بناتنا واللثمه

[جمس بوند]

:beer: السلام عليكم ورحمة الله وبركاته

بصراحه موضوع يدور ببالي
وانا ضد هالشي في مجتمعنا
والاحظ الانتشار الواسع
الا وهو البنات والعبايات ولاننسى اللثمه
طبعا الدين يأمر المرأه بالتستر وجميع جسمها عوره
حتى صوتها للرجال الاجانب منها
فنشاهد التطور في العبايات من بعد ان كانت ستره للمرأه
اصبحت والعياذ بالله اساسا للفت الانتباه
طبعا لاننسى الميك اب والظل والحركات (( البهارات الضروريه ))
وكثير كثير بنات اخذووها لكسب الاعجاب والحصول على اكبر عدد من الجماهير
واصبحت الفتاه بدلا من ان تتسوق ولا تريد ان يعرفها احد
كما كانت النساء على وقت النبي صلى الله عليه وسلم
يمشين بجانب بل ملاصقات للجدار
نجدهن والعياذ بالله يتخذن المسار الاساسي
ولو اضطر بهن الامر للاصطدام
طبعا انا ما اقول الشي هذا الا من ملاحظات اجدها
يمكن تقول البنت ايش جابك لهذه الاماكن
طبعا انا ماقلت سووق واختصرت هي منتشره
وانا حضرت مناقشه على النت بالشات
بين فتاه وشاب
واشتد بهم النقاش حتى اهانت البنت الشباب بكلمه وقبل ذلك اهانت نفسها
اهانت نفسها بان شبهة نفسها كالجاريات
واهانت الشباب بكلمة قالتها (( كلها اطق اللثمه واشاره بيدي واجيب مية رجال ))
يجب ان نخجل على انفسنا ونستحي منها
الموضوع كبير ومقلق ومسبب قلق نفسي وعقلي وجسدي الـخ .. لجميع افراد الشعب السعودي
تصدقون يالربع الشباب السعودي في الاسواق الخليجيه
وقدام عيني تمر الروسيه اللي لابسه اي كلام مايهتم
واذا جات ام اللثمه والعبايه المخصره يبلمون قدامها كنهم ماشافو خير
سبحان الله مدري هو ادمان عبايه او ان فعلا العبايه تاثيرها ساحر لهذي الدرجه
لدرجة ان السعودي يصير متشفق على شكل عبايه او لثمه حتى بالخارج
بصراحه انا لو يقولون لي الحرمه تفتش ولا تلبس عبايه مخصره او ماتسمى بالفراشه الان
اقوووووووول تفتش وربي ابرك من هالفتنه << خربها تالي عمره
تجيك وحده شيفه بس معطيها ربي جسم وعيون
تروح معها وطي
قسم بالله ياشباب
انا من الناس اللي اذا سافرت للخارج اشوف البنت بالسوق عاديه مدري ماحس انها تفتن
واذ شفتها باسواقنا وهي لابسه لثمه وعبايه مخصره ومفتوحه من تحت




تاثر فيني موب انا لحالي كل اللي اعرفهم من اخوياي
مدري لذي الدرجه نقدر الصناعه الوطنيه ولاوشلون خخخخخخخ
البنت اللي تلبس كذا تحب تستعرض تحب العيون عليها وين ماراحت
هنا نتسأل
الان
الاب او الاخ او اي محرم لهذه الفتاة
اذا شاف البنت طالعه كذا بكامل زينتها وفتنتها قدام عيونه
مدري هو موب رجال مايحس ان عرضه فعلا في منظر فاتن ويثير الشهوه
اذا صار مايحس بهذا الشي
فأنه لاغيرة لديه
او اذا صار يحس بس مايقدر يمنع
فـأنه خيخه موب رجال ومايقدر يسيطر على بناته او اهله
فعز الله خلصو الرجاجيل
ماودي اتكلم اكثر بس خاصه
اشوف بنات فــلان اللي يمينا اوبصراحه
انا اشوف هذا المنظر كل يوم بعيني
في حـــارتنا كل ماجيت اطلع للصلاة يسارنا
او قــدامنا
واقول لامــي ترى يمه ماصارت نبي نخشع بصلاتنا
ماتوصل عاد انها تفتش قدامي وهي راكبه او نازله من السياره وتضحك وتتغنج بمشيتها
قسم بالله ذبحـــونـــا
عاد كل هذا ولا المصاله اللي تجيك منهم
اللي مستعرضه لو ماتشوفها تنهبل وتجيها هستيريا
وشلون هذا مايشوفني >> ليش الاخت فاتحه عرض ازياء
وملزوم اركز فيك .. والله حــــــــاله
وربي ياعالم اني ماقد شفت شفاحه مثل شفاحة البنات
اللي المفروض تكون اكثر وحده ملتزمه وعاقله وتكون المثل الاعلى
في تصرفاتها ونظراتها للرجال
سافرنا بره ونشوف البنات بالاسواق
كل وحده بحالها قسم بالله
ياعالم ترى الترقيم مانعرفه الى بالسعوديه وبس
ولا هناك اتحداك تكلمها تحس انك ماتتجرأ تكلمها
لانها فارضه احترامها حتى لو لبسها اي كــلام
اتمنى تفاعلكم مع الموضوع
وانا بحاجة ارائكم واعتراضاتكم
وهالموضوع بالاول والاخير رأأي ومن مشاهداتي في الحياه




قفله : ترى انا موب من طبعي اعصب بالمواضيع لكن اشتغلت القريحه هذي بس امس رحت مع اهلي
لحد منتزهات الثمامه وانا مودي اروح وشفت مصالة وبثاره وتميع وحركات
جيت اخذ مويه طبت في خشتي بنتين وقالت وحده اشتر لي مويـه معك
غير مره وحده كنت جالس بكفي مع ولد عمي وها الكفي مخصص للشباب جت بكل بجاحه
وقالت ممكن الكرسي اللي بجنبك وفيه خمس طاولات فاضيه شف البجاحه قلت الكراسي
وفي الاخير لو اهزئها مايروح الى انا لان البنت دايم على حق ( مصدقه ) يعني لو جاء السيكورتي
او الهيئه يبون ينصوني وهي تضحك وانا ملحط بالجمس
في الختام الموضوع هذا مهوب عام لكل بنات السعوديه لا لا لا والف لا
لكن هم شريحه بدأت تتكاثر وتتكاثر يوم عن يـوم وهي قضيه اطرحها بين يديكم
الله يستر على بناتنا وبنات المسلمين
والعــذر والســــمــوحـه على انفعالي وعلى الاطـــــاله
لاتحرمــونــا من التفاعل

[شنقل]

باختصار...

يرجع كل شي للتربيه الاب والام

[مفصل شماغ]

صدق ابو الشناقل العزيز
وشي ثاني اللثمه ما تبين لك هل هي عجوز والا صخله والا بقره
الله يكرمكم ويكرم الرجال والدلال
حتى بالسياره لو شافه متلثمه
قال يا ويلي
ذكرتن بواحد م الشباب درس معي هو من اهل جده قحطاني الله يستر علينا وعليه
يقول درست بحايل
ويوم من الايام رحنا للصالحيه مول انا وولد خالي وبعض شباب حايل
والله العضيم يقول وحده بالصالحيه ارتفعت عباته وطلع يمكن عدزبه بس
ويجي واحد من الشباب وهو ينجن قال يالربع هذي ما هي مضبوطه وهذي (.....) وكذا وقام يحط عليه
انا والله يقول مت من الضحك قلت شلون لو يشوفون بنات جده والا غيرهن وش يسوون
ترا كل منطقه تحكمه ظروف معينه
واذكر مره صار نقاش حول السواقه ومثل هالمواضيع
الشيبان يقولون
نخلي بناتنا يسوقن ويسون كل شي
بس بالالول عقل ولدك وبناتنا ما عليهن خوف
يعني المصيبه بالعيال على هالكلام ؟
مشكور يا ابو بوند على هاللثمه والموضوع اللي جدا صار عاده بوقتنا
والفن صار بالعبي وبالبراقع

[الراسي]

وعليكم السلام ورحمة الله

يالله حي ابو بوند << على مسؤليتك يا ابو شماغ


اللثمة وما ادرااااااااااااك ما اللثمة


اللي اعرفه عن اللثمه انه شي يطير العقل من الراااس


وحنا عندنا بالشمال الحمد لله حتى العجوز تسوق

اكا اليوم انا بالأجفر شردزي حاااايل نطحتن لي عجوز من عند دواااار المدخنة

لا وعاكستن السيد بعد



ابي اختصرها لك اخوي

والله اللي محترمتن نفسة محد يقرب له

والله تستر نفسة الله يستر عليها

بس اللي لابسة ن لثمة وعباية مخصرة او كتاااافي اكيد تبي تفتن الشباب


وهذا كله رااااجع لتربية البنت ...

[مدلول]

السلام عليكم ورحمة الله وبركاته

أحبتي أذكر أني كتبت موضوعا بهذا الشأن اللثام وكان النقاش حامي الوطيس ولم أصل الى نتيجه وكان نص الموضوع كالتالي:

النينجا ينتشرون بالخليج انتشار الجراد على المزارع!!؟؟!!


--------------------------------------------------------------------------------

النينجا :كثير منا يعرف معنى النينجا وهم المحاربون اليابانيون الذي يرتدون اللثام على وجوههم
اما الصغار فعندما نقول لهم نينجا يتذكرون سلاحف النينجا او ساسوكي >>قديم شوي

اضحكتني كلمه قالها احد الاصدقاء ونحن في احد المجمعات التجاريه >>لاتسألوني ليه رايح اكيد اتسوق ترا مافيه شيء غير هذا الشيء

فنحن منهمكين بالتسوق والتبضع من احد المحلات قال صديقي واااااااااو

ماشفت النينجا مر من جنبك وهو يقزك(يخزك)او (يحدق بالنظر) قز....
انا بصراحه خفت وقلت شكلي ابي اصير شاورما م النينجا هذا على طول راح تفكيري لخناجرهم ونجماتهم اللي كأنها grainder (اسألو الحدادين عن الكلمه هذه هم يعلمونكم)
وقلت بفزعه مخلوطه باستغراب وين النينجا وينه !!!

قال لي ماشفتها توها مرت من عندك ؟؟؟
وضحكت ضحكا كل اللي بالمجمع سمعوه من كلمة النينجا ..

ماعليكم من الاحداث اللي صارت بعد ماقال صديقي ان النينجا يقزني قز

%%%نجي لزبدة الكلام %%%

اكيد انكم عرفتوا من اقصد بالنينجا النينجا هي وحده او ظاهره انتشرت لدى العديد من النساء في هذا الوقت وهي لبس اللثام اللي يخلي كل واحد يشوفه ينسدح حتى الطير الطاير يطيح ....

اليك اختي الكريمه مالهدف من لبس هذا اللثام والله العظيم انه لدي انا شخصيا ان تكون المرأ كاشفه وجهها افضل بألف مره من انها تلبس هذا اللثام
والله ياللثام فتنه من اشد الفتن والانسان اللي قلبه خضر مثل ابن ضيغم الله يستر عليه شكله يبي يصير من مكتب هيئه الى مركز شرطه (مخفر)

اختي بالله اتق الله اتق الله اتق الله في الشباب وانا اولهم
وحتى الشيبان من انتشرت ظاهرة اللثام كثرت سفرياتهم لبرا
اللي تلقاه رايح المغرب واللي لسوريا واللي لبانكوك
كل هذا بسبة اللثام

>>>اللثام اللي اقصده هنا هو اللثام الي صاحبته ماتلبسه الا لازم تكحل عيونها وتحظ الاخضر والاحمر والكستنائي والتركواز وماتترك شيء من مكياجات مكياجي وشارمل واف سانت لورانت وديور و كريمات ذابودي شوب ولا زهور الريف الا حاطتها
===========================

الأخ الكريم شنقل
قولك صواباً يحتمل الخطأ مشكلتنا كمجتمع جعلنا التربيه هي الشماعه التي نرمي عليها أخطائنا ياعزيزي هنالك بما يسمى بالتصرف الشخصي للانسان وهو يغلب على التربيه ناهيك عن تأثر الشخص بالمجتمع الذي يعيش فيه.

لكم كل الود

[بكل فخر قالش]

اعتقد ان كل هالامر

راجع لتربة الاهل منذو البدايه

[عايد الونـــيس]

السلام عليكم ورحمة الله



كما قال الإخوان هذا الأمر خاضع في المقام الأول لأُسس التربية المنزلية التي ينشئ عليها الأبناء (سواء الولد أو البنت) ولا يفهم من كلامي أني أحمل المنزل كامل المسؤولية ..لا فقد نجد من الأبناء من يكون سلوكه غير سوي و السبب عائد لجماعة الأقران أو وسائل الإعلام أو القدوة أو المجتمع ...الخ و مع هذا فإن المنزل يتحمل جزء من المسؤولية لأنه هو الذي سمح (ولو بشكل غير مباشر) لمثل هذه الأسباب بالتأثير على الإبناء

[تشكراتي]

::
::
الثقافة الدينية والاسرة لهما دور كبير
وتعليم الفتاة منذ الصغر على التستر والحشمة باللباس
وتعليمها احترام نفسها واعتزاز بقيمتها
والفتاة نفسها هي التى تقرر
اما ان تكون سلعة لكل من رغب ان ينظر اليها
او ان تكون محترمة ولا تقبل ان يرى منها الاجانب حتى ظفرها
::
::

°ˆ~*¤®§(*§*)§®¤*~ˆ°2°ˆ~*¤®§(*§*)§®¤*~ˆ°
كل الشكر لك ولغيرتك ، بارك الله فيك على طرح هذا الموضوع الحساس

[مبارك الشمري]

صح كلامك اخوووي جمس بوند

بس نخلي كل الشغلات هذي للعائلة
ولا وش رايك نكلم الهيئه يجوون السوووق واي وحده متلثمه يمسكونها ويحطونها بالجمس

مع ذالك الفساد يظل مستمر ماله حل

[كريم الشمري]

شكراً أستاذي على هذا الموضوع القيم والذي هو في الحقيقة مصيبة يندى لها جبين كل غيور ويخجل عند سماعها كل مسلم متى أصبح مجتمعنا الذي طالما افتخرنا به أمام المجتمعات الأخرى بعفافه وحشتمه وانضباطه .
أما اليوم فقد قتلت الموضى الغيره وقتلت الموضى الذوق الذي تربى عليه مجتمعنا فأصبح اختيار الملبس راجع لكونه جميل أم لا أما أن يكون فاضحاً فهذا ليس له اعتبار وكأننا سلخنا أنفسنا من الدين بل لا إعتبار للدين والقيم .

وأنا أحمل الآباء والأزواج مسؤولية كل هذا التهاون والتفريط ، لاعتقادي الجازم ان البنت والزوجة لايمكنها أن تلبس هذا اللباس إذا كان والدها أو زوجها أو اخوها معارضاً لأن الآب الواعي والزوج الحاضر لن يسمح بهذه السخافات أو يقبلها بل يكون له رأي قبل أن تقرر زوجته شراء مثل هذه التفاهات ، وحينما تعلم الزوجة أو البنت انها ستجد معارضة في لبس مثل هذه الملابس الفاضحة فأنها ستبرمج نفسها على اختيار الملابس الجميلة الرائعة وفي نفس الوقت تحفظ حشمتها وكرامتها ورضى والدها وزوجها .

ومع أرق التحايا ,,,

[أجــا]

الله يستر على بناتنا وبنات المسلمين

جمس بوند

الله يجزاك بالخير ..