لغز(ن) جديد ولا يبي زود تفكير ** مدري عسى الأعضاء تعرف جوابه

[عمر الفضلي]

السلام عليكم ورحمة الله وبركاته

هذا لغز للصديق الغالي الشاعر / مانع الشمري

يقول



بنتٍ مهمتها ثواني قليله=لحظة عملها تنكشف بعض الأسرار

تضغط على رجلٍ علومه طويله=وتعطي هل الخبره مكامين الأخطار

وإليا إنتهوا منها تقافا رحيله=ما عاد له يا صاحب العرف مقدار

تحذف وتاتي بنت عمه بديله =وضحت لغزي للفهيمين الأخيار


بإنتظار الرماعه

[عساف نجد]

وعليكم السلام ورحمة الله

يمكن الساعه

[عمر الفضلي]

عساف الألغاز

مالكشي لواااا

[المشرف العام]

لاهنت شاعرنا القدير عمر الفضلي

لغز قوي بالمره ومشـفر تقريباً ولاكن بحول الله يرمعونوه الزملاء

تسجيل حضور استاذي

[ابو ركبه]

يالله قوهم ترونن متباع فقط

انحش :كك:

[بنت السلاطين]

اتوقع طال عمرك وعمر صاحب الغز
انة والعلم عند الله (االانترنت)
وان شاء اللة تصيب

[بنت السلاطين]

والرمعة الثانية
(الطابعة)

[فكاك زمل المخيفات]

صح لسانك ولسان الشاعر مانع الشمري



علي اللغز المليان


عندي رمعتين الاشاعة او اللي يقاس فيها




الحرارة

[الشمااالي]

اتــــــــــــوقع ...... ميـــــزان الجســـــــــــــم

[نافل الغانمي]

مرحباااا ياعمر الله يعطيك العافية على هالغز الملياااان
انا يمكن عرفة الحل بس بلشة بالاسم اتوقع انه هي
أداة خشبية تستعمل لخفض اللسان لأسفل
حتى يقدر الطبيب أن يرى مؤخرة الحلق بشكل أفضل
لا تقول مالك لو عقب هالشرح هههههههههه

[هايدي اليتيمه]

:$ اي وانا بقول مثل نافل ونفس الشرح بعد\\ اي بالحيل خخخ


ماعرفهوش

يعطيك العافيه

[محمد الذرفي]

وإليا إنتهوا منها تقافا رحيله
ما عاد له يا صاحب العرف مقدار

تحذف وتاتي بنت عمه بديله وضحت لغزي للفهيمين الأخيار


ابو عبدالله والله اني خابر الالغاااز مانع قوية وداايماً تحوس تفكيري ولكن ابي اطخ وعسى مايروح طخي بالهوا ههه

ويش راايك في ***ة الحلااقة اللي تحط بالموس

[محمد الذرفي]

ويش السالفه ابي ***ة الحلاااقة ولاتطلع ليه



هههه نفس الشيء

ولكن خلنا نقول مكينة الحلااقة للي تحط بالموس

[عمر الفضلي]

اسعدني تواجدكم جميعا"

ومالكم لواااااااااااا


إلا واحد صح لسانه

[عمر الفضلي]

مرحباااا ياعمر الله يعطيك العافية على هالغز الملياااان
انا يمكن عرفة الحل بس بلشة بالاسم اتوقع انه هي
أداة خشبية تستعمل لخفض اللسان لأسفل
حتى يقدر الطبيب أن يرى مؤخرة الحلق بشكل أفضل
لا تقول مالك لو عقب هالشرح هههههههههه


يا ما حلاها بلشه يابعد راسي


والله بعد هـ الشرح مالي ألا أقولك صح لسانك لو ماهو حله هههههه

طيب ليش ما قلت ( حتى يتمكن بدال (يقدر) عشان تضبط الفلسفه ) هههههههه


صح لسانك يالغالي ولا بعد شرحك شرح:Jl :

[راعى الكتلي]

مساء الخـــــــــــــير
رمعتى الظاهر انها الدخان (الزقارة

[أبو عارف]

حيالله مانع ولغزه اللغز
مع الخيل ياشقراء
هو ماهو الطلقة التي تخرج وتحل محلها أختها وقت إطلاق النار؟


شكراً لك

[نافل الغانمي]

تسلم وصح ابدنك الله يعطيك العافية ياعمر
بس والله مادري رمعتي صحيحه او لا
لاني اشوف الاخوان يرمعون الى الان
بعدين ماعلمتناااا وش اسمه الطبي
تقديري لك

[عمر الفضلي]

مساء الخـــــــــــــير
رمعتى الظاهر انها الدخان (الزقارة


مالك لواا

واللغز حله الشاعر نافل الغانمي

[عمر الفضلي]

حيالله مانع ولغزه اللغز
مع الخيل ياشقراء
هو ماهو الطلقة التي تخرج وتحل محلها أختها وقت إطلاق النار؟


شكراً لك


الله يحييك ويبقيك

مالك لوااا عمي


الغز إنحل وإنتهى

حله الشاعر نافل الغانمي

[عمر الفضلي]

تسلم وصح ابدنك الله يعطيك العافية ياعمر
بس والله مادري رمعتي صحيحه او لا
لاني اشوف الاخوان يرمعون الى الان
بعدين ماعلمتناااا وش اسمه الطبي
تقديري لك



الله يعافيك أخوي الغالي نافل

صح لسانك ولا بعد شرحك شرح يالغالي


والحل /

أداة خشبية طبيه اللتي يستخدمها الطبيب لخفض اللسان للأسفل
حتى يتمكن الطبيب من رؤية مؤخرة الحلق بشكل أفضل

و أنا أطلب من الإداره نقل اللغز لقسم الألغاز المحلوله

تحياتي للجميع

[المشرف العام]

شكراً لك شاعرناالقدير عمر الفضلي

والشكر موصول لشاعرنا نافل الغانمي الذي تفضل مشكوراً بحل اللغز المطروح
والشكر موصول لكل شاركك هذا المتصفح سوا بالمحاوله لحل اللغز أو للإطلاع

تقديري لسمو شخصك الكريم ؛؛؛