود=وأنــــا عــلـــى مـيـعـادهــا شــفـــقٍ لــهـــا


طــرقــا بهمـسـتـهـا تـعـدّيـنـي الــحـــدود=مـــيــــر أحــــتــــرم مــقــامــهــا وجــلـــهـــا


مـا فــي مـواريـث الفـهـود إلا الفـهـود=وأنــــــــا مــــواريــــد الــــذيــــاب أدلــــهـــــا



[ .. الـجـآدل .. ]



الـجــادل الـلــي يـمــر الـقـلــب شـارعـهــا=بــيــن الـحـنـايـا تــعــدى مـــــا تـطـالـعـنـي


تـقـفــي مــــع الــــدم بـعـروقــي واتـابـعـهـا=واحــس كـنـهـا عـلــى نـفـسـي تـوزعـنـي


قامـت تبعثـر غــلا وان جـيـت اجمعـهـا=اضـمــهــا و اتـشــتــت لــيـــن تـجـمـعـنـي


بــيـــن الـحـنـايــا تـثــنــى فـــــي مـرابـعـهــا=كـنـهــا تــقــول اتــحــدى مــــن يطـلـعـنـي


دام الــحــشــا بـيــتــهــا وانـــــــا مـدلــعــهــا=وش دخـل القلـب يزعـل يــوم توجعـنـي


ولــيــا خــــذا رمـشــهــا رجـــــل يـطـالـعـهـا=لــعـــل رمـــــش خــذانـــي مـــــا يـرجـعـنــي


عيـونـهـا جـيــوش و الـنـظـرة طلايـعـهـا=غارت بصدري و جـاز لسيفهـا طعنـي


ويـوم انكفـت لـيـن قلـبـي مــن قلايعـهـا=والصـبـر عــن خافـقـي مـاعـاد ينفعـنـي


مدهـالـهـا الـقـلـب و عـيـونــي مـراتـعـهـا=امـــوت فـيـهـا وهــــي لـلـريــح تـزرعـنــي


لـو تـدري الريـح عـن هــادي طبايعـهـا=مـاهـزت غـصـون قلـبـي لـيـن ودعـنــي


ريـحـانـتـي و الــغــلا بـالـقـلــب زارعــهـــا=تشـرب عروقـي و تروانـي و تشبعـنـي


كـن النحـل مـن رحيـق الـورد مشبعـهـا=وانـا شموخـي مـن احلـى شـي جوعنـي


ولـيــا تـعـانـق خـجـلـهـا مــــع تـواضـعـهـا=عـانـقـت لـيــل عـلــى مـســراه شـجـعـنـي


لــــو يـنـســري لـيـلـهـا ســريــت بـايـعـهــا=بــشــر ولا الله عـــــن الــزلـــة مـرفـعـنــي


واصبحت من عقب ماني ضدها معها=ان ضاعـت اضيـع وان دلـت تسنعنـي


وان شفت بالعين قلبـي بيـن اصابعهـا=ســـــجـــــدت لله ..ويالله لاتــضــيــعــنـــي


وان جــات للـجـد و اسقتـنـي مدامـعـهـا=علمـتـهـا الـدمــع للـعـشـاق وش يـعـنــي


الـدمـع صــوت الـيــا غـــازل مسامـعـهـا=تـشـوف صـوتـي واذا مـريـت تسمعـنـي


والله مـاكـنــت اطـاوعــهــا ولا اسـمـعـهــا=لـكــنــه الـــحـــب سـمـعــنــي و طــوعــنــي


لـلــجــادل الـــلـــي شــرايــنــي شــوارعــهــا=الـقـلـب يـقـتـادنـي و الـنـفــس تمـنـعـنـي



(ياوجودي)



يـــا وجـــودي كـــل مـــا هـــبّ نـسـنـاس الـشـمـال=وجــد مــن حــدّه زمـانــه عـلــى الـلــي مـــا يـبـيـه


ويــا وجــودي كلـمـا اضحـيـت ثــم مــال الـظـلال=لا غـفــت عـيـنـي ولا ذقـــت شـــي ٍ مشـتـهـيـه


وجـــد مـــن قـفّــى وهْـــو فـــي رجـــا كـلـمـة تــعــال=وإلتفت من عقب ماْ اقفى ..ولا أحد ٍ لدّ فيه


ويــا عـذابـي لا دنــا اللـيـل مـــن روس الـجـبـال=وانتـهـى يــوم ٍ مــن العـمـر مــا عـــاد أرتـجـيـه


وانتـي أبعـد مــن سـمـا الحـلـم ووصـالـك مـحـال=يــا بـعـد مــن هــلّ دمـعـي ضـحـى الفـرقـا عـلـيـه


يــــا غـنـاتــي لا تحـسـبـيـن دمــعــي يــــوم ســــال=ضـــعــــف ولاّ خـــــــوف ..ولاّ كـــــــذا ولاّ كــــذيــــه


والله إنــــي مــــن رجـــــال ٍ يــضـــدّون الــرجـــال=لكـن الحـظ ّ الـردي ..سـاق دمـعـي كــل أبـيـه


ووالله إنــــــــي كــلـــمـــا دار حــولـــيـــك الــــجــــدال=قـمــت كـــنّ الـمــوت يـشّــر عـلــى قـبــرى بــديــه


ووالله ان قــد لــي وانــا اصّــد لا جـالــك مـجــال=صــــدّة الــلــي لا تـضـايــق تــذكّــر قــبـــر أخــيـــه


ومــن سألـنـي قـلـت مــدري..وإذا عــاد الـســؤال=قـلــت لـــه تـكـفـى سـؤالــك تــــرى مــاهــو وجــيــه


وش تبيني اقول عن من ترى ذبحـي حـلال؟=والـخـطـا مـنـهـا عـلـيّ..صـرت أحــبــه وأهـتـويــه


عـذرهـا لــو مـــاْ تْـعــذّر مـثــل واضـــرب مـثــال=واحـــد ٍ مـــا يـعــرف الـحــرّ الاشـقــر يـشـتـويـه


وان رجــــعــــنــــا لــلــتــواصــيــف لله الـــكـــمــــال=لاْ انــتــهــى لـــيـــل الـمـزايــيــن جـــاتـــك تـبـتــديــه


كـنّـهـا غــفــل ٍ مــــع الــبــدو طـاويـهــا الـحـيــال=مــــا يـمـيّــز وصـفـهــا إلا نـبـيــه ٍ مـــــن نـبــيــه


وآهــنـــي الــلـــي وصـلــهــا وذاق مــــــن الــــــزلال=شـربــة مـــع غـفـلـة الــنــاس مــــن فـيـهــا لـفـيــه


يــاْ اول أحــلام الطفـولـه عـلـى حـــد ّ الـخـيـال=الـرجـى بالـلـي حـمـى البـيـت مــن حـمـلـة بـريــه


حــال دونــك سـيـف عنـتـر وتـاسـع حــول حــال=باْثر حول ٍ حال دونـك وانـا ادعـى هيـه هيـه


هـيــه يـالـلـي غـــرّك الـحـسـن واطـغــاك الـجـمـال=والله أنــي امــوت مــا شـفـت لأوصـافــك شـبـيـه


لــو يــســـام الـحــســن والـتــيــه بـجـنـيــه وريـــــال=مـــا بـقــى فـــي ســـوق غـيــرك ريــــال ولا جـنـيــه


كــيــف أهــــدّك للـمـقـاديـر وانــتــي راس مــــال؟؟=راس مـــال ومـال..والـمـال مـــاْ يـغـطـي السـفـيـه


حـافـظـك حـفـظـي لعـيـنـي ورمـشــي لـــك جـــلال=وانــتـــي تْـشـحّـيــن بـالـمـا..وانــا شــفّـــي مـــويـــه


شـايـف ٍ ظلـمـك وسـاكـت وطــال الـلـيـل طـــال=لا نـويـتـي طــعــن قـلـبــي وانــــا مــــا قــلــت لــيــه


لــو بـقـى للهيــل صـبــر ٍ عـلــى فـــوح الـــدلال=مـــا بـقــى للهيـــل صـبــرٍ عـلــى شـــي ٍ يـجـيـه


وانــتــي تْـسـوقـيـن عـقـلــي عــلــى حــــدّ الـهـبــال=تحسبيـن ان مـن بـغـى شــي ..يـقـدر يشتـريـه


ولاّ انـــا يـــا وجـــد حـالــي وجــــود ٍ مــــا يــقــال=وجـــــد مـــــن ضــحّـــى بـغـالـيــه لْــرضـــا والــديـــه


ويــا وجــودي بــأول العـمـر قـبـل ألـبـس عـقــال=وجـد مـن بـاع آخـر العـمـر ..فــي رغـبـة ذويــه


ويـا وجـودي كـل مــا هــبّ صـوتـك مــن شـمـال=وجــد مــن حــدّه زمـانــه عـلــى الـلــي مـــا يـبـيـه




{سديري وطاقيه}



كفـى يـا الأميـر أرجـوك يكفـي كفـا يــا أمـيـر=تــــرى الــخــال مـايـسـمــع نـصـيـحــة بـنـاخـيَــه


وتـرى يـا طويـل العـمـر مــا عـادنـي بصغـيـر=كــــبــــرت ودريــــــــت بــــمــــا عـلـيَـه..ومــالــيَــه


وتــرى يــا طـويـل العـمـر مـــا يـنـفـع التفـكـيـر=عـلـى واحــد ٍ مـالــه عـــن الـلــي يـبــي نـيَــه


أقــولــه وأنــــا يـامــيــر مـــــا عــادنـــي بـبـخـيــر=عـلــى بـنــت ٍ شـيــخ فـــي عـبـايـه مـلـوكـيـه


طموح ٍ على شاني وأنا شايم ٍ عن غير=هـــواهــــا..ولا فـــكــــرت فـــــــي ذي ولا ذيَــــــــه


وإلـى هـب نسنـاس الهـوى للحزيـن عصـيـر=وربـــط غـتـرتـه مـــن تــحــت حـلـقــه بـأيـاديَــه


ويـــــم بـوجــهــه للهوا وقـــــم حــومـــة الــطــيــر=وتــنــهــد..وون..وحــط ايــــديـــــه بـمــخــابــيَــه


تــذكــر ذعــاذيــع الــهــوا يــــوم كــــان صـغـيــر=يــــوم ان أكــبــر احــلامــه ســديــري وطـاقـيــه


وقــفَــا وهــــو مـابـيــن واقــــف وبــيــن يـســيــر=ووقـف..مــن جـديــد وحـــط ايـديـنـه فـأذانَـيــه



[ ..مـقـتـطـفـات .. ]



يا منوتي مالك على وليتـي صك=و نصيحتي لا تاصل اللي تريده!!


ولا ترمي الإكه ترى عشرتي تك=و تذبل ورودٍ قبل كانت جديده


يآ قمة العفه على ساحة الشك=لولا الثقه بك ما كتبت القصيده

،
،



خالة مها تشبه مها و أسمها ريم=جمالها من عند ربي طبيعه


والله لو يدري وليد البراهيم=فى الشرق الاوسط صرتي أحلا مذيعه


،
،




علموها ما بقى لي غير ادن الهاشميه=كان ترضاها علي و الا تهون عن جفاها


و انصحوها لا تحمل نفسها نفس بريه=و ذكروها بالقبر لا علها والا عساها


كـانـت هـذي رحلتي مع بـعـض إبـداعـآت


الـشـاعـر ضـيـدان بـن قـضـعـان


.. ودي وتـقـديـري لـكـم


بنت السلاطين

[سرهيد]

تسلم يمناتس بنت السلاطين

[صويدر]

النشميه بنت السلاطين

نقلتي وابدعتي بالاختيار والنقل صح السان الشاعر وسلم بنانك

تقديري لك

[محمد الذرفي]

وجـــد مـــن قـفّــى وهْـــو فـــي رجـــا كـلـمـة تــعــال
وإلتفت من عقب ماْ اقفى ..ولا أحد ٍ لدّ فيه


ويــا عـذابـي لا دنــا اللـيـل مـــن روس الـجـبـال
وانتـهـى يــوم ٍ مــن العـمـر مــا عـــاد أرتـجـيـه


صح الله لسان الشاعر الكبير / ضيدان بن قضعان العجمي حيث ماكان

وسلمتي اختي الفاضلة بنت السلاطين حيث اخترتي لنا قصايد من اجمل قصايد شاعر الساحة العربية

دمتي بالف خير

[ابو كادي]

صح لسان الشاعر / ضيدان بن قضعان
وتسلمين بنت السلاطين نقل رائع جداً
مع أحلى رحلة لهذا الشاعر الرائع المبدع.
تقبلي أطيب تحياتي،،،

[بنت السلاطين]

اخواني

سرهيد

صويدر


محمد الذرفي


ابوكادي


بيض الله وجيهكم مروركم اضفا نور على متصفي

لاهنتو ربي يطول بعماركم

[نهير النمش]

يامل قلب تصافق به هوى الطايف=كما تصافق هبوب النود فالردف
يقوله اللي بدا في العالي النايف=شرف وليته صلاة العصر ماشرف
شرف ودمعه على الدراج ومهايف=دمع سرى الليل لا كمل ولا طرف



ابن قضعان

شاعر علم سيكتبه الشعر رائد من رواده واحد ركائزه

بنت السلاطين

الف شكر بكل ماتعنيه هذه الكلمه من معنى لك على اختيارك

لك مني كل التقدير

[عساف نجد]

صح لسان الشاعر
تسلم يمينك
سيدتي

[بنت السلاطين]

يامل قلب تصافق به هوى الطايف=كما تصافق هبوب النود فالردف
يقوله اللي بدا في العالي النايف=شرف وليته صلاة العصر ماشرف
شرف ودمعه على الدراج ومهايف=دمع سرى الليل لا كمل ولا طرف



ابن قضعان

شاعر علم سيكتبه الشعر رائد من رواده واحد ركائزه

بنت السلاطين

الف شكر بكل ماتعنيه هذه الكلمه من معنى لك على اختيارك


لك مني كل التقدير


شاعرنا الكبير قدراً ومقاماً/نهير النمش

العفو طال عمرك حظورك له بصمه مميزه

جعلك تسلم وجعل ربي مايهينك

شكراً وبيض الله وجهك يالذيب

[بنت السلاطين]

صح لسان الشاعر
تسلم يمينك
سيدتي

صح بدنك عن الشاعر

والله يسلمك ويعافيك

لاهنت طال عمرك