ابو عبدالمجيد
31-08-2006, 04:44
يدك بي هاجوس لا طرف الليل=وجزع من افكار(ن) تصور ابالي
في وحدتي هايم ولآبي التعاليل=اعلل افكاري بنسج الخيالي
ابحر اشراعي في طريق التساهيل=تعبت مجاديفه وهو قبل بالي
تايه عن الميناء ولافيه تدليل=لابوصله ترشد ولا له مجالي
وربانه امساء مايغني المواويل=ولايلقط المحار والدر كالي
تبدلت مشاره النفس تبديل=صارت اهزلن عقب ماهي اجلالي
وقتي غدى مافيه فرقن وتشكيل=باكر غدى مثل امس كله ليالي
ياس(ن)وهاجوس(ن)وهم وغرابيل=ياحيلة الله جاير الصبر طالي
أهني الموتى وغبط المهابيل=ومن لاامني يجريله اللي جرالي
مدري مرض والا بلاوي وتهويل=يالله دخيلك ياعزيز الجلالي
وش هقوتك بالوضع هل فيه تعديل=هل من أمل هل تعتقد له زوالي
هل تنجلي الاحزان هل يضوي الليل=هل يستريح القلب فيما بقالي
للشاعر/مساعد بن مفرح بن عنيزان الحسيني الشمري
في وحدتي هايم ولآبي التعاليل=اعلل افكاري بنسج الخيالي
ابحر اشراعي في طريق التساهيل=تعبت مجاديفه وهو قبل بالي
تايه عن الميناء ولافيه تدليل=لابوصله ترشد ولا له مجالي
وربانه امساء مايغني المواويل=ولايلقط المحار والدر كالي
تبدلت مشاره النفس تبديل=صارت اهزلن عقب ماهي اجلالي
وقتي غدى مافيه فرقن وتشكيل=باكر غدى مثل امس كله ليالي
ياس(ن)وهاجوس(ن)وهم وغرابيل=ياحيلة الله جاير الصبر طالي
أهني الموتى وغبط المهابيل=ومن لاامني يجريله اللي جرالي
مدري مرض والا بلاوي وتهويل=يالله دخيلك ياعزيز الجلالي
وش هقوتك بالوضع هل فيه تعديل=هل من أمل هل تعتقد له زوالي
هل تنجلي الاحزان هل يضوي الليل=هل يستريح القلب فيما بقالي
للشاعر/مساعد بن مفرح بن عنيزان الحسيني الشمري