ديوان الشاعر / رويضان الجسار

[رويضان الجسار]

مــدخــل ....


جودك يجـود بجـودنا جـود ياجـــود
جودك على شريان ربعك وجــودك


جودك تجيد الجرح والسيف مجرود
تجرح مشـاعـر غابـتـك ثـم أسـودك

نـصبـر صـبـرايـوب والقـلب ملهود
نرضى طمان النفس وارقي سنودك

قـدرك من اللي باللـحـد تحت ملحود
مـاهـو قـدر تقـديـر زينـك وعــودك

في جـيتـك روحتـك ماعنـك منشـود
عنـدي سوى حضرة غيابك وجودك

.

.

.



غـلطـة الــوقـت





غـلطـة الــوقـت..





الله يسامح /غلطـة الـوقــت !! ياجــود=صارت على / قلب الشمالي .. شراره


شــرارةٍ جـادت على ذابـل العــود=شـبّت لضايا .. مــابـقـى مـن / وقـــاره
تحــرق جـناب الـود .. بعيونه السـود=وتلعـب !! على جفن الجفى والخساره
والـيوم جـيتـك .. والحكي عِـدَّة بنــود=مابـين هـاوي/ محترف / ثم إعـــاره
جيتك ادوِّر هَفْلة الغـيم والنــود=ذعـذاع جـوي .. بـين بــرد / وحـــراره
لـيـلي (نهـار) فصـولـهـا كـنّـه جنــود=تحـمـل تـنــافـر عكس رد إِعتـبـاره
ضـميـا حـروف العذر والوقت محدود=والحـرف ضايـع من وكيل !؟ الوزاره
ماقـيـل لِكْ راع الهـوى حيل مجحود=وماقـيـل لِكْ ســافــر / سـمي !! الـسفــاره
إنهـار حكـم / الكنق !! والحزب / ليكود=راحـت على الـذمـه .. ويصْعب جـبـاره
جـيتـك حـزن والعـلـم !! شاهـد ومشهـود=شُوْف الشـمــالي !! مــودِّعٍ حـكـم داره
حـان الرحـيـل / وقــدِّمــي بــاقـة ورود=قــدِّم ورود فـراقــنـا / بـكـل حـــــــاره






.



.




.






خروووووجـ ...




مــالـكـ امــل فـي رحــلـة الـيـوم والـغـد


مــالـكـ امــل فـي نـبـضـة مـن حـنـيـني



شــف الامــل صـورة على لوحـة الـخـد


مـكســـور بــروازه عـلى رمـش عـيـني



هـــذا قــــرارك يــوم تــقـفـي ولاتـــــرد


لــيـت الـنـهـايـه هـي نهــايـة ســنـيـني



والـيــوم طــال الـصـبـر يا وردة الـصــد


مـــالـكـ امــل فــي رحــلـتـي لاتــجــيـني








بقلم أخوكم / رويضان الدهري الشمري




(( الشمالي ))

[رويضان الجسار]

مـوج الـبحـر محـروم مـن ضفـة الـنـيـل !!..



الـشمس تـطلع والشميسي بلا شمس =وتـغيــب شمسه والشميسي بلا لـيــل

قـامـت تنـامـل فـي عيـونـي تـقل رمس =يـنــوض بـرقـه كـل مـاهـمـهـم مــخـيـــل

فـيـهـا مـن الـعفـريـت دقّـة هـل الخمس =قـام يـتـهـزع بـالـمسـامـع صـدى الـويــل

إشـعـل فـوانـيـسـه على بصمـة اللمس =وإستـنـتج الـماضي على شمعـة إكليـل

أحـفظ مـدى حرفـه على نـبـرة الـهـمس =واتــرك مـجـالــه فـوق تـرنـيـمـة سهـيــل

خمسة شـروخ إستدمجت لـيله العمس =تـدغـر بـعـيـنـه رحـم ممـلـوكـة الـجـيـــل

يـامـا إشتعل فـانوس في لحيـة الجمس= كـنّه ومـيض كـلاش في عسعس الريــل

يـتــيـمـة الـشـرشـور تـــذبـح بـلا لـمس =والـصـيـد بـالـجـمـلـه تـمـاتـيـك بالــذيـــل

جـنـكِـز ذبـح طـيـره على رمـعـة الـنمس =طــيـرٍ دفـع عـمـره سـبـايـب مـهــابـيــــل

الـمـصـطـفـى ذم الـبـصـل حـزة الـخمس =جـنّب عـن الـمـكـروه خـلـك مـع الـهـيـــل

تـفسـيـر شـيـخه ضـيـعـوبه هـل الطمس=وعـيـن الـغـراب تمـوت مـع حـقد قــابيــل

هـذي حكـايـة حـلم في غـيـبة الـشمس =مـوج الـبحـر مـحـروم مـن ضـفـة الـنـيــــل



أخوكم /

رويضان الدهري القنياوي الشمري

دمتم بكل ود

.

[رويضان الجسار]

جــفـاف الـمحبـيـن !! ..

الـحــرف يشـكـي .!! من جفـاف / المحبين=ادخــل علـى الله !؟ لاتـجــافي / حــروفــي
فـيها ورود : ايـــام / ولـــيـال / وسـنـــيـن=فـيها : الـمـعـاني .. كامــلات الـوصــوفي
للـود ريـشـه !! فـي حـــروف / العنــاوين=القـلـب يـرسـم .. من غــلاهـا / بجــــوفي
لوحـه .. يـمــيزها الـوفــاء / بالتــــلاوين=قــوس / وقــزح .. كـنّه تلــون / بشـــــوفي
هــذا زمـــانـك !!؟ يـالغـلا بـالغــلا / زيـــن=هــذا مــكـانـك !!؟ قـبـل [صـفـق] الكـفـوفي
لا تـنتـنـظـر !! مـشـروه مـنّـا .. ولا / شَـيـن=هالحين اطــوفـهـا !؟ ولــو / مـاتـطـوفــي
اوفـيت .! يـوم ان الوفـاء .. رمـز / الاثنين=والــيـوم : حــنا والــوفـاء / للـحـتــوفـي
بانـت .. مـزون الحـزن / يامحجـر العــين= شــوفي بــروقـه .. فـوق خـدك !؟ تـــروفي

أخوكم : رويضان الشمري
..
.

اما أبيات المجاراه من
الشاعر :صديق علي البارقي

وهي :


يــامــــرحـبـــا والحــــزن حـــــال المحبين =نخفـي ويظـهــر عنـد نـقـش الحــروفي
نشكي من الصدات .. نشكي من البين =نشكـي الجحــود وقـاسيـات الظـروفي
نـوفـي ولا نـلقـى مـن النــــــــاس وافين =نصبــر وعيّـا الجســم يقـــوى الكتوفي
ياخـــوك حنّـا في زمــان أغبـــر(ن) شين =تـخــــون فيــه النــــاس رغـم الحلوفي
في خــاطــري عبــرة .. وزفــــرة .. وتانين =حــــاولـت أعــــديـهـا وعـيـت تطـــوفي
ذكـرتني وقـت(ن) مضــى لي مــع الزين =وهيضــتني وأمسـيت أعـض الكـفوفي
ذكـرى لك الله لأجـلـهـا تـدمــــــــع العين =وتـارد بي المـوت الحمـــر والحتوفي
وأحبـابـنــا اللـي فــــارقــــونـا ومـقـفــين =نحفـــظ لهم عهــد الهوى .. دوم نوفي
ماننكـــر العشــــرة ولـو راحـــــت سنين =ونعـلـن وفــــانـا والعـــواذل تشــوفي

ودمتم بكل ود

[رويضان الجسار]

فـلــيـت ابن قــنَّـه !! .. ..


ماجور/ ياقلب العنا .. لو / تقهويت =فنجال غبن (ن) .. من يدين / الصداقه
عدَّه على خير ٍ !! وسرَّه على / الليت=يمكن !؟ إتلاقي بالمساري / رفاقه
وسريتها مابين : زفره / وتنهيت=وصادقت .. هوجاس المشاعر !/ طفاقه
ارهقني / المجنون وعجَّلت / بالبيت=والبيت !؟ يجرح عقب وقت / الافاقه
حاولت !! اعديها .. على نية / ( فليت )=لكن ( ابن قنّه ) !؟ تقنّه / حماقه
سيف الله المسلول !!؟ في ذمتي / ميت=من بعد أبو ( نقطه ) !!؟ إمعرّي / وثاقه
شاشت .! زواحف ديرتي !؟ منقع / الزيت=تكظم ( بنابه ) !؟ فوق ( سن ) / العلاقه
تسنى بـ ( لولا ) والقرى !! بس ( ياليت ) =وطبخ ( التمني ) .. حسرته !! في / مذاقه
صارت امانيهم !!؟ على كف / عفريت=تقفي و تقبل !! مع حروف / اللباقه
الرزق عند الله !؟ ولوفيه ( نوديت )=(هاك !!) الغلا / والود :(رابط !!) / صداقه
ياهيه .! تعرف سر قافي !!؟ لو / اخفيت=( الله واعلم ) !! والكَلَبشه / بساقه





ودمتم بكل ود

اخوكم :
رويضان الدهري الشمري







.

[رويضان الجسار]

ممنوع صرفك !!؟ .. ..

شوباش ياخشم القلم والقراطيـس=شوباش يانبـع الشعـر والسعـاده
شوباش ياجمع الطنا والسناعيـس=شوبـاش ياسبـع القبايـل ريـاده
شوباش ياشمس الحمايل فوانيـس=شوباش ياطرش البحـر والسيـاده
شوباش يا سجع الليال المراميـس=شوبـاش ياعطـر النسيـم وبـراده
شوباش ياوجيه الرجال الملاحيس=مـادام ملـح الليـل سكرعـتـاده
عقب التحايا واسمحولي مقابيـس=فردة حكـي تنبيـك رمـز الأفـاده
لا شبت الهيجاء على الكنس العيس=مانـي ردي شبـور يلجـم جـواده
اشوش بأولها ليا جـو عواسيـس=واثني ورى اللي ينكسر بـه شـداده
سيفي ورمحي للرفاقـه متاريـس=من دونهـم تحيـى دجيـل الابـاده
نفني وحشها مع فروخ القرانيـس=حتى طيـور المـاء خطيـراً نفـاده
زين البشر واللون شـفـرة جواسيس=وعنز العرب تحفـر بضلفـه قـراده
ياصيدة المسطول يانعلـة ابليـس=جنّـب زحازيـح البشـر ياجـراده
لاتحسبنك وارث ( الحمد ) ياهيس=ممنـوع صرفـك علتـك بالزيـاده
مافاد نوح القيس بالدوح ياقيـس=خل التحدي مـا أنـت قـد القيـاده
ياهيه همك عم الاخـلاق ياتيـس=وعم السعد والخيـل تدعـك ركـاده
ماهمهم كرخك على قصر بلقيـس=والقلقسه مع ذيخـة الـروم عـاده
وإلا انت يالمشهور بين اللأباليـس=ماجيـت ادور مـن يمينـك شهـاده
لاتفسر اسمك تبتديبـك هواجيـس=ترى الخبـر ليـلاً تجلّـى هجـاده
الكذب تلعة سـد ياتلعـة ابليـس=والصدق منجـى والملاجـي عبـاده
.

أخوكم : رويضان الشمري

[رويضان الجسار]

طاب مساءكم / صباحكم
بكل خير وسعاده
اقّدم لكم هذه المتواضعه
وعسى أن تنال على إعجابكم

طـيـب الـنـشــامــى !! .. ..

ياللي خذيت ( البعد ) مع سكة / السير=احذر ( غيابك ) !! ياخذ الوقـت / زيـّـه
تشرد بلا (هـدّه ) !! عقب ( شـدّة ) !! / مغيـر=وتنسى ( زمان ٍ ) قِـدْ ( وهبك ) / المطيـّـه
رحله بـلا ( ربـان ) يا ( وجهة ) / مشيـر=ضاع ( المشيـر ) و تـاه !!؟ من هـو/ ( ركيـّـه )
ليـه !؟ ( الغريبـه )!! تِــدِّرج / بالمظاهـيـر=صارت على ( وكـر ) !! النشامـى / آذيـّـه
من عقب ماهـي !!؟ تحتـزم / بالمناعيـر=كبـرت !؟ ( علابـيـه ) !! و فـكـة / وكِـيـّـه
اغروه ( بالمشـوي )!!؟ و ( طـق ) / القواريـر=وقـام ( يتخبـط ) !! بيـن : هاذي / وذيـّــه
خليطه ( الـذري ) !! مـن ( الكـذب ) !! تنويـر=ماشفت بـه ( صـادق ) يقـدي / بــ .( ضيـّـه )
( يذر ) !؟ فـوق الشعـر ( سبعـة ) !! / مذاكيـر=ويرجي ورى ( الهامـور ) !! لقمـه / ( غنيـّـه )
يقوس ( توقيـته ) !! و ( يشبـر ) / مشابيـر=( يجمع ) !! و( يقسـم ) !! بيـن : طيـب / ورديـّـه
( يدبـل )!؟ ( مدايحهـم ) و ( يرسـم )!؟ / دواويــر=( فرض ) العـدم !!؟ يبقـى ( عـدم )!؟ / ياوزيـّـه
عندي ( نصيحـه ) !؟ و استمـع / يالمثيبيـر=وش لك ( بخلقـه )!؟ وانـت حالـك / ( هريـّـه )
( طيب ) النشامى : ( ورث ) يابـن / المعاثيـر=رمـز ( الكـرم ) و( الجـود ) فينـا / مزيـّـه
حذرى !!؟ وحـاذور ٍ !!؟ وخذلـك : / ( محاذيـر )=قبـل ( دخيـل ) !! الـدار !!؟ يلعـن / ( ولـيـّـه )
( زمرتـك ) والله مابهـا !!؟ مـن / مسافيـر=( خليـة ٍ ) !!؟ وش لـي بهـا !!؟ مـن / خليـّـه
ياعـل مايأتـي !!؟ بـذكـره / مـداويـر=تموت !؟ مـع ( موتـة ) !! هـل / الجاهليـّـه
لا خابت ( الهقـوه ) !! علـى ( ذمـة ) !! / ( مجيـر )=ما كـل ( جيـره ) !! فـي ( زمانـك )!؟ / حذيـّـه
طوعت لك ( سيف ) !؟ ( الشعـر ) / والتعابيـر=وكل ورى ( الهقـوات ) !!؟ يشعـث / ( خويـّـه )
خابرك !! ما تجفـى : ( زبـون ) !؟ / المخاسيـر=غريب ( طبعك ) !! عقـب عيد !؟ / ( الضحيـّـه )
واخر ( نصيحـه ) : لـو ( تقـدّم ) !؟ / ( معاذيـر )=ترى ( العفـو ) !؟ بكفـوف ( شمّـر ) !! / ( سجيـّـه )
وإلا :!؟ ( وداعيه ) !!! وتصبح على / خيـر=روحه بـلا ( رده ) !!! وروحـه / بــ .( جيـّـه )

أخوكم /

رويضان الدهري الشمري

[رويضان الجسار]

فـاقـد عـزيـز !!.. ..

فاقد عزيز وعزتي في حضورك = وين انت ياللي تاخذ شوي وتفيق
ودي بقربك تشهد الناس نورك = نور ٍ يضوي في سمآيه تشاريق
خلك معي بيت ٍ وآنا أكون سورك = سور ٍ يحفظك عن جميع المخاليق
حبك تمكن وسط داري ودورك = دور الغلا وإلا التغلي تفاريق
تعال عطني من مضامين حورك = شهقة حروف ٍ قبل حور التشاهيق
لا تّطول الغيبه ولا يطول جورك = ترى الزمن يشلع مثل شلعة الميق
لاتترك اللي هايم ٍ في بحورك = لاتترك اللي يرتجي بلة الريق
سوق الحنان وضم باقي شعورك = كلّش يهون ولا تموت المواثيق

[رويضان الجسار]

بـش يـاحـمـد !! .. ..




الحول لو هو حال ياراعي الحـول=تبقـى وقائـع قصتـك غنجريّـه


الناس تذهب والعرب تنشد الزول=والضيف في حكم المعـزب وليّـه


قل الفهم واضح على كل مهبـول=لو هـو تذيّـر وأسنـده بالخفيّـه


الطرق مايخفى ولو كـان مجهـول=موج القوافي يرتطـم مـع جريّـه


حاضر بحاضر ماتوانيـت بالقـول=وراع الجزيـه ندبلـه بالجـزيّـه


الله خلق خلقه وكمّل لـه عقـول=وكل مع العربـان يعـرف خويّـه


عفن العرب يبقى مع الناس مثمول=ولد الردي ماجاب غيـر الرديّـه


وإن اعرضت لك من ردي ٍ ومغلول=جنّب عن الناقـص ترفّـع شويّـه


راع الثمايل لو تثمّل لـه دحـول=ماهو لقاء لهـداج تيمـاء و طيّـه


بش ياحمد وارثع على كل مقمـول=طب الردي يخلط مـع الزمزميّـه


وان طالت العلّه على كل معلـول=نحمي له الميسـم ونكويـه كيّـه


الحول لو هو حال ياراعي الحـول=اليوم حول صليب يشبـع طليّـه



.

[رويضان الجسار]

وقفه و وقفه ... .. ..



الـعـــذر يـــادرب الـــــــرداء للمعــــازيــــــــــــب=من قـــــــــــــــــــــبل مايقـدح بضلعـي طنايـه
((الذيب لا منّه عـوى جاوبـه ذيـب))=ذيب ٍ يجر الصـوت فـوق البنايـه
ياذيب مالي عن دروبك مجانيـب=خطوه بخطوه لين خـط النهايـه
اقنب على وضح النقاء بالمكاتيـب=ان كان يقدر فـي لقـاك ولقايـه
قلّي وانا رهن الطلـب للمطاليـب=ثابت على عهـد الوفـاء والولايـه
وآبشر بعزك ياعطيب المضاريـب=انا يمينـك واحتـزم فـي رشايـه
ماني من اللي يتقـي بالمواجيـب=ذولاك صدقان الرخـاء و الفنايـه
و اللي نوالك بالكدر و الشواذيب=يبطي عظم ماياصلك فـي مدايـه
و اللي على الترميز ينفح لواهيب=اطلب عسـى الله يظهـره بالبدايـه
ودّي اسجّـل فـوق دقنـه لواتيـب=وآبيـه يعـرف قيمتـه بالدعـايـه
نبـي نعـلّـق هيكـلـه بالكلالـيـب=ونعلّمـه وشـلـون درب الهـدايـه
وقفه و وقفه تستحث الأصاحيـب=في وجه من هو نـاويٍ بالوشايـه
والعذر يادرب الخطـاء للمعازيـب=من قبل مايشعـل بجوفـي طنايـه

[رويضان الجسار]

.
طاب صباحكم / مساءكم بكل خير
اعتذر عن الغياب لظروفي الخاصه
ابيات كيبورديه للتواصل
واتمنى ان تنال على اعجابكم
.

شعـــار المــوالــيــف !! .. ..





مادامت الفرقـى ( شعـار ) المواليـف=لله درك ( يالسنـيـن )القـديـمـه
خذها من المكنون ما طـب الأرشيـف=مَحْد ٍ لمح ( برقه ) و لا شـاف ( غيمـه )
من ( هاجس ٍ ) عيّا يطاوع هـل الزيـف=دام ( الشيوعي ) بـ(رأس ) ( مآلي ) جريمـه
والعالم ( الثالث ) على جلسـة ( رصيـف )=و( النامي ) الناجـح نمـى بالنميمـه
و( الرئيس ) المخلوع !! من قمة / ( جنيـف )=اليوم ( كاتب ) في مسلسل ( حكيمه )
المجتمع لو هـو مـن الحضـر و/ الريـف=الفرق شاسع بين ( سينه ) و ( جيمه )
حلال ( رمّل ) يـا وسيـع السراجيـف=مـا مـن سلامـه و المسعّـر سليمـه
كل ٍ ورى الدبكه و ( نـو ) المظاريـف=مشروع متعـب والمقـاول هليمـه
إنجاز يـا ( روح ) الـورق و المجاديـف=( لقمه ) ورى ( الدفعه ) و حدّر رميمه
واخـر ( شعـار ) صمّمـوه ( الملاقيـف )=عادة بعادتها القديمـه ( حليمـه )



اخوكم / رويضان الدهري الشمري

دمتم بكل ود




.

[رويضان الجسار]

طاب صباحكم / مساءكم بكل ود
اليكم هذه المتواضعه
وعسى ان تنال على اعجابكم

إسطـورة الـشـعـر !! .. ..

مال الغصن والهواء ملهوف بغصينه=من هو يلوم الهواء لا داعـب أغصانـه
على مساره تدلّى الورد بيمينه =افرش ( بساط ) الامل نبحث ورى أوطانه
على نسيم الهواء مال ( الامل ) عينه = ماغير ( أنا ) و ( الحزن ) صرنا من أعيانه
يستوفي ( الحزن ) موت ( الغصن ) بيدينه=ويأبى كيان ( الوصل ) لو ماتـت أشجانه
يرهقني ( الحلم ) ثـم ارجـع علـى سينـه=يتوه قاف الشعر لو راقب أوزانه
هـدّي ( مـزاج ) الالـم ! لا يبلل الطيـنـه=يضيع ( جوّه ) و ليل الدّان للدّانـه
اوتار حزنه / تواليفه / دواوينه = تنهيت صدره !؟ يغنّي همّها هانـه
غصّت ( لهاة ) الشعر ماحددو دينه=تحتاج ( حبل ) الشعر في ( شنـق ) كتمانـه
يفنى مدى هالعمر والحزن ياشينه=وتبقى عيون ٍ تضم الدمع بأجفانه
من هو لمح في ( جبيـن ) العشق و سنينـه=من هو سبا من ( جناح ) الشوق عنوانه
مجنون ضاعت !! وصوف الورد من عينـه=من هو قطف وردته !؟ من هز وجدانه
مجنـون ليلى و ليل الجن !! يازيـنـه=مدام ورد الشعـر مـن غيـث هتّـانـه
مجنون شافه وناض الشعر مـن حينـه=و ( إسطورة ) الشعـر غنّاها علـى شانـه




اخوكم رويضان الشمري


دمتم بكل ود

[رويضان الجسار]

طاب صباحكم / مساءكم

بكل خير وصحه وعافيه
رساله متواضعه الى الاخ والشاعر القدير مرزوق الغانم
ارسلتها له عن طريق الجوال واضعها اليوم بينكم وعسى ان تنال اعجابكم
وهي بعنوان /

قرض الابادات

قـرض الابـادات !! !! .. ..





الصمت سجن الصوت و القيد بلسان = رسالة ٍ ما يفهمه غير مرزوق
تنقل كلام ٍ ما يسولف للأعيان =خشية قليل العرف يودع له بنوق
وانا على شعري كما ضلع رمان = مايقبل الدمعه على طينة الموق
اقنص سمين الهرج ماني إبحلان =واستر جناب المفرده عن هل العوق
تبهر عريف الشعر ويصير بلشان =ويبحل عميد الشعر من فكة الطوق
الا على اللي مثل شرواك لا بان =يدرك حلوم الشعر من بعد ما يفوق
الشعر يا مرزوق ماهو ولد جان =وعبقر يشابه كذبة ابريل بالسوق
و العلم يا برزان يشبه لبرزان =لكن حلاة العلم تاتيه من فوق
يذكر على المرقاب بالقول عقبان = والذيب عدّي به مع الطير برفوق
وآمد شوفي للمراقيب شفقان = وترجع لي النظره ولا شفت مخلوق
دسمان ما دسّم شواربه دسمان =طيب الاسامي ما تطيّب له اوفوق
( النِّقْ ) لو تجمع على ( النِّقْ ) نيشان = إلا سميّ مشيّد البيت مفهوق
هتلر ضريبة وقت في قصر الالمان= والبنك من قرض الابادات مزنوق
مال الربا للسحت في كل الاديان = مصير مايجنى ولو زاد مسحوق
اصبح خطا الدستور للوقت برهان =وجه الحقيقه بالزمن صار مسروق
عكس الموشّر لا تسكّع بليهان =في نجد والدانه تصوّر له النوق
هذيك بنت فلان وأمه على فلان =وهذيك مشريّه بمليون مدقوق
مالوم جاشه لو تغنّى بالاوطان = وانا صدى صوتي بالاوطان مخنوق
نجمة رقيبه بالسما ضوّها زان = من عقب ماهي بالوطا تقل غرنوق
و اليوم طير الحلم غرّد بالاغصان= حظي بري ماعاد هي بيننا حقوق
شفنا و لا خفنا طورايف سنمان =مير البلاء بأمه اليا شافت بروق
واحيان ماتفهم على كل الأحيان= احيان ما هو كل مطرود ملحوق
مادمت انا المرسل و صدري رويضان =لي الشرف لاصار بالعجز مرزوق



ودمتم بكل ود

اخوكم : رويضان الشمري





.

[رويضان الجسار]

لـحـم نـي !! !! !! .. ..

كانك فهد طير الشقى شافلك ريش=ماودّنا في هدّته يابعد حي
ريش النوايا بيننا لقمة العيش=لا تطيّر الجزله وتقنص لنا السي
ماانته بمسئولٍ على رحلة قريش= ماغير ربي يقطع الرزق والمي
جاك النذير وفتش العلم تفتيش=الوضع مظلم والعداله لكم ضي
قبل العلاقه بيننا تفصل الفيش=شمس الضحى ماهي مثل بارد الفي
اصبح مدير القاع ياخذ بخاشيش = يفتي بتحريمه وياكل لحم ني
خط الدفاع اللي يدافع على ويش=عيّد بنا عيدين والثالثه لي
ظنيت تكتيكه دفاعي مع الجيش= وأثره كما الصحاف يكرخ ولاشي
خل الحماقه لا تحدن على الطيش=خل الطيور تطير بأرزاقها هي
اوجزت علمي والخبر بالمراهيش=وان طالت العله ترى طبكم كي
لا يا فهد طير الشقى ينتف الريش= ماودّنا في هدّته يا بعد حي

[رويضان الجسار]

طاب صباحكم / مساءكم بكل خير

1/1/1433 هـ

عامٍ جديد وعمرٍ مديد ان شاء الله

وكل عام وانتم بخير وصحه وسلامه

ابيات كيبورديه متواضعه من على الكيبورد
اهداء للجميع
...

لكل النشامى

لـكـل الـنـشــامـــى !!..

سلامي على كلّ نبض ٍ ( بصدر الشّمالي ) نفض كلّ فيض الخيال=تحيّة غلا من زكاها يسوقه هِجوسي على كلّ صدر ٍ وسيع

سلامي على داهيه داهيه من دهاة العرب كنَّ حرفه مثال=تسامى حروفه معالي سموّه فصاحة بيان المقام الرّفيع
سلامي مداده لسبع القبايل جنوبه وغربه وشرق وشمال= لكلّ النّشامى / عسى ( كلّ عام ٍ بخير وسعاده ) عليكم جميع
مضى العام كلّه بنقص العمر ياعسى كل حيّ ٍ سنينه طوال= سقى الله منازل حبيب ٍ ترك من يحبّه وودّع حبيبه وديع
عسى ربّنا غافر الذّنب يغفر لنا كلّ ذنبٍ علينا مُحال = عسى رحمته فوقنا كلّنا ظلّها نستظّله حجاب ٍ منيع
وبختم كلامي بذكره مدامه ذكر كلّ فضل ٍ بذكره تعال= تعالى جلاله وسبحان ربي عساه يحمانا بسد ٍ ذريع
هو الواحد الأوحدي جلّ ربّي عظيم ٍ و كامل بكل الكمال= إليك الرّجا ربّنا إتّكلنا بك المتّكل يالعليم السميع

دمتم بكل ود

اخوكم : رويضان الشمري

[رويضان الجسار]

الـنـخــل حــرّ !! !!..

النَّاسِ تَنْسى وربَّ النَّاسِ مَا ينْسَى = حذْراكَ تَنْسى تِصَيْرَ النًّفْسِ مَنْسيَّه
كِسبْتَ مِنْ (مُصْحَفَيْ) فيْ دِنْيتيْ درْسَا = واخذْت جرْعه مِنَ حْروْفهْ وقائيَّه
كنّ ( آية ) الشّعْر في كفّيْ عَصَا موْسَى = مرْسَل على كلّ (فرْعوْنيْ) و (جنّيّه)
و(سْفيْنتي) قمَّة ( الْجوْديْ ) لها مرْسَى = إِبْحرْ بها لوْ بحوْر الشَّعْر عبْريَّه
الشَّعْر ماهوْ طلاسمْ (روْم) معْ (فُُرْسَا)=خلّكْ من الْليْ يقوْل : النّيَّه / النّيَّه
يا صار ماهيْ مِنَ الْليْ عيْنها خرْسَا= حَرّجْ عليْها بسوْق (اعْكاظ) عيْديَّه
والْخنَّه الْليْ ورى الْقوْسيْنَ (كالْخنْسَا) = خلّهْ تغنّي مادام الْحيّ معْ حيَّه
نسْرجْ (بِراق) الشّعِرْ بالْليْلةَ الدّمْسَا = ونسْريْ ورىْ كلّ حدّ ٍ (للسّعوْديّه)
شفْنا الرّقيْق تْغزي منْ دوْلة (النّمْسَا)= واحْرار تسْقطْ ورىْ ثوْرات حرّيّه
( قاروْن ) يسْبحْ مع الْقيراط والْفلْسَا = ويْغوْص معْ رمْلها فيْ لبّ الارْضيّه
يا(قدْس) حنَّا عربْ (نكْسهْ) بَعَدْ / نقْسَى = (صْلاح) كرْديْ !! و ناديْ (نسْل) كرْديَّه
تمْثال حرْيَّة (امْريْكا ) من (فْرنْسَا) = مثْْل (النَّخلْ) حرِّ !! معْ سيْفيْن (هنْديَّه)
[/center]

[رويضان الجسار]

طاب مساءكم / صباحكم

بكل خير

ابيات كيبورديه وعاجله

بعد موقف في مزاين إم ارقيبه !!

ارسلتها بالجوال قبل قليل الى : هاجد الحلاّم البقمي

وعسى ان تنال اعجابكم

هاجد الحلام البقمي!! !!..




علم البحر بالمد والجزر معلوم = من كل نوع ولون بالحرف حاوي
يا هاجد الحلاّم !! والرزق مقسوم = بآمر الولي من فوق عرش ٍ سماوي
يا ابن البقوم وعزوتك كلها إبقوم =يردون حوض الموت مثل النّداوي
ياشوق من نهده على الصدر مزموم= عز الله انك يافتى الجود قاوي
ان جيتني جيتك !! ورى كل مفهوم = من كل (ضدّ) و (ضدّ) فيني هقاوي
حر ٍ من احرار الجبل يدرك الحوم = شرّي على (الخرب) السّمين النّحاوي
وان كنت تنشدني عن اخبار وعلوم = الحمد لله ما نقلها السّواوي
(اخبارنا) يا عزوتي تتعب !! القوم = مثل الذي في راس سنجار عاوي
مع كل جرّت صوت غنّيت مهموم= من حرّ مابي اصبح الجسم ذاوي
الصدق ضايع !! والزمن : صار مسموم= تِسْرق عزاوي !! ثم تسلْب نخاوي
(غلبا) !!.. (طنايا) !! وغيرها كلّها لوم = راحت (لغيري) صار سهمه دناوي
ماليبها دام الرخا !؟ بالوطن دوم = وان شبت الهيجا نجيب العزاوي
ترجع لنا غصب ٍ على كل مرجوم= لا صاحت العذراء لعين الهواوي
خلّ السّوالف !! كلّها غفوة احلوم =دام (آفة) التاريخ مع كل راوي
والعذر يا (هاجد) من الوقت مزحوم= صارت هواجيسي تعن الفتاوي
اترك هواجيسي غشى همّها النوم=ما ودّي اشغل كل حرف ٍ عناوي
وان قام همّه قلت هيّا بعد قوم = شربت همّه مثل شرب القهاوي
وختامها يا (هاجد) ابعد !! عن اللوم = خل العرب تقفي اليا صرت ناوي
من صد عنّك لا ترجاه و تحوم = خلّه يولي دام ما انته رجاوي
ياصار لك فلك ٍ وقادر على العوم = أبحر بها مع كل غبة شقاوي


.

اخوكم / رويضان الشمري

[رويضان الجسار]

خـلّك طـبـيـعـي !!!! !!..

لو طار طير المستحيل وغابت السّبع العجاب = خلّه على قول المثل هي ممكنه كلّ العجب
كانه من الله لا يفسّرها على لفظ الخطاب = كلّ ٍ على نفسه يراجع غلطته وقت الغضب
وقّفتها بيني وبـين الصّمت والخاطر يثاب = لو ماتت الشّرهه بصدر النّابغه يوم العتب
ساعات اقول إنّ البشر ماعاد تدري بالصّواب = دام العقول الجانحه من فوق هامات السّحب
كلّ ٍ يشوف النّاس في طبْعه مادام انّه مصاب = والظّاهر إنّ اسطبّها الخلفي ترقّت به رتب
بانت على نبراتها فيها من الوضع اكتئاب = كنّه تمنّا موتها والموت عنوة من شجب
يدرى خواطر ميْن ياعمّي على الوجه اكتتاب = إسهوم خوفه شاهده في سعرها يوم النّشب
بان الرّدى بعيونها لا لا وظنّك فيه خاب = دام المظاهر خايفه ليه الشّبب ما هو شبب
كان الرّجل حتّى لسانه صار من نفسه يعاب = هرّاجة المجلس لعذره حطّت ابليس السّبب
حسبك على النّاشر مادامه حطّ للموجز نقاب = يا نشرة اخبار المساء ليه بتفاصيلك حجب
ذيعي على العاقل عسى العقّيل تلقى له جواب = وإلا نذيع اخبارها في مركز الدّوله ذنب
دبّـوسها لوعادها حطّيت في فمّه تراب = من شان يعرف قيمته دامه ذنب ما هو شنب
لا لا نِعم صعبه نَعم وش جاك من صدر الكتاب = من كل صفحه نوع لونك لو بعثته لك كتب
خلّك على بعضك ترى العاقل يردّه لك إياب= خلّك طبيعي لو يقولون العرب هيّا أجب
وان شفت نفسك قادره جهّز زهابك لك ذهاب = والخافي اعظم والله إلا تاكله أكلت مطب

[رويضان الجسار]

صندوق الزمن


صـنـدوق الـزمــن !!!..


مسا الخير يا ورد الغلا كلّ ما امسينا=بهمـس المحبّـه و الـوفـا كـلّ مضمـونـه
مادام الوفا باقي من اسمى معانينا =زرعت الأمل في كلّ درب ٍ يمرّونه
قطفنا ورود العام واحلام عامينا=سعدنا بلحظه وانطفت كلّ شمعونه
كسبنا ورى اللهفه من الشوق كاسينا =وكاس الهوا مسكوب من خمر دلعونه
علـى همسـة العشـاق وافلح صباحينـا=صباحه مثل ما اصبح صباحـي يمسّونـه
تعيش الجـروح وطـبّهـا مع مجـــافينـا=عسى الجرح ما يبرى ويبقى على لونه
وحنّا ثلاث سنين غرقت مراسينا = على مركب العشاق ببحور مفتونه
غيابي خـذا عـذره وشـوقـي لقـى فيـنـا= مسـافـة شقـى حـرف ٍ يتابعـه مجنونـه
ولا عـاد صدري محتمـل عــذر نـاسيـنـا= طرقت الهواء من شـان سلهامـة عيونـه
طقوس العزاء لو ننتظر مـن يـواسينـا=تموت المحبه والهـواوي علـى كونـه
ضمـيـر المحـبـه لو ذكر وش خوافيـنـا= بصـدر الغرام بكـل طيف ٍ مـع مـــزونـه
جــذبـني خيالـه لـو ضميره يعــادينـا=سرق خافقي لحظه وانـا مـن يجـازونـه
كفايه وانا حسبي على من يجازينا= ببعد ٍ مع الصدّه ولا باح مكنونه
شكرت الفراق وقلت هذي مآسينا=تحفظه بصندوق الزمن لا يشوفونه
مــادام الــمبادي للنّهايه تودّينا=وداع الـهموم ولا وداع ٍ تعرفـونـه





.

[رويضان الجسار]

طاب صباحكم مساءكم
بكل خير وسعاده
ابيات كيبورديه وعلى عجاله اتت هكذا
واتمنى ان تنال على اعجابكم

شبه العسل !!


شـبـه الـعسـل !!

نشّفت ريق الشعر يا منشّف ارياقي=واهل الشعر منك فرحانه وزعلانه
اتعبت من هو يحث العين والساقي=صارت خطاوي فقير الجاش تعبانه
ماسرّهم من سحاب الصيف براقي=مزنك تعدى تضف الريح شلانه
ماشفت مثلك ولا غيرك بعد باقي=فيك الوهم عاش لا يا زين مسكانه
متلحفٍ تشحذ الهمه ورى اعماقي=فيك اللمم تحتفل في ميلة اغصانه
لالا يقولون بك ضرب المثل لاقي=شفني آلملم لك الامثال عطشانه
شبه العسل طفلكم بالقدس ما ذاقي=ياكن عباس جابه بأول ازمانه
والذيب عاوي لو ان الصوت دفاقي=لو حظّ ملحه بري ماصاب حجّانه
يا طير لا لا تنوح بوقت الاشفاقي=لا تزعج الناس صوتك تزعج آلحانه
واليوم نجمك ظهر من تحت الانفاقي=ياشين طلع النجم في وجه بردانه
شد الوتد عن دوال العرق يالراقي=دق السبب زين لا تتعب هل الدانه
وان ضاق صدرك وصوتك بالفضا ضاقي=طشّه ورى المقبره لا تقبر اوزانه
ماني طبيب ٍ إجبّر كل منعاقي=رح راجع اللي صدى الأضلاع عمدانه
قصة مقص الرقابه مصدر اوراقي=خلف الكواليس تسمع قص جنحانه
لا تتعب اقلام خلق الله مع احداقي=افعل بنا خير ياللي ترجي اثمانه











.

[رويضان الجسار]

مراسيم الغياب !!


مراسيم الغياب !!


يا عميلي كان ( نجمك ) بدى ضوّه يغيب = علّّم اصحابك ورتّب مراسيم الغياب
الليال ( الوضح ) نص الشهر مابه نصيب=غير دم ٍ يحرق الروح يا فضل الثواب
لو تصوم ( البيض ) ( للبيض ) عن وجه الطليب= ما تسرّ العاقبه شمعة العشق المذاب
ضاقت الدنيا بوجهك مع الصدر الرحيب=كنّ همّك فوق صدره تباشير اكتئاب
يا عميلي كان ( نمر ٍ) نثر دمعه سريب= إعرف ان ( وضحا ) سبب كل دمعك يا سحاب
كل شخص ٍ لو يذوق المرض دوّر طبيب= غير من هو شاف طبّه ذهاب ابلا إياب
وانت ياللي كل بوحك على شانه نحيب=من يلومك بالهوا جعل يرجمه الشهاب
لو تحاول ذرّة الملح بعيون الصحيب = اكتستك اللي حفظته على صدر الكتاب
جاهزه فور الطلب لو طلبته يا رغيب=لو تبيها جتك تسبق رموشك ما تهاب
ليت والله يالغلا مع صدى صوته تجيب=لو تساهم في سهم حب مغليك اكتتاب
بعدها لو غاب عنّك خياله ما يغيب= لو تغيب الشمس ماغاب حلم ٍ للغياب






.

[رويضان الجسار]

.



( بــزعـمـه !!؟ .... يـقـهــرنـي ! )
( بـزعـمه !!؟ .... يقهـرنـي )!!

نثرت انا الشّعر وإلا الشّعر ينثرني=سافرت مع (كوكبه)!! يا وين !؟ وداني
يا كاهن الشعر ليه !؟ الشعر يسحرني= يا كاهن الشعر شفت (الحي! والفاني!)
يكسرني (الحزن) لين الشّعر يجبرني= نظرة عيوني (سما) والحرف (ينخاني)
تحذير للّي (بزعمه !!!؟ كان .. يقهرني) =في نشوة الحرف دام (الكل) يقراني!
فالحمد لله مادام (العقل) يذكرني= و(معالم) الشعر للقاصي! مع الداني!
من كان ودّه (يغيضن)!! لا يدورني= كانه يبي (طيحتي !!؟ بالشعر .. يلقاني)
وان كان قصده (حروفي) بس تنكرني = قلّه ترى (وِلْيم)!! الاشعار (عنواني)
غمّضت (بالشارده)! والحرف يسهَـرْني =وفتّحت (بالوارده)! لعيون (خلاّني)
ادمنت !! بالشعر يوم الحرف يسكرني!= واصبحت انا (بينهم) يا كنّي (الجاني)
اسهوم (جـرْول) جزيته !! قبل تنشرني=واجمل هديه (رديف)!! الاصبع الثاني
يلهث ورى (رحلتي) ما هو مكدرني=و يموت ما يلحق اللي تنثر اوزاني
ان (جاك) قلنا فدا!! (هالزول) ياسرني=وان (راح) قلنا كفاك!! (الروض.. يالعاني)
اطوف ركب (الفضا) والحرف يامرني=نرجع على اللي تنادي (بالبحر) ماني
اغوص يمّه لو إنّ (الحوت)!! ينهرني!=يجبرني (الشوق) واسترسل بالالحاني
وتصيح انا (مرهفه) ياليت (تغمرني) = واضمّها عن (طروش) البحْـر (بلساني)
يجمعني الشعر وإلا الشعر ينثرني= ياكاهن الشعر كيف !!؟ الشعر (يجزاني)
شفني (شكرت) الشعر و الشعر (يشكرني) = و الحمد لله .. مادام الشّعر (مجّاني)



.

[رويضان الجسار]

.

جـــــوع الــــرســـائــل !! !!

على نهج (الجفا) و(البعد) و(اسلوبك) مع احبابك = تذكرتك !! وانا اللي مانسيتك يوم تنساني
اشوفك بالسما (مزنه) كساها (لون) جلبابك= عليها من (وصوفك) يوم تنكرني وتجفاني
حنين الشوق من مزنك (عطش) وشلون؟ بحيابك=وانا اللي كل ما جيتك سلبك (البعد) من شاني
تشكّلتك (ضمى) لحظه / دقيقه .. كيف؟ تضمابك = ضميتك كل عمري وانت (مزنك) عمر مـااسقاني
جمعت النور ! لجل النور! يحيابك و يحضابك = تأمّلت !! و تألّمت !! الحياه وهمّك اشقاني
تأمّلتك (امل) يوم الامل (غايب) ولا جابك= تعبت ارجي (رذاذك) واستغيث الحلم لا جاني
تأمّلتك (فضا) كوني ونجم الصبح يغتابك =تأمّلتك (نجاح) الحلم يوم العلم! بك فاني
تشمّستك بنور الصبح ليت الصبح ضوّابك =تمنّيتك شعاع ٍ عن ظلام الحزن يجلاني
تهاديتك على روح (القصيد) وجيت مع بابك=تصفّحت (الغموض) اللي ستره (الشوق) عن ثاني
تخيّلتك بلا (دمعه) و دمع (اليتم) غنّابك=تماكنت الخفوق اللي (عزا) من يوم عنّاني
لذالك (مزنك) الراحل رحل (مغرور) بثيابك=عشقت الحزن من بعدك وظلمك ما تعدّاني
بدى (جوع الرسايل) بيننا! والبوح يشقابك=حرام انّي سهرتك بسّ لا مجني و لا جاني
علامك ليه يا (مزن )ٍ قتلت الوصل بـااهدابك = حسبت انك معي وافي وخاب الظن واظناني






.

[رويضان الجسار]

.



طاب صباحكم / مساءكم
بكل خير وسعاده
ابيات كيبورديه متواضعه نتمنى ان تنال على اعجابكم
بعنوان /

ثنايا الغيم !!


ثــنايـا الـغـيـم !!!! !!



لا سلام ولا كلام ولا جدال= كل نبضٍ مع وصوفك يستوي
يا ثنايا الغيم في سجع الخيال = يا ثنايا الأرض في وصف بدوي
لا يضيع القاف في صدر المحال = لا يتوه القاف في حرف الرّوي
كف عثماني نوى يكتبك ذال = ضاع خطّه يوم عقله مهتوي
من يدل التايه المنجوم دال = مثل ريم ٍ اعتقه كف اخلوي
زاد نبضه يوم يهجرها ليال = بين همه واعتقاده ينزوي
والحيا لو يعتق لسانه جمال =خطب واعظ بالفصاحه محتوي
كان شرهاته خطايا بالوصال= يعقد القمه على راس الخوي
يحتملها من قبل كل احتمال=والمساري ليلها ليل اشتوي
دام قلبه معك يا صدر الشمال = لايضيق الصدر دامه منتوي
لا هناك ولا هنا ضرب المثال = بين ذات البين يصلحها ذوي






.

[رويضان الجسار]

.

الــوثـيـقـه .. !!

.

الــوثـيـقـه !!

ليت حرف الشعر ما حرّك شفاتي = دام عمري بالثواني و الدقيقه
مير نبع الشعر ورث ٍ في حياتي = من وانا طفل ٍ قبل ذبح العقيقه
يا إلاهي طالبك حبل النجاتي = آآآه يا سامع ندا صوت الغريقه
وسط غبّه من هواجيس المباتي =تتعب الغطاس لو طب العميقه
تشبه الياقوت من فذّة زكاتي = يوم جفّ الورد واستنزف رحيقه
يا صديق ٍ خابره يحفظ وصاتي = قل لهم لا مات والشاهد رفيقه
فالوصيه شرع بالقول الثباتي = مثل ما وصّى شقيق ٍ في شقيقه
انشر اللي ما نشرته يا غناتي = وابلغ الحيين عن معنى الوثيقه
ربما اوجر عليها في مماتي= والصديق احيان يوجر في صديقه
لا تكاسل دامها اتزيد احسناتي=واكشف الموضوع بأكثر من طريقه
خبّر اللي ما عرف سكر نباتي = يوم اطرّزها على ثوب الحقيقه
وضّح اللي ما تبيّن للرّواتي = يوم زفراتي تعدّت مع شهيقه
قل لهم عن ما بدر وسط النواتي = وانشطار ٍ كل ما شبّت حريقه
إحترِق في داخلي وانقل دواتي = لين حرفي يشهد بعينك بريقه
فالليالي كل ابوهن مقفياتي = والبقا للي خلق كل الخليقه
يعلم اللي قد خفا بالمقبلاتي = والليال الماضيه يعرف فريقه
يا صديق ٍ حافظ ٍ كل الوصاتي= جاك علمي والله الله بالوثيقه



.