بنت السلاطين
22-03-2011, 12:35
بسم الله الرحمن الرحيم
قصيده للامير حمود العبيد الرشيد , خاطب فيها عدد من امراء عتيبه
وخاطب الامير غزالان وقد ذكر الشيخ راكان بن حثلين امير العجمان0
ياناصرٍ موسى على قـوم هامـان=تجعل من التقوى لنفسـي ذخيـره
مامـل قلـب بيـن زود ونقصـان=وسوالـف كـافٍ طويلـه قصيـره
الحرب نبني له تقل وصف ضلعـان=ولانستطير ان جا مع الناس طيـره
بعنا بربح يـوم بعتـوا بخسـران=والبوق والافلاس صرتـوا محيـره
بقتوا واحال الله بكم يا ابن سلطـان=أخزاكـم الله ياخبيـث السـريـره
الله حسيب اللي يبوقـون الايمـان=سبحـان منّـه مايغـادر صغيـره
ثـلاث مـرات يبوقـون الاخـوان=وهاذي بوجهـك شامـة مستديـره
صرتوا لعطبيـن التفافيـق نيشـان=وخليتـوا العطفـه يتخـم بعـيـره
يوم اشتهيتوا حربنا مـع غـزالان=ماحربنا للـي بغـا الحـرب خيـره
اغداه رقصـات الشيابيـن بـوران=وتجديعهـم علقانهـم بالسعـيـره
أن كـان ابن هندي نوانا ببـرزان=حنا على عروى قصرنا مسيـره
من الجبل جينا علـى كـل مقـران=شهرين والثالـث ذبحنـا وزيـره
هذا جزا من باعنا باردى الاثمـان=للطيـر خلّنـه بهـاك الجـريـره
حنا هل الطولات كسـاب الاوطـان=لـولا طعـنـا ماسكـنـا بـديـره
عاداتنا من مقـدم فـرق الاقـران=ياما فرقنا عـن عشيـر عشيـره
نتلي شبوب الحرب مصطور الاكوان=ليا احمّر من عود البلنـزا طريـره
سنّو لـه الموتـى دروب وميـدان=ومحمـد عـدّا وراهـم بسـيـره
من عادته مع الاجاويـد الاحسـان=لاجـاه بــداي الـفـا بخـيـره
عساه عد يشربـه كـل عطشـان=محاسـنـه ماتنتـعـدد كـثـيـره
قلتـه وان مانـي بهـرّاج ديـوان=قـول بـلا فعـل علينـا معـيـره
حصاة الصميد اللي يذكر صنيتـان=زول بـلا فعـل علومـه كبـيـره
ان شيف بالعرضه ليا تقل سكـران=يفزع بسيف سلّتـه مـن جفيـره
وان حل ضرب مخلّص مثل ماكـان=ماينقهر غاد الجـدا عـن منيـره
فان كان هو من غارة العام زعلان=حنا عـن الخاطـر ترانـا نجيـره
برقطا لها مع شقة الفجـر غنـوان=تفهق ملازيمـه أعقـاب المغيـره
من مات له منهم حريـم ووغـدان=فيلعن ابن هندي على انه مشيـره
سقف عليهم بشنق العرض دخـان=وخلو محارمهم بعـروى حضيـره
اللي سلم منهـم شتـات بنجـران=واللي ذبح للنار وبئـس المصيـره
ياليل ابا اوصيك وان جيت راكـان=سلم علـى زيـزوم يـام واميـره
قل فعالنـا شافـه حـزام وفـاران=وانتـه لبـو فـلاح منـا بشيـره
فرد عليها الشيخ راكان بن حثلين بهذه القصيده ويقول فيها
ياراكب من عندنا فوق شقران=حرّاً زهاه الخرج فوق النجيره
اوصل سلامي لاخو نوره ببرزان=وعقب السلام تخبره بالسريره
من باب عمان اليا باب نجران=ماهو انا يا الضيغمي انت اميره
علم لفانا فيه ليل وفوران=استر قلبي يوم جانا بشيره
جا من حمود شوق مياح الاردان=هو شوق من تزها الشقايق نظيره
عضيد اخوه بصادق الفعل ولسان=ودبوس راس اللي دوابه مسيره
فرز الوغا لاجا ثقيلات الاكوان=لاسل مصقول السني من جفيره
خبرتني ياحمود عن طير حوران=يوم على عروا تكسر عويره
هلت مخاييله بدرج وسبهان=ما ينتميز وردها من صديره
تذكر محمد جامعٍ نجع عتبان=ذخيره ياوي والله ذخيره
الامر قدره الولي عالي الشان=والا عتيبه ماعليهم قصيره
كرمان وان ركبوا على الخيل فرسان=اليا اختلط عج الرمك بالمغيره
سبيتنا سب على غير برهان=مايستوي هذا لزبن العشيره
وحنا بديرتنا ولا حن بجيران=في شايه اللي مايوازي جويره
جيراننا صفرٍ تنازا بصبيان=كل ابلجٍ يشبع بضله عشيره
حامين ديرتنا بخيلٍ وفرسان=يوم ان كلٍ له حدود وديره
من زان حنا له على الزين خلان=وشرٍ اليا حرك تزايد سعيره
الحسنى يابن عبيد تجزى بالاحسان=والشر تنطحه الوجيه الشريره
ماقل دل وزبده الهرج نيشان=والهرج يكفي صامله عن كثيره
قصيده للامير حمود العبيد الرشيد , خاطب فيها عدد من امراء عتيبه
وخاطب الامير غزالان وقد ذكر الشيخ راكان بن حثلين امير العجمان0
ياناصرٍ موسى على قـوم هامـان=تجعل من التقوى لنفسـي ذخيـره
مامـل قلـب بيـن زود ونقصـان=وسوالـف كـافٍ طويلـه قصيـره
الحرب نبني له تقل وصف ضلعـان=ولانستطير ان جا مع الناس طيـره
بعنا بربح يـوم بعتـوا بخسـران=والبوق والافلاس صرتـوا محيـره
بقتوا واحال الله بكم يا ابن سلطـان=أخزاكـم الله ياخبيـث السـريـره
الله حسيب اللي يبوقـون الايمـان=سبحـان منّـه مايغـادر صغيـره
ثـلاث مـرات يبوقـون الاخـوان=وهاذي بوجهـك شامـة مستديـره
صرتوا لعطبيـن التفافيـق نيشـان=وخليتـوا العطفـه يتخـم بعـيـره
يوم اشتهيتوا حربنا مـع غـزالان=ماحربنا للـي بغـا الحـرب خيـره
اغداه رقصـات الشيابيـن بـوران=وتجديعهـم علقانهـم بالسعـيـره
أن كـان ابن هندي نوانا ببـرزان=حنا على عروى قصرنا مسيـره
من الجبل جينا علـى كـل مقـران=شهرين والثالـث ذبحنـا وزيـره
هذا جزا من باعنا باردى الاثمـان=للطيـر خلّنـه بهـاك الجـريـره
حنا هل الطولات كسـاب الاوطـان=لـولا طعـنـا ماسكـنـا بـديـره
عاداتنا من مقـدم فـرق الاقـران=ياما فرقنا عـن عشيـر عشيـره
نتلي شبوب الحرب مصطور الاكوان=ليا احمّر من عود البلنـزا طريـره
سنّو لـه الموتـى دروب وميـدان=ومحمـد عـدّا وراهـم بسـيـره
من عادته مع الاجاويـد الاحسـان=لاجـاه بــداي الـفـا بخـيـره
عساه عد يشربـه كـل عطشـان=محاسـنـه ماتنتـعـدد كـثـيـره
قلتـه وان مانـي بهـرّاج ديـوان=قـول بـلا فعـل علينـا معـيـره
حصاة الصميد اللي يذكر صنيتـان=زول بـلا فعـل علومـه كبـيـره
ان شيف بالعرضه ليا تقل سكـران=يفزع بسيف سلّتـه مـن جفيـره
وان حل ضرب مخلّص مثل ماكـان=ماينقهر غاد الجـدا عـن منيـره
فان كان هو من غارة العام زعلان=حنا عـن الخاطـر ترانـا نجيـره
برقطا لها مع شقة الفجـر غنـوان=تفهق ملازيمـه أعقـاب المغيـره
من مات له منهم حريـم ووغـدان=فيلعن ابن هندي على انه مشيـره
سقف عليهم بشنق العرض دخـان=وخلو محارمهم بعـروى حضيـره
اللي سلم منهـم شتـات بنجـران=واللي ذبح للنار وبئـس المصيـره
ياليل ابا اوصيك وان جيت راكـان=سلم علـى زيـزوم يـام واميـره
قل فعالنـا شافـه حـزام وفـاران=وانتـه لبـو فـلاح منـا بشيـره
فرد عليها الشيخ راكان بن حثلين بهذه القصيده ويقول فيها
ياراكب من عندنا فوق شقران=حرّاً زهاه الخرج فوق النجيره
اوصل سلامي لاخو نوره ببرزان=وعقب السلام تخبره بالسريره
من باب عمان اليا باب نجران=ماهو انا يا الضيغمي انت اميره
علم لفانا فيه ليل وفوران=استر قلبي يوم جانا بشيره
جا من حمود شوق مياح الاردان=هو شوق من تزها الشقايق نظيره
عضيد اخوه بصادق الفعل ولسان=ودبوس راس اللي دوابه مسيره
فرز الوغا لاجا ثقيلات الاكوان=لاسل مصقول السني من جفيره
خبرتني ياحمود عن طير حوران=يوم على عروا تكسر عويره
هلت مخاييله بدرج وسبهان=ما ينتميز وردها من صديره
تذكر محمد جامعٍ نجع عتبان=ذخيره ياوي والله ذخيره
الامر قدره الولي عالي الشان=والا عتيبه ماعليهم قصيره
كرمان وان ركبوا على الخيل فرسان=اليا اختلط عج الرمك بالمغيره
سبيتنا سب على غير برهان=مايستوي هذا لزبن العشيره
وحنا بديرتنا ولا حن بجيران=في شايه اللي مايوازي جويره
جيراننا صفرٍ تنازا بصبيان=كل ابلجٍ يشبع بضله عشيره
حامين ديرتنا بخيلٍ وفرسان=يوم ان كلٍ له حدود وديره
من زان حنا له على الزين خلان=وشرٍ اليا حرك تزايد سعيره
الحسنى يابن عبيد تجزى بالاحسان=والشر تنطحه الوجيه الشريره
ماقل دل وزبده الهرج نيشان=والهرج يكفي صامله عن كثيره