ديوان الشاعر / نافل الغانمي

[نافل الغانمي]

اخر ماكتبة والمعذره سبق عرضها
اتنمى ان تتجدد في عيونكم

هم البعد



قلت اجرب وكتبه على إجي= صدرها والعجز باحاول بجع

ياحمامه غردي بلحنٍ سجي = غردي مادام محدٍ لك فجع

غردي يالورق لحنك ونسجي = يجرحاً يالورق صوتك لا سجع

آه من همٍ بقلبي ملتجي =كل ماصديت عنه لي رجع

السعد في غيبتك عيا يجي = ومنك ليلي يالغلا كله وجع

غارقٍ في موج بحرك وارتجي = بحرك اللي هاجرة منه البجع

في غيابك يالغضي زاد اوهجي = يالغضي والليل كله ماهجع

صابرٍ واقول باكر تفرجي = صابرٍ والحظ لا قام انضجع

دوك قلبي ادخلي وتفرجي = ادخلي والقلب احلى منتجع

الصراحة والصدق في منهجي = عندكم اصبح قديم ومرتجع

الحقيقة غايبه وماظن تجي = والاكيد القلب عقبك انوجع
وسلاااااامتكم

[نافل الغانمي]

من الارشيف


المطر




السحايب مقبلة يابو حبيب = ماحلا صوت الرعد وبروقها
تجلي هموم المعنا والغريب = يالله إنك ياكريم تسوقها
يم أرض ما بها عودٍ خصيب = وبالمطر تروي جميع عروقها
المطر أسبوع كامل له صبيب = مستمر ياما انتمنى شروقها
والشغايا تمتلي مع الشعيب = والفياض وكل نبتٍ فوقها
الخزامى والنفل شيٍ عجيب = وكل روضٍ يعجبك ياشوقها
والموظف يبي أجازه أو يغيب = عوق حال اللي قعد ياعوقها
من قعد خطرٍ عليه إنه يشيب = دنيته لو هو غني ياضوقها
الحظيظ اللي معه عزبه وجيب = والجيوب يصير عالي سوقها
الرياض وعشبها طب العطيب = وكل نفسٍ يفضحه منطوقها
ماحلا نار الغضى قبل المغيب = ودلة الرسلان محلا ذوقها
و الطيور تسمعك لحن غريب = وأم سالم يعجبك طاروقها
الخلا للمهتوي علاج وطبيب = وكل من ضاقة عليه يسوقها
وسلاااامتكم

[نافل الغانمي]

متواضعة اتمنى ان تنال استحسانكم

وين انت ياللي كل ماسج تطري = تطري على وينقلب وضعنا غير

الوضع اصبح عقبكم حيل مزري = والقلب امساء في سموم ومعاصير

ياعزوتي يا دواي يا طب كسري = شف حالتي من سبتك ماهي بخير

ياصاحبي دايم معي ليش مدري = معاي تال الليل وصبح وعصير

يعني على بالي معي وين مسري= ملازماً طيفك معي وين ماسير

تطري لامن القمر صار بدري = وتطري بعد لامن سمعت العصافير

يالاح برقٍ باول الوسم تطري = تطري علي وينعكس عقرب السير

لاجا مجالك دايم الدوم يسري = يسري بي الهاجوس من دون تفسير

عز الله ان مفارق الزين عسري = وعز الله اني وتوشفت المخاسير

معذور قلب يشكي البعد ودري = ومفارق الاحباب غصب ومقادير

يانعمة النسيان ياطول صبري = وينك عن اللي راح ليله تفاكير

يالله تفرج هم من صار خطري = يالله طلبتك تفرج الهم وتجير

تجري بنا الاقدار وملزوم نجري = والرزاقنا بيدين عالي التدابير

اسهرتني والليل وبيات شعري= وختامها يازين تصبح على خير

وسلاااامتكم

[نافل الغانمي]

الله يرحم والديّ الطفله ريف ويسكنهم الجنه, والله يحفظ ريف بين اهلها وجماعتها ويحسن عزاهم
ويسعدها في الدنيا والاخره..

ريف الهيافا مسكنك دوم بالروح ..
قلت اه من قلبٍ له ايام مجروح=جرح سطا في وسط قلبي له ايام
ياعين كثرالدمع مافيه مصلوح=لو تذرفين ايام واشهور واعوام
ريف الهيافا مسكنك دوم بالروح=والكل لك طوعٍ خوالك والاعمام
لك المعزه والكرامه على الضوح= والله يفكك شر عبثات الايام
ولك لابتٍ بالعز تبني لك اصروح=وقريبهم يابنت ماهو بمنظام
لوهي بهوش ابوك والله مايروح=وان راح لا تفنى رجاجيل واقوام
بس الامر مكتوب ياريف بلوح=وحنا رضينا اليوم في حكم الاسلام
والصبر مفتاح الفرج ماهي مزوح=ومع الصبر تنزاح احزان والآم
وختامها يالله يامرسلٍ نوح=ثبت لهم في جنة الخلد الاقدام
نافل فضل الغانمي

[نافل الغانمي]

باذن الله تكون هذا الابيات تحاكي حال ريف
اللتي رضية بقضاء الله وقدره وآمنة به
مؤمنه في حكم ربي ياهلي ..
مؤمنه في حكم ربي ياهلي=وماكتبه الله علي لازم يصير
راضيه بالي كتبه الله لي=وإسمعوني لو سمحتوا للأخير
إسمعوني ولا تقولوا كملي=وأبشروا في فكرتٍ ياربع غير
القدر من عند ربي منزلي=سنة الله بالكبير وبالصغير
والمصايب لازم إنه تحصلي=وقصتي صارت ولا عنها مطير
والله الواحد لعبده مبتلي=وكل عبدٍ صابرٍ موعود خير
والحزن والهم باكر ينجلي=ينجلي مادام لي ربٍ كبير
لي عمام ولي خوال لي ولي=وظل جدي يجلي الهم الكثير
ياجماعه لو دموعي تنزلي=لو دموعي جارية مثل الغدير
بس قلبي صابرٍ متحملي=صابرٍ قلبي مثل صبر البعير
والعزا لا ذعذع الشرقي علي=ريحة الغالين في صدري تحير
والرجاء من عند ربٍ معتلي=واحدٍ ماغيره أحد لي دبير
والوعد لا من طوى الله عملي=يالله إنك تبعثن بوجهٍ منير
وبنعيم الخلد أكرم مدخلي=مع أبي وأمي طلبتك يامجير
قصيدة بالسان الطفلة ريف
لشاعر/نافل فضل الغانمي

[نافل الغانمي]

كيبورديه في النصح ..
انت يالي تعتقد وقتك صفالك=احذر احذر لا تمادى في خطاك
لو صفتلك دنيتك والعز جالك=مايدوم ولو بقا وشلون جاك
لا تغرك دنيتك وتشوف حالك=كم ذليلٍ كان يشبه مستواك
لا تكبر ياولد وان زان فالك=واحمد المعبود يوم انه عطاك
اكرم المحتاج الى منه عنالك=اكرم المحتاج الى منه نصاك
الجماله ياولد هي راس مالك=افعله بالله تكفى لا تعصاك
الردي والله لوهو من عيالك=لو تموت من العطش مروا ضماك
والمنافق في حضورك فوق شالك=وفي غيابك ياولد يلعن ثواك
ولا تشكى للبشر مما جرالك=والله اللي مايخيب لك رجاك
ولا جرالك جاريٍ والضيم طالك=عزوتك هم فزعتك لظلم سماك
اكسب النعمين لا جابو مجالك=المراجل تنشرا والعلم جاك
هيه يالي تعتقد وقتك صفالك=احذر احذر لاتمادى في خطاك


وسلااااامتكم

[نافل الغانمي]

من الارشيف
رهف ..
مرحبا اهلاً وسهلاً يا هلا بك=من مشيتي لين جيتي يا لله حيه
الاماكن تنتظر حضرة جنابك=يا شبيه الريم يا أجمل صبيه
العطور اتغار من ريحة اثيابك=قاهرت كل العطور النرجسيه
والبنات اتقلدك بنقشة خضابك=ما حلا نقشة خضابك يا بنيه
الطفولة والبراءة وكل مابك=يحفظك ربي من العين الشقيه
يا رهف ابوك عن همه لجابك=ينبسط لا شاف ضحكة البريه
في زمان الخير والشر متشابك=والخوي في هالزمن ينكر خويه
يا صغيره زال همي عند بابك=ياعلاج اجروحي الخضر النديه
عزوة اللي لا تضايق انتخابك=لنتخا يارد على حوض المنيه
مرحبا بك مرحبا بك مرحبا بك=من رياض الخير لديار الحميه
وسلامتكم

[نافل الغانمي]

اسعد الله اوقاتكم بكل خير
متواضعة ارجوا ان تنال استحسانكم
يالقلب ..

ياقلب هد اشوي ياقلبي اشوي=ماهي سوالف نظرتٍ وبتسامه
لو نظرته ومبيسمه يشبه الضي=ولو سحرها فتان وبالخد شامه
ولو تجرح بنظره وبنظره اتداوي=ولو انه اجمل من تحط اللثامه
يالقلب جنب دربها وترك الغي=ترى الهواء احيان يرث ندامه
واذا دعتك الفاتنه للهواء عي=غض النظر لو صوبنك اسهامه
يكفي عذابٍ راح يالقلب يكفي=يكفي عذابٍ راح ويكفي ملامه
واذكرك ياقلب ان كنت ناسي=بالصاحب اللي حط وسم وعلامه
الصاحب اللي كان يرجي ونرجي=واليوم مدري وين وجّه غرامه
اللي بقى من ذكره اليوم عندي=ابيات والتوقيع بنت الزعامه
سنينٍ مضة بالهم نصبح ونمسي=واليوم عفنا الهم ونبي السلامه
ياقلب اشوف الشيب له عينةٍ بي=الشيب لاح وراح وقت الغشامه
خلك مع اللي كل فرضٍ ايصلي=وان صام شهره مايجرح اصيامه
وخلك مع اللي ينصح بكل خيري=ويذكرك باهوال يوم القيامه
وانا احمد الله دامني اليوم سالي=اعرف حلال الله واعرف حرامه
هذي علوم اللي على العلم يرسي=ماهي علوم مدورين الرخامه
يالقلب هد اشوي واشوي وشوي=يالقلب انا خابرك عزم وجزامه
يقوله اللي بحبكة القاف عجلي=ويرجي السموحه كان قصر كلامه

وسلااااامتكم

[نافل الغانمي]

اسعد الله اوقاتكم بكل خير اخر ماكتبة اتمنى ان تنال رضاكم
الواقع المر..

الخيال يضيق بالكون الفسيح=في زمان العولمه والانفتاح
وبالحياة اليوم محدٍ مستريح=ماستراح اليوم احدٍ ماستراح
الصغير يصيح والشايب يصيح=وقتنا كله صياحٍ في صياح
الزمان غدار وصادق جريح=والمهايط مصبحٍ احلى صباح
المنافق ممسيٍ ليله مريح=والصريح اليوم مايلقى سماح
زارع الريحان يتفاجأ بشيح=والملاح اصبح شبيهٍ بالقراح
من يخون يقوم حظه مايطيح=والنزيه بهالزمن لو قام طاح
الغني كريم لو انه شحيح=والفقير يصير عرضه مستباح
بالقناة نشوف عوراتٍ تصيح=وتنقل بين احلام وصباح
الغيور اليوم بفراشه طريح=الغيور اليوم مكسور الجناح
العدوا ثعبان نسمع له فحيح=وبالعيون نشاهده والريح فاح
اليهود تحارب الدين الصحيح=والروافض مستعده بالسلاح
والخليج وهمهم ناقة فريح= ايه ازين هي او ناقة فلاح
يالله اني طالبك لا تهب ريح=ياله الكون يامجري الرياح
وبالختام المعذره لاني صريح=والامل موجود يالله الصلاح

[نافل الغانمي]

اسعد الله اوقات الجميع بالخير والمسرات
مشاركه متواضعه اقدمها هديه لكل من عفا واصلح
اتمنى ان ترتقي الى ذائقتكم وتحياتي للجميع

متواضعة للعافين عن الناس ..



يستاهلون المدح اجبال غلبا
..............اهل الجلد والكاضمين الصناديد
اللي لهم بطيب بيت ومشبا
.............يستاهلون اليوم مدح القواصيد
انا اشهد ان علومهم ماتخبا
............وانا اشهد ان الصفح طبع الاجاويد
ياحمود يانبع الوفا والمصبا
............فعلك يابن طوعان كلن به يشيد
وعيال الهيافا فعلهم مايغبا
............عز الله ان عماش عقب اواليد
وسعود ابن ركاد لا نخي لبا
............العفوا عنده دون شرطٍ ولا قيد
من طيبهم عم الرخا وستتبا
............يستاهلون المدح أهل المواعيد
يفداهم اللي ماحسب لو يسبا
............اللي عن الزورات يبي الملابيد
الطيب ضلعٍ ناطحك به مهبا
............يصعب على اللي جاهلٍ بالمناقيد
تستاهلون المدح يازحول غلبا
.............تستاهلون نقول ونعيد ونزيد
يامصدعين الروس لروس طبا
.............شمر ترى في فعلهم طبٍ مفيد
وباقي القبايل فعلهم مايكبا
............كل عطاه الله من دون تحديد
وختامها لكم تحية احبا
............تحية مني تجي تطوي البيد



وسلااااامتكم
الشاعر نافل فضل الغانمي

[نافل الغانمي]

ابيات اتمنى تنال بعض استحسانكم
الزمن القاسي .. ..


يقولون الزمن قاسي وانا قول البلا بالناس=وصفنا الوقت بالقسوه ظليمه والبلا منا

تغيرنا وتباعدنا وفقدنا اعذب الاحساس=ونرمي عيوبنا دايم على هالوقت لاجنا

زمن مظلوم ياعالم حقيقه والبلا بالساس=زمن مظلوم والسبه تراها من عمايلنا

لان المر يبقى مر ولو يشرب باجمل كاس=جمال الكاس مايحلي مرارة نكهة البنا

تباغضنا وتفرقنا وهربنا من وجع هالراس =والى منا تصالحنا نتفرق وسبب حنا

شعارات الوفاء دايم نوزعها بدون قياس =شعاراتٍ نرددهـا نبي حاجه تجملنا

قطعنا الوصل بيدينا ومعنا من قسانا فاس =تمر اشهور وحياناً سنين وما تواصلنا

واذا مره تواصلنا لعنا وقتنا المحتاس=وعلى الماشي توادعنا قبل تظهر حقايقنا

عروق الوصل ياعالم تراها اصبحت يباس=عروق الوصل تنخانا ولا همة مشاعرنا

الا يالله ياعالم خفانا وياشديد الباس=الا يالله ترحـمنا الا يالله ترحـمنا

[نافل الغانمي]

المشاعر والاحاسيس .. ..
هذا مما جادة به القريحه اتمنى ان ينال استحسانكم..


http://dc01.arabsh.com/i/00126/p4h2hb6clui3.jpg
يالـي تقـول ان الهـواء لاعبنبك
......... حرام ماطب الهواء في محانيك
والله لو ان اللـي بقلبي سطنبك
........... حرام لا تظهر علينا خوافيك
الحب طنبه ماهـو بحـول طنبك
.......... يـــامدعي بـالحب اترك تسليك
لا تدعــي ان الـعـذارى غدنبك
......... لعبك على الحبلين اكبر مساويك
حتى ولـو قـلت الغـلا معجبنبك
.......... لـعبك بحـاسيس الاوادم تهاليك
ترى الهـواء ياصاحبي لو سكنبك
......... تعاف كل البيض من شان مغليك
ترتـاح لاصـار الـغـــلا دوم جنبك
......... ويضيق صدرك كل ماغاب غاليك
ولا انت معهـن كل ماجـن مشنبك
.......... اليوم مع هذي وبكرى مع ذيك
ان طعـتـني استـغـفر الله لذنبك
........... من قبل لاربك بذنبك يجازيك

[نافل الغانمي]

"ارشيفية اتمنى ان تنال استحسانكم"

الثلج والجمـر.. ..



الثلج يشكي من برودة نسايمك=والــجـمــر يشـكي مــن حـرارة مـوادعـك
يـالـيـتني لو ليــلـةٍ بـس اكلمك=واشكـي لك الاوضاع واقضي المساء معك
لي مدةٍ وانا تـحـرى غـنايـمك=والــقـلــب لــو كـثـرة مـشـاغـلـه يتبعك
توي عرفت اليوم صحة مزاعمك=وتـوي عـرفـت اســبـاب دمـعــك ومدمعك
اللي حصل مقسوم ماني بلايمك=الــوم وقــتــي لــــيـــه يــازيـن يفجعك
ولالوم نفسي يوم انا كنت ظالمك=يــومٍ تـــقـــول بــســـاع واقـــول مسرعك
والله منسى يوم جتنى عزايمك=مــوجـعـك ياعــرسٍ عـلـى الـقـلـب ماوجعك
ياحظ منهو معـك دايـم مـلازمك=ويــاحــظ مــنــهــو لا تــكــلــمــت يسمعك
امساء خيالي سارحٍ في معالمك=وامـسـيـت انــا والــشـعـر نـطـرح ونجمعك
اقول ... روّح جعل ربي يسلمك=يــكـفــي عــيــونـي مـــن بــعــيـدٍ مطالعك




\
وسلاااامتكم