سلامه
06-08-2006, 01:25
هذ قصيدة الشاعرة الشمرية ( ريوف )
ولا أدري أي بيت أقتبس منها لأن كل بيت يلامس هما
ويضرب على وتر
أترككم مع القصيدة والحكم لكم
وجدي على قلبٍ من الهـم خالـي=له راعيٍ لامن بغـى النـوم ياتيـه
ماعذِّبـن ياكـود طـول اليالـي=هو ينشرى نوم الخلايق وأنا اشريه
كم واحدٍ خاوى النجوم العوالـي=خاواه يـوم النـوم عَيَّـا يخاويـه
فِضَاه مِن همْـس المخاليـق خالـي=مهموم يشكي مرّ ما بـه لِمِنْشِيـه
يشيل جِـرْحٍ مـا لِحِـرَّه زوالـي=جمْره تِوَقَّد مِن ضلوعـه و تكويـه
لامن شَهق زادت لِظى و اشْتِعالـي=و ليا كِتمْ تِمكَّنـت مِـن محانيـه
ثقل الجبـال الراسيـات العوالـي=جرحٍ عميقٍ عزّ من هـو يداويـه
مَقْعَـدْه مابيـن المعاليـق طـالـي=كل ماهقاه انزاح خابـت هقاويـه
أصبر و إذا ما للصبـر بـي مجالـي=أهِـلّ دمعـي بالزوايـا و أخبيِّـه
بالناس مِن دَمْعـهْ عَزيـزٍ و غالـي=يبكي خَفا و انْ أوجس الناس يخفيه
واحـدٍ يهـل السايلـه مايبالـي=لو كِل خلْق الله جلـوسٍ تِراعيـه
همي من السيف الثقيـل المشالـي=اللي عِداة الديـن تذكـر لياليـه
ياما فتحنـا فيـه عَسـر القفالـي=ومن لا لفانا طِيْب بالسيف نلفيـه
في كَـف حِـرٍّ مايصـرّ الرِيالـي=ولادَهَـن بكريـم (نِفْيـا) أياديـه
ولاجمع شِرطان (هِنـد) (ونوالـي)=ولا هَجر آي الكِتـاب و مباديـه
ولاتعصَّب (للنَّصـر) و (الهِلالـي)=ولاعِن المسجـد ينَحّـي خَطاويـه
ولاحَلَـق لحيتـه غِنْـج ودلالـي=ولا خَـذا {مـرةٍ} لاأذّن تِغَطِّيـه
شَالـه رجـالٍ ينطحـون المحالـي=في كَف زيزومٍ خِطا المـوت تَتليـه
عدوهـم بالحـرب مَالـه مجالـي=يِشِيب شَعّرٍ نابـتٍ فـي علابيـه
لاشاف عَجّ الجيش خلف الجبالـي=والسيف وَسْط العَج بَرْقٍ مواضيـه
ضاقت به الدنيـا يميـن وشمالـي=وأيقن من الدنيا تَرخَّـت عَراويـه
من داس أراضيهم دَنـا للزوالـي=يَفنى وِ يُقْبَر فـي دَنَاسـة مواطيـه
كم جاهدوا به لجل عيـن المعالـي=و أعْطَوا عَطَاءٍ كيف أوفِّي معانيـه
أهل السيوف اللي تِـدق العوالـي=كم راس نذلٍ بأحمر الدم تَكْسِيـه
لاصافحتها الشمس بيـضٍ تِلالـي=تِجّهر عيون اللي نظرهـا وتِعْمِيـه
أَسْأل وليت الكل يفهـم سؤالـي=السيف وين؟ وين صولات اهاليـه
جاوب وخّل الصوت ياخوي عالـي=السيف ياأهل السيف ضاعت لياليه
يمكـن تِحَـرِّك خامـدٍ مايبالـي=ويسْمَعْكِ مِن سَدّ بيدينـه أذانِيـه
يكفي بُكى على السنيـن الخوالـي=ما يرْفع الدّمْـع المهَـدَّم وِ يبنيـه
الدمع لو ما مَعْهِ صـفّ و نِضالـي=صفٍ كما البنيان تَصْعب مراقيـه
و إعْداد ما يِرْهِب عـدوٍ ضلالـي=فالله يَخْلف يـا عيونـي بواكيـه
إلى متـى والعـزم رخـو الحبالـي=وإلى متى والصبر تزحـف لياليـه
ضاعت ديار ترابهـا حيـل غالـي=و الحق ضايع لا غَفل عَنْـه راعيـه
أقولهـا والحـق غايـة مقـالـي=ومافيه حيٍ ساعـة الحـق أداريـه
إن عَجْزت عن السيف كف الرجالي=خلّو الكفوف اللـي تَحنَّـا تعلّيـه
ولا أدري أي بيت أقتبس منها لأن كل بيت يلامس هما
ويضرب على وتر
أترككم مع القصيدة والحكم لكم
وجدي على قلبٍ من الهـم خالـي=له راعيٍ لامن بغـى النـوم ياتيـه
ماعذِّبـن ياكـود طـول اليالـي=هو ينشرى نوم الخلايق وأنا اشريه
كم واحدٍ خاوى النجوم العوالـي=خاواه يـوم النـوم عَيَّـا يخاويـه
فِضَاه مِن همْـس المخاليـق خالـي=مهموم يشكي مرّ ما بـه لِمِنْشِيـه
يشيل جِـرْحٍ مـا لِحِـرَّه زوالـي=جمْره تِوَقَّد مِن ضلوعـه و تكويـه
لامن شَهق زادت لِظى و اشْتِعالـي=و ليا كِتمْ تِمكَّنـت مِـن محانيـه
ثقل الجبـال الراسيـات العوالـي=جرحٍ عميقٍ عزّ من هـو يداويـه
مَقْعَـدْه مابيـن المعاليـق طـالـي=كل ماهقاه انزاح خابـت هقاويـه
أصبر و إذا ما للصبـر بـي مجالـي=أهِـلّ دمعـي بالزوايـا و أخبيِّـه
بالناس مِن دَمْعـهْ عَزيـزٍ و غالـي=يبكي خَفا و انْ أوجس الناس يخفيه
واحـدٍ يهـل السايلـه مايبالـي=لو كِل خلْق الله جلـوسٍ تِراعيـه
همي من السيف الثقيـل المشالـي=اللي عِداة الديـن تذكـر لياليـه
ياما فتحنـا فيـه عَسـر القفالـي=ومن لا لفانا طِيْب بالسيف نلفيـه
في كَـف حِـرٍّ مايصـرّ الرِيالـي=ولادَهَـن بكريـم (نِفْيـا) أياديـه
ولاجمع شِرطان (هِنـد) (ونوالـي)=ولا هَجر آي الكِتـاب و مباديـه
ولاتعصَّب (للنَّصـر) و (الهِلالـي)=ولاعِن المسجـد ينَحّـي خَطاويـه
ولاحَلَـق لحيتـه غِنْـج ودلالـي=ولا خَـذا {مـرةٍ} لاأذّن تِغَطِّيـه
شَالـه رجـالٍ ينطحـون المحالـي=في كَف زيزومٍ خِطا المـوت تَتليـه
عدوهـم بالحـرب مَالـه مجالـي=يِشِيب شَعّرٍ نابـتٍ فـي علابيـه
لاشاف عَجّ الجيش خلف الجبالـي=والسيف وَسْط العَج بَرْقٍ مواضيـه
ضاقت به الدنيـا يميـن وشمالـي=وأيقن من الدنيا تَرخَّـت عَراويـه
من داس أراضيهم دَنـا للزوالـي=يَفنى وِ يُقْبَر فـي دَنَاسـة مواطيـه
كم جاهدوا به لجل عيـن المعالـي=و أعْطَوا عَطَاءٍ كيف أوفِّي معانيـه
أهل السيوف اللي تِـدق العوالـي=كم راس نذلٍ بأحمر الدم تَكْسِيـه
لاصافحتها الشمس بيـضٍ تِلالـي=تِجّهر عيون اللي نظرهـا وتِعْمِيـه
أَسْأل وليت الكل يفهـم سؤالـي=السيف وين؟ وين صولات اهاليـه
جاوب وخّل الصوت ياخوي عالـي=السيف ياأهل السيف ضاعت لياليه
يمكـن تِحَـرِّك خامـدٍ مايبالـي=ويسْمَعْكِ مِن سَدّ بيدينـه أذانِيـه
يكفي بُكى على السنيـن الخوالـي=ما يرْفع الدّمْـع المهَـدَّم وِ يبنيـه
الدمع لو ما مَعْهِ صـفّ و نِضالـي=صفٍ كما البنيان تَصْعب مراقيـه
و إعْداد ما يِرْهِب عـدوٍ ضلالـي=فالله يَخْلف يـا عيونـي بواكيـه
إلى متـى والعـزم رخـو الحبالـي=وإلى متى والصبر تزحـف لياليـه
ضاعت ديار ترابهـا حيـل غالـي=و الحق ضايع لا غَفل عَنْـه راعيـه
أقولهـا والحـق غايـة مقـالـي=ومافيه حيٍ ساعـة الحـق أداريـه
إن عَجْزت عن السيف كف الرجالي=خلّو الكفوف اللـي تَحنَّـا تعلّيـه