ديوان الشاعرة / عــــنــــ الصيد ــــود

[عــــنــــ الصيد ــــود]

حبيت تكون هذي القصيدة لي اول مشاركه بهذا المنتدي لانها من اوائل قصائدي ولها ذكري عزيزه علي


مناسبتها ان احدي صديقاتي ايام الجامعة سالتني من انتي وحين ذكرت لها قبيلتي قالت لي وع بدو:gd :

فقلت00؟

حنا بدو00؟ !!!

حنا بدو وانتم بعد وش تصيرون ؟=لاصـار مالـك بالقبايـل قبيلـه
حنا بدو كـان انكـم ماتعرفـون=ماعندنا غيـر العلـوم الجزيلـه
وانتم بقايا اللي يجون ويحجـون=ويفرح مادام ان كل شيء يجي له
دايم علي الراحه تجون وتروحون=في كل وقت وكـل يـوم وليلـه
حنـا نخليكـم علـي ماتريـدون=فيما مضي واليـوم ليلتـك ليلـه
والله لو مثلـك لمثلـي يعرفـون=كان تاضعينن فوق راس الطويله
عما يكنه خاطري لـو تعرفـون=كان اختلف معنـاة بايـه وسيلـه

[عــــنــــ الصيد ــــود]

من قصائدي اتمني تحوز علي ذائقتكم

حبي الضايع000 ..


الا ياحبـي الضايـع الا ياصمتـي المسـمـوع=الا ياخطـوة الحيـرة وصمـت الليـل سابقـهـا



انا فـي حيرتـي اهيـم بقلـب يائـس مفجـوع=ادور في سـواد الليـل روحـي ويـن سارقهـا



ابكتب صادق احساسي علي بيض الورق بدمـوع=وبرسل ضامي اشواقـي ودمـع العيـن سابقهـا



علي عنوانكـم جـددت عهـد بالامـل مقطـوع=حروفـك ياغـرام ماتفـارق عـيـن عاشقـهـا




تضوي لي وتزرع لي علي طول الدروب شمـوع=تنور لي طريق الصبـر لـو ضاعـت مفارقهـا




بعيني ثـار بركـان البكـاء نـار لوعـة لـوع=عيوني مابها الا الشوف هدبهـا الدمـع حارقهـا



وصدري شايل قلـب بسلـوان الرجـاء مقطـوع=وروح ودهـا ترتـاح بـس الشـوق عايقـهـا




كفنها حولهـا ملفـوف وقلـب بالنقـش مرفـوع=مـن الامـي وحرمانـي ليـت المـوت شايفهـا




بكالي خالي الاحساس ومعني الحب بـه منـزوع=علي مابي مـن الشكـوي اجـدد حـزن داعيهـا



بكالـي ليلـي وبـدري اليـة النجـوم اجـمـوع=بسلـوان العيـون اللـي تسهـرهـا موارقـهـا





وجسم سلته شكـواة وانستـه العطـش والجـوع=وعيـن للسهـر ترضـي وهـو للنـوم بايقـهـا




بقلبي جفت اوراق الامـل مثـل الزهـر منـزوع=متـي يسقيـة سيـل الحـب مزنـة لاح بارقهـا




وتنثر مـن عبايرهـا معطـر كـل يـوم بنـوع=وتسقي قلبـي الضامـي ويـروي مـن رحايقهـا



اهيـظ كـل عبراتـي وغنيهـا بكـاء وسجـوع=ابي روح تشيـل الشـوق ليـن اقضـي معانقهـا



سبايب شكوتي هليت حبيس الماء وفاعـن فـوع=علي خـدي دموعـي ياكثـر ممشـي طرايقهـا




اسميها صدي الحرمان0 لا0ماهي قصة او مشروع=معنـاه كتمهـا قلـب عايـش فــي حقايقـهـا








وسلامتكم

عــــنــــ الصيد ــــود

[عــــنــــ الصيد ــــود]

شكرا لابو غازي علي وسام الابداع

فاجئني هذه اللحظه من ابو غازي حصولي علي وسام الابداع

صراحه عجزت اترجم شكري

وفرحتي اولا بوجودي بينكم وثانيا انكم خوالي فخرا ليس بعده فخر

ترجمت فرحتي وشكري في ابيات قليله اتمني

تفي قليلا من شكري

لهذا الصرح ولابو غازي
مني لابو غازي شكر وعرفان ..
اقول ابيات علي عجل ولكنها ربي يعلم انها من قلبي

الشكر ياقله لمثلك وشرواك=لاشك غير الشكر ماجد بداله

وارفع يديني في صلاتي لمولاك=وادعيه حيث ان مابه الا الدعاله

واقول ياربي يحفظك ويرعاك=ويوفقك واللي تريده تناله

وانه يخليك لعيون ترجاك=مثلك عسي مايفقدونه عياله

هذا الذي عندي عسي الكل يفداك=جمعتها وارسلتها لك رساله


وسلامتكم

اختك

عــــنــــ الصيد ــــود

[عــــنــــ الصيد ــــود]

من قصائدي اتمني ترتقي بذائقتكم

طول الهجر..
لو كان طول الهجر ينسي نسيناه=مير النوي زاد الهوي في ضميري
من زود حبه شلت بالقلب ذكـراه=وبالعين رسمه مايفارق نظيـري
كحلت عيني بصورته والله اعطاه=حسن يخلي من يشوفـه يغيـري
ويخلي منهو فاقـد نـور عينـاه=يشوف حسنه عقب ماهو ضريري
ياناس انا علقت روحـي بيمنـاه=وتركت قلبي في هواه ومصيـري
اخترت دربه تابعه طيب ممشـاه=لو مالتفت يمي بتابـع مسيـري

عــــنـــ الصيد ــــود

[عــــنــــ الصيد ــــود]

من قصائدي اخترت لكم هذه القصيده
ماتعرف الموده ..

أنـــــا أشـــهـــد انك ماتعرف الموده=وانا اشهد انك ميت مابك احساس

مادام قلـــبك له جنـــــود تــمــده=من الهجر والبعد فأبشر بالافلاس

حبل المــوده لك بالاول اشــده=ورضاك محمول علي العين والراس

من قبل ماتنكس جميلي لضده=يوم انت صافي لي مثل جوهر الماس

باب الهوي والحب يمك نهده=مادام لك عاده كذا تخدع الناس

واسمع تري صبري وصل عند حده=حب لمثلك تحت الاقدام ينداس

[عــــنــــ الصيد ــــود]

احيان كلمه بسيطه نقولها ونعتبرها سهله ولكن عند البعض ربما جارحه

هذا ماحصل معي بهذه القصيده التي اتمني ان ترتقي لذائقتكم



شوفتك ماتشرف..

ان كان شوفي مايشرف خساره=وش انت يومٍ شوفتي ماتشرف

تراي بنت اللي يحطك يساره=يوم انت عن كل العلوم متطرف

اللي يبين ابها الرجل اقتداره=مواقفٍ فيها لشخصه يعرف

ولا انت كانك تحسبك بالصداره=تراي اجزم جزم دوم متخلف

الحر دايم يفتهم بالاشاره= والخبل ماني في علومه اكلف

ابوي شيخٍِ ماطفت يوم ناره=ولا انت قلي عن علومك تصرف

واسمي يخلي الناس تتعب مداره =لشخصي جميع الناس وده تعرف

اسكن بقصر ماسكنت العماره= بنت الشيوخ وليه اقسم واحلف

ماهوب مثلك مرخص في وقاره=في غرفته ماغير دش ومكيف

هذي الرساله والرساله خساره= للي يقول ان شوفتي ماتشرف