المساعد الشخصي الرقمي

مشاهدة النسخة كاملة : ديوان الشاعر / عيادة الجهيلي

عيادة الجهيلي
20-02-2011, 03:51
على مين تلعبها .. ..


الجوع كافر.. وتونس يربطه مـع مصـر=حكامهم (كخ).. يافيفـي لحـد النخـاع.!
النوم سلطان.. ياحـارس بـلاط القصـر=والحج للروم .. لا طاعـه ولا مستطـاع
حسني مبارك.. يصلي الفجر وقت العصر.!=وابن علي في دروس الطهر قبل الجماع.!
الشعب فاهم يهز الـردف قبـل الخصـر.!=يعني على مين تلعبها.. سنين الضيـاع.!
الاحتراف المثالي فـي صفـوف النصـر=سبب رئيسي.. فشل ذارع بنـادي الرفـاع
وين البشير.. المجيد القائـم المنتصـر.؟=الله يعينك.. على الشعبيـن بعـد القنـاع
مقطوع لكن سفينـة نـوح (باالمختصـر)=مركب نجاة التواصل فـي جميـع البقـاع
اصرار جمع الكوادر.. وانت معهـم تصـر=ان الكوادر معك..ال/ مشكلـه باالقطـاع.!
عيادة الجهيلي
23-02-2011, 08:14
تبون الصدق ! .. ..


يموت الورد بعيون النساء مامات كحل العين=هدب رمش العيون اللي قتلني ياهدب سـاره
تذكرتك بعد عشرين عـام بشـارع الستين=تذكرت الرصيف اللي انتظرتك فيـه وانـواره
تذكرت المطر والبرد والمعطف على الكتفيـن=تذكرت الحنين وكيف كـان وكانـت اسـراره
تذكرتك وغمـازات خـدك قفلـت القوسيـن=وشجعت النصر واصبحت انا واحد من انصاره
كتبت اسمك على صدري كتبتـه ( س + ع )=يساوي حب ياموت القصيد وريحـة ازهـاره
شربتك وارتويتك واحتضنتك قبـل لاتدريـن=وعرفت ان الغلاء ملعون جد وهاذي اضـراره
احبك ياعيوني بس وينك من حبيبك ويـن.؟=تعالـي يابحـر حبـي وموجاتـه وتـيـاره
تبون الصدق لاسارة ولانـوره ولا داريـن .!=مراهق صدق الكذبه ومشاها على الحـاره .!
عيادة الجهيلي
25-02-2011, 09:39
(( القناعه كنز يفنى )).. ..


البنوك اللي تحت رحمتـه.. ضعـف الملـوك=الــحــرس مـتـواجــده فــيــه يـامـلاكـتــه.!
السعه باالارض.. ماهي على سطح المكوك=كــل راكــب لاركــب.. دحـرجـو مشـايـتـه.!
ماخذيت الشعر سلفه.. من اصحاب البنوك=امـر سامـي يعتـمـد.. (والجهيـلـي) رآآيـتـه
المثـل والجـاش والقـاف.. ياعيـادة نـخـوك=انتخوبـك يـوم بعـض العـرب.. فـي حاجتـه
من سومطرا.. قصة الجن .. ياوادي تبـوك=جــن شـعـري لانضـرتـه.. (رفــع سبابـتـه)
ان بغوك الناس والنـاس.. اذا هـم مابغـوك=ماغصبـنـا الـنـاس والبـيـر.. لـــه جـلابـتـه
الحماقـه.! والوقاحـه.! مـع الوقـت تبـعـوك=رحــت ولاجـيـت كـلـن .. مـعـه رضـاعـتـه
القناعـه كنـز يفنـى .. مـع اللـي وهـقـوك.!=والقلـم لاصـار (رصـاص) .! جــب برايـتـه
الكبـاتـن فــي مـطـار انـقـرة ماعـلـمـوك..!=كــل كبـتـن اختصـاصـه عـلـى مـلاحـتـه..!
عيادة الجهيلي
28-02-2011, 10:05
الفقر .. !!!!!! ..



العرب قسميـن مستعربـه وعاربـه=والفقر هو نوع واحد ويلغي ما لديـك
نفط فوق الشفط يعني وزير ونائبـه=وانت ماتملك سواء قط تشر في يديك
خاربه هي خاربـه لعنبوهـا خاربـه=وش بقى بالعمر ياوقت يومني احتريك
الظـروف اتجمعـت والاوادم خايبـه=والعطش قتال والموت لابـد بيجيـك
والعجوز اللي مع البيد قفـى شايبـه=شايبك قفى ولاهقوتي يرجـع عليـك
في محيط الجوع عاهر بثوب التايبـه=تايبه في ثوب عاهر على هية مليـك
الجمـال السائبـه ماتخـلا سائـبـه=والعيون الساهره ماتبي فرض وشريك
(س + ص × نق ) شمسـك غايبـه=(ص+ س × نق) اجمـع معصميـك
الله اكبر قبضة الفقر قبضـه ضاربـه=بس يمكن نقل الاموال والبنك يحميك

http://www.youtube.com/watch?v=Zf584AAjsF8&feature=youtu.be
عيادة الجهيلي
02-03-2011, 08:03
سلمى والزبير .. ..

الامير... شخص معدوم الضمير =لازم انك تمدحـه وتجاملـه..!
الوزير... احلى دميـه للاميـر =كل مايخطي يبوس اناملـه..!
السفير... قصف جوي للحـمير.! =جوعه... تّتبعكْ عجز(ن) هامله
المدير... اااه من ظلم المدير.! =اعتقـد ان الرعـيـه كامـلـه
الفقير... حارس الامن المُجيـر= كل بلوى في يدينـه زاملـه.!
الضمير... سيرة الوضع الحقير= هكذا تبدو الايـادي عاملـه..!
النذير... دم سلمى والزبيـر.! =والعفو ياليت كانـت شاملـه.!
المصير... لعبة الصبر المرير.! =اسألوا صدري عن اللي حامله.؟
عيادة الجهيلي
07-03-2011, 03:40
((تسألوني ليه.؟)) .. ..




كنت احسب اللي يصلون ناس(ن) صادقه..!=حتى انا.. معهم اصلي ونا معهـم كذبـت..!
وكنت احسب اهموم صدري.. بصدري حارقه=لين شفت اهموم غيري ومن صدري هربت..!
ماعلينا.. كيف حالـك.؟ وحـال الشارقـه.؟=الفلوس اهناك واجد.. حبيبي كـم كسبـت.؟
إسألوني.؟ بابـي اليـوم منهـو طارقـه..؟=وإسألوني.؟ ليه داري نستني واغتربـت..؟
تسألوني ليه.؟ عن حكـم يـد السارقـه.!!=اسألوا.؟ عن حكم مشعل.. كذا انا انكبـت..!
همَّت الشعـب المناضـل.. قـواه الخارقـه=والطوارق.. شدة البـاس ياعمـي تعبـت.!
إن شطحت.! اشطح مع الوقت.. ماهي فارقه=وقتنا ابخص بنا.. لو علـى متنـه لعبـت.!
عيادة الجهيلي
12-03-2011, 10:14
لاصار خلك عسل لاتلحسه كله .. ..



((لاصار خلك عسل لاتلحسه كلـه))=غلطان راعي المثل منهو له الباقـي
الا ابـي الحسـه مادامنـي خـلـه=هذا حبيبي غرامـي منبـع اشواقـي
يانور حـيي وريـح الهيـل بالدلـه=زودن على كل هذا صاحبـي راقـي
يدرس علوم الطبيعه بارض محتلـه=من كثر حرصه علي يشكي من فراقي
مايدري اني بحر الشمس انـا ضلـه=مايدري انه قمر ليلي مـع اوراقـي
الجو بارد ونـا فـي قمـة التلـه=اشوف زوله واناجـي ربـي الواقـي
لاوالله الا سيوفـك بالحشـى سلـه=اجرح مدامك سماي وكوكـب افاقـي
بس انتبه فيه ناس اهنـاك مختلـه=لاتبيح سري وسرك ينكسـر ساقـي
عيادة الجهيلي
15-03-2011, 08:06
صح وخطا .. ..


صح وخطا.. ولا خطـا.! تتبعـه صـح=او صـح يتبعهـا خطـا.. للاحـاطـه.!

رقي.. بقول اريـام.. يعنـي هنـا جـح=والاحمـدي مطلـوب يحْضـر ابساطـه

النفط واجـد.. والعـرب صابهـا شـح=واكبـر دليـل المنتـخـب واحتيـاطـه

كحيت... كـل المجتمـع حولنـا كـح.!=من (بـاب) حبـي للوطـن والعباطـه.!

قالوا تعـال... وقلـت انـا.. يافهـد رح=فوقي رخام... وتحـت رجلـي بلاطـه.!

جاني فهد... صوته من الضحك منبـح..!=(عانوك) لكـن..! فـي مكينـة خياطـه

لاواهنـي... اللـي مـع صويحـبـه دح=برض(ن) خلاء... فك الرسن وارتبااطه..!
http://www.youtube.com/watch?v=-hnbBT11wjw
عيادة الجهيلي
18-03-2011, 05:12
خـــــــــــــــــــــــــــــوة الشـــــــــــــــــــــــــــــــــلقان.. ..



(يقولون ليلـى بالعـراق مريضـةٌ)= ( وياليتني كنت الطبيـب) المـداوي
وانا اقـول لاليلـى ولاغيـر ليلـى =يداوي صوابي من صوابٍ نحـاوي
هواجيس بقعاء تنتخيبـي واخاويـه =مثل خوة الشلقـان وقـت البـلاوي
وانا من همومـي اه واقـل حيلتـي =قريبك غريمك وابعد النـاس يـاوي
الاياوجودي وجد من هـده السهـر =ودمعه على الخدين طـاح متسـاوي
لان العيون اللـي دموعـه تسـاوت =طواها من الهاجوس مليون طـاوي
شربت الهماج وقلت ياقلـب ماتـرى =فقال استشر غيري كفانـي بـلاوي
فحتى الـذي لاذا بصـدري اذلنـي =فتبـاً لـه لـو كـان حـر نـداوي
اذا القلب ياطـلاع ماعـز صاحبـه =فلا باس من تركه على العرش خاوي
عيادة الجهيلي
25-03-2011, 08:50
زنقه ....



لاوالله الا.. حـب شـرواك زنـقـه.!=حبك معذبني.. وانـا فيـه مزنـوق.!

لاشفت بيتك .. قلت انا فيـه خنقـه.!=ابوك مايكْـرم .. ولا حولكـم سـوق

كلن معه سيفه .. ودرعـه .. ورنقـه=والعبد جوهر.. سلم العبـد معتـوق.!

على الـذي شبريـن ياعبيـد عنقـه=والصدر.. من كيد النساء مرتفع فوق.!

والخد لونه.. بيـن مشمـش ومنقـه=والزول .. زول اللي من الخيل مسبوق

يضيق خصـره.. لاتضايـق ترنقـه.!=يغاار خصره.. يمسكه شي من فوق.!

دحدرت انا.. باالفيـن مليـون زنقـه=من سبتك .. ياشوق ياشوق ياشوق.!
http://www.youtube.com/watch?v=6wCQYYHrqQU&feature=player_embedded
عيادة الجهيلي
02-04-2011, 11:48
كتكوتـــــــه.. ..



راكب اللي لون بديه ... زعانف حوته=والمسافـات الطويلـه نعـم يرغبهـا
العلامـة صمموهـا علـى كبـوتـه=تفرق الكبوت عن واحـد(ن) خربهـا
لون موكيته شفايف (.....) السربوته=والمراتب... حضن رملا بكت شايبهـا
مع طريق خريص راحت كما الياقوتـه=لم دار(ن)... كل من شفت مايطلبها.!
سايقه مشاعر الحزن... به مكبوتـه.!=والمشاعر كبت الاحزان... في صاحبها
بعد مايركب ... رمى غترته مع كوته=وقبل مايركب ...همومه معـه ركبهـا
لفها والصوت كاتم .. وكاتـم صوتـه=والزقاره .. كـل مـادس لـه قربهـا
راح ودموعه نثرها... علـى كتكوتـه=بنت شيخ(ن) ماسهر ليلتـه معطبهـا


http://www.youtube.com/watch?v=gG3_s4N9EhI
عيادة الجهيلي
28-04-2011, 02:49
احمد بدير .. ..


(هم يحسدوني على موتـي فوأسفـاه=حتى على الموت لا اخلو من الحسدي)
الجهل يرفع بيوت النـاس ياأبتـاه.!=والعلم دمر بيوت النـاس ياولـدي.!
احمد بدير..الممثل صار احمد شـاه.!=وكنعان رستم رئيس المجلس البلدي.!
ياويل حالي.. كذا ولا كـذا مأسـاه.!=نجدي وماادراك ماالاحـزانُ يانجـدي
آكل نجوم الضحى واشرب انا من ماه=لاشك هـذي لبـوي وهـذي لجـدي
الطيب كايد يابوعايـد تمـوت إعـداه=والحسد في خافق اللي يلبس الوردي.!
والاانت.. تسوى كلام مسيلمه ورغـاه=يفدونك اهل النجف شيعي مع الكـردي
عيادة الجهيلي
30-04-2011, 05:30
ردن بوذا .. ..




انصدمت بناس قبل انصدامي باالوطـن=والوطن ادى القسم.. في صميم مواطنه
الظهر يكون خلفي.. مُحـاذاة البطـن=والبطن اسرار جوفـه خفايـا باطنـه
طيب نوضح ولاكن.! قبل مطلب عطن=لجل اوضح لك غلط.. دام ناسك فاطنه
القطن تعريف وهمي لتصديـر القطـن=هو رغيف العيش عند الدلوخ القاطنـه
يعني انك لازم اتكون.. دجال وفطـن=او تكون البيض.. وامك حمامه راطنـه
في زمان الخصخصه.. كل موذي له رطن=او بمعنى (ردن بـوذا) معـه متشاطنـه
البنات اللي نطن.. بيت جدك وانتطـن=فوق مريـال العبيـاء غبـاء امواطنـه
عيادة الجهيلي
04-05-2011, 01:55
استأذنك في دخول الاوديه والهضاب .. ..



مليت فرقـاك واتعبنـي حضـور الغيـاب=مليت نفسي بدونـك ياغيـاب الحضـور
انت المطر في نزولـه وارتفـاع الضبـاب=ياتمتمة طفل... مابيـن البكـى والغـرور
ارحل بذكراك لاشفت الفضاء والسحـاب=واطيب من جرح سربك... فوق خط العبور
كان الفصول اربعه... خامسهم الاكتئـاب=ريح النفل فيه طاغي... من وجود الزهـور
استسمحك ياخطايا نجد.. قبـل العتـاب=واعتب على ريشتك.. قبل اقتحام السطور
استأذنك.. في دخول الاوديـه والهضـاب=مناخك المعتـدل اجـره لأهـل القبـور
( أُعَلِّـمُـهُ الرِّمَـايَـةَ كُــلَّ يَـــومٍ=فَلمَّـا اشـتَـدَّ سَـاعِـدُهُ رَمَـانِـي )
(هذا انا).. واعترافي فيـه عيـن الصـواب=البيت هذا.! موفـق فـي جميـع العصـور
عيادة الجهيلي
08-05-2011, 06:21
خطا املائي.!.. ..


سارعـي للمجـد والعليائـي=مجـدي لخـالـق السمـائـي
الوزيـر المنتهـي وش يبغـى.؟=مانبي الدفـه ولا العيسائـي.!
الرجاء.. دايـم مقاسـه جيـد=في حدود الكـرش.. يابرمائـي
التواجـد والتأخـي رائــع=والخطا يحسب.. خطا املائي.!
وان خسرنا.. في حدود المنطـق=لايهمـك العـوض إيحـائـي
النتيجـه دائـم(ن) فتاكـه.!=فوق سطح اليابسـه.. والمائـي
وضعنا.. يضحك عليه الجاهـل=هكذا يبـدو.. أهـم انبائـي
صوتنا ياصـل.. ولا يسمعنـا=وان وصل.. يرفض حمد ايوائي.!
الكواكب اكتشـاف العالـم.!=والخيانه اكتشـاف اخطائـي.!
عيادة الجهيلي
19-05-2011, 10:15
أمنكــــــــو .. ..


ليتني ماصرت مشرف على حُـرّاس أمنكـو=كل حارس في أمنكـو.. محملنـي امانـه.!
زاد حملي واحتمالي وانا محسـوب منكـو=والظروف اللي طوتكم.. يعاتبنـي مكانـه.!
والله اني بكل لحظه.. انـا دافعـت عنكـو=مافهمني غير واحـد.. وكـب الاستكانـه.!
ودنا باالطيـب لاشـك.. يجبرنـا عملكـو=كل ماطقيت انا بـاب.. تفتحلـي جمانـه.!
الرواتـب والاجـازه.. رفعنابـه علمـكـو=والعلم يشكي من الظلم ..والظالم زمانـه.!
راتب الحارس.. بقيمة ذبيحه مـن غنمكـو=وكل ساعه يشتغلها .. معرَّض للإهانـة..!
اسالو الجاسر سعودي.. مواطن في وطنكو.؟=او لانّه شيخ الامـوال.. ماينفـع حنانـه.!
عيادة الجهيلي
24-05-2011, 12:26
قصر برزان..! .. ..
البارحه.. كلن مع الشـوق سهـران=وانا مـع الاشـواق.. ياعبيـد نايـم
النوم رحمه.. لو معه بعـض الاحـزان=ارحم من وجيه الفلـس.. والبهايـم
لاني لقيت النـوم ياقصـر بـرزان.!=اخير مـن هـرج القفـى والشتايـم
الوقت ماهو وقت.. ثابـت وحسـان=تغيـرو والوقـت مابـه غنـايـم.!
كلن يغني للوطـن قبـل الاوطـان.!=وللمصلحـه بيـع الوطـن للنسايـم
واليوم.. لو تشكي على الذيب سرحان=يفطـر عليـك بنظرتـه للجرايـم.!
يافرد حمزه.. ضمني بيـن الاحضـان=موتك ولا فتـوى كبـار العمايـم.!
عيادة الجهيلي
25-05-2011, 10:03
((الشمريه))

الشمريــه.. ..



شمري والشمـري طيبـه كـذا بالفطـره=والشجاعه فوق صدر الشمري محطوطـه
إن عطـى أغنى فقر تونس على سومطره=وإن وقف ياقف لصكات الزمن وشروطـه
شمري طبعه كذا وأطباع شمر خطـره=الخطر فيها هلاك الثـروه المربوطـه
لعنبوك الشمري شارب حليـب البطـره!=والطناخه تحت كف الشمـري مبسوطه
اسمعي (( شمر بحر)) واللي أقوله قطـره!=واسألي عن بنت شمر ليش هي مغبوطه
والله إن الشمريـه ينتخي بـه عـطـره=قبل ما ينخـى مثـل شـرواك يافطفوطـه
إن مشت فوق الورق السطر هذا سطره=وإن تمايل عدَّلت سطر الورق وخطوطه!

https://www.youtube.com/watch?v=gLB8-DD2P9E
عيادة الجهيلي
28-05-2011, 10:43
((القيثـاره))


القيثاره .. ..


راكب اللي من مطاره صعد طيـاره..!=ضايقٍ صدره والأوضاع ماتأويله.!
من هنوفٍ بعثرت دفتره وأسراره..!=انحرم مـن نومـة الليـل والتقييلـه.!
صاحبه من قبل يعلن تحـرك طـاره..!=وحيل بقعاء في يدينه مصافـح حيلـه.!
يوم مالت بالفضاء كنها ((القيثـاره))=لفها رابح صقـر والخـراب الليلـه..!
اتجه وخطوط برليـن تحـت "أنـواره"=والفرح من قسوة الوقت مايعنـي لـه.!
غير حب صويحبه واحتـوى أخبـاره.!=والسهر مع كأس خمره علـى تقبيلـه.!
مالقى في حب غيره غِنى لـأعـذاره..!="والعذر قفّى" وقفت غوالي خيلـه.!
في محيط الجو غنّت جميـع أفكـاره..!=مع نجوم الليـل بيّـح خفايـا ويلـه.!
دمعته من فوق خده تزيد إصـراره..!=ماأنتظرر فزعات ربعه وفزعة جيلـه.!
عيادة الجهيلي
30-05-2011, 01:46
التوبــه .. ..


ابسافر لم مكـه وتـوب عـن الهـوى=توبته الصديق لله فـي عهـد الرسـول
من ههمومٍ فوق صدري وشيطانه غوى=ياعساني في طوافي الاقي لـي حلـول
ياهواجيـسً بقلبـي لواهـا والتـوى=لويت الحبل المركب على حلق مغيـول
ذيب جوفي وسط جوفي يابوحارث عوى=لين هيبني وذكـر خفوقـي للوصـول
يآلـه الكـون يافالقـاً حـب الـنـوى=لاتخليني انـا جيـت بذنوبـي خجـول
جيت لك والضعف فيني بفزعاتك قـوى=وعادة الانسان يارب طمـاع وعجـول
الجوارح تنتخيبـك وتسجدلـك سـوى=الدعاء من عندنا ونت واعدنـا القبـول
عيادة الجهيلي
07-06-2011, 12:30
((((توليف الاحقاد))))
توليف الاحقاد .. ..


والله اني فوق بالغيـم .. عـن بـر العلـوج=ولا ضربت احساب ناسٍ .. تصدق بي مره.!
ارتفع عن خبث الانذال .. وشـدوق الخلـوج=بس قرق .. وخرط فاضي .. وكثـرة بربـره.!
يوم هي تقصر يمينك .. علـى بيتـي تلـوج.!=مالقيـت الا يميـنـي .. تـمـد وتشـكـره
اجتماع البيض .. اثـر علـى فكـر الزنـوج=والهدف توليـف الاحقـاد.. جعلـه بنحـره
اكتشفت برآي غيري .. غلط صف الـدروج=درج واحد تكتفـي فيـه.. لـوَرَاق الـذره
ناخذ العبره .. من افواه من قامـت تـدوج.!=داخل اسـوار الحدائـق .. وظـل المقـبـره
خير من اخذ الحقايق .. من انسـان محجـوج=لا وصل خنزير ينفع .. ولـو فـاد شعـره.!
حكمتي ان كانت افعالهـم .. ياوقـت عـوج=صد عنهم .. والغبي من دَهَاهُـم .. اعـذره.!
عيادة الجهيلي
10-06-2011, 05:28
مشعـــــــــل التريباني .. ..


الشعر صافح هاجسك قبـل يمنـاك=يسلم لنا الهاجـس وتسلـم يمينـك
شعرك بحر.. وانا على مـد مينـاك=اخذ من المينـاء.. هدايـا يدينـك
واعطي عطاك اللي ينومس عطايـاك=واشرب من احكامك.. واقبل جبينك
الشيب.. نوماسـه بطلعـت محيـاك=انت الوقار اللي تنومـس اسنينـك
ناس(ن) غشاها الشيب.. ماهي ابوياك=حتى على نجرك.. بعـد حاسدينـك
الطيب طيبـك.. والمزايـا مزيـاك=والفعل فعلك.. والعرب خابرينـك
مبداك حب الخير.. للغيـر مبـداك=وهذا رضى ربك علـى والدينـك
مشعل يابن عسام ..لو فيه شـرواك=سلم سلامـي.. واعتبرنـي يمينـك
عيادة الجهيلي
15-06-2011, 06:26
كـذب وعبـــط .. ..


ايه انـا فوضـى... تعلمـت.. منـك الانضبـاط=وايه احبك صدق... ممـزوج بشويـت عبـط.!
داخلي حبك.. سقانـي عطـش.. اخـر اشبـاط=وابتدى مفعول سحرك... وعطفك بـي ضبـط.!
التجمهـر فـي جمالـك... يـحـب الاخـتـلاط=وانت جمهوري... والاشعار.. في قسـم النبـط.!
كـل مامريـت بيتـك... احـس انـي مـحـاط=خوف.. مع رهبه.. مع اشواق.. مع حسد وغبط.!
الاثـاره فـي عيونـك... بعكـس الانحـطـاط=عين حرن... من يمينـه علـى الصيـده خبـط
ان مشيتـي... وهنـي الرخـام امـن الـبـلاط=كلهم فـي ان واحـد ... مـن انفاسـك زبـط.!
لون خدك ... ذا طبيعي مـن الـوان الطمـاط.!=والطمـاط بخـد زينـك ... وحسنـك مرتـبـط
الجمـال اليوسفـي... فيـك توظيـف النـقـاط=والنقـاط اليوسفيـه... مهـي كـذب وعبـط.!
عيادة الجهيلي
03-07-2011, 08:36
الاتـــي ....


والله ان الحـب سوابـي الاتــي:=لعب صيد .. ولعب حبشه.. على عته
رحت فيها.. والسبب صحوة اسباتي=العدد واحد.. وانا اقول لـه ستـه.!
قلبي اللي من هـوا صاحبـه ماتـي=لعنبـوه صويحبـه بصبعـه فتـه.!
اتصالي فيـه ذاتـي.. وانـا ذاتـي=فاصلٍ موجات الابراج عـن نتـه
ياغرامـي يابلـى كـل لوعـاتـي=من سببك اسموني الناس ابو خته.!
الجموح اللـي معـه هيبـة العاتـي=والغـلا داخـل.. والاشـواق كَبَتَـه
عود موزٍ لاتثنـت مـع ابياتـي=صدرها بارز.. والارداف من حتـه.!
عيادة الجهيلي
11-07-2011, 08:51
هذه قصيده في الاخ : محمد بن نايف بن عمود ابن هذيل ( ابوثامر )
فهذا الرجل له من المعروف وافعال الطيب معي الشي الكثير والذي
اعجز عن شكره وماهذه القصيده الى رد ثناء بسيط بحقه

تــاج فـــوق الـــراس.. ..





راكب اللـي .. صممـوه الخواجـه ياعلـي=لقصة أبن هذيل .. يـوم المسافـه تقتلـه.!
لو حصله مركبـه .. يـوم همـه ايغلـي.!=كان خلاها علـى البيـد .. شـر وزلزلـه.!
من طنا راعيه يطنا .. ولـو ظرفـه خلـي=ومن رضى راعيه يرضى .. ولو طال زعله.!
لَون بِدَيَه .. كَف عبْـده .. بصابعهـا حلِّـي=عمها مقرن .. واخوها قتل .. فـي منزلـه.!
لون مُوكيتـه .. شفايـف بنكهـات الجلـي=والعلامه كِنهـا تقـول .. وضعـك ازهلـه
اقطم(ن) خشمه .. وباقي جسدهـا ممتلـي=والزويا .. حرفنـت فهـم .. بعـد الاسئلـه
إن تحرك .. حَرَّك الشوق .. ياريحـت هلـي=وان وقف .. مَشَيْت الأشواق في صدر جهله
بنز لاضاقت همومـي .. وصاحـت لزعلـي=والله إني .. كل درب(ن) وقـف .. لاكْمَلَـه
وانت ياللي طيب الافعال .. عنـدك معتلـي=فوق تقريـر القصايـد .. كرمكـم يدهلـه
يابعـد منهـو تفاخـر بتقليـط الطـلـي=اشغل العالـم .. عسـى الله دايـم يشغلـه
فدوتك اشكـال هـذا .. وتبقـى ياجملـي=تاج فوق الراس .. معروفكم وانتـم هلـه
كم سجين(ن) من يمينـك همومـه تنجلـي=يوم ضاقت حالتـه .. وانتهـى مستقبلـه
يابو ثامر .. غيم غيـرك يـروح وينجلـي=غيمهم ياقف لثنتيـن .. كـذب ومهزلـه.!
وانت غيمك يروي سعود .. وحمود .. وعلي=ياعسـى رب السمـوات .. ربـي يقبـلـه
عيادة الجهيلي
04-08-2011, 08:29
(( ســـيف الجهـــــيلي ))

ســـيف الجهـــــيلي .. ..


الصديق اللي مع المصلحه ماهو صديق=ذاك مايحسب يابوزيد ضمـن الاصدقـاء
الصديق اللي الياضقت من ضيقك يضيق=كل رجـمٍ لارقيتـه معـك شـد ورقـاء
ذاك لو همك علا واعتلى هامـة طويـق=نزله فـوق المناكـب وشالـه واتقـاء
لاجل يعطيك المساحه عن احوال الطريق=القـوي يبقـى ولله يـاعـم البـقـاء
وانت ياسيف الجهيلي على الورد الرحيق=زي ماقالو هل العرف بك طيـب ونقـاء
تجتمع فيك الخصال الحميـده يالرفيـق=مثل جمعت ام لاطفالهـا وقـت اللقـاء
عضتني عن خبث الايام والبيت العتيـق=والوجيه اللي بها الحقد لاحول امحقـاء
سيـف يفدونـك يفيقـون والا مانفيـق=ماورى صحبة هل القيل ياكـود الشقـاء
عيادة الجهيلي
23-08-2011, 01:20
عــنب .. ..

يابوثاني راح فيهـا خويـك والشنـب=الله اكبر راح فيهـا خويـك وشنبـه
مرني بين الصلاتين شايل لـه عنـب=قلت ياستار تستر عنب فـوق عنبـه
لعنبوها كنها الـورد والشـارع كنـب=وزل طهران الموقر خشع تحت كنبـه
والرصيف اللي تعداه من همـه قنـب=صاح ليله ينتظر خطوته وقـت النبـه
يابري حالي هاوجيس حسنك بي تنب=اسمعي صوتك باالاضلاع جاوبت قنبه
الطهاره فيك مبدى لتوضيـح الجنـب=الحياء والدين ساكن خفـوق الارنبـه
فدوتك ناس(ن) على ناس تستاجر ذنب=وفدوتك ياغضى الانهاد جوهر وذنبـه
عيادة الجهيلي
25-08-2011, 12:29
غـــزال الـــزرقا .. ..


ياحبيبي شف همومي في خفوقي ضاقه=لاتضيقهـا عليّـه ياغـزال الـزرقـا
والله اني ماتحمل والبشـر لـه طاقـه=ماتشوف الناس بالديره وانـا بالبرقـا
كاتمٍ سـري وسـرك خايفـن سراقـه=العرب قامت تصنت ياالهنوف الطرقـا
الثقه بالليـل عميـا والامـل بفراقـه=يانجوم اليل روحـي ماقدرنـا نرقـا
العرب وصل وسهر والليل جاب اوراقه=ياهلا بالشمس لو كنـا بلقانـا عرقـا
الوضوح اللي زرعته اعتمدت احراقـه=خفت من جور الهبايب ياهبوب الفرقـا
السحاب اللي طردتـه والسمـا براقـه=ماوقف الا على راسي وصبت شرقـا
عيادة الجهيلي
04-09-2011, 06:46
((نجـــــــــــــــــــــد))


نجـــــــــــــــــــــد .. ..


ياهبايب نجد ياهيـل القصيـد وزعفرانـه=دلتك فاحت على جمر الحسايف والهقـاوي
كل ماشميت انا ريح النفـل مـع قحويانـه=قلت يانجد الهبايب ضمها صدرٍ خلاوي
انتظر بس انتظاري مل من كثـر هذيانـه=والفرج قالو يجي بعد المصايب والبـلاوي
المكان اللي تركته صاح من همـه مكانـه=مابقى باالوقت غير المعضله والشوق غاوي
الرياح العاتيه شقت خفوقـي مـن حنانـه=والحنان اللي لقاني راح بعيـون الهـواوي
ارتويت الحزن من كف البخيل ومن زمانـه=مافزعلي غير دمعي يامحطـات العـزاوي
ياهبايب نجد ياخيـل السبـاق وخيزرانـه=فارسك طال التأمل في معانـات الجـلاوي
عيادة الجهيلي
07-09-2011, 07:05
النفــــــــــــــــود .. ..



النفود اللـي مواطيـك تاطاهـا=جعلها للسيل ياغـض الانهـادي
المحبه .. ربي اللي لك اعطاها.!=انت تاريخي .. بهجري وميلادي
يامشاويـر المسافـات وخطاهـا=يامسفات المشاويـر.. وعنـادي
غطني عن سود الايام.. وغطاها=لاتخليني .. انا واحد(ن) غـادي
ضمني ليـن المعاليـق تنطاهـا=نطو خربوش(ن) تقطع مع الوادي
شوفتك منوه .. وانا من تباطاها=شوفتك تكفي عن الزاد.. يـازادي
نزلي رجلك على عقـب ماطاهـا=الاثر مكشوف.. ياغض الانهادي
http://www.youtube.com/watch?v=0w99MUM9pio
عيادة الجهيلي
09-09-2011, 12:39
مـــزون .. ..





المزن يامزون تمطـر .. فـي خفوقـي غـلاك=هلت على صدر محسوبك ... بعيـن الدخيـل.!
يامزون في غيمتك ... حسره بصمت المـلاك.!=وفيني من الصمت حسره ... للغرام البخيـل
كونت.. نفسي على الفزعـه .. ونـار الهـلاك=يعني .. على قولت اهل الصبر..! صبر(ن) جميل
يامزون لو حزن صالـح .. ضمنـي واعتـلاك=خوذي من الحزن .. واسقيني عـذاب السبيـل
مليت وجـه النهـار ... اللـي يخفـي حـلاك=مابين .. عطني دليـل ..! ولا ابيلـك دليـل .!
البارحه زارنـي ... نبـض المشاعـر هـواك=من هيبته اجتمع ... شاعـر بشيـخ(ن) جليـل
حدثني الشيخ ... عن فضل اقتنـاء السـواك.!=والشاعر اللي معه.. بعثي..! برتبـة عميـل .!
عيادة الجهيلي
14-09-2011, 04:29
خــــــــــط الرطـــــــــوبه ! .. ..



البارحه صكت من الجال للجـال=توتري يفـرض علـي انتمائـي
حتى عرفت اني سبب ضيقت البال=خط الرطوبه ياوطـن استوائـي
اسف على توزيع صمتي للاموال=والصمت امني في عيون الوقائي
لاتشتكي مردود توحيـد الافعـال=توحيدها مركز منـاف النسائـي
اروح والهقوه على شوفت ارجال=وارجع على خيبة بلوغ انتقائي
الجرح ينزف والستر مايبي شـال=يبغى الدليل اللي شـراه الروائـي
لومال ضلع اطويق راسي فلا مال=عنزت في موتي بحسرت بقائـي
واليوم لو صكت من الجال للجال=ان السبب ماكنت اشوفف ارتقائـي
عيادة الجهيلي
17-09-2011, 11:07
(((الغــــــــــزال)))

http://www.youtube.com/watch?v=STIONoS9iq4

الغـــــــــــزال ! .. ..

الغزال اللي لقيته في حـواري مكـه = من لقيته يابوعايد صرت انا مكاوي
والله انه بالمحبه تـك قلبـي تكـه = آه ياقلبي من عيونه كـواه الكـاوي
والشفايف به ميول الغطرسه والشكه = لونها بني على حنطي على كيكاوي
ان مشت سيقانها مع بعضها منصكه = كنها وقفة لواء بالمجلس العكـاوي
العرق من جسمها يوخذ دواء للحكه = والنظر فيها يوظف رغبت التكـاوي
بطنها راحت سخاء من جودها منفكه = والصدر جود الحنان بفزعة التركاوي
كل ماقالو حكم صنيت انـا باالاكـه = لاجل اخسرها واقوم لشوفت المكاوي
عيادة الجهيلي
20-09-2011, 03:04
حــــائل وتربــــه ! .. ..


ياصباح الخير ... يانـور حائـل وتربـه.!=يامساء الورد ... بعيـون صمتـك والحنيـن
الذنوب اللي خذتني .. من المـوج هربـه .!=سافرت لك.. ورد جوري.. وردت ياسمين .!
ياوجودي .. وجد عود(ن) .. تناسوه عربه .!=طاح من غدر الليالي ... وكيد الظالميـن .!
مابقالـه غيـر سـم القرايـب وشربـه .!=لين مات بصحوة القلب ... والشوق الحزيـن
فيك منهو لامني ... جعـل همـه يكربـه .!=ينحرم من لذة المـال ... وحسـان البنيـن
مادرو اني بحزنـي ... معـك ذقـت طربـه=لين غنيت الهجنـي ... بتشبيـك اليديـن .!
اعرب اللي بين الاضلاع ... تكفى اعربـه .!=واسحبه برموش عينك ... على العلم اليقيـن
عيادة الجهيلي
21-09-2011, 04:26
عيونـــــــــك! .. ..


يابنت ياللي سكنكـم حـول برزانـي=باسبابكم راح فيهـا مستـر عيـاده
والعذر في شوفتك يادعج الاعيانـي=بيتك على شارعيـن وفيـه بـراده
اشرب وانا من عيونك رحت ضمياني=وارجع على نفس موالـي وميعـاده
حرام لو تطلعيـن الشـارع الثانـي=الا تقـوم الامانـه فـور بابـعـاده
لان التجمهر يكدر وضـع الاوطانـي=وانتي سبب جمهرة برزان وعنـاده
كلك اثـاره ذبحتينـي مـع احزانـي=اثارتـك احرقـت ليلـى ومـيـلاده
جمالك اللـي نشوفـه زيـن ربانـي=سبحان ربٍ يحط الزيـن بعبـاده
عيادة الجهيلي
24-09-2011, 05:24
شــــــــــــــمــــــــــــر! .. ..


ايوالله.. ربعي هم شمـر=فلي قرونك يامياسـه.!
حنا يوم الخيل الضمْـر=من عادانا جبنا راسه.!
اصغرنا.. باالطيب معمر=واكبرنا ياشدة باسـه.!
والقصر.. اللي بابه سَمَر=ريح العطايـا بنفاسـه
والنار.. اللي جمره جمر=ماهي لنا.. للمحماسه.!
حنـا الطنايـا حـنـا=اسـم الطنـايـا مـنـا
مانشتـري الاسـامـي=حنـا الاسامـي جنـا
ارجــع لقـافـي الاول=لانـي عليـه مـخـول
بـس الطنـا خـلانـي=غصـب عليـه اتجـول
لاوالله مانـي بمئـمّـر=لان.. الاماره له ناسه.!
يكفيني.. اني من شمـر=ميلي ميلي.. يامياسه.!
عيادة الجهيلي
25-09-2011, 09:45
((روضـــــــة اوجــــاعــي))

روضــــــــــــة اوجــــــــــــاعي! .. ..


يابنت همك هبوب الشوق لـي زمـه=زمة صغيرٍ عزاه بِعض الاصباعي
همك من الهـم همـي يالغـلا خمـه=خمة يتيمٍ سكن همه بالاضلاعـي
لا فزعتٍ من خوال ولا فزع عمـه=جيبي همومك معي في روضة اوجاعي
اهمومنـا مـع بعضنـا دوم ملتمـه=التفرقـه ياغناتـي مالهـا داعــي
كتابـك اللـي خذانـي فـوق للقـمـه=لاتفتحينـه حـرام انـي منـي واعـي
الصاحب اللي ادموعه في طرف كمـه=وانا بعد في دموعـه حيـل طماعـي
اموت بـك قبـل لاتنشـد عـن الذمـه=وشلون ماموت بك يازين الاطباعـي
عيادة الجهيلي
28-09-2011, 02:22
دمـــــــعة عيــــــــونك ! .. ..


احبك حب .. يااللي تنتخيبي.. لايمسك خـوف=انا كلي فدى دمعـة عيونـك.. فـدوة احزانـه
احبك بس تكفى ياحياتـي .. سوبـي معـروف=ابي همك على صدري.. سفينـه وانـت ربانـه
ابيك القلب.. وعروقه.. وشريانه.. ابيك الجوف=ابيك بدنيتي .. انـت القصيـد وانـت عنوانـه
تعالي.. اتذرابك عن همـوم السهـر والشـوف=وخوذيني على صهوة جوادك.. شيـخ فرسانـه
اكون بفزعتي شمر.. لعينك والغـرام سيـوف=طنايا لعنبوهـم .. لانتخـو لعيـون طنيانـه.!
قلبنا الارض دم .. وفعلنا غنابـه المكفـوف.!=تصيح الارض .. من دم البشر .. ياعيال رويانه
وانا من ضمن ربعي .. ياغناتي لايمسك خوف=على شانك يثور الصدر فزعه .. وانت بركانـه
عيادة الجهيلي
03-10-2011, 02:14
بورش .. ..


آآه من همن على الكتفين تكا=واه من همن على الكتفين تاكي
ان نزل فوق الضلوع العوج ركا=والضلوع العوج صارن له مراكي
احسب ان اهموم عكا لاهل عكا=جيت اكحلها وانا سبت عماكي
الحزن والهم والهاجوس لكا=في خفوقي وانثري ياعين ماكي
راكب اللي كل ماهديت حكا=ون وطيت البنص دفيني معاكي
ماوصل بالباخره في سوق دكا=في مطار ادبي منزال الملاكي
بورش واعطاله على الحاسب تفكا=ورمز تشغيله عضوا حزب اشتراكي
فتح بيبانه على الطاقه مزكا=كنهن سيفين في وضع اشتباكي
منوت اللي من بني عمه تشكا=كل مايصبح لقا باالباب شاكي
ان رحل صكات بقعاء به تصكا=ون صبر صبره من النكبات باكي
عيادة الجهيلي
06-10-2011, 01:37
((غــــــروب الــشمــس))

غــــــروب الــشمــس ! .. ..





غروب الشمس ياخذ مـن خـدودك حيـرة الوانـه=شروق الشمس نوره من خدودك وانت نور الشمـس
ملك من هيبتك عيـنٍ تنـام وعيـن سهرانـه=يجوز الهمس بحساسـك ولكـن مايجـوز المـس
تعالي اشـرحي لـي كيـف قصـرك قامـت اركانـه=وابشرح لك عذابي من وجـودك باالسنيـن الخمـس
حرمتينـي بريـدي والرسايـل ضــاع عنـوانـه=حرمتينـي وجـودي والنهايـه تبتـدي باالهمـس
حرمتنـي قصيـدي مـات فـي بيتـك وجـدرانـه=حرمتنـي مـن البـارح بطعناتـك بغـدر الامــس
حرمتـنـي وانــا مـحــروم لادره ولا دانـــه=حرمتيني وانا بن اليمـن بالهـون ياهـل الحمـس
حرمتنـي حيـاتـي ياممـاتـي جـيـبي اكفـانـه=وغطيني برمشك عن هبوب الصيف وقت الشمس!
عيادة الجهيلي
08-10-2011, 04:27
((عـــرش الــغــلا))
عـــرش الــغــلا ....



وين انت ياللي في غيابـك لقيتـك=متلحفن عرش الغلا بين الاضـلاع
ليتك تحس بصـدر مغليـك ليتـك=ذيبه عوى والشوق ياسيدي جـاع
مل انتظاري خارج اسـوار بيتـك=حمامتي ناحت على قضم الاصبـاع
بين الامل والياس ياولـف جيتـك=تعبت من جمع الطوابـع للاوجـاع
سافرت واحلامي معي به خذيتـك=ورجعت واحلامي بها صاحبك ضاع
في وقفتي كنـي وقفـت وبكيتـك=سراب صيف طويق في قلب ملتاع
وين انت ياللي بعتهم واشتريتـك=ياكامل الاوصاف يازيـن الاطبـاع
عيادة الجهيلي
10-10-2011, 04:27
لاصار خلك عسل لاتلحسه كله!!..


((لاصار خلك عسل لاتلحسه كلـه))=غلطان راعي المثل منهو له الباقـي
الا ابـي الحسـه مادامنـي خـلـه=هذا حبيبي غرامـي منبـع اشواقـي
يانور حـي وريـح الهيـل بالدلـه=زودن على كل هذا صاحبـي راقـي
يدرس علوم الطبيعه برض محتلـه=من كثر حرصه علي يشكي من فراقي
مايدري اني بحر الشمس انـا ضلـه=مايدري انه قمر لليلي مـع اوراقـي
الجوء بارد ونـا فـي قمـة التلـه=اشوف زوله وناجـي ربـي الواقـي
لاوالله الا سيوفـك بالحشـى سلـه=اجرح مدامك سماي وكوكـب افاقـي
بس انتبه فيه ناس اهنـاك مختلـه=لاتبيح سري وسرك ينكسـر ساقـي
عيادة الجهيلي
11-10-2011, 04:39
تبون الصدق .!!!..

يموت الورد بعيون النساء مامات كحل العين =هدب رمش العيون اللي قتلني ياهدب سـاره
تذكرتك بعد عشرين عـام بشـارع الستيـن =تذكرت الرصيف اللي انتظرتك فيـه وانـواره
تذكرت المطر والبرد والمعطف على الكتفيـن =تذكرت الحنين وكيف كـان وكانـت اسـراره
تذكرتك وغمـازات خـدك قفلـت القوسيـن =وشجعت النصر واصبحت انا واحد من انصاره
كتبت اسمك على صدري كتبتـه ( س + ع ) =يساوي حب ياموت القصيد وريحـة ازهـاره
شربتك وارتويتك واحتضنتك قبـل لاتدريـن =وعرفت ان الغلاء ملعون جد وهاذي اضـراره
احبك ياعيوني بس وينك من حبيبك ويـن.؟ =تعالـي يابحـر حبـي وموجاتـه وتـيـاره
تبون الصدق لاسارة ولانـوره ولا داريـن .! =مراهق صدق الكذبه ومشاها على الحـاره .!
عيادة الجهيلي
02-11-2011, 09:47
هقوينا .!!! .. ..


يازامل ماتشوف الورد... من غصنه بكى مجروح=يمـوت الـورد... وغصونـه تمـر ولا تعزينـا
سئلنا الغصن.. ليه الورد فوقك منحني مذبـوح.؟=يرد الغصن.. قال اللـي ذبحنـا هـي هقوينـا.!
كذبنا كيف نصدق.! ون صدقنـا كذبنـا مملـوح=صدقنا كيف نكـذب.! ون كذبنـا صدقنـا فينـا
تعبنا والتعب متعب.. ياليت اللـوح يبقـى لـوح=على شان التعب يعرف.. بـأن اللـوح يرضينـا
تعلمنا الحيـاة ابعكسهـا.. ياصوتـي المبحـوح=مشينا فـي سفينتنـا.. بـلا شاطـي ولا مينـا
نـدور وكـل مادرنـا.. لقينـا بكـل دوره روح=ولكن كيف.؟ ننقذهـا جوابـه فـي شواطينـا.!
يازامل لويموت الورد... غصنه لو ضحك مسموح=لان الغصـن ابخـص... والهبايـب ماتذريـنـا
عيادة الجهيلي
04-11-2011, 01:08
خذني معك .. !!!

أغليك..! لا مغليـك اغلـي خيالـك=وأموت بك وحيا من الموت وأهـواك
أجاوبك مـن قبـل تسـأل سؤالـك=لأني حفظتك غيب واعرف مزايـاك
أزعلـك متعمـد لثـورة جمـالـك=وارضيك مسترحـم لشوفـة محيـاك
أدعيـك والأذنيـن اصغـر أعيالـك=حنانهم صوت(ن) تحرك من أشفـاك
أشوف..! لا ما أشوف شوفي حلالك=خذني معك والشوف تابـع لرؤيـاك
امشي على ممشاك و اعشق مجالـك=وأزعل عليك من الزعل واتبع أخطاك
ارحل معك زود(ن) على كـل ذالـك=وأقول وينك.؟ وأنت قدامـي هنـاك
اكتـب معاناتـي بصفحـة مقـالـك=عنوانها يا محتـرم كيـف أبنسـاك
صحيـح أن الليـل بـارد وحالـك=بس الأكيد .. أنـي هنـا وأتحـراك
عيادة الجهيلي
05-11-2011, 09:00
عيدك مبارك يانشامى شمر!!..

عيدك مبارك يانشامى شمر=هذي سنه مرت ونا بعيونك
ضميتني ضمت صغيرن هالك=وليا دعيتك قلت لي ياعونك
اشتاقلك شوق الكرم للطائي=اصبحت مجنوني ونا مجنونك
وتشتاق لي شوق الطنايا ربعي=للموت قامت تنتخي من دونك
استأذنك بيتن لاجل العرضه=ونا تحت سقفك وجنب ركونك
يانشامى شمر العز نجمك في سماه=فوق سطح المشتري والكواكب كلها
لايمن في حضرتك جعل يبقى في عماه=ماعرف قدرك ونا قول عندي خلها
حبيت اوضح لك غلاك الممتع=وغيري كثير اللي بعد يغلونك
مدام ابوغازي معك لا تجزع=اكبر دليل انا العرب يلفونك
عيادة الجهيلي
09-11-2011, 11:03
محـاصيـل !!! ....

تشابهـت كـل الوجـيـه بحيـاتـي=حت(ن) وجهي ..صار يشبه لهم حيل.!
من كثرهـم يااليـل ..طالـع شتاتـي=مدري انا .. اوانت .. اوكلنا ليـل .؟
ماعاد ابيهـم .. لـو لقيـت امنياتـي=بعيونهـم ماتـت جميـع المحصيـل .!
اعطيتهـم يااليـل .. حتـى صفاتـي=مابي عليهـم يفرحـون المهابيـل .!!
ضليتهـم وضلالهـم مـن عبـاتـي=واسقيتهم ..عقب العطش والبهذيل .!
واليوم عـزو خبثهـم.. فـي وفاتـي=حتى بكت من خبثهم.. نجمـة سهيـل
حتى علـى موتـي .. تحسـر عداتـي=شمعه طفا .. من عقبها كـل قنديـل.!
اموت .. لو عزي ..علـى ذكرياتـي=ولاحيا .. على ذل السنيـن المقابيـل
عيادة الجهيلي
12-11-2011, 03:46
التعـاسـه.!!!..

يابنت... من جور الزمن لاتضيقيـن=اما انا يابنـت .. ضيقـي طبيعـه.!
الضيق شيبـي.. قبـل ماتشوفيـن=ضيقي مطر... وهموم صدري ربيعه.!
شربت من جور الزمن.. بين قوسيـن=حزن التضامن.. في عيون القطيعـه
رويت من حزني ... جميع القوانيـن=وحطيتها .. بين المناكـب وديعـه.!
وحملتها لين اسألتني .. على ويـن.؟=قلت اسكتي .. قالت بأمرك مطيعـه
سالتهـا ودك امانـه تعرفـيـن.؟=قالت نعم ..قلت الهقاوي هزيعـه.!
مدري انا من وين .. ولا على فيـن=امشي وخطوات التعاسـه سريعـه
عيادة الجهيلي
14-11-2011, 11:57
كـيـد الرجـال ..!!!

وين انت ياكيد النساء الموت من كيـد الرجـال=ولا النساء تبقى نساء مشـره علـى نسوانهـا
اشره على اللي.هقوتي فيهم مثل ذيـك الجبـال=الشامخـات النايفـات اللـي رسـت بأركانهـا
اثره تـراب وهقوتـي حـرام ماجابـت عيـال=غير الغراب اللي خذاني عـن نفـس غربانهـا
العقرب اللـي قوسـت ذيلـه تـرى ذاك احتمـال=بس انتبـه لاتقرصـك وتقـول عنـدي عانهـا
وثقت في نفس المجال وضعت في نفس المجال=ماعـاد تئوينـا سفينـه لـو وصـل ربانهـا
والصاحب اللي خانه التعبير من بعـد المقـال=خله يواصـل ماكتـب الجـرح مـن عنونهـا
اسف على ذاك الجواب اللي نطح ذاك السؤال=حطـم مجاديـف الفـرح لوحُصنـت بيبانهـا
عيادة الجهيلي
18-11-2011, 04:14
بـنـك دم .!!!..


التبرع عند الاجواد ياالطرف الكحيـل=بنك دم وبنك فزعه وبنـك مشاركـه
وانت يارحلة طريقي مع الدرب الطويل=كيف بعثرت القصايد بحبـر الباركـه
ايه احبك كره شمر لقاموس البخيـل=واكرهك حب الطنايا لخيل(ن) هالكـه
ياوجودي من عرفتك وانا مثل الهبيل=رد قلبي ياغناتي علـى اللـي مالكـه
ارحم اللي ماعـرف لاكثيـر ولاقليـل=غير حبك بين الاضلاع فيشك شابكـه
مافصل ارسال نتك وهذا مستحيـل.!=متصل دايم وموجات نكـك سالكـه.!
العذاب اللي قتلني وانا تـوي عميـل=حابكين البرمجه ليـه ماهـي حابكـه
س1/عرف المـوت بعيـون الدخيـل=ج1/غبـةْ البيـر تكـفـى حالـكـه
عيادة الجهيلي
19-11-2011, 05:56
بـيـت طـيـن!!..

كن قلبي بيت طين وكل ماوسطه خراب=انهدم حوشه على الروشن وطاحت هيبته
وانفتح بابه على طرد الهبايب والسراب=والدرايش سكّرت بعض النظر في خيبته
إنبنى في صحصح(ن) مافيه غير الاغتراب=غير رمث(ن) داخله شاف القهر من ريبته
وفيه عصفوره على المرزام تشكي للسحاب=من عطش جذع المقام اللي ضمى من شيبته
هذا قلبي مالقى في سور محرابه عتاب=انتهت حتى الأماني ما تواصل طيبته
آآآآه ياقلبي رواك الحزن ورويت العذاب=كيف تروى من عذاب الحزن قبل مصيبته
ان فتحته صار صدري من معاناتي كتاب=وإن تركته مالقيت اللي بكى في غيبته
عيادة الجهيلي
28-11-2011, 06:35
حــزن الشــوارع!!..

ااااه ياحزن الغياب اللي بكت منه المدينه=ااااه ياحزن الشوارع والاناره والرصيف
مابقى منهم حزين ولا بقى فيهم حزينه=كذْب واقعهم مثل لون الورق فصل الخريف
ااااه من رمل الوفا ياكيف يغدر فيه طينه=ااااه ياصدق الفقر! يكفي جمعنا بالرغيف
مابقى بعيوننا غير السواد وخابرينه=كذْب لوكان السواد اللي دعى بالجوع ضيف
ااااه نجرح كل طيّب مد للفزعه يدينه=ااااه نفرح بالمصايب كيف! واقعنا مخيف!
مابقى باالارض نخله والبحر رد السفينه=كذْب يالون الصحاري مابقى لونك عفيف
ااااه ياصحوة منامي خلي احزاني دفينه=ااااه من فصل الربيع اللي نسى فصل الخريف
عيادة الجهيلي
02-12-2011, 09:16
حزْن خمْره .....!!..

لا يهمّْك اطعنيني بالظهر مليون مره=ولا يهمك حزني الموجود من قبلك حزين
شقّْي قلبي واعرفي حزن العذاب اللي بعمره=وبعدها شوفي معاناتي على مر السنين
خافقي كله جمر ما عاد تفرق زود جمره=لا يهمك جمرتك ضمِّيتها لا تزعلين
سلّْي سيفك واغرسيه بجوفي اللي صار غِمْره=واضحكي ضحْكَت عتَب بين الخيانة والحنين
لا نخل فيني لقيتي وان لقيتي طاح تمره=لين مات من القهر بعيون زفرات اليقين
هذا انا سكران حزْن وما سكرت بحزْن خمره=كيف لواسكر خَمر والحزن فيني والحنين
كان ورَّثت الحزن بعيوني اللي طاعت امره=وانتهض حزن المشاعر في مواساة الأنين
عيادة الجهيلي
04-12-2011, 11:59
صــدر الــوهم .......!!!

ياعذاب الشوق خذني لايهمك من أكون=ضمّني بعيونك اللي ما بقى فيها هدب

لاتخليني هنا ارجوك لو قلبك يخون=كلهم خانوا حبيبي ما على مثلك عتب

شوفني اكذب مع اللي يصدقون ويكذبون=عادي جداَ لوكذبْت الكل من حولي كذب

كانت انفاسك تخون الصمت بدموع العيون=كنتي جده والبحر والشمس من بعد التعب

كنتي أمواج البحر لا صار بمواجه جنون=كنتي اقرب يوم كان القلب نبضه من غضب

غيرتك راحت وراح من الوفا حضنٍ حنون=ماالومك دام نجمك في سماء ليلي اغترب

ماتت الاشواق في صدر الوهم وين الظنون=خلّها تفزع لعينك لو بقى فيها هدب
عيادة الجهيلي
10-12-2011, 04:59
http://www.youtube.com/watch?v=oiY8wb1zTrs
عيادة الجهيلي
10-12-2011, 06:23
http://www.youtube.com/watch?v=qqzn1ifGwdA&feature=player_embedded

http://www.youtube.com/watch?v=J1ebZbwn79Y&feature=player_embedded
عيادة الجهيلي
14-12-2011, 01:22
لا شمـر ولاعيـاده .!!!

بكيتُ حتى رويـت الأرض مبتسمـاً =فقالت الأرض ما يبكيـك يـا عيـاده
فقلتُ للأرض .. أبكوني و قد رحلـوا =حتى هواجيس بقعاء أصبحت عـاده
فقالت الأرض .. من شكواك وأسفـاه =فقلـت لـلأرض .. لا رقً ولاسـاده
الشوق يضني وذكر الغيـر يقتلنـي =لا بـارك الله فـي غسـان وعنـاده
حتـى تذكـرت بيتـاً مـات قائلـهُ =بيتاً من الشعر لأهل الفقـر والقـاده
يقولُ في البيت يـا سيـدي تعلمنـا =و بدلت ثوب الحزن بفراش و وساده
فقالت الأرض .. يا عيادة ومن هذا..؟ =فقلتُ هذا الذي صمـم علـى مـراده
الليل والهيل وأهل الخيل مـن شمـر =فقالت الأرض .. لا شمـر ولاعيـاده
عيادة الجهيلي
21-12-2011, 04:51
عباة الكتف .!!!

وش غيرك تلبس عباة الكتف=وبرقعك نازل تحت الوجانـي
هزيتني من قبل هـز الـردف=والعلـك بفمـك ذاب يافلانـي
ورموش عينك فوق خدك صف=والفـم ياخاتـم سليمـانـي
والراس لفـه ياغناتـي لـف=هذا وهـو ملفـوف نسانـي
ابقضته اروح سحر وعطـف=اقول قضـه عمرنـاء فانـي
لاترفع الغره ابـراس الكـف=الشمس تطلع والمساء دانـي
مالي بغيرك ياحياتـي شـف=انـا معـك بالعالـم الثانـي
حرفي وحرفك كلهم في حرف=ارفق بحالي لو علـى شانـي
عيادة الجهيلي
28-12-2011, 03:43
الدوله وبرج التجاره ........................!!!

البارحـه باالـدور واحــد وعشـريـن=قريـت شـرح المصطـفـى للطـهـاره
وعرفـت توضـيـح التيـمـم بقوسـيـن=حـنـا حـمـيـر .؟؟؟؟؟؟؟؟؟ حـمــاره
واكـبـر دلـيـل ان الغـنـم والبعـاريـن=اشهـر مـن الدولـه وبــرج التـجـاره
خليجنـا واحـد علـى ميـن ياحسـيـن=خـلـيـجـنـا لـلـثــرثــره والاثــــــاره
يـاراكـب الـلـي مركـبـه للسلاطـيـن=بـي ام .. لـون البـدي غيـر الغمـاره
صمـم لتوصيـل السمـو والعروسيـن=خــارج نـطـاق التغطـيـه والانــاره
مراتـبـه فيـهـا مــن الجـلـد نـوعـيـن=تسـكـيـن لالام الـظـهـر والـحــراره
فـي وقفتـه تاريـخ هجـري لحطـيـن=وفـي مشيتـه فزعـات شمـر لـجـاره
فـي مقدمـه اشـوف هـايـس ابثنتـيـن=قرب البعيـد وشخـص يؤخـذ ابثـاره
امرايتـيـه كـفـيـي امـــام المصـلـيـن=لحظـة تأمـل كيـف وقـت احتضـاره
في داخلـه درس المبـادئ بوضعيـن=تعريف علـم النفـس بسـم الحضـاره
يعنـي كـذا... ملعـون جــد القوانـيـن=امـن الطـرق يفتـح طريـق المسـاره
حرك ومن حرك سألني على وين.؟=هزيت راسي .! قلـت ابـي للـوزاره
للنائـب الثـانـي صـعـوط المجانـيـن=نايـف ذرى الخايـف يكـفـي وقــاره
فـي عينـه اليمنـى غنـات المساكيـن=وفـي عينـه اليسـرى تقـادح شـراره
امصافـحـه يــزرع ابكـفـك بساتـيـن=ومشـاهـده تـجـنـي بعـيـنـك ثـمــاره
عيادة الجهيلي
30-12-2011, 01:14
السحابه ..................!!

يا ناشدٍ عنـي تـرى حالتـي عـال=طيب ومن طيبـي لحقـت السحابـه
حتى امطرت فوقي وعنَّـزت للفـال=وزرَعْت في صحرا المواعيـد غابـه
خليت صدقان الرخاء بين الانـذال=وخاويت من بشت الحساوي زهابـه
وشربت من يمنـاه يابيـص فنجـال=يطرد اعماس اللـي طوتـه الكئابـه
مورسدس مركوبي على هقوت ارجال=من شان ناصل مـن زمانـه غدابـه
ناقف معه بالفعـل ونعيـد الافعـال=مع واحدٍ صلْف الهبايـب صطابـه
الطيـب كايـد ياكبيريـن الازوال=أمـا كـذا ولا عساهـا خـرابـه
وياناشدٍ عني ترى الوضْـع مـا زال=طيب ومن طيبـي لحقـت السحابـه
عيادة الجهيلي
05-01-2012, 01:54
905 !!

خمسه ثلاث اثنين خمسه ثلاثه=باقي بعــد رقمين ياهـــــل الحديثـه
تسعه صفر خمسه طـريـق الاغـاثه=والناس من حــولي وجيهن غثيثه
الخبث فيهم قبـــل وقـــــت الخباثـه=يعني على ماقيـــــــل نـاسٍ خبيثـه
ام التــــراث اللـي تخلـــــي تراثـه=ماضنتــــي ســــود النوايــــا تغيثـه
البارحــه محمــــود باعـــوا اثاثـه=واصبح يجـــث الشائبه والجثيثـه
بين السماء والارض بيت الحداثه=ملعون ترثه قبـــــل يلعـن وريثـه
ابسئلك ضــوء العـــرب وانبعاثـه=وش دخلـــه بالقائمـــة وتحديثـه
عيادة الجهيلي
13-01-2012, 09:46
يمكن ...! الليله اجيك !!

شوفني .. صحراء العذاب .. اللي نبـت فيهـا عذابـك=شوفني .. رمـل النفـود ..اللـي يبـي قبضـة يديـك
شوفني .. نار الغضى .. اللـي تنتظـر جلسـة جنابـك=شوفنـي.. غيمة سماهـا .. والأمـل واقـف علـيـك
تذكرين الحـزن فينـي .. مارحـل .. لحظـة غيابـك=اذكـرك .. وعيونـي اللـي .. ناظـرت لـك ترتجيـك
لأتغيب ارجوك .. لـو غـاب الغـلا .. لحظـة عتابـك=لوتغيب .. ارجـوك خذنـي .. ضعـت بغيابـك ابيـك
علمينـي .. مالقيـت مـن الـسـؤال .. الا جـوابـك=انتظر ..! لحظه ..! ويمكن ..! يمكن ..! الليله اجيك
راح ليل البارحـه .. والبـرد .. مـن حزنـي حدابـك=ليـن دفانـي .. سـرابـك .. والعـواطـف تلتقـيـك
اذكريني .. فـي منامـك .. مانسـى منهـو صحابـك=واسئلـي عنـي .. ثوانـي .. شوفنـي مجنـون فيـك
عيادة الجهيلي
16-01-2012, 11:01
نـــــار وجمـــر !!

البارحة سامرت حسراتي على ضو القمر=في صحصحٍ لاجلي بكى من قصة الحب القديم
اهيم بالصحراء واناديها وانا نار وجمر=من حر مابي ياعظيم الطف بحالي ياعظيم
حتى الوطا تبكي معي وتقول فوقي لاتمر=يكفي دخيلك ماتحمل ضيم بعيون اليتيم
انا اتحمل كل شي تكفين ماباقي عمر=بس احضنيني بكل وادي دام في وجهك اهيم
لاتتركيني مالقيت الا عناقيد التمر=يسفح عليه الرمل وجروحه مثل جرحي مقيم
اضحك على نفسي ودمعي فوق خدي منهمر=العقل بالجسم السليم ولابقى جسمٍ سليم
اضيع بغيابك واغنيبك على جمر السمر=والقاك ضايع في غيابي تنشد القلب الحشيم
عيادة الجهيلي
18-01-2012, 12:53
همـــه ومسباحـــه !!!

يضيق الشايب اللي في زوايا غرفته مقهور=يموت الفين مره مادرابه غير مسباحه
يوسع ضيقته موعد خذاه لشوفة الدكتور=عسى يلقى احد من صحبته يكشف عن جراحه
يبي منهم عتب يكفيه عن وقت(ن) عيونه عور=يبي ذيك الوجيه اللي مضت لو يرجع صياحه
تلفت مالقاهم والامل خانه بضيم وجور=رجع بهمومه اللي من عذابه مالقت راحه
مشى وقت الضحى في عتمة عيونه وحزن النور=بكى لان الزوايا تحجر الشايب مع اشباحه
دخل رغم التعب في غرفته والعالم المهجور=وقف لحظة تئمل مع هبوب الصيف ورياحه

جلس في غرفته ضايق ومن ضيقه وقف مكسور=يدور في زوايا غرفته همه ومسباحه
عيادة الجهيلي
19-01-2012, 05:20
.......... شــوق .......... !!!

اجرحك ياشوق وبحث عن ملامك=انت بس اللي على قلبي تمون
عاشق(ن) ولهان بعيوني مقامك=في محبتكم انا كلي جنون
ياحلو صمتك ويامحلا كلامك =ياحلو ذاك الزعل فيكم حنون
بس انا ابغى لاتلقينى سلامك=والعتب راضيه لو صدقك يخون
في حضورك زاد حبك واحترامك =وفي غيابك قمة احساسي تكون
انت نور الحي لو خيم ظلامك=كيف لو نورك يبين للعيون
جيت لك وبصدق طامع في غرامك=احضنيني شوفي انفاسي دخون
الحمام اللي كسب غمزت حمامك=طار في جوفي وغنى في شجون
عيادة الجهيلي
20-01-2012, 08:42
يـاقـــوس ........!!!

ياقوس سهمي من سبايبك منحوس=ياقوس خبري فيك ماهي صفاتك
الدم بعروقه له اسنين محبوس=شد الوتر مدام هذي غناتك
خذاه قبل ماترتفع باالسما روس=وتندم على كل الامل في حياتك
ياقوس فزاعتك معي فعل محسوس=لالا تخربها معاي امنياتك
ياقوس لو فعلي معك صار منكوس=انا الوحيد اللي يجمع شتاتك
ياقوس يوم العشق في رميتك بوس=ماطاوعك سهمك وطاوع شفاتك
واليوم ترمي والسهم فيك معكوس = 2باالميه مقدر نجاتك
عيادة الجهيلي
22-01-2012, 05:29
من تــكون ...!

ماذكرت مـن الوفـاء .. الا .. عيونـك=كيف تنساني .. وانا كلي .. ذكرتـك .!
العواطف .. في لقـى بعـدك .. يبونـك=شُوفها خمره .. وانا فيها .. سكرتك .!
والله ان دمـوع عينـي .. يفقـدونـك=تذكر انـك .. لامسحتيهـا .. شكرتـك
وين رحتي .؟ شوف انا .. فوضى بدونك=ضعت .. حتى في ضياعي .. انتظرتك .!
اشتهيك .. اغليـك .. حلقـت بجنونـك=اعشقك .. اهواك .. في ليلـي سهرتـك
الطريـق اللـي يودينـي .. ظنـونـك=اعبـره .. لاشـك .. ظنـي ماعبرتـك
انت .. مدري من تكون..! وكيف لونـك=والأكيد .. انـي .. دخونـك لو خسرتك
عيادة الجهيلي
27-01-2012, 07:47
بـيـتـكم مـهجـور ..................... !

على ذكر الامل مريت بيتك يالعيون السود =لقيت اغلى عبارة كنت كاتبها على بيتك
سهم لكن قلبي مختفي ما هو معه موجود=سوى قطرات دمه باقيه وتقول حبيتك
سئلت جدار بيتك وين قلبي قال لي مفقود=بصمتي مختفي خايف غريبه كيف صحيتك
تجاهلته وانا من كلمته للصبر فيني حدود=بكيت وقلت والله في خيالي ما تعديتك
وانا اتكلم معه شميت من شباك دارك عود=غريبه بيتكم مهجور ريحة عود شميتك
دخلت لغرفتك بعد الإذن من بابك المردود=لقيت حروفنا في غرفتك وهناك ضميتك
لقيت انفاسك اللي تحترق فيني بها موعود=وضميتك على صدر الامل وبهمس ناديتك
عيادة الجهيلي
30-01-2012, 01:52
صــح وخـطـا ............!!!

صح وخطا.. ولا خطـا.! تتبعـه صـح=او صـح يتبعهـا خطـا.. للاحـاطـه.!
رقي.. بقول اريـام.. يعنـي هنـا جـح=والاحمـدي مطلـوب يحْضـر ابساطـه
النفط واجـد.. والعـرب صابهـا شـح=واكبـر دليـل المنتـخـب واحتيـاطـه
كحيت... كـل المجتمـع حولنـا كـح.!=من (بـاب) حبـي للوطـن والعباطـه.!
قالوا تعـال... وقلـت انـا.. يافهـد رح=فوقي رخام... وتحـت رجلـي بلاطـه.!
جاني فهد... صوته من الضحك منبـح..!=(عانوك) لكـن..! فـي مكينـة خياطـه
لاواهنـي... اللـي مـع صويحـبـه دح=برض(ن) خلاء... فك الرسن وارتبااطه..!
عيادة الجهيلي
01-02-2012, 06:26
صــدام الـبطـل !!!

حـي الجـواب وحـي مــن سـلـم الـخـط=حي البطـل اللـي علـى الطيـب ساطـي
ابـوك سـاس الطيـب ياالذيـب الامـعـط=وانـت الـذي للطيـب سـاحـل وشـاطـي
قــم يانديـبـي فــوق جـمـس(ن) تسـلـط=عـلـى الـــدروب الـكـايـده دوم يـاطــي
ادعس على بنصه مع الضغط وضغـط=زر(ن) يمـيـنـك لا وقـــف احـتـيـاطـي
وياسـايـقـه مـــن سـرعـتـه لا تلـخـبـط=ركـز علـى التمثـال وانــس المـواطـي
ولياانـحـدر كـنـه اشـهـاب(ن) تسـاقـط=جـــي ام ســـي وفـيــه زاد ارتـبـاطـي
ولامن طلع مع طلعت(ن) يشبطه شبط=الـزيـر سـالـم يــوم وقـــت الشـبـاطـي
وليا تواسـى الخـط مـع لامعـت الجنـط=مايعـتـرف بـااقـوال حـســان غـاطــي
ماقـيـمـة تـكـفـوون قـطــو نـبــي نـقــط=فـــي قـيـمـة هـــم وعـنــا وانـغـبـاطـي
مايـشـتـريـه الــلــي عـيـونــه تــلاقــط=فـي ساحـة الخضـره يبـيـع الطمـاطـي
ولا شـافـه الــردار مايـعـلـن الـضـبـط=الـجـمـس حـــر وانـتـبـه ياانضـبـاطـي
مـالـيـة الـدولــه تـعـافـت مـــن الـنـفـط=مـن سبـتـه تبـنـي اقـصـور وشـواطـي
هــذا هــو المـطـنـوخ يـاخــذ ويـقــرط=الـصـح يصـلـح والخـطـا رد خـاطــي
مايـعـتـرف بـالـنـد والـضــد والـربــط=ولاحــط لــه سـلــه لـشـيـل الشـنـاطـي
من بوش تصديـره علـى الباخـره حـط=فوقـه اشـراع وتحـت بطـنـه ابسـاطـي
عـــزالله انــــه باالـمـواجـيـب يـشـتــط=افـعـال ضــاري باالسنـيـن القـحـاطـي
ويـاسـايـقـه مـابـيــك فــوقــه تـضـبــط=ولابـيـك تـبـلـش راعـيــات المـغـاطـي
ابـيـك (صــدام البـطـل) عـابـر الـشـط=اللـي مسـح جـيـش السـلـق باالبـلاطـي
وتلفـي عـلـى الـلـي للصعيـبـات يقـلـط=يـــوم الـعـفـون افعـالـهـم بنـحـطـاطـي
قـل للصعيـدي لاغـدا الــلاش واسـبـط=انـــا خــويــه ولا عـلـيــه اشـتـراطــي
خـوت شــرف مـاهـو مـخـاوا جحـلـط=الـلـي هدفـهـم يـابـن الاجــواد واطـــي
عيادة الجهيلي
03-02-2012, 12:40
هذه الابيات ارد فيها على قصيدة ( اسمحيلي ياالغرام )
للشاعرالأمير نواف بن فيصل آل سعود .
اتمنى أن تليق ببعض من استحسانكم
تشتــكي لوســادتك!!!



تــشــتــكــي .. لــوســـادتـــك دنــــيــــاك .. وتـسـمــعــهــا تــــنـــــوح=بـس انـا.. لـو اشتكـي.. شكـواي.. مـن هــو يسمـعـه.؟
لا وســــايـــــد.. لاعـــبـــيـــد.. ولاتـــضـــاريـــس.. وطـــــمـــــوح=لامــــطــــار.. ولاتــــذاكـــــر.. ويـــــــــن حــــتـــــى الامـــتـــعـــه.؟
شـف انـا .. حظـي يقابلـنـي .. وانــا اعــرف .. ويــن اروح=للهمـــوم .. الـلــي زمـانــي .. فــــوق صــــدري يـجـمـعـه.!
دمعـتـيـنـن .. فــــي عـيـونــي.. تــحـــرق عـيــونــي وانـــــوح=آآآه .. لـو امسـك .. عـنـان الـدمـع .. واعــرف منبـعـه
كان .. ياما كان .. في صيف العطش .. برد الجروح=مــاقـــدر يــاقـــف .. مــذلـــة.. كــيـــف يــرفـــع اصــبــعــه..!
الــتــقــدم .. فــــــي شـــمـــوخ الــفــقــر .. مــعــنــاه الـــنـــزوح=والـفــقــر..اعــرف مــقـــامـــه.. وان عــرفـــتـــه .. اقــطـــعـــه
مـاهـقـيـت .. ان الــزمــن قــتــال.. فــــي وقــــت الــوضـــوح=والــزمــن .. فــــي وقـتــنــا بالله .. مـــــن هـــــو يـقـنـعــه .؟
ان صـبـرت .. الصـبـر مـفـتـاح الـفــرج .. يـاصـبـر نـــوح=والـحـقـيـقـه .. لافـــــرج .. لاصــبـــر.. مـفـتـاحــي مــعـــه.!
آآآه .. يـاظـلـم الـوسـايـد .. كــيــف بـهـمـومـك تــبــوح..!=الـوسـايـد .. صـدقـهــا .. مــــن كــــذب .. ذيــــك الاقـنـعــه
الـســهــر .. عـنــوانــي الــدائـــم.. عــلـــى مـثــلــي شــحـــوح=ان وقف .. وقفت جمبه.. وان مشـى .. صـرت اتبعـه
عيادة الجهيلي
04-02-2012, 09:42
الـجفاء شـاعر .....!!!

هلا بااللي اذا شفتـه نسيـت الهـم وايامـه=هلا بااللي خـذا قلبـي وبالتفكيـر مشقينـي
دريت ان الجفاء شاعر يتيم وتتعـب احلامـه=وعرفت ان الملاقا في عظيـم البـرد يدفينـي
ودريت ان الغلا ياويل حالـي تذبـح سهامـه=وعرفت ان الفرح يوميـن والثالـث يبكينـي
انا شخصٍ بدونك ذا الزمن قرب له اعدامه=تعالي قبـل موتـي فـي غرامـك لاتخلينـي
يطول الليل بعيـون الصبـاح ولابعـد نامـه=لأنك فـي خيالـي تنتخـي فينـي وتدعينـي
انا وين ابتدي بك؟ والنهايـه تُرفـع اعلامـه=انا ويـن انتهـي بـك؟ والبدايـه ماتوسينـي
يحبك واحدٍ عض الشفايف واعتق ابهامه=على شانه بصملـك مايبـي يوذيـه ياعينـي
عيادة الجهيلي
05-02-2012, 04:02
http://www.youtube.com/watch?v=x3BlvUpxxfw
عيادة الجهيلي
07-02-2012, 10:34
طــــــــلاع الــــــزميلي .....!!!

مثل طلاع الزميلي على العلياء ورد =
=الفخر يفخر بفعلك وفعلك من عطاه
طيبكم ياسيد الطيب بعيوني رقد =
=لين نساني هل البير وعتقني غطاه
طيبكم ياطير شلوا على صدري صعد =
=كل جرح(ن) دخل الصدر طيبك لي نطاه
يوم ولد الاش عذره بحبات البرد =
=انت عذرك تنطح السيل ماهمك بطاه
اشهد ان امك على العز جابة له ولد =
=تفتخربه كل شمر وتفخر في خطاه
المراجل ماخذيته بشيك ولاسند=
=ولاتسلفته من البنك يفداك عبطاه
الأسد شبله مع الوقت يطلع له أسد=
=علم اللي يمضي العمر ماصحح خطاه
عيادة الجهيلي
18-02-2012, 03:50
http://www.youtube.com/watch?v=tq8f1WUKFtg
عيادة الجهيلي
27-02-2012, 10:44
أحــلا أحــلا ياأمل !!!

ياعسل صنعاء وراكم ماتجيبـون العسـل.؟=العسل من عندكم اصلي من البيت الاسـاس
بس فيه ملاحظه.. بعيون صاحبنـا كسـل.!=التفت لي والرموش السود بأوجانـه مقـاس
قال وش قصدك.! اخاف اني مسبب لك ملل=قلت يمكن.. قال تكفى.! الله اكبر يالحمـاس
قلت لا والله قويـه.. احـلا احـلا ياامـل.!=من متى.؟ هذي جديده.. قال بعيوني انعاس.!
تدري اني كنت احبك.. بس ملعون الخجـل=قلت لالا.. قالت الا.. كاس حبك باالف كاس
قلت اشعاري القديمه.. لو لقيتيهـا غـزل.؟=قالت انسخها.. واحط اسمي واعيد الاقتباس.!
قلت ياعمري تعاالي انكسـر ظهـر الجمـل=ياحديقة صدري اللي مات فيهـا كـل بـاس
انتبهت.! الا انا نايـم.. وحلمـي ماكتمـل.!=حتى حلمي .. لعنبو حيه مثل رحلات ناس.!
عيادة الجهيلي
29-02-2012, 07:58
الفــصول الاربــعه !!!

ياحبيبي .. باالسكون وباالكسر والضمـه=ايه احبك.. وافتخربك .. واتجه لك عاني
وانت.. باالشده وباالفتحـه ومـد الهمـه=دمعتي ليلي قصيـدي هاتفـي عنوانـي
ياغرامي واحترامـي مجلسـي والامـه=ياسوالف حيرتي في دفتـري واحزانـي
من عرفتك اعترف لك .. هاانا باالقمـه=فوق هام السحب لامجني ولاني جانـي
تحت تأثير الغلا والبنج ضحكـت فمـه=ورمش عينه لاغمزلي رتبـة البدرانـي
كل ماجيت انثره فكرت كيـف الـمـه=ياعذابي مـن حبيبـي لعنبـوه اشقانـي
انت .. ياخال الغـرام وسيـرة ياعمـه=ياالفصول الاربعـه ارجـوك لاينسانـي
ياهمومي في طريق بقيق شيلـي همـه=لاتخلينـه امانـه صاحبـي وحـدانـي
ان قتلني قلت ياطعم الشهد مـن سمـه=وان تركني قلت مقدر هاجسي ينخانـي
عيادة الجهيلي
01-03-2012, 06:31
(((( جــروح الجـهيـلي )))) !!!

يا ليل .. ما شفت القمر .. بعد الغيـاب=اصويحبي .. يا ليل .. منهـو عيّنـه.؟
من غيبته .. ذاب الحضور .. من العذاب=اقـروا علـي .. البسملـه والبيـنـه
حبه .. مهو ليلي .. ولا فصل انتسـاب=حبه .. من الروضه .. دروسـي زيّنـه
شربي من عيونه .. وريقه لـي زهـاب=ويديه .. لجـروح الجهيلـي .. حنيّنـه
داويتني .. والحين .. مقطوع ومصـاب=والنـاس حولـي .. يحسبونـه هيّنـه
من قسوة غيابك .. سكن عيني سـراب=اركض على الحرة .. وانا أرضي ليّنـه
ارجع .. حفظك الله .. من كـل إكتئـاب=ادخـل علـى الله .. إكتئابـي طيّـنـه
عيادة الجهيلي
03-03-2012, 09:04
((((( ملك ))))) !!!

هيبـتـك سلـطـان دولــه مـــع مـلــك=او ملـك دولـه عـلـى سلـطـة مـلـوك
كـل ماجـيـت اسئـلـك ويــن اسئـلـك=الـجـواب بـرمـش عيـنـك لعـنـبـوك
مـن عـرف مثلـك حـرام انــه هـلـك=ماتشوف الوضع دحدر في تـبـوك
لـو تشوفـك نــاس فــي عـلـم الفـلـك=في محيـط الفُلـك ضاعـو ودرسـوك
فـيـك مــا لا فـيـك اعـذبـك اجـمـلـك=اجملـك اعذبـك والعـشـق اعشـقـوك
مــن تبع مــلا يـعـرفـك يجـهـلـك=الـمـثـل غـلـطـان شـفـهـم قــــدروك
والـدلــع اقـســم قـســم يـحــق لـــك=زود عــن تـدلـيـع نـفـسـك دلـعــوك
والزعـل يزعـل علـى مــن زعـلـك=لا تضـايـق يابـعـد مـــن ضـايـقـوك
جـيـت والـعـالـم تـقــوم اتـفــز لـــك=ورحت والعالم على اخطاك اتبعوك
عيادة الجهيلي
05-03-2012, 08:27
الــكريم الــرحوم !!!

ان صدقنا .. مع العالـم .. توهقنـا.!=قامت الناس .. تشمت .. يازمن فينـا
وان كذبنا .! نبـي نستـر مواجعنـا=العـرب .. لعنبوهـم .. ماتخليـنـا
كيف وقت العفون .. بساع طوعنـا.؟=وكيف وقت الكريم .. بشح يدعينـا .؟
لا ادبرت .. ادبرت .. محد(ن) بمسعفنا=غيـر رب العبـاد .. اللـي يراعينـا
نحـمـدلله .. وحـمـدالله يَرغّبـنـا=لو جميع البشر .. قامـت .. تعزينـا
ابرهه .. متجه .. وايـوب ينصحنـا=والنصيحـه .. شليلـه .. مايوقينـا
حسبي الله ..على وقت(ن) .. مضيعنا=لو لقينا ..علاجه .. مـن يداوينـا.؟
نطلب الله ..عسـى الله .. مايواخذنـا=الكريـم الرحـوم .. اللـي مسوينـا
واحد(ن) لاذكرت .. اسمه .. يصبرنـا=عن جميع البشـر .. يـارب تغنينـا
عيادة الجهيلي
08-03-2012, 12:35
انـا سـعـودي!!!

انا سعودي طواني واقع الحرمان =ماعاد ينفع سعودي باالسعوديه
عشنا على الجوع ضحكتنا ألم وحزان=احلامنا مابها احلام ورديه
العمر يمضي وحنا كان ياما كان=اثنين شفنا قضينا العمر رديه
اغنى وطن وافقر مواطن لاحتى الان=هذي مباراة من شوطين وديه
لاصار حرب التتر ومصارع الثيران=تطوعوا للوطن محتاج جنديه
وين الوطن ماحضنا مالقينا احضان=غير الملك مالقينا اعمال جديه
نبكي على وضعنا في عالم النسيان=ونعيش رغم التعب فزعات فرديه
الوضع صفر اليدين وحسرت الكتمان=غنت معناة سلوى ياسعوديه
عيادة الجهيلي
09-03-2012, 06:35
((( غـصون الـورد )))!!!

الارض ياصاحبـي .. تشتـاق لخطـاكـم=ماطـاك لاطـبـت .. القيـعـان تحيـهـا
ينبت على خطوتك .. ورد(ن) .. شرب ماكم=وخطـاك بـاالارض .. حنـا .. يامحليهـا
شوف النسايـم .. هواهـا .. مـا تعداكـم=تلتف من حول جسمـك .. ليـش تدعيهـا
كن المسافـه .. معـي .. قامـت تحراكـم=تشتاق لـك .. بعـد شوقـي .. يامعنيهـا
شوقي تشوفه .. بعينـي .. يـوم تلقاكـم=دمعه تحـرى .. يمينـك .. تحتـرق فيهـا
ضمي خفوق(ن) .. تولع .. فـي محياكـم=وجروحه اللي معـه .. بشويـش ضميهـا
خوذي حياتـي معـك .. والقلـب يفداكـم=وخطاك .. لاأقفت .. غصون الورد .. شيلها
عيادة الجهيلي
12-03-2012, 07:48
طــريق خـــريص !!!

راكب اللي .. مع طريق خريص .. رصو بنصه=كنها طلقه .. مـن افـم .. البنـدق القناصـه
سكري لونه .. وفي عسف الطرق .. مختصـه=والاثر .. وهق اثرهـا .. جملـة القصاصـه
بنز .. لاحدك زمانـك .. لاتوصـي .. وصـه=خلها بندق مـودع .. فزعـت .. الرصاصـه
المرايا .. تنصفط .. لجل الهواء .. من نصـه=بنصفـاط امرايتيـهـا .. كنـهـا غـواصـه
الاضاءه الدخليـه .. نـور .. وَجْنَـة حصـه=والاضـاءه الخارجيـه .. مقـدم .. الرقاصـه
والزويا .. كنهـا .. شفـه تحـرى .. مصـه=لا غلط ..! شفة وغد .. يبكي .. يبي مصاصه
لجل مايزعل .. ابوالحارث .. وتصبـح قصـه=ذاك يبغى ذيك .. وعيـادة .. يبـي مخلاصـه
ان مشت .. تكفى يابو طارق .. علينا وصـه=دام ناايف .. وزع الثروه .. علـى الخباصـه
عيادة الجهيلي
16-03-2012, 11:54
تــهــانــي !!!

شفت السماء .. تبرق ..على دارك .. اليوم=اثره .. مهو برق السمـاء .. يـا تهانـي
هذا جبينك .. غازل .. بنجمـه .. نجـوم=والنجم .. يعكس .. شدة النـور .. ثانـي
لاواهني .. اللي .. مع النجـم .. منجـوم=يمكـن .. يشوفـك .. ياحياتـي ثوانـي
شفني على شأنك .. من الهـم .. مهمـوم=أموت .. ويموت الغـلاء .. فـي مكانـي
حتى الغلاء .. من شوفتك .. نام محـروم=إلا اذا أقبـلـت .. قــام .. ودعـانـي
كنه يصحينـي .. وانـا .. شبـه معـدوم=واقوم له .. واظـم طيـف(ن) .. لفانـي
خايف .. يولّـي بـك .. ولاتقـدر تقـوم=واضيع بك .. لو الزمن .. بك .. نسانـي
عيادة الجهيلي
20-03-2012, 10:43
لاتـغـيـر رقـمـك ..!!!

هيه ياللي تتصل بي لاتغير رقمك=لو تغير ما تغير بحتك معروفه
تدري اني قبل ماعرفك اغني بسمك=وبعد عرفي لك ذبحني خنجرك وسيوفه
الغلا فيني سرى يامنيتي مع دمك=ناظري دمك وشوفي عاشقك وحروفه
علميني كيف اوقف لاجل عينك همك=والله اني لاشتري همك وبوس كفوفه
كل ماودعت زولك رحت اسافر لمك=يابنفسج رحلتي قوس القزح وطيوفه
القصايد في عيوني لاستثارت جسمك=كنك تئدي طقوس الحيه المكفوفه
بس اقول احلى كذا لا تتصل من رقمك=بحتك تسوى التعب والعالم الملقوفه
عيادة الجهيلي
03-04-2012, 12:28
لـطيـفـه..!!!

لطيفه يالطيفه.. مابقى باالكون غيـر الكـون=احبك رغم انف الكون.. لو جيتي ولو غبتـي
رسمتك فوق هامات الجبال.. الشامخات عيون=وكحلتك بنظراتي.. وضميتـك علـى بشتـي
انا مثل المطر.. لاريح لابه طعم لابه لـون.!=ولا كني.. ظماك اللي رويتك لـو تمعنتـي.!
غلاي بداخلك.. ياعزوتي ياعزوتي مسجـون=وغلاك بداخلي لوتفهمينـه.. بـه تعذبتـي.!
اسافر في غيابك لم وصلك.. والغلا مجنـون=يرحبي حضورك.. في غيابك ويـن ماكنتـي
معي دايم.. معي كلك وفي كلك انا مفتـون.!=احلق في فضاك.. الله وكبـر مـوت ياكبتـي
احبك ايه احبك.. ختم حبك باالحشى مضمون=غلاك بداخله.. فوق الخيال الوصف يابنتي.!
عيادة الجهيلي
06-04-2012, 05:08
طـفـل يـرسـم ....!!

جبل وادي ونخله والحمامة في سماه تحوم=طفل يرسم خياله من خيال الحب والطيبه
عشَق لون الربيع بداخله ما زار عشقه لوم=و لاكنه كره خبث الوجيه اللي تغنيبه
معه كراسته ما غاب عنها من غلاها يوم=يطالع رسمته في عالم الوحده وتغريبه
تعمّد ما رسم في رسمته فوق الجبال غيوم=يخاف الغيم يقفي والزمان الشين يقفيبه
وتعمّد ما رسم للشمس موقع لين هذا اليوم=يخاف ان المواقع تربط الواقع مع الغيبه
بعد فتر طويله لون الأًسود وحط نجوم=لان الليل بعيونه سهر فكره وتعذيبه
مسح ذيك الحمامة من خياله قبل وقت النوم=يخاف انَّه توقّع في شباك الشك والريبه
عيادة الجهيلي
07-04-2012, 11:14
أجـمع أحـزانـي ....!

افترقنا عن بعضنا .. والعزاء .. وقـت الغـروب=الغـروب .. اللـي مودعنـا .. يودعنـا مـعـه
مانبي طيب الشمال .. ولانبي .. صبـر الجنـوب=دام بشروق الامل .. حـزن .. المـوادع يتبعـه
ان لقيتك .. في عيوني .. تهت .. في ذيك الدروب=وان لقيت الدرب ضعتي .. ياصداي .. ومسمعـه
اجمعك .. قبل انثرك .. وأذوب فيك .. ولا اتـوب=انثرك وانا اجمعك .. بيـن الفصـول .. الاربعـه
اتجاهاتي معك .. ماهي مـن الواقـع .. هـروب=أجمع أحزاني .. وحبلـي .. باالرجـاء لاتقطعـه
الجليد اللي كساني .. ليه من شمسـك يـذوب.؟=دام انا راضي بثلجـك .. ليـش عنـي تمنعـه.؟
كل ماجيتك آمل .. قفيت .. مـع طـرد الهبـوب=والهبايب .. من عزاء فرقـاك .. تاخذنـي معـه
عيادة الجهيلي
10-04-2012, 01:11
يـنـوح الـحـمام !!!

ينوح الحمام بغص(ن) الأشجـار .. ياعـزوز=كأنَّه يذكّـر .. بعـض الأغصـان .. بمزونـه
يطيح الورق .. من فوق صوته .. مهو مهزوز=على شـان مـن شافـه .. بحزنـه يعزونـه
كأن الشجر يقْصر .. وظله .. وقـف مغـزوز=حميّا .. وقف ظلـه .. يخفـف مـن حزونـه
ترابه رواه العرق .. من جذعـه .. المركـوز=وعرقه شرب .. من قسوة الأرض .. مخزونه
تمايل غصونـه .. كنهـا .. تحتفـل بالفـوز=وهي خاسـره .. بـس الهبايـب .. يوزونـه
رحل من حمامك .. كل فردي وتاه .. الجـوز=وظلـك معـك .. بـس .. الحمايـم يرزونـه
توهق حمامك .. في غصونك .. وذاق اللـوز=على غصن غيرك .. هكـذا الغيـر يجزونـه
عيادة الجهيلي
12-04-2012, 09:47
بنـت شمـر ... بخلطـه حاتميـه !!


ياالعنود اللي يذوب الغزل.. من لمـس كفـك.!=والقصايـد تنتخـي فيـك قبـل الشمـريـه.!
الجمال اللي بصفك.. وقـف.. كلـه بصفـك.!=ماالومـه لأن حسنـك ..مسبـب لـه اذيـه.!
ان وقفتي.! شوفي البيض.. كل البيض خلفك.!=وان جلستي.. تاقف السمر.. غصب وعنجهيه.!
من جمالك.. كل الاشعار.. موجـوده برفـك.!=والرفوف اللي بجنبك.. مـن اسبابـك خليـه.!
العنود اسمك.. وحرفك.. هنا مكتوب حرفـك.!=والمصيبـه بنـت شمـر... بخلطـه حاتميـه
لعنبوك السحر.. من هيبتـك.. يركـع لعطفـك=نحمـدالله.. ماخُلقتـي بـوقـت الجاهلـيـه.!
كان صارت حرب.. وانا بعد ماكنت اعرفـك.!=النياح هناك.. وانا هنـا.. صـرت الضحيـه.!
عيادة الجهيلي
16-04-2012, 04:03
الـقـنـاعـه كـنـز يـفنـى !!!

البنوك اللي تحت رحمتـه.. ضعـف الملـوك=الــحــرس مـتـواجــده فــيــه يـامـلاكـتــه.!
السعه باالارض.. ماهي على سطح المكوك=كــل راكــب لاركــب.. دحـرجـو مشـايـتـه.!
ماخذيت الشعر سلفه.. من اصحاب البنوك=امـر سامـي يعتـمـد.. (والجهيـلـي) رآآيـتـه
المثـل والجـاش والقـاف.. ياعيـادة نـخـوك=انتخوبـك يـوم بعـض العـرب.. فـي حاجتـه
من سومطرا.. قصة الجن .. ياوادي تبـوك=جــن شـعـري لانضـرتـه.. (رفــع سبابـتـه)
ان بغوك الناس والنـاس.. اذا هـم مابغـوك=ماغصبـنـا الـنـاس والسوق.. لـــه جـلابـتـه
الحماقـه.! والوقاحـه.! مـع الوقـت تبـعـوك=رحــت ولاجـيـت كـلـن .. مـعـه رضـاعـتـه
القناعـه كنـز يفنـى .. مـع اللـي وهـقـوك.!=والقلـم لاصـار (رصـاص) .! جــب برايـتـه
الكبـاتـن فــي مـطـار انـقـرة ماعـلـمـوك..!=كــل كبـتـن اختصـاصـه عـلـى مـلاحـتـه..!
عيادة الجهيلي
17-04-2012, 12:18
احـمـد بـديـر ....!!


(هم يحسدوني على موتـي فوأسفـاه=حتى على الموت لا اخلو من الحسدي)
الجهل يرفع بيوت النـاس ياأبتـاه.!=والعلم دمر بيوت النـاس ياولـدي.!
احمد بدير..الممثل صار احمد شـاه.!=وكنعان رستم رئيس المجلس البلدي.!
ياويل حالي .. كذا ولا كـذا مأسـاه.!=نجدي وماادراك ماالاحـزانُ يانجـدي
آكل نجوم الضحى واشرب انا من ماه=لاشك هـذي لبـوي وهـذي لجـدي
الطيب كايد يابوعايـد تمـوت إعـداه=والحسد في خافق اللي يلبس الوردي.!
والاانت.. تسوى كلام مسيلمه ورغـاه=يفدونك اهل النجف شيعي مع الكـردي
عيادة الجهيلي
17-04-2012, 08:26
قصيده موجهه للأخ [ سلطان طويرش مفرح الرمالي ] !!

سلطان .. ياسلطان .. للطيـب سلطـان=والطيب .. من طيبك .. وقف في مكانه
حتى مكانه .. عند .. شـرواك رويـان=رويان .. مـن يمنـاك .. هـذا حنانـه
حنانه الفزعـه .. وللفعـل .. برهـان=وبرهان .. فعلـك .. ينتخيبـه زمانـه
يابوطويرش .. كل طيبك .. لي أوطـان=أوطان .. عن جور القهـر .. للامانـه
الحزن .. سافر .. مابقى عندي .. إحزان=هاجر .. وانا مبسوط .. دانـه يادانـه
سربي .. من الفرحه .. تغنى باالاغصان=والغصن .. ورق .. ياالبطل قبل أوانـه
الطيب .. يزها فيك .. يكفي .. كحيـلان=هذا لقب .. عنـدي .. وعنـدك بيانـه
واكبر دليل .. اني .. ليا قلـت سلطـان=تدعي .. معي .. ارض اليمن .. والكنانه
عيادة الجهيلي
21-04-2012, 03:47
عـيـاده أحـبـك ......!!

اشتاق لك واهواك واغليك وارجيك=واموت بك واعيش بك وانتحربك
ادورك والقاك واضيع انا فيك=وولعك نار وجمر واحترق بك
افارقك واخذ يمينك واخاويك=وارجع معك واقول غايب بقربك
اروح لك وانا هنا بين ايأديك=واقفي ونا قلبي على نبض قلبك
مسجون فيني لو مشتبك خطاويك=ووادعك وارحل على نفس دربك
اجاوبك عن حالتي قبل مادعيك=واسأل عليك بداخلي واغتربك
اساهرك واسهر مع الليل وابكيك=واحياء على كلمة عياده أحبك
شوفي غلاك اللي معذب محاكيك=يموت بك ون مات بك ينتحربك
عيادة الجهيلي
24-04-2012, 06:32
لـحـظـة نـهـاايـه!!!

تذكرين .. بسوق روعه .. للهدايا .؟=كنت اشوفك .. في عيوني .. والمرآيه
يوم تهديني .. من الحزن .. الزوايـا=كنت عارف .. أنها لحظـة .. نهايـه
اذكريني .. لوبقـت .. فينـي بقايـا=وان نسيتينـي .. تذكرتـك .. بدايـه
ان حكيتك .. سافرت .. بيض الحكايا=لم طفل(ن) .. يشتهي صدرك .. حكايه
يـوم قفيتـي .. دخلنـا .. باالنوايـا=ليش خطواتك .. تبي تمشي معايه .؟
طيفك اللي .. غيم شوقه .. في سمايا=ليه يكتبني .. شعر .. وانتي روايه .؟
مايكفينـي العـذاب .. اللـي معايـا=العذاب اللـي معـي .. زود وكفايـه
احضنيني .. في خيالك .. عن لقايـا=واذكري .. صورة وداعي .. باالمرآيه
عيادة الجهيلي
01-05-2012, 03:41
( .. يقولـون مـالا يفعـلـون .. )!!!

يزعلـون النـاس.. ولا بعـد ما يزعلـون.!=كـل واحـد فـي جهنـم يجـاوب صيحتـه
بالف ماهر.. والف صنقير.. اذا ما يفهمـون=كل قـرد بعيـن شقـراء.. ظبـي يا ميْمتـه
وقتنـا هـذا (يقولـون مـالا يفعـلـون ..)=واسأل . اللي من قسى الوقت.. بانت شيبته
العرب تدرس مع الخبث غمزات العيون=لاجل توصيل الرسائل وتمطر غيمته
الطيور اللي على لونها ذيك الغصون=خلها توقع عليها وتشكي غيبته
ما ضربنا حساب ناس(ن) على النمه يجون=خايبن وكل واحد يصارع خيبته
ولا حسبنا من ضربنا لهم بنت اللبون=ذيك بنت مخاض هاجت عليها ريبته
ولا فهمت اوضاع منهم علينا يفقهون=كل من يفقه بنا في تهامه خيمته
النزول اللي رقيته يكون او ما يكون=ما نزلته دام فيني تعافت طيبته
الكرم يبغى مراجل ماهي بشقة عفون=مثل (( ابو خوذة )) (( وحاتم )) سمَوا مع هيبته
عيادة الجهيلي
02-05-2012, 04:49
يـزورنـي طـيـفـك ........!! !!!

يزورني طيفك مع الغيم والقاه=يمطر على غيري وتفزع همومي
يثور بركان الغلاء والمعاناه=وعيونك الثنتين ترفض قدومي
حبك روى كل المعااليق واسقاه=وطيور صدري فوق صدرك تحومي
توالفت عندك على الحزن والآه=وطيّرْتها لمّي وهدّت عزومي
قامت تنوح وحزنها كيف اباقواه=وانا من احزاني جفى العين نومي
خل الطيور ارجوك ترجع لمرباه =اما انا ماتحتملني هدومي
اسمك اليا نادوه جاوبت انا هاه=مع قومتك مشاعري لك تقومي
عيادة الجهيلي
04-05-2012, 05:59
عـيـون سـاهـر!!!!

راكب اللي ورّده مصنع الالماني = واحدِ صمم بلوفه على الحنيّه
وقفته كنّه فكر واحدِ علماني = وان مشى شيخِ يتفّل على جنيّه
الرساوه فيه كنّه تعزم احزاني = للمسافات الطويلة وعسف النيه
المراتب كنها جلسة الرهباني = عند كاهن ضاق صدره من السنيّه
مقْدمه صدق الرواية مع الالباني = والعلامة كنها لوحةِ فنيه
والاشارة غمزة اللي رحل ما جاني = اثّر غيابه على شبكة القرنيه
والمرايا كف طفلة ابوها جاني = لا تذرّت في يديها ورا الصينيه
لون موكيتْه هدب واحدِ يهواني = هيه ياعمري نعم انتي المعنيه
بنز لاصك الزمن والغرام أضناني = ما حسبت عيون ساهر مع الامنيه
رص بنصه لم ريمٍ عجز ينساني = العلاقه بيننا من زمن مبنيه
حبها يمشي مع الدم في شرياني =ضخ حبك في وريدي غلاء يابنيه
استمع لك وانتخيبك واجيكم عاني = واندهشبك والعتب يعزفك غنيه
ياصباحي يامسائي وكل اوطاني = ياحياتي مهجتي يانظر عينيه
عيادة الجهيلي
05-05-2012, 10:05
http://www.nshama-shmr.net/up/uploads/images/ns-4c061f6b62.jpg
الـطيـر الـنداوي !!!

لا تصافحني ولا تكتب بيديّه=ما بقى في راحتي حب وهقاوي
شوف احبك تنكتب اكبر خطيّه=دام حبك مات بالقلب الخلاوي
انتظرتك واسئل همومي عليّه=في غيابك شلت انا كل البلاوي
عيني اللي نومها هم واذيّه=وانت ما تدري عن الطير النداوي
سافرت لك هقوتي شوق وهديّه=ما لقت للجرح بعيونك مداوي
في أمان الله يا رحله شقيّه=اذكريني في محطات الشقاوي
دمعت(ن) هلت وبمسحها حَميّه=خايف(ن) يشمت بها ضعف الجلاوي
عيادة الجهيلي
07-05-2012, 03:20
شـفـتـك قـطـره!!!

حلمت بانك مفارقني وانا جنبك=واقول واشبك تفارقني وتدعيني
انا معك ياعذابي كلني قربك=انام في دمعتك واسهر على عيني
حتى اكون الامان اللي تبع دربك=وتكون كل الامل مابينك وبيني
صبري قضى من غرامك كيف ماحبك=اموت بك ياغرامي قبل تحييني
آكلك واشبع بعيني وانتظر شربك=وتطيح من شفتك قطره وترويني
آخذ جميعك معي واطير في سربك=وارحل على متن غيمك والمطر فيني
كل الجهات الثلاثه سافرت غربك=حتى تكون الشروق اللي يصحيني
عيادة الجهيلي
09-05-2012, 12:20
بـيـس وبـيـس !!!


ياعز يامعزي وعزي علـى العـزّ=معتزبـك عـز ومعـزه وعــزّه
يافزعتي ياعزوتي هاجسـي لـزّ=بين الضلوع وهاجس الوقت لـزّه
غزيت بك غزوة بدر جيت معتـزّ=وغزيت بي غزوة احد لأجل غـزّه
ياخال طول وعرض هالأرض تهتزّ=وأنا رسيت بطيـب ذاتـك معـزّه
ياخال يفدونك هل الدبـك والهـزّ=اللي على المرقص كتوفـه تهـزّه
ياخال (بيس و بيس) وابليس مغتـزّ=واليا حضر فرعون فرعـن بكـزّه
بعض العرب يشره على البط والوزّ=وانا بعـد اشـره علـى بـط وزّه
وبعض العرب ياخال يثر به الكـزّ=لاصار حمدي وجار حمدي يـوزّه
طزيّن في حمدي وجاره بعد طـزّ=الـكـلـب نبحـه بيـن ربعـه يـرزّه
الناس بين اقواس فـواز بـه فـزّ=اقواس بين النـاس بسبـاب فـزّه
لاتعتـذر راسـي فلا منـك يهتـزّ=ياهمـلالـي مثلـكـم مايـهـزّه
والا انت هداتك على حافظة رزّ=لاصار نثري وحبـة الـرز مـزّه
عيادة الجهيلي
10-05-2012, 03:32
الـبـحـث جـاري ................!!

مرت ثلاث سنين ما شفت انا عيد=والبحث جاري والعتب في سجلّه
ادري هبوب طويق صارت مواعيد=تجمّعت بكفوف ناسٍ مغلّه
حسبي على بعض العرب والقواصيد=اللي تمشّي رغبت المستقله
ياعيد قفّن بك سراب الجراهيد=مدري طرب غنيت ولا مذلّه
وش عاد لو تغلي نجاح المساعيد=حتى نجاح ابشوفتك مستعلّه
بنات صبيا خضّبٍ البواريد=ولا انت فالح في غلاف المجلّه
ما لي وما لك والوطن كلها بيد=والمعبد البوذي عرفنا محلّه
نبي نهدمه فوق روس المقاريد=لوتزعل الدوله على كل زلّه
هذا هدف سامي والاسماء لبوزيد=تمايمه عندي والاسمر يدلّه
عيادة الجهيلي
11-05-2012, 01:56
أرنــب وضــاعت ................!!

يابنت كيف الحال ياقمة الطيش=بابك تلوّح به هبوب الدرايش
غرك زمانك والعتب لقمة العيش=ياحافيه نخّي ردي الهوايش
لاتحسبين الناس عندك دراويش=سقم الدلع والهستره فيك عايش
كبرك ملاغه وأن حكيتي على ويش=أرنب وضاعت في صفار الحشايش
الغطرسه ماعلّمت عسكر الجيش=لين التواضع يا محل الغوايش
وانتي يعيش عطيش وان عشت ياعطيش=عمارة الدورين صارت عرايش
طيرك غدى مافيه يالبايخه ريش=طايح ولا تبغاه سود العشايش
عيادة الجهيلي
11-05-2012, 05:01
يـثرب ومـكه !!

يا فيصل نجيفان كيف انت وين انت=الناس غنّت بين يثرب ومكّه
وأنا على راس الطويله تباينت=يوم(ن) ولد اللاش جلده يحكّه
المسأله تسأل عن الوضع لاهنت=مدري عبط اوصايب الناس شِكّه
اسئل ابوحارث ونايف انا امنت=قبلي تعرضهم والاقفال صكّه
وادخل على رمزي وانا فيك اعلنت=والحكم من عندك شرف يوم اعكّه
ابيك تعلنها على الدار لوكنت=مخطي تقول ان الخطا مايفكّه
نزّلت موضوعي وردّت وكوّنت=ويشهد عليها كل مجلس ودكّه
وأنا أقول احيان يمكن مهي بنت=اكبر سرى بالصّن شايب مع اكّه
وثلاثة الابيات قلته ولوّنت=هداج تيما ما تحريت بنْكه
عيادة الجهيلي
13-05-2012, 06:09
شــرهــة خــــوي !!

الشعر ثابت فوق نجم الثريّا=وتثبيتكم مابيه مابيه مابيه
ما ضاع خيّال السهر ياالعبيّا=اشره على اللي هقوتي تسبقن فيه
مابيك تفزع يا بو(....) حميّا=انا رويت الشعر والشعر انا ارويه
مرت ثلاث سنين واسمي هنيا=على الشرف والطيب فعلي ممشيه
ومن سبنّا سبّك ويشهد محيا=بافْمك تعلمنا وصارت مشاريه
وعلمتني ان ارتباطك ابْريّا=غلطه ولكن بارتفاعك تغطيه
وتغيّرت والرمز يفرق اشويا=والحين بالرمز المثالي تناديه
الظلم في عين البشر لوتهيّا=فرصه على اللي ما عرف يوم باريه
شفتك مصدق بي سوالف سُميّا=والعام تشكي كذبها ليش تشكيه
نسيت يومك قلت والا ابليّا=بلاش ....!! لو ناخذ من الوقت نعطيه
لوما انت غالي ما حسبتَه كذيّا=شرهة خوي جعل الليالي تنسّيه
انا رحلت ولكن القلب عيّا=والقلب ينبض في غيابي واخليه
عيادة الجهيلي
17-05-2012, 03:50
صاحـــب الفـــاس !!

ياصاحب الفاس .. كسر من ضلوعي .. حطب=وشَبه .. على راس رجـم(ن) .. ليلـة بـارده
خلـه يدفـي .. عناقيـد العنـب .. والرطـب=ويفوح همـي عليـه .. ودمعتـي .. شـارده
الحزن ..من جمرة ضلوعي .. بصمتي خطـب=بما .. رواهو الحزيـن ..اللـي كـذب مـارده
خذيت .. دوار كامـل .. مـع وجـود المطـب=وحكيت جرح(ن) .. بقلبي .. باالخفـى قـارده
حسبي على من يصدق .. ضو نجم .. القُطـب=لوكان .. ضوه علـى راس .. الجبـل فـارده
صحيح .. بعض الوجيه .. اليوم .. تبغى شطب=واحيـان .. ودك كـذا .. تلعـن ابــو وارده
تعبت .. يانـار .. شميتـك بضلعـي عُطـب=لوكنت .. في راس رجـم(ن) .. ليلـة بـارده
عيادة الجهيلي
19-05-2012, 04:40
نــقــطــه !!

ياهم انا جيتك على دخلت شباط=ضايق ومتضايق مع الضغط مضغوط
همي يزلزل طلعت الغاط والغاط=من شدته صدري مفتق ومشعوط
اظروفنا احيان تسعى للاحباط=لا صار ظرفك فوق الأحزان مربوط
وحيان يبقى لك معاناة واشواط=جمّع معاناتك وخذها على شوط
ولا تشكي احزانك على بعض الاسباط=نقطه ...!! وتطلع لك مسارات وخطوط
لو قيل واحد يضمن الجرح ينخاط=لا لا يخيط الجرح باالصمت مخيوط
خلك تجي محتاط وتروح محتاط=أخير من تاج(ن) على الراس محطوط
توزعت اهدافهم جيش ورباط=حتى النوايا وجّهوها على السوط
بعض العرب نية سموّه به افراط=اما انا ...!! ولا مطبّات وشروط
وبعض العرب قفّى معه شيخ الاقباط=يبي يدور له مع الونْق له نوط
عيادة الجهيلي
20-05-2012, 12:25
يــكفي ارجــع !!
ياصباح الورد لو وردك نسى
ياغرام الروح لوقلبك قسى
غيرتك قالت كذاء كيد النساء

وانت تدريبي
وانا ادريبك حبيبي
آآآآه من كلمة حبيبي
شوفها بين الشفايف تبتسملك
وان حكت ضاع الكلام من الكلام
جيتني والا بعد ماجيت كلك
شوف طيٌرتك مع اشواقي حمام

لاتروح بعيد يكفي
لايكون أفراق ثاني
ماينام الليل طرفي
هاجسي لمك دعاني


وأنت تدري
وانا ادري
لاتروح ارجوك بدري

أنت نجمات السماء بعد الظلام
وأنت بعيوني قمر هاالليل كله
وأنت عنواني وحبي والغرام
انت بعيوني شجر قيضي وظله

ياسراب الصمت
لوكذب عيونك
فيك كلي همت
في صحراء جنونك

لاتروح
الروح
من بعدك تروح
يكفي
ارجع
عيادة الجهيلي
21-05-2012, 08:40
بــنت عـبـاس !!

راكب اللي من مطاره اقلعت=كابتنه اقلع بناس(ن) مقلعين
من مطار الحاتمي يوم شلَعت=خشمها صمم على العلم اليقين
كنها شيهانة(ن) يوم طلعت=بالفضاء مالت كما الحر الفطين
الاضاءة لو بعد ما ولِّعت=يكفي اللي عنقها حَبْ الجبين
انا مشت من كبر الارداف ضلَعت=ساقها ما يرفع الحمل المتين
بالفواكه والكنافه دلُّعت=لا حرام انَّه تغدت باالبطين
والسوالف في حضورَه صلّعت=كل همْ(ن ) في وجيه الحاضرين
ان حكت ريقَه توهق وبلعت=ريقها لايستثير الغافلين
رحلتي كانت لجده وخلَعت=لم دار اللي عطتني غمزتين
مغربيه بنت عباس طلعت=وجهتي ضلت هدفها مرتين
عيادة الجهيلي
22-05-2012, 04:35
الوقت علمني الصبر
والهم ماعنده صبر
بين الزويا وقفتي
والدمع بعيوني وقف
يالليل عطني فرصتي
فيها من الماضي هدف

واليوم مثل الامس
والامس مثل اليوم
بكرى تغيب الشمس
وين القمر يانجوم

بس الحقيقه ماتغيب
لان القمر امره غريب
الليل مايدري بحزنك ياقمر
والعمر يمضي آآآه من حزن العمر

وانت المسافه والطريق
مهما مشيت
مابه وصول
ومهما على القمه عليت
هذا نزول
وين الصديق ..؟!

تعبت اجمع في بريد الحب
مافيه حاجه ياسهر تنحب
الا الغدر والكذب بعد الحب
هذي نهايه كل صادق حب


قلوبنا تبكي على الماضي
يوم الرغيف بجوعنا راضي
وين انت مابينت ياصدق الرغيف ..؟
يوم اشتهيك بجلستي فوق الرصيف ..!

كنت اكلك
من دون مااشرب عليك
وكنت استحي واجاملك
لاني بعد فتره انا برجع عليك
واكل من اطرافك وقول بصمت جيتك جوع ضيف

.
.

بقلمي