المساعد الشخصي الرقمي

مشاهدة النسخة كاملة : ديوان الشاعر / محمد الذرفي


محمد الذرفي
21-11-2010, 01:51
بسم الرحمن الرحيم


اخواااني \ خوااتي اعضاء شبكة نشامى شمر الكرااام

السلام عليكم ورحمة الله وبركااته

عندي مشاركة قصيدة متوااضعة آمل ان تنااال اعجاابكم وان ترقى الى ذاايقتكم الشعرية الرااقية

0000 رااحت فلــسطين وتقفاااه بغدااد!!!

رااحت فلسطين وتقفــاااه بغدااد=حتى اليمن بالحرب حااسو مريره


وحنا نتابع بس تقرير الارصاااد=نبي المطر يمطر على كل ديره


اقولها باالصوت مع كل نشاااد=ماعندنا نخوه وعزه وغيره


لاوالله الاخااب ظني يالاجوااد=واصبحت مع بعض الهنود استشيره


احس بن الهند ياامة الظاااد=اخير واشرف عاااد وانقى سريره


ماخسروا ايا شبر من ارض الاجدااد=وحنا خسرنا ارض مع ارض غيره


مارااح من شبر(ن) من الارض ماعاااد=ياما بعد نحشر بشبه الجزيره


ياحفااد نور اسواار مكة وياحفاااد=اللي مشوبٍْدين نور وبصيره


متى العدو نسقيه من كاااس الانكاااد=ومتى نشب النااار مثل السعيره


ومتى نبل اكباد ونعطش اكباد=ومتى ومتى يالوجيه السفيره


طال الأمد والصبر بالعون مافاااد=شبنا وسيف النصر ذااب بجفيره


من يوم حنا ياهل المنطق أولاااد=نسمع فلسطين الحبيبه اسيره


الغرب سجاانه وصهيون جلااد=والشعب يصرخ والعرب مستذيره


وصداام سطر للعرب نصر وامجاااد=وباعوه لصحااب النفوس الحقيره


ايران عييد يوم صداام ينصاااد=يافرحته وطعون قلبي كبيره


حكااامنا لاهين والشعب بحدااد=والكون جلا شاان ربي يديره

وسلامتكم

محمد الذرفي
22-11-2010, 10:37
اخوااني \ خوااتي اعضاء شبكة نشامى شمر الكرااام

السلام عليكم ورحمة الله وبركاااته عندي قصيدة على ايااام وزير الداااخلية العراااقي الفااارسي الاصل

صولاغ

والانتهاااكااات التي صارت في زمااانه بعد زمااان ابو عداااي
الحارس اللي ذاد عدة سنوات \ بالعيد قدم من حساب الضحايا .. ..



حكامنا ياهل الوفا والمروات = خوضوا بنا غبات بحر المنايا

الارض عطشت لدما والبطولات = فرض الجهاد يشيل كل الخطايا

تكفون خلوا يرجفن المطارات =بسراب ترنيدو تهل الشظايا

خلوا اغبار الارض ملؤ السموات = يما بها يذعن خبيث النوايا

الفارسي صولاغ ساق العفيفات = في مخدع الانذال جرد(ن)عرايا

والحارس اللي ذاد عدة سنوات = بالعيد قدم من حساب الضحايا

ماظل بصدور العرب غير الاهات = وامجاد و لت مابقى له بقايا

تكفى يابو متعب ترى النصر ممات= مادمت ياسيدي تقود السرايا

نبي لنا في ديرة الفرس صولات= نعيد به ذي قار نصر ونكايا

اما نعيش بتالي العمر لذات = والا نموت ولا تباح الخفايا

حنا صبرنا يوم للصبر حزات = واليوم ضاقت من جميع الزوايا

المسلمات المؤمنات الشريفات =ياحسرتي للقوم سيقن سبايا

ماذا بقى عند العرب من كرامات = يادنسوا اعراض بيض(ن) صبايا
وسلامتكم

محمد الذرفي
24-11-2010, 03:56
اخوااني \ خوااتي اعضاء شبكة نشامى شمر الكرااام

السلام عليكم ورحمة الله وبركااته

المشاركة ابياات تلمس جرح في روحي مااالكم بــه يــــد
خـذيــت من كــف الزمن خوش فنجااال .. ..



خذيت من كــف الزمن خوش فنجااال =اقعد صغى راسن جهل بعض الاشوااار



فنجاال ماهو من تراامس ولادلال=ولافيه حتى ريح بن(ن) ولابهااار



فنجااال صحاني على بعض الاحواال=واخفيت فيه اسرار وانبجدت اسراار



ماكنت احسب ان اقرب الناس حيااال=حتى تبين وأنكشف كل ماصااار



لاشك ماني لاضعف الخيل خيااال=اشوم عن بعض المهاجي والافكاار



ياصاحب الموضوع يامعرب الخااال=ان جت كذا والرب لاغااادر الداار



ابعد بعيد عن النذاله والانذااال=وحط شبري مع طويلين الاشبااار



القى مع الاجناااب من يشرح البااال=خيير ولامشي كود مع ناس(ن) اخيااار
الاخيااار شرواااكــــم والله


تحياااااتي لــــــــــــــــــــكم

محمد الذرفي
27-11-2010, 12:57
اخوااني \ خوااتي اعضاء شبكة نشامى شمر الكرااام

السلام عليكم ورحمة الله وبركاااته

قريت قصة ريف وتأثرت رحم الله اموااتكم وامواات المسلمين يارب وعااان الله ريف على فقد والدينه

وجزا الله عمه اللي حضنها على صدره وقت العزا خير الجزا واحسن الله عزاااهم اجمعين

أنا متخر ولكن هذا مايمنعني من المشاركة خصوصً وان ريف له موضوع مستقل

المشاركة ابيااات متوااضعة جداً
يا الهيافا عندكم ريف مصيونه .. ..

يالهيافا عندكم ريف مصيونه =مير للقصة جرى الدمع من عيني



أدري انه عند ناس(ن) يحبونه =مايجيها الظيم وانتم عزيزيني



عاااش عم(ن) شالها من على متونه=وحتضنها في حضور المعزيني



بشروه بخير ياللي تمرونه=رااعي الاحسااان واللطف والــيني



ويعتبرني جيت مع من يعزونه=رغم طول الخط بينه ومن بيني



عاااضك الله والليالي هذا لونه=ماتركت حتى كبااار السلاطيني



كل حي (ن) لازم(ن) تبكي عيونه=وكل حي (ن) ذاااق فرقا المحبيني



سنة الله في عبااده وفي كونه=اصتبر للحكم يابن الشريفيني



ويابو غازي فعلتك جد ميمونه=عاااش راااسك يانصير المساكيني



من فزع لاخيه كااان الله بعونه=والتضااامن عز لــناااس والديني


وسلامتكم

محمد الذرفي
28-11-2010, 02:18
اخوااني خوااتي الكرااام

السلام عليكم ورحمة الله وبركااته

المشاركة ابيات غزله ثلاثية آمل ان تنااال اعجااابكم وترقى الى مستوى ذااايقتكــم الشعرية الراااقية
ابيات غزله ثلاثية .. ..


ياصاحب الخصر النحيل = ياريم مدري شبه ريم
اتعبتني واشغلتني = حراام عملك بي حراام



انساااك هذا مستحيل = مداام انا عقلي سليم
أرجيك لوطاال الزماان = مثلي بحبك مايلاام



زين وشرف وأصل وثقيل = رحماااك يارب(ن)رحيم
ان كاان حضي مادركه = بقول لــدنيا سلام



ان عشت مع غيره هبيل = من عقب ماني مستقيم

ماجابني من ديرتي = الا القرااده لي حزاام




رحماااك يامنج الدخيل = في ضامري مثل الجحيم
يارب لــطفك ياولي = لاروح من سبة غرااام



القرب مايشف الغليل = لوكنت في جنبي مقيم
مايبري اوجاااعي نظر = يصار مافك اللثااام



عزي لـمن يرجي بخيل = مارااف في حاال اليتيم
قاسي ولا يمكن يلين = ولاعاد فاد إبه الكلااام



كااان الوعد بطراااف ليل = يرفضه رفض(ن)مستديم

بسلوب مقنع يمنعن = وحقه علي الاحترااام

محمد الذرفي
30-11-2010, 10:49
اخوااني \ خوااتي اعضاء شبكة نشامى شمر الكراام

السلاام عليكم ورحمة الله وبركااته

ابيااات غزليه عسى تنااال اعجااابكم ولكم كل الود والتقدير والاحتراام
ياجوهرة نجــد رافق غربتي ياسي .. ..

يامتلف الروح قاسي والزمن قاسي=مالينك بعدي اللي عشته السنيني


لاتحاول الضغط والله ماخضع ابراسي=مادام انا وانت في هالكون حييني


راسي على مبدئي ياصاحبي راسي=لو كان ماكان ماغير قوانيني


الوقت مايضعف اشموخي ولاباسي=لازم تعرف الحقيقه يانظر عيني


ان رحت يبقى غلاك يداعب احساسي=لاشك مطرد ورا ناس(ن) مقفيني


ماقول ناسي حشا ماني بعد ناسي=مير ان صبري بهدنيا يؤاسيني


ياجوهرة نجــد رافق غربتي ياسي=عقب الرجا صدتك بالعون تكفيني


كم جيت لك ياغضيض العود عساسي=واليوم ياصاحبي تاهت عناويني


ماودك الاتحطم واعلن افلاسي=يابعد مغزاك ياسيد المزايني


احاول ارضيك وانت اتحاول اتعاسي=شف شاسع الفرق مابينك ومابيني

وسلامتكم

محمد الذرفي
06-12-2010, 02:24
اخوااني \ خوااتي اعضاء عضواات شبكة نشامى شمر

السلام عليكم ورحمة الله وبركاااته

بعض المسايير نكبة خصوصً اللي قلبه خضر هههه
يقول لــه والــده ياعزوة ابوها.. ..

يالب صوتٍ سمعته يوم نادوها=ردت وهي تقصر بصوته عن اسماعي



على الحيا والشرف بالعون ربوها=ماجادلت بالحكي مع كل طماعي



يقول له والــده ياعزوة ابوها=هاتي متاعي وهاتي عزبة الراعي



لــديت يمار هي تمشي ورا اخوها=الله واكبر قمر يمشي على القاعي



غلطت بالسلم مير الناس عدوها=ضيفٍ وعزي لضيفٍ كان مرتاعي



تبخر الحكي وعلومي تردوها=جلست اسولف سوالف مالها داعي



رحلت واقول للي قبل شافوها=لحقــتــكــم مبحرٍ عجلٍ مانا واعي



والمشكلة صرت مع ناسٍ تحروها=وأنا تحرى لصيفي عقب مرباعي



يابري حالي ياناري كيف شبوها=من عقب مارمدت من بين الاضلاعي



لاعاد مسيار سيرته على ابوها=جدد جروحي بروحي وايقض اوجاعي


وسلامتكم

محمد الذرفي
13-12-2010, 01:56
اخوااني / خوااتي اعضاء / عضواات شبكة نشامى شمر

السلام عليكم ورحمة الله وبركاااته

اقدم لــكم ابيات متوااضعة آمل ان ترقى الى مستوى ذااايقتكم الشعرية الراااقيه



ياذا النسم اللي تهبين صوبه :: خوذي لــمعسؤل الشفايف وصاتي

دوب الغرام يودع النفس دوبه=ودك ترجعني على ذكرياتي

ودك تشب النار بالقلب نوبه = يكفيني اللي صارلي في حياتي


كفى كفى تعذيب شفت العقوبه = واللي مضى يامتلف الروح ماتي


كم سرت في خطوات مهي محسوبه =والله نجاني من المهلكاتي


واليوم توبه عن هواء البيض توبه = لاتحاولي ياسيد كل البناتي


النفس كنه بالصدود مغصوبه =وكل عاقل(ن) لازم يسوي سواتي


ان طعت نفسي ماتخلص ذنوبه = اخشى تضيع النفس بالمغرياتي


سفينة اهل الصبر محلى ركوبه = يما بها نظهر لبر النجاتي


لوبه اصعوب احتمل لصعوبه =من شان مايضعف شموخي بذاتي


ياذا النسيم اللي تهبين صوبه =خوذي لمعسؤل الشفايف وصاتي


أقريه من صادق سلامي عذوبه = وقولي محمد مانوى اليوم ياتي


وسلامتكم

محمد الذرفي
15-12-2010, 01:56
اخوااني / خوااتي عضاء / عضواات شبكة نشامى شمر

السلام عليكم ورحمة الله وبركااته

هذه الابيات متوااضعة ولكن يجملها ذكر المصطفى صلى الله عليه وسلم
احبك يارسول الله احبك يارسول الله .. ..

هلا والله هلا والله هلا والله هلا والله = هلا والله , هلا والله بطيبة هي وصاحبها
احبك يارسول الله احبك يارسول الله = واحب ارض(ن) مشيت ابها واحب ارض(ن) مشيت ابها
من الطايف الى مكة مروراً حيث بيت الله = الى طيبة ترد الروح اليا وردة مشاربها
عليتس الله ياطيبة عليتس الله عليتس الله = اعز ابلاااد عندي مابعد تسوا مضاربها
لحيثي كل ماجيته تخيل ان رسول الله = يصلي في مساجدها ويخطب في محاربها
وتخيل يوم هاجر له وعاشوا به جنود الله = أبابكراً وعمراً ثم ذا النورين رتبها
ولابنسى علياً يوم قاااتل في سبيل الله = برز في غزوة الخندق لــهـل الشرك وادبها
ولابنساااك ياحمزة اسد الله اسد الله = بأسلااامك قوى الاسلام وعتزت مقااضبها
ولابنساااك ياخالد ياسيف الله ياسيف الله =بكت من غيبتك طيبة وسكاانه ونااايبها
اليامني تذكرت الصحااابه مع رسول الله = ترد الروح لو ان الدموع العين تسكبها
سقاااتس الله ياطيبة سقاااتس الله سقاااتس الله = من المزن الذي تنشا من المنشا سحايبها
وعسى تخضر فيااضً كان يتلى به كلاااام الله = رسول الله يتلوها وذا النورين يكتبها

محمد الذرفي
19-12-2010, 04:54
اخوااني الكرااام مساكم الله بالخير


يا سند هات البوك وكتب وأنا ابوك .. ..


ياسند هات البوك واكتب وانا ابوك = لاتسئلن حتى يخلص كلامي
بالنفس داكوك(ن) وبالبال داكوك = وردن على قلب المشقى مضامي
روابع(ن)ووهام واحلام وشكوك = ياليت لو منهن اعد بسلامي
أليا بغيت النوم كني على شوك = بس اتقلب مهتني في منامي
كني سجين(ن) دونه الباب مصكوك = عليه من بعض القضايا تهامي
مبطي ومعزول(ن) عن الناس متروك = ممنوع من شوف البشر والكلامي
عليه سجان(ن) مثل وجه مبروك =عبدا يروع من يشوفه اشمامي
والله يالولا الشعر والحبر والبوك = يظهر خفى المكنون لوبه حرامي
الا تفجر مثل ينبوب كركوك = من هاجس الايام حامي بحامي
لاشك أسل النفس بالشعر وارجوك = ترفع من احمول الزمن عن عظامي
وعسى تبارك أنت يالقرم وأخوك = وعسى بكم أبلغ مناي ومرامي
وصلاة ربي عد ماقيل مبروك = بالعيد لغلى الناس عقب الصيامي

وسلامتكم


دمتم سالمين

محمد الذرفي
23-12-2010, 02:14
اخوااني / خوااتي اعضاء عضواات شبكة نشامى شمر الكرااام

السلام عليكم ورحمة الله وبركااااته
المزااين والتفاخر والتباااهي .. ..

اغلق التلفاز تكفى يابو ساهي = ماتحمل يافتى كثر اللجاجه
بين وين وبين ماذا وبين ماهي = الضمير الحي غثته السماااجه
المزااين والتفاخروالتباهي = علت(ن) يصعب على العاقل علاااجه
الكوااسر والجواارح والدوااهي = من غزونا برضنا في كل حاااجه
آآه ياشعب(ن)عن اللي صار لاهي = بس يطرد صيدته وسط العجاااجه
ياوراء التفحيط والا بالمقاااهي = ويش حصيله عالمن هذا مزااجه
العدو ياغافين اليوم رااهي = بالسلاح وبالعتاد وبالموااجه
يالــطم موج البحر والكل فاااهي = من بغا المخرااج مايلقى خرااجهوسلامــتــكـم

محمد الذرفي
29-12-2010, 04:55
اخوااني / خوااتي اعضاء شبكة شمر الكرااام

السلام عليكم ورحمة الله وبركاااته

عندي ابيااات متوااضعة في الشيخ الشهم / عبدالله علي العاصي الجرباء

عسى تنااال اعجااابكم
ابيات في الشيخ عبدالله العاصي الجرباء .. ..



ياسلامي على زيزوم شيخ الطنايا = رااعي المجد رااع الطيب رااع الحميه
ترثت العاصي اللي مايهاااب المنايا = شيخ شمر هل الرداات زبن الونيه
لك من الشاعر المخلص جزيل التحايا = رااعي المجد مثلك يستحق التحيه
ياكريم الخصااال وياكريم العطايا = ياسناد الضعيف وياذراء الشمريه
ياخصيم العنيد وياحميد السجايا = ياشجاااع(ن) يخوف مايخااف المنيه
فعلك اللي شهد لك مع جميع البراايا = حي وافعااال جداانك مع الناس حيه
كم خذيتومن العدواان خيل وسبايا = وكم عطيتو ضعيف(ن)يستحق العطيه
كم زبنكم حليف وكم دفنتو قضايا = شايكه مير لاجتكم تموت القضيه
للمحمد شيوخ القوم ساقت هدايا = تطلب الصلح حيث الحرب ناره قويه



وسلامتكم

محمد الذرفي
06-01-2011, 03:05
مساكم الله با لخير احبتي في لله

عندي ابياات متواااضعة جدا
ياسند كب المذاااكر ياسند كبه.. ..

ياسند كب المذاكر ياسند كبه = ابوك من دون هذا ضل سهراني
العين عيا لذيذ النوم ماطبه = حتى اسفر الصبح نوره والشفق باني
هات القلم ياسند والبوك واكتبه = هاضت علي الهجوس وهاضت اشجاني
عب القلم بالحبر يامسندي عبه = حتي يغيير اسطور البيض بالواني
نار العنى با الحشى يابوك مشتبه = وحاول اطفي بنظم الشعر نيراني
لا تسئل ابوك يامشكاي ما سبه = خل السبب خالدآ في طي كتماني
ون كان نفسك هواجيسه تلاعبه = ارجع وتلقى السبب في بوكي الثاني
أقره وغبه عن اقرب واحدآ غبه = عن كل مخلوق من قاصي ومن داني




وسلاااامتكم

محمد الذرفي
13-01-2011, 01:34
اخواااني / خواااتي السلااام عليكم ورحمة الله وبركااته

ابيااات متوااضعة عسى تنااال اعجااابكـــــــــــم


على قبر الامل بــنــيــت واعزاه قصر الياس .. ..


آلا ياتل قلبي تل سبقٍ تله القرناس = كفخ شاف الحباري ونطلق من كف راعيه
على اللي صابني بالهم والتفكير والهوجاس = عقب ماراح خلى بالضمائر جمرةٍ حيه
عقب فرقاه ماطيق الحكي والنوم والمجلاس = اسوج الرجل واسرح معه بالروحات والجيه
اناديها وكنه تسمعن واصدق الاحساس = آلا وابري حالي عشت بين احلام وهميه
على قبر الامل بنيت واعزاه قصر الياس = شمخ بين الحنايا والبناء ميه على ميه
احسب احساب خلي ساكنٍ كنه وراء مدراس = ولاكنه على ماقيل بالمدن السعوديه
حسب تصريح راع الحق من دون الغضي لولاس = اموراً بهذلتني عارفٍ وشي تواليه
سبايب ناس واعزي لمن تجرو عليه الناس = ياكم نفسٍ توفت والسبايب حربٍ اهليه
يانور العين ياغض النهد يالمطرق المياس = أنا مارجيك لكن ماقدرت انساك موليه

محمد الذرفي
07-02-2011, 04:50
اخوااني / خواااتي

السلام عليكم ورحمة الله وبركاااته

عندي ابيااات متواااضعة من الارشيف القديم

عسى ترقى الى مستوااء ذايقتكـــم الشعرية الراااقية
الواااحده من ظهر يوم السبت من عشرين آآآب .. ..

الواحده من ظهر يوم السبت من عشرين آآب = خرجت أوادع روحي اللي تهت من سبااايبه
وااادع مصير الحي يتلاقى ولو طااال الغياااب = مادااام أنا حي(ن)بنون العين مانتي غااايبه
وااادع مثل ماوااادع من الصيف هملول السحاااب = والناس ماتيس تحرى الوسم مع سحااايبه
خفي من الدمعة وحزن أمر السفر وألآكتأأأب = ياروح روح محمد(ن) وغلا بعد حبااايبه
لاتجرحين الصبر فن الصبردرع عن العذاااب = الوذ به عن وقتي الاقشر وعن مصااايبه
ماعندي الا الصبر وأن باااح الصبر ضاااع الحساااب = لخبطت في ذيك الامور الصااايبه والعااايبه
أناعلى خط المحك أما خطأ والا صواااب = الله يوفقني واقول الكلمة اللي صاااايبه
الله يصبرني على ماصاروسوق الركاااب = وقفي وأنا متماسك(ن) لو ان روحي ذااايبه
اضغط على نفسي واقول الاجر عند الاحتساااب = الصمت يمدح والصبر يمدح بعد عقاااايبه
دونت ماكونت من فرقاااه في صدر الكتاااب = وقعت بن النفس ماهي من غراامه تااايبه

محمد الذرفي
13-02-2011, 02:44
مساء الخير للجميع

توجــدت مير الوجد ماينفــع المحتــاااج .. ..

توجدت مير الوجد ماينفع المحتاج = ولا يرجع اللي راح لو قلت ياوجداه
صبرت وقصرت العلم عن هرجت الهراج = على شان لا أفضفض وقلبي يجيب أقصاه
والو ضاق صدري قلت لصابرين افراج = تحمل معي ياقلب والمشتكى لله
مع الهم والتفكير مالي بعد مزاج = تعذرت كل الناس أبجلس معا ذكراه
تمنيت لو موبايلي ماعليه أبراج = على شان مايحصل ليادق قلت اياه
صبرت ويقولون الصبر للهموم إعلاج = وأنا أقول ياصبرن صبرته ماحد يقواه
أصارع مثل من صارع البوت بالأمواج = تعب بالبحروده يعود على مرساه


وسلامتكــــــــــــــم

محمد الذرفي
24-02-2011, 02:19
الــشعب بالصوت يهتف حي عبدالله .. ..


الشعب بالصوت يهتف حي عبدالله = نورت شبة الجزيرة يابن الاكراامي
الحمد والشكر لله والثنى لله = اللي ارجعك سالم(ن)ياسيف الاسلامي
حكامنا غير حكام العرب كله = عدلـين واافين داايم والهدف سامي
ألآمن مبسوط والدستور شرع الله = الله يديمه علينا كل الايااامي
والارض ارض الوحي والدين والمله = أشرف وطن داااسته بالعون الاقداامي
اللي ربا فيه وتربى رسول الله = ومنه انبثق عبر آفاااقه نور الاسلامي
عاش الملك عاش درع الداار عبدالله = عاش الذي للوطن بعد الله الحاااامي

محمد الذرفي
25-02-2011, 02:34
اخوااني اعضاء شبكة نشامى شمر الكرااام
السلام عليكم ورحمة الله وبركاااته
معمر القذااافي يقول لــثوار يالجرذان يابتاااع اللحي
ملك ملوك أفريقيا هااان وانهااان.. ..


ياثورة الجرذان منتـــم بجرذان = لاوالله ابطال العرب قبل واليوم
طرد توا الطليان ويضى المريكااان = أفعااالكــم ماتنسي دايم الدوم
اليعربي يفخر بكــم وين ماكاان = ياحفاد عمر اللي تحدث به الروم
شدوهممكم والفرج قرب آلان = والله من يوم(ن) لـلـنذال محتوم
النصر بذن الله لــكم بيرقه بااان = خوذوه من يمنى ابو سيف مهزوم
ملك ملوك افريقيا هان وانهان = غروه من رزوه في مقدم القوم
الغرب جنب عنه والشعب بركااان = ثار وتفجر عقب ماكان مكتوم
ماياثق بخوااان ياكود خواان = وهذه حصيلة مازرعتوه يارخوم
أهل االلحا صدق وشرف دين ويمااان = اشرااف مهــم مثل لحيتك يالبوم

محمد الذرفي
28-02-2011, 01:18
بواابة الشرق واعزااه مـكـسوره .. ..


بواابة الشرق واعزااه مكسوره = والفرس جونا وحنا ماستعدينا
لاهين بالراالي الملعون والكوره = ومزااين الخبل مشغلنا وملهينا
تبلد احساس شعب الشرق وشعوره = الحرب من حولنا ماكن تعنينا
حتى المنامة حسافه طوقو سوره = ويش الهدف بعدها ياالله تحمينا
اشوف صرعى واشوف الرجال ماسوره = وسمع رجاجيل قالو ليه وش فينا
واشوف حكااام حوول به من اقصوره = طردوا ورا بعضهم لكن تغاضينا
ان ماصحى شعب اخو نوره ياخو نوره = حذرااك حذرااك لا تزعل معادينا
والله ان ياتيك عبر البر وبحوره = وحنا لك الله نوريهم مواطينا
ماعندنا قو باس ونظره وثوره = معنا وضعنى وفررطنا بماضينا
أهل الجلاده شيوخ(ن) وانتها دوره = ياليت نقدر نسلفهم ليالينا
او ليت نرجع الى الاسلام وعصوره = ونحيي مفاهيمنا والدين يحيينا

محمد الذرفي
17-03-2011, 02:19
اخوااني خوااتي اعضاء هذا الصرح الشامخ
السلام عليكم ورحمة الله وبركااته
اقدم لكم ابيااات متوااضعة عسى نتااال اعجاابكم

بعد هذا رحلت ولاخذيت الا معي ذكراااك .. ..



ترا قصر الغرام اللي بنيته يالغضي وياك=وضع تحته دناميتٍ وجيت أنته وفجرته
سواء برضاك والا يا بعد روحي مهو برضاك=بقايا قصرنا الماضي رصيف القصر وشجرته
على الاطلال طل بوجهك المشرق وجر أخطاك=ولايدهشك نثر احطام قصر الحب وغبرته
بعد هذا رحلت ولاخذيت الامعي ذكراك=تسامرني على جمر الفراق وقلَََت اثمرته
عقب ماصار لازم ثم لازم خافقي ينساك=يطول الوقت ياعمري وعمر الحب قصرته
أنا مرجع على الماضي جميع اللي مضى يفداك=ولابكي حلمي اللي هيك حطمته وكسرته
تعوض والزمن قادر ينسيني شبح بلواك=كما نساني احلامٍ نسيته عقب مخترته

محمد الذرفي
30-03-2011, 12:54
اخوااني خوااتي اعضاء هذا الصرح الشامخ
السلام عليكم ورحمة الله وبركااته
اقدم لــحضراااتــكم ابيااات متوااضعة عسى نتااال اعجاابكم
تـضحك على لــهجـتــي ألاء يا مال الذهااااب .. ..

تضحك على لهجتي الاء يامال الذهاب = يحق لك آه ماقد جيت لــدار ظيف
ماتدري اني طرقت بديرتي كل باب = يما تغربت عن دار الاهل والوليف
اربع وعشرين عامِ من سنين الشباب = قضيتها بين سلوى والحساء والقطيف
أغلى وطن دار حاتم طي واغلى تراب = مازورها كود من صيفِ ياحيي لــصيف
ولاأنت بين النفود وبين ذيك الهضاب = مستانساً وسط ربعك كل وقتك خريف
لاواهنيك آجاء ماقد عنك يوم غاب = وان غاب مره اظنك رحت تبغى طريف
لاشك أنا في رجاء مولاي منش السحاب = يعود لي عقب ممحل روض جوفي بريف
ونسى زمان العنى والهم والاكتأب =واللي شكيته من الغربة على شاط سيف

محمد الذرفي
05-04-2011, 01:11
اخوااني خوااتي

السلام عليكــــــــم ورحمة الله وبركاااته

اولاً الحمد لله على عودة المنتدى الى وضعه الطبيعي والله انه ضاااق صدري هاليومين

ثانياً عندي ابياااات متواااضعة

الرجااال تغلى وقعد به ههههههههههههه

تـغـلـيـت أحسب أني لـــــدى حضرتك غاااالــي.. ..



تغليــت أحسب أني لــــــدى حضرتك غالي = لاكني فهمت وقلت ياعلها خيره
يموت النخل لامن تعرض للاهمالي = وتموت المحبه عند ماتفقد الغيره
جفااااك الكرا ياجفن عيني سبب بالي = تدااحم به اهجوس(ن) لــفت دون تأشيره
ارااجع حسابااااتي من اول الى التالي = هذي غلطتي وأنا تحمل فوااتيره
هقيت أنه اشواالي بلا والله اشواالي = تريحت من ضرب المشاوير لــديره
ورضيت وعرفت الان قدري ومنزاالي = وحمدت الذي ماينحمد بالحزن غيره
وطلبته يخفف صدمت الغدر عن حالي = صحيحاً قوي لاشك لازاال تاثيره
جروح الغلى تبقى ولو صاحبه زاالي = تفتح مع الايااام ياجيب له سيره
عسى عقب هذا غايم الجو يصفالي = عسى رتاح من هم الغرااام ومشاويره

محمد الذرفي
16-06-2011, 11:27
اخوااني / خوااتي اعضاء شبكة نشامى شمر الكرااام

السلام عليكم ورحمة الله وبركاااته

بن على هرب ههههههههههه

تحت جنح الظلام وفوق من يطوي بعيد القااااع.. ..



تحت جنح الظلام وفوق من يطوي بعيد القاااع = سريت وهمي اللي من لذيذ النوم سراااني
خويي بالسفر نجم الجدي والجمس والمذياااع = وخطن كن لفاااته وطلعاااته تحدااني
يقولون الرجال افجوجها للغانمين اوساااع = ليامنه حدااني ماحدااني رحت وحدااني
سموم البعد ماحسبه بلحظة ينقلب ذعذااع = لكن ماصار علمني عن اللي كاان يخفااني
مدااام ان المشاعر جااائعة لو البطون اشباااع = عليل النفس لو يشرب وياكل ضل جيعااني
أناتكويني اجروح الزمااان وخدعت الخدااع = طويت ارشاااي عن عدن قرااح وحلت عطشااني
فقير الرااي لايسمع ولايتبع ولاينطاااع = فهذا سلم كل الناس من قاصي ومن داااني
لكن المشكله ثارة بجنبي من طويل اذراااع = رمى في سهمه اللي كاد يضرب حد نيشااني
حسبت انه خطاْ لكن تدركت المرااد وضاااع = وحشمت اللي معي بالبيت من ربعي وصدقاااني
وتغانمت الرحيل وقلت في نفسي بساااع بساااع = قبل لاخربه وصبح على اللي صار ندماااني

محمد الذرفي
27-08-2011, 12:31
الى اخواااني وخواااتي أعضاء هذا الصرح الشامخ أهنيكم بقدوم عيد الفطر المبارك

أعادة الله عليكم بالخير والصحة والعاااافية يارب



عبر منتدى شيخ الرجاجيل أبو غازي.. ..


عبر منتدى شيخ الرجاجيل أبو غازي=أبرسل تهان العيد للخواااني الغالـــين

عساااكم مع اللي في رضا خالقه فاااازي=وعسااااكم تعودونه وقولوا معااااي أميــن
عسى مابكــم شخصاًً مريضاً ومعتاااازي=عساااكم على القوة عزازاً لـــيوم الديــن

كراام اللحى من راااح عنكــم مهو عازي=لــزوماًً يعود لوشقى باالزمان الشــيـــن

مداامي على الدنيا لوأني بمعكاااازي=أبأزوركــــم من حــيــن يالابتي لاحين


وكـــــــــ عام ـــــــــــــــــــــــــــــل والجميع بالف خير

محمد الذرفي
08-09-2011, 12:34
الكراااام اعضاء شبكة نشامى شمر

السلام عليكم

ابيااات متوااضعة جداً
ابياااات.. ..


سريت مع هاجسي عطفاًً على الماضي = وطرقت بيباان ذكرياات مصكوكة
دخلت ركن بحياااتي جانبه ياضي = لياليه خير والايااام مبروكة
كنت بحلاااه ومراره قانع ورااضي = والله ان ودي يعود بورده وشوكة
لكن الزمن مايطيع وقد قضى القاضي = سبحان من لــه نفوس الخلق مملوكة
ماني من الوقت ولاقداار مغتااضي = مسلــم وأعرف ان امور الخلق محبوكة
لاشك هجسي يشقر بي على الماضي = وعيش لحظاات حول ابوي وسلوكة

محمد الذرفي
24-09-2011, 03:10
اسعد الله قلـــوبكـــم
أنا بدوي واللي هويت بدويه.. ..


يا ابو فرج ياليت لي مــقـدريه = على هجر يامسندي ديرة السيف
مير البلا ياخوك بالــعـسكريه = ماعاد لي فرصه ولالي محاريف
مسجون بامر اللي يقود السريه = ماهي على ودي ولاهي على الكيف
أثــر اليالي ياتليعان سيه = نمشي لها بالغـصب يامـكـرم الضيف
لا واهني من داج بارضٍ خليه = في بر يطرقني هبوب الشفاشيف
في ديرةٍ عذبٍ هواها نقيه = مابه سوى الغدران والصيد والريف
وايضا اتمنى شوفة الشمريه = اللي جرالي من غرامه تــكــالــيـف
ابو جديلٍ طيةٍ فوق طيه = داف الحشا راع الثمان المراهيف
أنا بدوي واللي هويت ابدويه = شمال من حائل وشرقٍ من اطريف
اللي كوت قلبي بتسعين كيه = مافيهن اللي لاقرب الناس قد شيف
اقول ياتليعان لا ماعــلــيه = وانا ضميري كن يــركز به السيف
اخوك ما يضعف اعزومه قويه = ولا يبدي اسراره لناسٍ ملاقيف

محمد الذرفي
26-09-2011, 08:06
اخواااني الكرااام

السلام عليكم ورحمة الله وبركاااته



ميسم(ن) حااامي ورا ميسم(ن) حااامي.. ..





شنت الغرااات من قبل لانامي=من تحالف هـــم قلبي وهوجاااسي


ياعناااي وياهجادي من اكعاااامي=التحالف صلب واحلى الزمن قاااسي


ميسمٍ حامي ورا ميسمٍ حااامي=ياسمون الكـــبد وتضيق الانفاااسي


الفرح خلفي والاتراااح قدااامي=آه ياحضاًً تعود على الياااسي


أنتهت محاسن الوقت باحلاااامي=مابقى غير اصبغ الشيب في رااسي


كـــل ماجيت اكرب الظّهر بحزااامي=ارتخاء وأنا أتمشى ورا ناااسي


مثل حااالي لو ترك شيء ينلامي=مادروا باني وحيدٍ ومنحاااسي


أحترق من دااخلي كل الايااامي=واصنع البسمة لمن شفت من باااسي


يامتون الوقت يافجح الاعواامي=وش بقااالي حيث اعود على ساااسي


كـــم مسكت البوك وأتلفت الأقلامي=وكـــم كتبت الشعر في صدر مجلاااسي


وكـــم شكيت افرااق غالــين واكرااامي=لو يطول العمر ماني لــهم ناااسي


عشت ضااامي فيك و أموت بك ضااامي=التفاءل مات والشؤم نبراااسي


التشأم ذنب في دين الاسلامي=ارتكبته غصب من ثورة احساااسي

محمد الذرفي
27-09-2011, 12:44
مسيم(ن) حامي ورا ميسم(ن) حااامي

جاراء القصيده الشاعر / فايد عبدالله الشلاقي الشمري

وهذا كلام الاخ فايد والقصيدة


السلام عليكم ورحمة الله وبركاته


كم يعجبني هذا الشاعر رغم قلة دخولي للمنتدى ولاهو قصور بشعراء وشاعرات المنتدى يعلم الله اني اكن لهم كل الاحترام والتقدير
وكلهم شعراء ومتمكنين ولكن هذا الشاعر له وقع خاص في نفسي فحبيت ان اجاريه بهذه المتواضعه
مجارااة الشاعر فايد عبدالله الشلاقي لي.. ..



حسب عرفي فى هوى الشعر والمامي=وكثر ماتكتب يميني بالاطراسي

وكثر ماقالو اهل نجد والشامي=وكثر ماشربو هل البوح من كاسي

انك العد الذي يسقي الضامي=مثل هداج الذي يزهم الناسي

من وقع في بحر شعرك فلا عامي=حذره عند الغرق دق الاجراسي

المعاني لاحبكته بالاقلامي=كنه الياقوت والا من الماسي

والهدف لامن ضربته بعد رامي=تضرب الشاره على وزن وقياسي

والتسلسل يرمز لسرد الافلامي=في مسلسل والبطل للخطر داسي

لو قرا غسان شعرك بالاعلامي=سلمك بيرق هل الشعر من راسي

من تتبع كل ماقلت مايلامي=حيث شعرك يعانق الذوق واحساسي

واخره صلوا على خير الانامي=ارسله ربي من اللطف بالناسي




صح الله لساااانه والصراااحة اعطاااني اكبر من حجمي الحقيقي والله

تحياااتي للجميع

محمد الذرفي
05-10-2011, 10:22
اخوااني / خوااتي

السلام عليكم ورحمة الله وبركاااته
ياقاااااضي إيــبــست جارك ربي الحاااضي.. ..


ياقاااضي الحب وين الحب ياقاااضي = لاترفع الضغط قلبي باااح مكنونه
اللي عشق خااافقي اصبح من الماااضي = مابااقي(ن) غير ذكرى نظرة عيونه
علمي بها في سموماً عقب مقياااضي = على قليباً فلول البدو يردونه
لاتتهمن في بناات السوق يالقاااضي = ماني من اللي يضع نمرة تلفونه
ان شفت حالي من اضغوط العمل فاااضي = اروح للبححر وشك الوقت وطعونه
آقف على الشاطي انظر كني ارياااضي = هيهااات ماطب مع ناساً يطبونه
ياما سناء هاجسي في خافقي ناااضي = حبست نفسي بياااساً توحش الركونه
ماظن من ينطفى ياصاحبي ياااضي = ياعل ربي يعوض النفس من دونه
رااضي على ماجرى والا مانا رااضي = هذي مكاااتيب والدنيا هذا لونه
ان كنت مبسوط والا حيل مغتاااضي = ماغيرت سنة الرحمن في كونه
ياقاااضي إيبست جارك ربي الحاااضي = ياعل محتاااج لك فزعه ولاعونه

محمد الذرفي
06-10-2011, 03:02
اخواااني الاعزاء

السلام عليكم ورحمة الله وبركاااته
هـد هـد سليمان جاااب العلـــم من تااالي.. ..


هدهد سليمان جاب العلم من تاااالي = أفادني في أموراً كنت تخفيها
ياطارشاً يم ديرة سمح الاقبااالي = معك الامااانه وصلها لراااعيها
شفها تحت فرشت الطبلون يالغااالي = احرص عليها وسلمها بياااديها
وكفى كفاااك الولي ياطيب الفااالي = من شر الايااام وعجااالة لياليها
وهي تفهم ارموز حرف الميم طوااالي = خله على رااحته تقرأ بلي فيها
ماني على الرجل حااافي جيت خيااالي = واروح والبكرة الوضحى متقفيها
من خلقتي ماشرب أي شخص فنجااالي = واليوم أبا شوف من يقدر يسويها
نداً لمن صار فوق المرقب العااالي = اللي غلظ خاطره والنفس مطنيها
سحقاً لمن لم يجود بعمره الباااالي = ومن دون ماترغبه نفسه يهديها
وتباً لمن قااال هذا صااابه اهبااالي = هو مادرا النار تحرق رجل وااطيها

محمد الذرفي
08-10-2011, 12:26
كماهي ولكم كامل الحرية في التعديل او الحذف اذا لزم الامر
صقور البطل نايف تشيل الجمى والضرس .. ..



مدحورين يرذال العرب يأذناب الفرس = وعليكم من الله لعنة(ن) لين يوم الدين
صقور البطل نايف تشيل الجمى والضرس = تدااوي تعالج تكحل العين بعد العين
نفوساًً غرس به حب قمع المعادي غرس = تربت على قمع العدو والولي معين
تهرس الحبوب اللي بروس المطنخ هرس = وعسااكم تعودونه وحنا بعد رااضين
لجل عين من حطت على شفتيها الورس = نعبدكم الاصنام حتى نجاد يلين
نعد لمواجهكم ثقيل القنا والترس = ثقلين وزن وباس للحمل شيالين
واحدنا ليامنه مسك مضربه قلنا ارس = توكل على الله واضرب الجاحد المهين
صبرنا وعدّينا وقلنا استفادو درس = لكن الجماعة قادهم ماكراً لعين

محمد الذرفي
20-10-2011, 05:13
اخوااني / خوااتي اعضاء شبكة نشامى شمر

اسعد الله قلوبكـــم

ابيات أمل ان تنااال رضاااكم
كـــم لــي وأنا بنتظارك جـيـت من بدري!!..



كم لي وأنا بنتظارك جيت من بدري = متلهفاً للقى والشوق حادينــي
تدري وأنا دري تبي تقول لــي مدري = حيث التغلي سلاحك يانظر عينــي
يا نار الاشواق في صدري وياصدري = خلك شمااالي وفوحك لايقزينــي
وأن كااان رااع الوعد ناااوي على غدري = مافيه بالكون من يقدر يوااسينــي
ماجيت أدور الردى وحط من قدري = واللي عشق خااافقي مامذهبه شينــي
عفيفة العرض وصل الاصل ينحدري = من لام يوم القى سقم المعادينــــي
أي والله ابغااااه واللي مادرى يدري = واصبر على نار وعده حيث تكوينــــي

محمد الذرفي
24-10-2011, 01:49
رااح سلطان لاكن باقية ذكرياااته
كـــم لــي وأنا بنتظارك جـيـت من بدري!!..




سيّد الجود يوم السبت تعلن وفاته = احسن الله عزاء سكان شبه الجزيره
ناحت ارض العرب من شامها لاسراته = تبكي الغيث اللي ياما بها حط خيره
راح سلطان لكن باقية ذكرياته = في قلوب العرب دايم تذكر مسيره
عاش امير امحبوب ومات لكن مماته = ماقتل حبنا له يالوجيه السفيره
أشهد إنا فقدنا فارساً في صفاته = وأشهد ان المواجع يعلم الله كبيره
وأشهد انه خدمنا طول مدة حياته = وأشهد انه خدم دينه باموراً كثيره
جعلها في موازينه تزيد احسناته = يوم يلقى وليــه حيث واجه مصيره
واحسن الله عزانا حيث كانت وفاته = ودام عز الوطن بوجود صقر الجزيره

محمد الذرفي
01-11-2011, 07:28
يالب قلبك تبي مسحوب .. !!!

ترسل قصيدك مع المندوب = وتقول وش نظرتك فيني
واقول لك بصمة(ن) واسلوب = احس كنك تناديني
يالب قلبك تبي مسحوب = وأنا ابا اغني لك اهجيني
دايم مزاجي يجي مقلوب = وقصايدي ماتعزيني
يا سـين درب الهوا مضروب = ليه الحيا يانظر عيني
تروح صوب وتجي من صوب = تبي مع الوقت توذيني
عجزت لاعدّيه ها نوب = اغليك واحلف بعد ديني
وقّع على نسخة المكتوب = وردّه علي كان تغليني
وان مارجع قلت يارعبوب = استر على الزين والشيني
تبقى على حشمتك محبوب = مادام أنا وأنت حييني

محمد الذرفي
03-11-2011, 07:04
راح فيها المطوع .. !!!

يقول لــي امطوعاً يقصر الثوب = وشبك على يمة يسارك تلدي
قلت انظر انظر وترك الحكي هانوب = واطلق نظر عينك وشف من يعدي
قال المطوع صار باصدر لاتوب = وهذا جزا حيثي تجاوزت حدي
قلت اعترف لاتعطي الهرج مقلوب = هات الحقيقه ياعقب نسل جدي
قال الحقيقه سرت بدروب ودروب = ماشفت مثله جعل ماله مقدي
العود عود الموز ماجاه لاهوب = في وسط بستاناً يهد ويردي
والردف شال الثوب وتصفّط الثوب = والساق بان وبان مكنون سدّي
والشعر مثل الليل ماهو بمحجوب = فوق الردايف ليت شانه بيّدي
راح المطوع ياصف الزين بسلوب = وأنا استمع حطيت يدي بخدي
رجعت به ومطوع الخير مصيوب = ماهو على وده ولاهو بودي
الله لايجزاك بالخير رعبوب = اصبت منهو للقاء ماستعدي
خذيت معك اذنوب واركبتنا ذنوب = أنا وشيخي باح سده وسدي

محمد الذرفي
04-12-2011, 10:31
السلام عليكم ورحمة الله وبركاته

أنا ومطوعي كمشنا من البرد مبطي ماطلينا عليكم

ماكل مره ياسيدي تسلم الجره ..!!!


واجهت شيخي وقلت ابغا تخاوينــي = يقول والله ماخاويك بالمره
كفى كفى ماحصلـي لاتوازينــي = خوتك باللي مضى مازلت في شره
أستغفر الله ياشيخي أنا اشفيني = وشبه علي مؤجة الارسال مفتره
أبيك في جنبي الايمن تسلينــي = وان عاود اللي مضى يالقرم وان كره
وان شفتني صرت ازوغ إيسار وإيمينــي = احلف وحلفك عليّة حق لابره
ثم قال شيخي وأنا منهو يؤاسينــي = ان شفت حليا عنود الصيد ممترّه
يابري حالي ياحالي من يداويني = كي الهوا مابرد في ضامري حره
انشهــد انك تبي للقبر تدينــي = ماكل مره ياسيّدي تسلم الجره
وان كان مامت شفلي شيخ يرقيني = أكيد مجنون وشبه الريم مسترّه
قلت آه أنا ارقيك يابو زيد هالحينــي = اقرء عليك آية الكرسي كذا مره
بس المهم ياعضيدي لاتخليني = مثل ماخلوا عربنا (محمد الدرّه)
وسلامتكم

محمد الذرفي
15-12-2011, 11:37
ياوااحة العشق بين اغصان سدرك جفل ..!!!


ياواحة العشق بين اغصان سدرك جفل = ضبياً نويت اقنصه مار أنتبه واستذار
زحفت تحت الغصون وفوق نبت النفل = ورميت لاشك حضي ماضبطت العيار
من عقبه القلب في ظيم الزمان احتفل = والياس يهدي على قلبي هموماً كثار
ماكني الا فقير(ن) يستحيّ وكفل = وضاقتبه الا رض من حطوا عليه القرار
اليا غفل قلب ديانه حشى ماغفل = يرسل عليه المساء ويكلمه بانهار
دايم يهدده في باباً وراه القفل = وهذاك مسكين فكره مع بناته صغار
ياارضي المجدبه متى يجيك الهفل = ويحيي عروق الهشيم اللي عدااه الخضار

محمد الذرفي
13-01-2012, 02:19
ندى ونّ تو إثري ياربعي الذرفان ..!!!

ندى ونّ تو إثريّ ياربعي الذرفان = أبرسل تعاميم(ن) على الفكس سريه
عسى المستلم بالفكس مايجهل العنوان = يوزع تعاميمي على الربع فوريه
أنا ياأخوة الحيزا لــكم صلب سدي بان = حدتني ظروف وفرقع القلب خافيه
غدت لــي ذلول(ن) حرة(ن) من نسل شقران = وأنا اللي على خده وضعت الشبيبيه
غدت قبل ست شهور من وادي العجمان = تقفيت اثرها مير هبت شماليه
تعبت ورجعت وخاطري بالمساء عمسان = وظنه على ماقيل وصلت محاريه
شمال(ن) محاريه اعيوج ليامن زان = وجنوب(ن) جبل شمر محاري مفاليه
عسى الغيث لامن ساقه الباري امسيان = يغذي مداهيله وتبقى ارضها حيه
صدوق الخيال اللي تباشربه العربان = يفل الظلام وبارقه ماطفى ضيه
يخيف الصغير ويرجف قليّل الايمان = وكبير العرب يامن رعد قال ياحيه
يفج التلاع الشهب ويسيل الوديان = وابدعي على شانه يعم السعوديه

ملاحظة الشبيبيه ( وسم ابل الذرفان

بسم الله الرحمن الرحيم

الشاعر\ مشعل عسام التريباني الشمري

(( حي الذلول ))




مجارات لمحمد الذرفي!!!

حي الذلول وحي مــــــن جاد بالقيفان = هلابه عدد مــــــــاهب ذعاع نسريه

وهلابه عدد ماهل وابل مـــن الودان = وهلابه عـدد من داسة القاع رجليه

بيوتن نظمها شاعرن يحكم الاوزان = محمد سليل الجود شــوق الزغيويه

بيوتك تهيض قاسي القلب ياكحيلان = خصن اليا اطـــــريت الديارالشماليه

دارن سقاها الله من صادق الامزان = يامـــــا تسيل الاوديه مــــــن علاويه

لين يتخالط به زهــــورالربيع الوان = وتشوف كل الارض بالعشب مغطــيه

تلقا نواوير البختري مع الحــــوذان = مــثل العقود بجــــيد خطـــــو السنافيه

والا يشابه فــــــــرشة الزل بالالوان = مــــــن كل لون تشوف عينه ونوعيه

ريحة عبيره يبري الهايم المرضان = ويشفي الجروح اللي بالاعماق مخفيه

يالـــــــلــــي ياعطر العطاطير بالدكان = لو جابو احســـــــــنها فلاهي تجي زيه

ريح الخـــزاما والنفل كنه الريحان = يحيي القلوب اللـــــــي من الهم مبريه

لايابعد ريح الدواعيس والســـيسان = اللـــــــــي بها الهندي وبه شمط بوذيه

محمد الذرفي
22-01-2012, 04:04
اخواني اخواتي


السلام عليكم ورحمة الله وبركاته


هذه القصيدة رد على كلا من


الشاعر الكبير والقدير والصديق الوافي / مشعل عسام التريباني ( ابو عبد الرحمن )


والاخ الغالي الشاعر المبدع / فايد عبدالله الشلاقي ( ابو نايف )


والاخت الشاعرة الراقية / قمرا سماااه


القصيدة

شــكر ونّ تو إثري ياترثة الشجعان!!!

شكر ونّ تو إثري ياترثة الشجعان = وعدد ماوطى بأرض البلاد العربيه
صديقي ابن عسام والنعم بالدهمان = رجالً تنومس كل ماحل طارية
وشكر ونّ تو إثري يامعرب الجدان = على مابذلته لــي من اجهود فردية
كفو يابو نايف عشت ثم عشت ياذيبان = ياعلك على القوة ياشوق السنافية
وشكر ونّ تو إثري يادانة الشلقان = على ماكتبتيبي من ابيات شعرية
عفيفة وبنت اللي لياطبوا الميدان = يصد المعادي ياعتزاء بالشلاقية
لــكم أجمل ورود(ن) قطفته من البستان = هديه لكــم ياصحاب والنية النية
عساكم عزيزين ولكم عند ربي شان = وعسى لــمثلكم يبقى مع الناس ذرية
وختامه معي صلوا عدد كاين(ن) من كان = على الرحمة اللي إهدية للبشرية
على الهاشمي اللي تسلسله من عدنان = عدو الجهل نور الوطى شمسه وفيّه

محمد الذرفي
10-02-2012, 10:06
اقــشعر الجلد ياناس من وقع الخــبر !!!

اقشعر الجلد ياناس من وقع الخبر = اشهد انه هز كل العرب والمسلمين
كيف ابن احقر بشر نال من افضل بشر = والمصيبه زاد في سب رب العالمين
كل غصن(ن) واقفاً صاح واهتز الحجر = وش بقى ماناح غير أنت يالوجه اللعين
ياحقير الجد والساس ياطرش البحر = لارحم من يرحمك يوم تمسكً اليدين
يابو متعب كل مسلم بك يشد الظهر = لاتهاون معه ياسنادنا في كل حين
احضره لــشعب مخفور من عقب السفر = يابعد حيي طلبنااك يالضلع المتين
فزعتك ياسيف الاسلام والله تنتظر = به علاج(ن) قــد يعالج جروح المسلمين

محمد الذرفي
15-02-2012, 06:43
مع الكبتن اللي ماركعها ولا قــد حج!!!

الا واهني اللي لياضاق صدره سج =على اقرب حجوزات الخطوط الخليجيه



وركب فوق اللي ياحركه بالمطار أرتج=سفن سقس فايف واقلعت لعنبو حيه



مع الكبتن اللي ماركعها ولا قد حج =ابو حضرته روسي وآمه يهوديه



تتلمذ على يد الخبير ابن خاله جرج =لهم في زمان الحرب طلعات حربيه



يوم إنا مابين اشداد حره وبين السرج=تعدوا فلكنا للبروج السماويه



توجه على شرق آسيا فعل ماهو هرج=غدي ضيقتي تنفك عن صدر راعيه



أبأهج عن أمراً يحرج المثّقف حرج =أموراً فضيعة بالبلاد العربيه



تساقط مقامات العرب برج بعده برج=عسى الله يزين ياضميري توااليه



وشعوباً تظاهر نوب تاقف وتدرج درج=تغذاء من الرصاص صبحاً وعصريه



والا ياالله اني طالبك في ختام الهرج =تعز العرب وتحرر اجمل ارااضيه

محمد الذرفي
21-02-2012, 06:52
http://vip.elagha.net/image2/7arb1.JPG

يامن نقشت الحب بكفوف الايتام !!!

يامن نقشت الحب بـــكفوف الايتام = مات الامل واحلام الايتام ماااته
صرخاتنا ياصل دويه الى الشام = وافعالنا دعوة خطيب بصلاااته
وينه غدى اللي هد به صرح صدام = عسى على راسه تكّسر عصاااته
اللي غدى للحصون الاسلام هدام = هو العدو ياعزة الله بذاته
وين أنت ياسيف العرب سيف الاسلام = ياالمعتصم تنخاك حمص وخواااته
وينخاك عوداَ هدته عوج الايام = بغداد جف من التوجد فرااته
المالكي يسرح ويمرح بلا للجام = وأمة محمد عرضة(ن) للشماااته
وبشار يتفوق على وصف الاجرام= صادر على شارون كامل صفاااته

http://www.youtube.com/watch?v=-GUzzubHp04

محمد الذرفي
04-03-2012, 12:26
أنت ماغير أنت يالــحب الــقــديم !!!


في مفال الريم جيت اليوم ريم = طاب فالي واعسى حضي يطيب
ياهنائي بـشــوفته والجو غيم = عقب عصر الاربعاء قبل المغيب
عقب ماعانيت من هماً وضيم = قد تعاف الــحض والتشاف النصيب
الــقــاء عقب البطاء يطف الجحيم = والرجاء بلسم جروح المستصيب
أنـت ماغير أنـت يالـحـب الــقـديم = يالغلا تـبـقى الغلا حـتى الـمـشـيب
حبك امواطن ماهو حضرة مقيم = وروحي الموطن لحبك يالحـبـيـب
من غيابك دايماً طيفك نــديم = صورتك عن ناظري عيت تــغــيــب
بــعد زولك نار ووصالك نسيم = ينعش اللي صار من عقبك كئيب
ياضيائي بظلمة الليل العتيم = جعل ماتفقدك عيني عن قريب

محمد الذرفي
16-03-2012, 03:10
ياحمص كنتي في ذراء الفاروق مع خالد عروس !!!

ياحمص خالد أزعجه في مرقــده صوت المجوس=اللي دناء من مرقده في مســـجدة ياحسرتااه
ياحمص قولي للعرب وين المدد ويــن الفلـــوس =اللي تــهد أقصور كسرى اللي على خــدي بناااه
ياحمص قولي للعرب هذا هو اليوم العبوس =أن ماتحرك جمعكــم في مثل هذا اليوم آآآه
في مثل هذا اليوم تسقط روس و إلا إتْبان روس=ياعل من لابان رااسه جعل يعطف في قفاااه
ياحمص كنتي في ذراء الفاروق مع خالد عروس=واليوم حنا أحفـــاد خالد لو ماجينا مستوااه
ياحمص في بيبااانك السبعة تعـــلقت النفوس =اللي يهمه نصرة الاسلام دون اللي سوااه
ياحمص عظااات الزمن توجع ولو ماله ضروس=والحظ توجع غيبته والمنتظر صبره برااه

محمد الذرفي
22-03-2012, 10:50
أختصر كل العباراات في عضة بهام !!!

أختصر كــل الـعباراات في عضة بـــهام=مادرى من حولي أحزان والا نار شــــوق



وان حدااني رااعي الهرج هذّبت الــكــلام=مثل مالي من حقوقــاً على شــخصي حقوق



أرعدي ياغيمة الحزن في وســط الــظلام=وامطري فــيــضـت خفوقــاً مهو بيا خفوق



عاش فيه الحزن والهــــم من عشـــرين عام=وفــوق هذا صلــب ماباااح ســده لــــمخلوق



ان سرااابي طــايف الـــهم والــعــالـــم نيااام =جـــبت فرخ البوك والباركر والشــــعر ذوق



اتحمل جور الايــام مـــنــشــد لـلــســــــــلام =ماوقفت بمفرق الطرق ســقــت الرجل سوق



أشحــذ الــهــمـة وروم الـعــلـى فوق الســنام =ومانـــحــدر من طريقــاً خـذيـت الـدرب فوق



غــا يــتـــي ضــد الــتهاون وضد الانقـــســام =واســتــر الــلـي مانــكــشـف عين واسد الفتوق

محمد الذرفي
01-04-2012, 01:36
يالقاء العشاق قل للموبذان!!!

يالقاء العشاق قل للموبذان=يطفي الجمره بصدر اللي شكاااه



كم سهر ينفخ على ناره زمان=في ظميري مير جاااه اللي طفاااه



عودة الغايب ولمساات الحنااان=أطفئة ناراً كوا صدري سناااه



وعادة البسمة لمن قبل أمس كان=ضايقاً به من كبر همه فضاااه



والتئم شمل الحبايب والمكان =الوكااد انه سماء حائل سماااه



مرحبا يامهرتاً مابه عنان=تو ماعسفت وأنا اللي في رجاااه



عشت ياحظاً عقب ماشان زان=نال عقب الصبر والفرقاء جزاااه



وأزعل اللي شان منطوقه وبان=ماكتم في داخله عاد وحكاااه



الزعل بيّن على وجهه وشان =خاطره غظرم وضيع مابدااه



ياحسودي أنت عن شري بمان=بس فارق خلني اجلس معااااه



طس عن وجهي لحيث الوقت حان=القاء اللي سعد عيني في لقاااه

محمد الذرفي
09-04-2012, 09:11
أدميــت صدر الصبر باالام فرقاااك!!!

أكتب على جدر الزمن عمري أغليك =وأدميت صدر الصبر باالام فرقااااك



ياكبر حبي لك وياكثر اساميك =الحب والغالي وعمري فدايااااك



احلف وأنا الصادق ولافيه تشكيك =مافيه يوم(ن) مر من غير ذكراااك



تمر مع دقااات قلبي واخاويك =ياشوق ماعودت لحظه بلايااااك



انسيك لا والرب ماني بناسيك =وارجيك ماظني تهنا بلامااااك



افديك كيف افديك وشلون أنا افديك=والمال مايسمح خواطر دنايااااك



تعبت قبل اصل بمان لشواطيك=جدفت مير الحيل ماهو بيهنااااك



وغرقت في بحرك قبالت موانيك =وأنته والا مديت ياشوق يمنااااك



تنظر بعينك مير ماكن يعنيك =مسكين ياللي راح يمشي على خطااااك

محمد الذرفي
11-04-2012, 09:46
أنت ياأبأ فراس !!!

أنت شامخ أنت راس=أنت للطولات ساس
أنت ياأبأ فراس=نجم في كبد السماء

أنت عن مدحي غني=وعن قصيدي واللحني
بانيا مجدك بني*=في حياتك وانماء

مادعاني للقصيد=خبل جانا من بعيد
ناقصا عقل ومريد=ماتعود للثنى

ماتربى مع رجال =يعرفون الاعتدال
ضل مع بنت الحلال=دلعته ورب ماء

راح مع شلة دشير=من حقير إلى حقير
ياالله سترك يامجير=عن مثل هذا النماء

محمد الذرفي
15-04-2012, 09:01
جرح الغياب بـشوف زولك دملـته !!!

جرح الغياب بــشوف زولك دملـته = ياحي شوفك عقب موجع غيابك
لجل عيونك كل شياً عملـته = اللي يقربني لـحضرة جنااابك
الياس عينه في حضورك كحلـته = ياعايد(ن) عقب البطاء ياهلابك
الكلمة اللي حين مقبلت قلـته = رده علّي امرار وامرار مابك
ماتدري ان البدر طل وسئلـته = عن حضرتك في غيبتي مالتقاابك
يما تزهبت العذاب وحملـته = في غيبتي لاشك محداً دراابك
سرك عن اقرب ناس ياشوق شلـته = واليوم سولف يوم مولاي جاابك
طوفت يوميناً بعذر ودبلـته = لايمكن أرجع والنظر ماهنااابك
تشكر على مجهودك اللي بذلـته = خاطرت لجلي من تعديت بااابك

محمد الذرفي
19-04-2012, 09:04
ابيات ثلاثيه !!!

أبشربعزك ياالرفيق = نخيتني وأبشر بخير
أنا على عهدك قريب = والنار من شبابها
زهمتني وأنته بضيق = وتقول ذا اليوم الكبير
ابشر ولايمكن اغيب = والنار من شبابها
ياعون يانعم الصديق = غالي وابن عم وقدير
أجيك ياعون الصحيب = والنار من شبابها
ماكني الا فـوق ميـج = ومن الحماس أكاد اطير
ان كان باالطيب نصيب = النار من شبابها
يامحزمي خلك طليق = للهم لا تصبح أسير
أنا معك حتى نشيب = والنار من شبابها
عادي على الوادي نويق = أنا السبر وأنت الامير
ذيباً رفع صوته لذيب = والنار من شبابها
عيني تراعي للطريق = وعينك تراعي للخفير
والله على خلقه رقيب = والنار من شبابها
مبطي وأنا وأنته فريق = نلعب تحت لفح الهجير
نجيب والا مانجيب = النار من شبابها
نغوص لخراج الغريق = ونطب بالوقت الخطير
ياصاحب الراي الصليب = والنار من شبابها
والرب لو طحت أبحريق = اني معك لاماستخير
أجزم وآقدم لاتهيب = والنار من شبابها

محمد الذرفي
23-04-2012, 04:50
بسم الله الرحمن الرحيم
اخواني / خواتي , اعضاء / عضوات شبكة نشامى شمر الكراام
السلام عليكم ورحمة الله وبركاته

من لايشكر الناس لا يشكر الله

أنا هنا اسجل شكري وتقديري لـشاعر الكبير والقدير / عبدالله المفضلي ( ابو نايف )
هذا الرجل لاتربطني به علاقه ولا سابق معرفه الا من خلال هذا الصرح الشامخ جزا الله القايمين عليه خير الجزا
ومع ذلك اهدر الكثير من وقته في نصحي وتوجيهي عبرالرسائل عن طريق الخاص
كنت قبل ابو نايف ماحسب عندي اخطأ الا الاخطأ الاملائية
حيث من مر على قصيدي مايقول الا أنت مبدع أنت رائع صح لسانك وهذا لايخدم الشاعر اللي عنده قصور مثلي
حيث لايمكن يعرف الشاعر او الكاتب الخطأ او الخلل الا من خلال النقد

هنا همسة في أذن كل شاعر يزعل من النقد ’ أقول له أعلم اخي ان النقد من صالحك لاأن الناقد هو المراءة اللي يشوف به الشاعر نفسه أنتها

أشكر كلاً من الشاعر الكبير والقدير / رويضان الجسار والشاعر الكبير والقدير نهير النمش هولاء هم من يقوم في تعديل الاخطأ الاملائية

ولايفوتني هنا ان اقدم شكري لكم أنتم اعضا وعضوات شبكة نشامى شمر عضو عضو على تفاعلكم مع قصايدي رغم القصور الحاصل مني
وعلى راس الهرم اخوي الكبير والقدير / ابو غازي اللي له الفضل بعد الله في جمعنا هذا
ولكم اجل واعذب التحايا
الابيات
ابات هديه لـبو نايف!!!


تحية اجلال ومعزة وتقدير = مني لـبو نايف على مابذلي
الله يجازي فاعل الخير بالخير = في جااه من له كل مسلم يصلي
بالشعر يحصل بعض الأوقاات تقصير = لكن يوجهني حشى مايملي
مغنيه ربه عن مثل حضرتي مير = يجبره طيبه جعل ضده يولي
بالناس طيب مير ابو نايفاً غير = طيبه على طيب الرجال متعلي
عن ماتكن النفس عبرت تعبير = ماهو حصر لاشك اعطر سجلي
ذكري ومدحي لـرجال المناعير = هو الشرف لسمي وشعري وكلي

محمد الذرفي
05-05-2012, 12:44
عندنا نجمأ شمالي مثل نجم الجدي!!!

انت يالي ترفع الصوت لا يحث الجواب = احترم نفسك وخل التهكم يابعدي
كان نجمك يشبه اسهيل وين اسهيل غاب= عندنا نجمأ شمالي مثل نجم الجدي
عندنا الجربا مع الناس يحسب له حساب = لو يشوفه شيخ شملك ياكوبان يعدي
عندنا الجربا يعسف العدو عسف الركاب = من تواجه مع سموه حشى حظه ردي
عندنا الجربا يخوض المعارك مايهاب = شيخ شمر لابة(ن) تجعل العاصي هدي
قد تواجهنا معاكم ورا ذيك الهضاب = ونهزمتم يوم جينا تقل قصف بردي
كم تركتو خلفهم من قتيل ومن مصاب = اسئل اللي عاصر الحرب يالعود الندي
ويوم زانة لبو تركي شمخ مجده وطاب = عز شعب المملكة ماتوانا الاجودي
وانت جيت اليوم تنعق مثل نعق الغراب = خلها لا تجرح الصبر ماجبت اجهدي
كان نجمك يشبه السهيل وين السهيل غاب = عندنا نجم(ن) شمالي مثل نجم الجدي

محمد الذرفي
20-05-2012, 02:20
0000 الا ياصديقي والله اني عليك اخطيت!!!


الا ياصديقي والله اني عليك اخطيت = وتحملتني من طيب راسك وطيب الساس
وتجاهلتها ماكنك ابصرت والا اوحيت = وانا والله اني ماقصدته ياعز الناس
كوتني قبل تكويك ياكيف انا زليت = وانا حسب نفسي رجل مبدا وعذب احساس
الا واعذابي كل مارحت والا جيت = يضيق الفضاء بي واطرد الهم بالهوجاس
اخاف ان يفرح من يدور على التشتيت = إلا يما على الزله يغني بلا مرواس
يحب الخطا والنار فوقه يصب الزيت = عسى تاكله نار(ن) لها ساعده قباس
قريب المغازي والجماعه بويت بويت = دخلها ولا يترك حبالا بلا لولاس
سليطاً لسانه ماسلم منه حتى الميت = لحق مادفن ياعل يلحق عليه الباس
واعود على الموضوع الاول ياليت وليت = يسامح صديقي واطرد الهم والهوجاس

محمد الذرفي
24-08-2012, 02:31
0000 الوااسطة شب بين العوج نار الغراام!!!

ودي أسير على الغالي وكب الدوااام = لاشك ماهي بكيفي دونها دونها
دونه رجال(ن) يصدون العدو بالحساااام = تالله كم مره(ن) عوّدت من دونها
أرجع عقب طول خط ولاحصلي سلااام = وأنا من اول برااسي شوفة اعيونها
الوااسطة شب بين العوج نار الغرااام = اقول وشلونها يقول وشلونها
في نظرة اعيونها حزن(ن) وفيها كلاااام = مايفهمه غير أنا كااان الله ابعونها
قلت أحتسب عند وآل الكون رب اللاناااام = أجري وآجره عساااك اتخفف اطعونها
تقفـــا ترا كااان ماطمئنتني مايناااام = جفني وعيني يطير النوم من نونها
هذه منى الروح معه الروح تنســى اللااام = ياصاحبي قلها تالله ماخونها
الخد برق الحيا يالاح وسط الظلااام = والنهد تفاحة(ن) توه على غصونها
والعين عين اشقراً بالجو رفرف وحااام = افرح هله والحباري شقق ابطونها
والساااق مبروم والردفين مثل السنااام = الله أكبر ياريح الطيب بردونها
والعقل والعرف والمنطق وحلو الكــلااام = مع البني قاطبه ماشفت من لونها
ياقاري القاااف هل من مثل حاالي يلااام = أرج الاجابااات بالصفحة تحطونها

محمد الذرفي
10-09-2012, 01:20
اسعد الله قلوبكــــــــــــــــم

هذه الابيات اسندها على الشاعر الفاضل / فايد عبدالله الشلاقي الشمري ( ابو نايف )

ياخو عليا حس بي صوتاً غريب .. ..

يانديبي ورتحل من فوق جيب = وارد الجابان عند الملزماتي
ياعوى ياكن صوته صوت ذيب = ياقنب بالليل بجبال السراتي
ماعليه الا المزرف والنديب = يم ابو نايف توجه بكلماتي
ابو نايف ياغدى الموقف صعيب = عز من كانت حباله قاصراتي
من رجال(ن) بالملاقاء ماتهيب = اضعف الشلقان ندن لـزناتي
ياخو عليا حس بي صوت(ن) غريب = ولاعرفت اترجمه بّيا اللـغاتي
ماعرف هو من بعيد او من قريب = هو بغاني عنوة(ن) والا وشاتي
عقب ماأب الراس بان اليوم شيب = وصار يطلب دفتري ومذكراتي
جا من اللي حط بي شك(ن) وريب = واقتلعني يافتى عن ذكرياتي
قلت اعديها واحسبني مصيب = مير جاني من يدور لشماتي
تفرح العدوان ياطاح النصيب = يالله ان تعدله قبل المماتي
وانت تفهم ماقصدته يالبيب = تقشع الشاره قبل رمي الرماتي

رد على ابو نايف .. ..

راكب اللي دقته منوة غريب = مبعداً داره ظروفه بالحياتي
زول شيخاً ومركبه شياً عجيب = زول اميراً لاتكشخ بالعباتي
من امريكا حولوبه من قريب = جمس بيكب من جموس مورداتي
لادعس لسليتره تسمع طنيب = عود ذيباً حادياته نابحاتي
لاشبك عكس المسنن بالصليب = كن عجه سحب مزناً مرزماتي
ياضرب ارض الجلد جاله حطيب = الحصى من حدر ويله له شتاتي
ياضرب ريعاً محاديره شعيب = مايشابه فزته غير القطاتي
خلف سكانه محنك نسل طيب = دون وصلك يامحمد مايباتي
ماذكرته بهالزمن ماهو غريب = اللسان الشين احفا باللهاتي
كان ظني بالمعرفه مايخيب = انك المجروح من بعض الوشاتي
لكن اترك ماسمعته يالصحيب = الذيابه ماتهمه زول شاتي
وابشر بعزك وأنا سيفاً عطيب = من ننوله مايتحرى للنجاتي
نلعن الطيب ومقطوع النصيب = مانتسمع للخوارج والعصاتي
واخر ابياتي معطر عود طيب = مع بيوتاً صايغة ومهندساتي

محمد الذرفي
20-09-2012, 04:16
أسئلك ياللي عليك الامر وكلته.. .. !!!

ياغالب القلب بهذلني وبهذلته = دايم على عكس شوّره تضغظ اعصابي
كل ماخفق مع طريقاً غصب ميلته = الا بموراّ يحبه رب الاربابي
ان طاوع العقل للخفاق وأسئلته = تالله لـبلش بيوماّ يعرض احسابي
أسئلك ياللي عليك الامر وكلته = اجعل لي الوفق في تحريك الاسبابي
واغفر ذنوباّ على ظهر البخت شلته = واخفيتها في ضميري خوف يدرابي
يجض منها لجبل وأنا تحملته = جاهل ومغرور والشيطان والاابي
يارب عفوك لياخليت ماعلته = واقفا بي الموت عن دنياي واحبابي
وحطيت في منزلي والحق قابلته = وكل مالفظ من لساني حط بكتابي
لايمكن اجحد واقول القول ماقلته = تشهد علي الجوارح يوم ينشابي

محمد الذرفي
07-10-2012, 12:42
عمره سنه واربع شهور وفوقهن تسعين يوم


ياغاليه يازين تمسيحك على صدر مهموم = انساء همومي يانطحتيني وقلتي يايبه
عمره سنة واربع شهور وفوقهن تسعين يوم = تطلب ولكن مير ياقلبي ماميزت اطلبه
وليا فهمت المطلب الغامض على شانه لاقوم = افز لو قلبي حزين اروح للجيب اركبه
وليا شكت مايستويلــي ياعذاب القلب نوم = ماغير اجاهد حسرتي وضل حوله وارقبه
ياعز مابالكون عندي واعسى عزك يدوم = ياعين حراً ماكره فوقي تعلى بشذبه
أنتي قمر والبيض من حولك على ظني نجوم = في عيني انتي جوهره والكل عينه لعربه
ان كان خلتنا الليالي والليالي ماتدوم = والله مازوجك للي حالقن دوم اشنبه

محمد الذرفي
14-10-2012, 07:34
اسعد الله جميع اوقاااتكم


سلام ياحباً عليه اللحد ضم!!!

سلام ياحباً تدفق مع الدم = من خافقي لصبي عيني لروحي
وسلام ياحباً عليه اللحد ضم = على ترابه هل دمعاً فضوحي
جيتك وانا من جائر الوقت بي هم = والنفس يامريت قبرك تبوحي
اشكي وابوح لحضرتك كل مالم = ماكنك الا حي تبصر وتوحي
ياعزوتي قالوا بسم والدك سم = وسميت بسمك مير زادت جروحي
اليازهمته جيتني قبله تهم = تالله ماظنيت طيفك يروحي
ياتاج راسي لا رفيقاً ولاعم = ياخذ مكانك بالغلى يانصوحي
ولا الولد على مكانتك يشهم = تبقى بروحي لين تهدم صروحي
ياوجد حالي كني الذيب الاسحم = حدااه عن مغزااه كـلبن نبوحي (تكرمون)
او وجد عطشان(ن) ورد له على جم = ثم حال من دونه عدواً شحوحي

محمد الذرفي
07-11-2012, 04:12
0000 النوم يامقلتي كــنه معاديني!!!

النوم يامقلتي كنه معاديني = ماغير اهوجس لعب في راسي الصالب
يالجيب فوق الميه ميه وعشريني = دفعت بك عد نقداً عند ابن غالب
ابيك ياكثرة اهجوسي تسريني = الياضرب عندي الموجب مع السالب
والله لــسريك لـجل شخص شاريني = وأنا لها شارين ماني لها جالب
عن شوفته مبطين والشوق حاديني = الله يعينك تشب النار بالحالب
واجازتي ماحصلي غير يوميني = انبح صوتي حشى من كثر ماطالب

محمد الذرفي
12-11-2012, 07:14
0000 ياوميض البرق في جوف الظلام!!!

ياوميض البرق في جوف الظلااام = اشهد انه راح باالنوم الوميض
ساهراً حتى صدح صوت الامااام = في صلاة الفجر ياحظ الحظيظ
نايماً ليله وأنا عجزت انااام = وعذابي لاسليم ولامريض
اتذكر شيء من عشرين عاام = جابه الهوجاس من تحت النقيض
آه يابرقاً لمع تحت الغمام = قــد جعل دمعي على خدي يفيض
الهجوس العابرة ماله مقاام = مير هم القلب بالخط العريض
مرمساً تحت اللحم فوق العظااام = وكل مهاضت هواجيسي يهيض
ياوجودي وجد عطشاناً وحام = ومونساً كي العطش في وسط قيض
واردا مستبشرا مير الزحام = السبب في طردته واقفى مغيض
وياوجودي لا خله ياسلام = عد ماساق الهوا غيم النفيض
وعد ماغرد مع الصبح الحمااام = لمن قراء خطي على صفحات بيض

محمد الذرفي
17-11-2012, 02:23
0000 اثنى العمل فقــدت ناس(ن) عزيزين!!!

يقول مسئولي ورا خاطرك شين = والله مهي عادتك قلي سلامات
قلت السبب يامسندي بين قوسين = وان مافهمته حط فوقه علامات
اثنى العمل فقدت ناس(ن) عزيزين = اللي نقل واللي تقاعد واللي مات
مدري متى نلحق بهم آآه ياحسين = ياحسين والله طول الصبر عزات
ياحسين وان جا ذكرهم تدمع العين = لاتلومني لو غبت في بعض الاوقات
لولا ي اعبر عن شعوري بيتين = لاكان زرت اشهار مره ومرات
ياحسين هـم اللي مع الكل وافين = وجدي عليــهم لين نلحق بالاموات
ياحسين تسئلني وأنا خاطري شين = وخصيتني من بد الاجواد بالذات
ياحسين هاك الرد يابن الكريمين = وفيه السبب واقره مع النفس بسكات

محمد الذرفي
08-12-2012, 09:40
0000 والامير اللي على وقته امير المومنين!!!

تفتخر في سيف ضربه في رقاااب المسلمين=الفخر كل الفخر في فعل سيف ابن الوليــد
والجنود اللي بجيشه كلهــم مستبسلين =من رجع منهم سعيد ومن غدى منهم شهيد
والجيوش اللي يحاربها جيوش الامتين =امة(ن) مبطي عريقه وامة(ن) مجده تليد
عرش كسرى هزته رجفاات خيل المسلمين=وعرش قيصر صار تحت اقداامهم ماهو بعيد
دكها سيف الله المسلول والحصن الحصين =ماصمد في وجه خالد يازمن ليتك تعيد
والامير اللي على وقته امير المومنين=اشهد انه مفخره لو نحتفل به يوم عيد
عقبهم ضعنا وجعنا من زمان ومن سنين =جودنا على بعضنا مابنا رجل(ن) رشيد

محمد الذرفي
12-12-2012, 10:19
0000 ذعذع العصر نسناس الشمال !!!

ذعذع العصر نسناس الشمال = والمثايل بدا طاروقها
كن هجسي يناديني تعال = والسمينة ضرينا سوقها
متعة الشعر بجنون الخيال = بلسم اجروح روحي ذوقها
صال هجسي بتفكيري وجال = والسحااابه تعدى فوقها
السياسه مرض والا هباال = علتي كاامنه بطبوقها
ضبعة(ن) من ورا سود الجبال = اقبلت والعرب ماتعوقها
اوله راس زيزوم العيال = شوف عيني جدع بشدوقها
ياهل العرف في بالي سوال = هل تعبى العرب بحقوقها
ضيع الشعب باذناااب الحلال = والاعاااجم تطق احلوقها
هل ندعا على فنون القتااال = والخزينه نرى صندوقها
او تروح الاماكن والرجال = المخيله ترف ابروقها

محمد الذرفي
11-01-2013, 01:30
من الدفتر القديم قبل الجوال

0000 دق التلفون ماكانت بحسباني !!!

دق التلفون ماكانت بحسباني = الو نعم مين قالت لي أنا فلانه
من فرحتي قلت مدري ويش اللي جاني = اخاف يابنت بأصل الرقم غلطانه
قالت تذكر وتذكرني وتلقاني = مير البلا كيف عندك عشرتي هانه
سكرت وايضا قطعت الخط بالعاني = وعزلت نفسي عن العالم على شانه
مبطي وحسب البطاء بالحيل نساني = اثر البطاء ماينس الخل خلانه
ياابو هناء صاحبي بالحيل زعلاني = والنفس لرضاه دايم دوم شفقانه
ابو جديل(ن) تثنى تحت الامتاني = والعين وان ناظرتني عين شيهانه
والبطن يابطن حمرا عقب ميداني = ممسوكة(ن) لسبق واخبارها بانه
والعود ياعود موزاّ وسط بستاني = مادوج المحزري في وسط بستانه
مقوى على تركها لو كان ماكاني = ياابو هناء قابل(ن) ظلمه وطغيانه
مايشكي الخل من خله ولايعاني = الاالخطا والبطاء في طول هجرانه

محمد الذرفي
15-01-2013, 10:37
0000 صرت من حسبت الشيبان شبه امحسوب !!!

صد عني تراني ماتشافيت نوب = خل سمر اليالي تعتني في دوااي
قلبي اللي على فرقااك جد مغصوب = فارق السن من بيني وبينك بلاااي
أنت توك شباب وبالمشاعر لعوب = وأنا طفت اربعين وقل بعده حلاااي
أن تبعتك ياحبي سرت من غير صوب = عزت الله لــقضي ليلتي في خلاااي
ماتصاعبت بعد ولاجهلت الدروب = مير عن حضرتك ياسي قصر من اخطاااي
صرت من حسبت الشيبان شبه امحسوب = واستحيت ان اطالع كل نجم بسماااي
مايفيد التهرب لو بغيت الهروب = واقعي صار قدامي وحلمي ورااي
كل يوماً جميل(ن) ينتهي بالغروب = وأنا لو كنت محظوظاً خذيتك معاااي
مابقى غير احسب ماعلي من ذنوب = واطلب الوالي المعبود يغفر خطاااي

محمد الذرفي
05-02-2013, 07:09
0000 والله مابه شمري مابكى دم !!!

رحلت ياشيخ الرجاجيل والهــم = عقبك نزل بقلوب كل القبيله
والله مابه شمري مابكى دم = لاشك ماب صدوف الاياام حيله
عساااك يااقفوا لاابتك واللحد ضم = تفتحلك ابواب الجنان الجميله
الله ينور حفرة القبر الاظلم = ويجزاك عن صبر السنين الطويله
يابن سعيّد رحت والجو معتم = وبصدورنا تاالله مثل المليله
ماكان شرع الله للناس يظلم = لكن ظلمك اللي عساااها تجيله
ادعوا معي بالغيب بالقلب والفم = يااهل العقول الراجحه والثقيله
اللي ظلم ياعل ماابوه يرحم = وياعل ماب الناس يوجد مثيله

محمد الذرفي
08-02-2013, 01:24
0000 مجارات الشاعر الجزل / مطلق بخيتان!!!

رحلت ياشيخ الرجاجيل_وال....ار = عقبك نزل بقلوب كل القبيله
ماعاد به بركان خامد ومنهار = كل البراكين استوت من غليله
سلم على بن المالكي سر وجهار = الشيخ علي المالكي كل ليلة
فعلاً غموض السالفة ولع النار = والسرج نيراته بليا فتيلة!!
وشيوخنا ماعاد لأصواتهم كار = بس الخطأ من وين؟..يا ألف ليلة؟!
بعد الثلاث عقود وزيادة...إقرار = فجئة. علامات التساؤل جليلة.
ماعادنا نأمن على حرمة الجار = وماعاد للدنيا الدنية فضيلة
صح الله لسانك محمد وتكرار = صح الله لسان الرجال الأصيلة.

صح لسانك اخي مطلق والف شكر لك على الرد الراااقي

ردي المتوااضع عسى ينال رضاااك اخي ورضا الجميع

0000 ردي على الشاعر الجزل / مطلق بخيتان !!!

يامطلق بخيتان ياعقب الاخيار = اشعلت في ماقلت راس الفتيله
جبت الحطب واشعلت في داخلي نار = وانا القريحة عاد ماهي بخيله
على ثرا حايل ومن جوف الاقطار = الشمري يسيل دمه يبيله
تحليل ليه وكيف وشلون وش صار = ذبح معش الذيب غدراً وغيله
وقبله قضى عمر الشقى خلف الاسوار = وكلن يوقع والقضيه يحيله
سبعين شيخاً مابهم واحداً غار = على حدود الشرع رمز الفضيله
ان ماوجد حل(ن) ً يبي ينقل اشهار = وان مانقل يبنا بحايل بديله
والا نهاجر يم نوري وبشار = القهر هو ساس الحمول الثقيله

محمد الذرفي
12-02-2013, 01:58
داخل البيت ضايق وان تمشيت اضيق !!!

ياسند لا تمشا في شوارع ابقيق = الزم الهرج واعط السبرمان السريع
داخل البيت ضايق وان تمشيت اضيق = هقوتي يامسكت الخط همي يضيع
ماحلى وان مسكت الخط وأنت الرفيق = واتجهنا لــلــدار أهل المقام الرفيع
وماحلى شوف بيتٍ مثل هضبة طويق = مرتفع عن طمان الارض وسط الربيع
برفته من لــهــم بالمجد أرثٍ عريق = ربعي اللي عن الميلات حصنٍ منيع
يكرمون الضيوف وينصرون الصديق = ويردعون المعادي ليـن يرجع مطيع
ربعي اخوة سهيه هـــم حماة الوسيق = يالله اني اعود لــلـدارهــم ياسميع
عـــقــبهـــم كن من بين الحنايا حريق = بس دايم تــــذكـــر يوم كــنـا جميع
يوم أنا وابو هادي وابو مطلق عتيق = مانشاهد قناةٍ بس نسمع مذيع
البداوه شقاوه بس حراً طليق = يكفي اني ليامن ضقت ذبيت ريع
وسلامتكم

محمد الذرفي
14-03-2013, 01:56
اسعد الله جميع اوقااتكم بالخير ولمسراات

خـذانـي صديـقـي قــال مـثـلـك عـلــيّ ادوااه !!!

خذاني صديقي قال مثلك عليّ ادوااه = يبي يكسب الحسنة لحق حسنته سيه
سراابي معاااه وليت مارحت أنا معاه = خذاني على مدهالها عن حسن نيه
يقول الربيع ايطيب مثلك ليامن جااه = اجامل وقول البروالعشب ياحيه
وأنا خافقي ماهو معي رااح مع ذكرااه = نسيم الهوا ياهب لــي جااب طاريه
تخيل على راس الطويله تجر اخطااه = وأنا مقبل(ن) يمه وهي يلحقه خيه
وتخيلت يوم انه هنا تلطم بيمناااه = على خدها وتقول ياجرح فوزيه
تبي تترك الديره وبعدك يقل احلاااه = وأنا قول نور الدار من نور رااعيه
لك ارجع وحبك لو يطول الزمن منسااه = لكني رجعت وجيتي امحق الجيه
لقيت المكان اللي مشيته أنا وياااه = تقل ماوطاابه ناب الارداف موليه
جلست وصديقي قال ويلااه ياويلاه = عسى مادخلبك يابن الاجواد جنيه
تعذرت حيث ان الخوي طيب(ن) مجناااه = اعرفه مايقصد جااابها عن حسن نيه

محمد الذرفي
19-05-2013, 05:59
السلام عليكم ورحمة الله وبركاته
ابيات مختصرة جداَ

وزير نار الفرس في عهــد كسرى !!!


ياليلي اللي طال مافيه مسرى = وعيبه على كل المواضيع مفتوح
العقل والخافق مطاريش واسرى = متى يفك الاسر ياليل واروح
وزير نار الفرس في عهد كسرى = كنه يشب النار في داخل الروح
ياالله ياللي تبدل العسر يسرى = يامخرج (ن) يونس ويامنجي (ن) نوح
عليّ من دورات الايام عسرى = فيك الرجا مالغيرك اشكي ولاابوح

محمد الذرفي
02-06-2013, 12:36
0000 يا هـــم قلبــي ! ويــاحــزنه ويــاخوفــه •؟

ياهم قلبـي.! وياحــزنـه وياخــوفــه=علـى مصـير العرب داخل فلسطـيني
يابـو نمــش خطــٰة الانـذال مكشـوفه=وحنــا ضعيــفين ماحنـا قوييــني؟
ماهــمنـا غيـر خـد البنــت وردوفـــه !=وسـوالفـه گــآن صــار اليـل ليليــني
ومشايــخ ؟ العلم عن مبــداه محروفه=ماغيــر تجــري ورا راي السلاطيني
تقــهقر الجـمـــع والأيــام ملقــوفه=ياســرعهـا يانهــير ماتبگــــيني
صبــرت ميــر الصـبر عيناه مطروفه=ماغيـــر من حفــرةً لأخـرى يوديني
متـى الفـرج ينبــلج واشــوف معروفـه=وانسـى همــوماً عن فــراشي تقـزيني
يالـوف قلبــي مــن الهوجـاس يالــوفه=وياويــل حـالــي ويــاعـــزاه ياعيــني
النفـــس يابـو نمــش للنــصر ملــهـوفـه=وطمـئنـه فـي حديــثً عـــن فلسطيــني


الله توعد هل الافساد بتلوفه .. رد الشاعر نهير النمش!!


يالله ياللي لوجهك صفت صفوفه=ببيوتك اللي بها جمع المصليني
العبد مالغير وجهك يرفع كفوفه=يرجو فرج رحمتك ياقاضي الديني
ومن بعد ذكرك بديت الرد بلطوفه=اطلبك يارب للجزلات تهديني
يابو سند شوفة الحكام مكفوفه=والمشكله مابهم غيره على الديني
اوضاعهم يارفيقي عز ومروفه=ماحسبو لانقلابات الموازيني
اقوالهم بس مدروسه ومالوفه=ماهمهم غير تغيير القوانيني
النصر بأذن الولي أبعينك تشوفه=انفاً عليهم ورغم اقوال واشيني
الله توعد هل الافساد بتلوفه=ماغيره احدٍ لنصرة جنده يعيني
ويابو سند لايصيبك خوف وحسوفه=بالله قويين ماحنا ضعيفيني

محمد الذرفي
05-06-2013, 12:16
ياويل الخال من رمح البناخي!!

تقول الخال وانا اقول قالوا = ياويل الخال من رمح البناخي
نهار(ن) شفتها ضاعت علومي = فهامي بالعزاوي والمناخي
وعلى يمناي ناظرت لخويي = وش اللي جابنا من غاد ياخي
تشامتنا وتقاسمنا القرااده = انا وليت والمقرود دااخي
وعرفت ان القدر مامنه مهرب = وان الحظ في مرباااه اناخي
وقلت العلم ياجزل الخصايل = امور الحب مافيها تئاخي
لزوم(ن) نعرض الدعوا عليها = ماينفع مع مثل هذا الترااخي
وعرضنا مالدينا من قضيه = وعليً الذرب يالاجواد شاخي
وتغانمت الرحيل ورحت اغني = ياويل الخال من رمح البناخي

محمد الذرفي
11-06-2013, 03:43
مجاراااه للشاعر الكبير / مطلق البخيتان

مجاراتي للـشاعر مطلق البخيتان !!

لقيت في متصفح العملاق قطفاً من زهور = نوادراً بالمنتدى قلايل(ن) مثايلة
ياجرحي اللي بالضماير من سنين ومن شهور = اوآخر التسعين والالفين من اوايلة
نسيته اواني تناسيته وعذراً يالحضور = اليوم ابرجع ياجماعة خير افتش فايلة
فتشت ثم قلت أشهداً مطلق على الفعل معذور = والعاقل اللي توجعه نفسه فعل فعايلة
البعد هو خير العلاج ان عقدت بعض الامور = والصبر مفتاح الفرج ماهو بَنَا اللي قايله

محمد الذرفي
24-06-2013, 08:49
تاج الحلى وامها من قبل مزيونه!!

ياما تزبنت صمت الليل وسكونه = وسهرت في ظلمته واسامر انجومه
واقول يالليل هل قد نامت عيونه = والا حداه الغلا والشوق عن نومه
عساه ترضى علي وكون ممنونه = اللي على روضة الخفاق معزومه
تاج الحلى وامها من قبل مزيونه = شريفة وبنت قوم(ن)تتعب اسلومه
دوافع البعد وسط الصدر مكنونه = يارب لاتجعل الطيحه بلا قومه
اضحك مع اللي ضحك والنفس محزونه = واللي مثل حالتي مايظهر علومه
اخاف من كلمة(ن) ماهي على يكونه = ازل به والعدو شلفاه مسمومه
الناس لسرار روحي غير مامونه = كم واحدا باع سري بوول السومه
جربت والتجربه مره وملعونه = ومن لامني ماسئلت اليوم عن لومه
مادامها في ضميري صدق مضمونه = مافضفض الا لجوف الليل ونجومه

محمد الذرفي
08-10-2013, 03:13
السلام عليكم ورحمة الله وبركااته

كل عام والجميع بخير وعااافية ان شاااءالله

ابياات متوااضعة للجميع اجل التحايا

0000 الصاحب اللي يواعدني كذا مره

كم جيت لرض الوعد والنفس مستره = ماحسبه الا قريب وقابضاً ردني
الصاحب اللي يواعدني كذا مره = ولافيه مره صدق في يوم واعدني
ان طولت غيبتي يزعل ويتشره = وان قربت شوفته بالمكر يبعدني
لاشفت خيره ولاعديت من شره = ماغير هم الغرام للخافقي يدني
نار المحبين يابرده وياحره = متناقضه نوب تسعدني وتلهدني
ياضوح نور القمر صاحبك يامره = طيفك من النوم يابن الناس يقعدني
ياعونة الله خفوقي بالغلا غره = غرون غريراً لعب فيني وعقدني
عيبه على صاحبه ادنااة مافره = لاهو مقفي ولا بالوضع ساعدني

محمد الذرفي
10-11-2013, 09:20
0000 لو عطينا شواربنا الحريم دام مافعلنا فعل الرجال

ذعذع العصر نسناس الشمال = كن هجسي يناديني تعال
عقب ماعشت في ليلاً عتيم = ان بعث حلم تحقيق الامال
ياالله اليوم يارب العباد = عم بالخير كل ارجأ البلاد
ياولي النعم يااكرم كريم = عبدك اليوم من فضلك يسال
ضاقت اصدور كل المسلمين = الدهر والغلا والوقت شين
وصاحب الصبر لـه اجراً عظيم = ياتكلها على رب الجلال
الحيا طاح والسيل الذكروه = ولازم البر بالمبلغ شروه
مير انا ياهل العقل السليم = في خفوقي هواجيس(ن) ثقال
المنادي ينادي للجهاد = والعرب في سبات وفي رقاد
لو عطينا شواربنا الحريم = دام مافعلنا فعل الرجال
ياهل الدين قدراً واحترام = ياحلى النوم وشتد الظلام
اسجدوا دام نيم الحظ نيم = واطلبوا ياكريمين السبال
المجاهد يبي دعوااتكــم = وتنتظرها بعد خوااتكــم
وينتظرها بعد طفلاً يتيم = خص ياراافقه بذل الرياال
صدقة الصالحين المومنين = ودعوتاً من حلوق الساجدين
ان قبلها من الخلق الرحيم = اشهد انه تزيل الاحتلال
ماحداني على نظم القصيد = غير حال العرب والله شهيد
عقب ماهم صخر صاروا هشيم = كن ماهم على المسلم ظلال

محمد الذرفي
16-11-2013, 02:44
حوار بين الشيخ والعلماااني!!

حواار بين الشيخ والعلماني = على مبادي فتوى(ن) شرعية
ياسيدي يالشيخ ياكحيلاني = خل المعارض يستمر في غية
الفكر متغرب واهو شيطاني = يالعن ابو ميته ولااابو حيية
صديق ويحارب مع العدوااني = تاصل خيولة قبلهم بشوية
ماكنه الا هتلر الالماني = يبي يجدد غزوة النازية
او كنه اللي دمر الياباني = بالقنبلة الشــينة الذريه
طال المجادل والمخفى باني = على قناتي فترة(ن) حصرية
يقول خل الدين والقرأني = ماهو بساس الدولة العصرية
اتهمك ماكنك الا اخواني = يال العجب حط العرب سخرية
مايدري ان القس والرهباني = هم من غسل مخه عساااه السية
لولا ان ربي بالصبر هداني = لكان جبت الطاامة الفورية
بغيت اقطع حنجره بااسناني = ماهو كفو ترفع له الجنبيه

محمد الذرفي
25-11-2013, 11:09
انت الرصيد اللي نويت إيداعة
ياصار ماكسب الفتى بذرااعة = عزالله انه لو كسب خسرااني
من غاص غبااات البحر للقااعة = اكيد جااب الؤؤل والمرجاني
واللي سفر للهند جااب ابضااعة = كسبان لو انه رجع تعبااني
وانا سفيري عااد تو الساعة = ماجااب غير الهم والاحزاني
يقول فرصة يالصديق وضااعة = وقلت استمر العمر كله فااني
اللي لياقصر صديقة باااعة = يصبح بليا يافتى صدقاااني
ومن جرب اصدوف الزمان ولااعة = ماهو من اول غلطة (ن) زعلااني
لاتعتذر شخصك عرفت اطباااعة = ماكنك الا ريحت الريحااني
والله ان شوفك ياصديق اطماااعة = اغلى علي من شوفتي لــخواني
انت الرصيد اللي نويت إيداعة = في بنك صفقاات الزمن ياخاااني
ماشفت منك الا الوفا والطاااعة = مزبن ليا من الزمن حداني
اما الذي بقصى الحشى مرباااعة = منسااااه ياكود الملك ينساااني

محمد الذرفي
17-12-2013, 01:10
توجدت وجد اللي تقاعــد وهو مديون!!

توجدت وجد اللي تقاعد وهو مديــون = طلــع راااتبه , عيا يغطي مصــاريفــه
قضــى اول شباابه عايشاً كنه المسجون = من اول شباابه ماتمشى على كيفه
سرقه الزمن ماخش من رااتبه مكنون = طلع مثل ماخش الوظيفة كما طيفه
بعد ماطلع فكر ليا مار مابه لون = فلا رااتب(ن) يرضي ولا فيه تصريفه
جلس حايراً تااايه تفكر بهذا الكون = وتوجد على عمراً مضى وانصرم ريفه
توجد كما وجده وأنا مابي الا شجون = غلى جادل(ن) زانة بعيني توااصيفه
صدفته بعد غيبه وقلت آآه يالمزيون = توقف ترا شخصك نموت بسواااليفه
توقف يانور العين يالجادل المصيون = ترا النفس مازالت تذكر مواااليفه
اذا كنت تحسب غيبتك تبهج المحزون = لاوالله شبت غيبتك بالحشى لـيفه
أنا الان اشوفك مير قربك مهو مضمون = اشوف الفرااق الشين متوشحاً سيفه
هذا اللي ترك في وسط صدري ثلاث اطعون = ولابحت ياصبري ولا قلت ياحيفه
تصبرّ مثل ماكنت ورجي عسى يكون = يطيب النصيب ولاتكرر صوااديفه

محمد الذرفي
15-01-2014, 09:31
تنوض العزيمة ويتحيزم لــه الاصرار

قريت الرساله او كما جاني الانذار = تقول استر اللي بيننا والامل مقبور
عليّ الملازيم الخبر كنه المسمار = تعدى ضلوعي قاصد(ن) قلبي الماسور
هباء حض وقتي جار واغلى الحبايب جار = وتمرجحت مابين الجفا والليال العور
تعزويت في صبري آخبر الهقاو اكبار = ومثل ماهقيته قابلاً للعنى والجور
وتحديت لطمات الزمن وامس يالغدار = دفنتك مع الاموات والعاذلين احضور
ومثل ماطلبته جــد ماتكشف الاسرار = تطمن عليك الله مايكشف المستور
أنا اقفيت لو ان الحشى كن وسطه نار = قنعت بنصيبي وأنت ياصاحبي معذور
عسى الله يستر مابقى حيثه الستار = وعسى الله يجبر خاطر(ن)بالجفا مكسور
تنوض العزيمة ويتحيزم له الاصرار = على البعد ناوي والسفر فسحة الممرور
تطير الطيور وميزة الحر لامن طار= يرف رف بجنحان السعد دايماً منصور

http://www.youtube.com/watch?v=8endRdokx6g&feature=youtu.be

محمد الذرفي
17-03-2014, 09:39
بــعــنــا قــطـر

بعنا قطر اللي لنا درع وحزام = منشان سيسي مصر وفلول الاخوان
مافاااقة الامة بعد موت صدام = اللي قوة من موتته شوكة ايران
ياقايد الامة وياسيف الاسلام = اذخر قطر واحذر من اصناااخة اعمان
الرافضي لو بدل الثوب بحرام = تالله مافي خافقة ذرة ايمان
هو العدو بكرا وهالحين والعام = يبقى عدو الدين مع مر الازمان
والمشكلة طالوا عقب ماهم اقزام = وغدا لهم من عقب حقرانهم شان
توحدوا من عقب ماكانوا اخصام = وحنا تشتت شملنا والجهد لاان
اكبر دليل اللي نشاهده بالشام = ماعااد ينفع ياعرب كان ماكان
هم يدعمون الحرب في كل الاعلام = وحنا المجاهد ويل ويلة ليابااان
نهــدده بالسجن واحكاام الاعداام = ماكنه الا ياعرب بالوطن خااان
ويلاااه من جور الليالي والاياام = صرنا للصفران العراااقيب نيشان
تقفى يابو متعب توارن الاحلام = الهون صرنا نتبعه وين ماكاان
مايرفع الامة ولايعز الاسلام = الا غبااار الخيل في كل ميدان

محمد الذرفي
25-03-2014, 12:14
بسم الرحمن الرحيم

اخواني / خواتي

السلام عليكم ورحمة الله وبركااته

عند ماسمعت بعض شعار شمر ينخون القبايل في موضوع السجين ياسر الشمري قلت في نفسي

شمر عزيزين ويقدرون بذن الله ع المبلغ ولايحتااج ننخا القبايل بدون قصور في جميع القبايل

وجهت القصيدة الى شيخ الزميل / فهد بن عبيد بن ثنيان

اقول

وين شمر سور حايل نور حايل

ياالطنايا لا تنادون القبايل = حملكــم شيلوه بجهود القبيله
وان فزع معكــم من عيال الحمايل = لاتردونه ولايحقر جميله
وين شمر سور حايل نور حايل = ان تركنا الشمري غبن وفشيله
صار حمل ابن الربوض اليوم مايل = وأنتم اللي تعدلون اليوم ميله
لابتي ماصار قدامي بدايل = وانتخيت بعزوتي رااع الفضيله
يافهد ياشوق منسوع الجدايل = ياسناد الشمري ياباااد حيله
انخ الازمل ياحصل هرج الصمايل = حملهم من غيرهم محداً يشيله
وانخ شمر فعلهم بالكون طايل = دولة(ن) شمر حشى ماهي قبيلة
وين غلبا وين مروين السلايل = وين شمر عز منهو يلتجيله
ابن عماً ينتظر والصدر شايل = كل لوعات الزمان وحنظليلة
لابتي فزعاااتكــم تبرا الغلايل = ننتظر مداتكم ياهل الجزيله
عد ماعد القصيد وقال قايل = للطنايا لابتي بنه وهيله

http://www.youtube.com/watch?v=-xi6NUU_roM

محمد الذرفي
23-04-2014, 01:56
حوّلوا يامطّنــخ الاسلم على سنجاره

حوّلوا يامطّنــخ الاسلم على سنجاره = وانزلوا في ساحة الميدان وانخو عبده
يأهل الرداات كان الخيل ثار اغباره = العدو تهشم ضلوعة ثم تكسر يــده
العدو يامن نوانا ناصلــه في داره = مايتعنى يقصر الخطوة وياللي بعـده
ياشيوخ المجد ياتاج العرب وخياره = الشريف ايقول من شمر معه ياسعده
أم ياسرياالطنايا قــد سمعنا اخباره = ماتنام الليل من ضيم الزمن ملهده
تنتظر من جمعكــم يالغانمين ابشاره = بشروها ياصيارم نجد بفلذة كبده
يأهل الوقفات ياشمر وياتجاره = ياكريمين الخصال وياجزاال الــمده
يأهل المعروف (ذا)المعروف يادواره = من يغيب اليوم جعل الله يبّيح سده

محمد الذرفي
26-04-2014, 11:06
بمناسبة انطلاق حملة عشيرة الذرفان لعتااق رقبة الشاب ياسر الشمري
على نفقة الشيخ الشاعر / فرحان الفهيد الذرفي

قلت الابيات المتواضعة عسى تنال اعجااابكم

بيض الله وجه فرحان الفهــيـــد


بيض الله وجه فرحان الفهـيــد = اشهد انه ناب عن كل الغياب
عشت ياللي نتظرتك دايم بعيد = ياكريم الخلق ياذرب الجنااب
انت بالمعنى لنا مثل الرصيد = ياحدنا الحر واخلفنا السرااب
ياسفير الطيب والرااي السديد = دام عزك خاب من عادك خاب
كلنا فرحان والمبدا حميد = لابتي حثوا على عوص الركاب
يالحرار اللي لياهدت تصيد = ياهل الحيزا فتح للفعل بااب
وأنتم اهل الفعل والباس الشديد = النوايا الزرع والفعل السحاب
اسقو المعروف من دم الوريد = من بخل ياجعل ماله لــذهاب
ام ياسر حرمة لبس الجديد = لابتي كونوا لها ستر وحجاب
والختام اشيد في ربعي واعيد = طيبكم غطى على روس الهضاب

محمد الذرفي
26-09-2014, 09:12
بسم الله الرحمن الرحيم


اخوااني , خواتي


سلام عليكم ورحمة الله وبركاته


من لا يشكر الناس لا يشكر الله


ابيات شكر ورد ثنى بكلاً من الاخ القدير ’ فريحان عمر الاسلمي


والاخ القدير ’ طلال محمد الاسلمي


بيض الله وجيههم
ابو عمر الاسلمي منبع الطيب
ابو عمر الاسلمي منبع الطيب = حييه وحي اللي نخاااه بلزومي
أنا اشهد انه ذيب واللي نخاء ذيب = كفو كفو ياعل عزه يدومي
نخاء طلال وقال رااع المواجيب = أنا لــها واللازمه من سلومي
عاداات الاسلم ياغدى الموقف اصعيب = بالحرب والله يهزمون الخصومي
وعاداات الاسلم بالسنين المجاديب = أهل اللحيسه يوجدون امعدومي
شكراً لكم يأهل المفاخر على الطيب = ياللي رفعتوني وقويت عزومي
لولا الله اول عالم الجهر والغيب = ثم(ن) بعد فزعاااتكم في لازومي
لاكان حل الياس خلف المحاديب = والله اعلم وش توالي علومي
طبتوا وانا لي طاب لذ المشاريب = شكراً لكم حيث الثرى للنجومي